ヴァールミーキのラーマーヤナ · サルガ 4.55
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.55.1
श्रुत्वा हनुमतो वाक्यं प्रश्रितं धर्मसंहितम्।
स्वामिसत्कारसंयुक्तमङ्गदो वाक्यमब्रवीत् ॥ ४.५५.१ ॥
ハヌマーンの謙虚で法に適い、主君への敬意に満ちた言葉を聞いて、アンガダはこう言った。
4.55.2
स्थैर्यमात्ममनःशौचमानृशंस्यमथार्जवम्।
विक्रमश्चैव धैर्यं च सुग्रीवे नोपपद्यते ॥ ४.५५.२ ॥
堅固さ、心と意の清らかさ、残酷でないこと、率直さ、勇猛さと忍耐は、スグリーヴァには見られない。
4.55.3
भ्रातुर्ज्येष्ठस्य यो भार्यां जीवतो महिषीं प्रियाम्।
धर्मेण मातरं यस्तु स्वीकरोति जुगुप्सितः ॥ ४.५५.३ ॥
存命の兄の愛する第一王妃を、法の名のもとに母として迎え入れる者は、軽蔑すべきである。
4.55.4
कथं स धर्मं जानीते येन भ्रात्रा दुरात्मना।
युद्धायाभिनियुक्तेन बिलस्य पिहितं मुखम् ॥ ४.५५.४ ॥
戦いに送り出されたとき洞窟の口を塞いだ、あの邪悪な心の兄がどうして法を知っているというのか。
4.55.5
सत्यात् पाणिगृहीतश्च कृतकर्मा महायशाः।
विस्मृतो राघवो येन स कस्य सुकृतं स्मरेत् ॥ ४.५५.५ ॥
真実によって手を取られ、偉大な名声と功績を持つラーガヴァを忘れた者が、誰の善行を覚えているだろうか。
4.55.6
लक्ष्मणस्य भयेनेह नाधर्मभयभीरुणा।
आदिष्टा मार्गितुं सीता धर्मस्तस्मिन् कथं भवेत् ॥ ४.५५.६ ॥
ラクシュマナを恐れ、また不法の恐怖を恐れる彼は、ここでシーターを探すよう命じなかった。ならば、彼のうちにどうして法があろうか。
4.55.7
तस्मिन् पापे कृतघ्ने तु स्मृतिभिन्ने चलात्मनि।
आर्यः को विश्वसेज्जातु तत्कुलीनो विशेषतः ॥ ४.५५.७ ॥
あの罪深く恩知らずで、聖典の規範を破り、心の定まらぬ者の血筋に生まれた者を、どうして高潔な人が信頼するだろうか、とりわけそのような者を。
4.55.8
राज्ये पुत्रः प्रतिष्ठाप्यः सगुणो निर्गुणोऽपि वा।
कथं शत्रुकुलीनं मां सुग्रीवो जीवयिष्यति ॥ ४.५५.८ ॥
王国では、息子が有徳であろうと無徳であろうと、後継として立てられるべきである。敵の血筋に生まれた私を、スグリーヴァはどうして生かしておくだろうか。
4.55.9
भिन्नमन्त्रोऽपराद्धश्च भिन्नशक्तिः कथं ह्यहम्।
किष्किन्धां प्राप्य जीवेयमनाथ इव दुर्बलः ॥ ४.५५.९ ॥
策は破れ、過ちを犯し、力も砕かれた私が、キシュキンダーに着いて、庇護者のない弱者のように、どうして生きられようか。
4.55.10
उपांशुदण्डेन हि मां बन्धनेनोपपादयेत्।
शठः क्रूरो नृशंसश्च सुग्रीवो राज्यकारणात् ॥ ४.५५.१० ॥
密かな刑罰と縄目によって、スグリーヴァは私を死へ至らしめるだろう。欺き、残酷で、無慈悲なスグリーヴァは、王国のためにそうするだろう。
4.55.11
बन्धनाच्चावसादान्मे श्रेयः प्रायोपवेशनम्।
अनुजानन्तु मां सर्वे गृहं गच्छन्तु वानराः ॥ ४.५५.११ ॥
縛られることや絶望よりも、私にとっては断食して死に至るプラーヤーオパヴェーシャナ（絶食の座）こそ良い。すべての猿たちは私に許しを与え、家へ帰れ。
4.55.12
अहं वः प्रतिजानामि न गमिष्याम्यहं पुरीम्।
इहैव प्रायमासिष्ये श्रेयो मरणमेव मे ॥ ४.५५.१२ ॥
私はあなたがたに誓う。私は都へは行かない。ここでプラーヤーオパヴェーシャナに座そう。私にとっては死こそ良いのだ。
4.55.13
अभिवादनपूर्वं तु राजा कुशलमेव च।
अभिवादनपूर्वं तु राघवौ बलशालिनौ ॥ ४.५५.१३ ॥
まず王に礼をして、そのご健勝を尋ねよ。そしてまず、あの二人の力強いラグの末裔に礼をせよ。
4.55.14
वाच्यस्तातो यवीयान् मे सुग्रीवो वानरेश्वरः।
आरोग्यपूर्वं कुशलं वाच्या माता रुमा च मे ॥ ४.५५.१४ ॥
父の弟であり、ヴァーナラの王スグリーヴァに、まず健康と無事を尋ねて伝えよ。母ルマーにも私の無事を伝えよ。
4.55.15
मातरं चैव मे तारामाश्वासयितुमर्हथ।
प्रकृत्या प्रियपुत्रा सा सानुक्रोशा तपस्विनी ॥ ४.५५.१५ ॥
母ターラーのことも慰めてほしい。彼女は生まれつき愛しい息子を慈しみ、慈悲深く、苦行に励む女性である。
4.55.16
विनष्टमिह मां श्रुत्वा व्यक्तं हास्यति जीवितम्।
एतावदुक्त्वा वचनं वृद्धांस्तानभिवाद्य च ॥ ४.५५.१६ ॥
ここで私が滅びたと聞けば、母は必ず命を捨てるだろう。」そう言って、年長者たちに礼をして——
4.55.17
विवेश चाङ्गदो भूमौ रुदन् दर्भेषु दुर्मनाः।
तस्य संविशतस्तत्र रुदन्तो वानरर्षभाः ॥ ४.५५.१७ ॥
アンガダは悲しみに沈み、泣きながらクシャ草の上の地面に座り込んだ。彼がそこに座ると、ヴァーナラの勇士たちもまた泣き始めた。
4.55.18
नयनेभ्यः प्रमुमुचुरुष्णं वै वारि दुःखिताः।
सुग्रीवं चैव निन्दन्तः प्रशंसन्तश्च वालिनम् ॥ ४.५५.१८ ॥
彼らは悲しみに沈み、目から熱い涙を流した。スグリーヴァを非難し、ヴァーリンを称えながら。
4.55.19
परिवार्याङ्गदं सर्वे व्यवसन् प्रायमासितुम्।
तद् वाक्यं वालिपुत्रस्य विज्ञाय प्लवगर्षभाः ॥ ४.५५.१९ ॥
ヴァーリの息子の言葉を理解した猿の勇士たちは、アンガダを取り囲み、死に至るまでの断食に座ることを決めた。
4.55.20
उपस्पृश्योदकं सर्वे प्राङ्मुखाः समुपाविशन्।
दक्षिणाग्रेषु दर्भेषु उदक्तीरं समाश्रिताः ॥ ४.५५.२० ॥
水で浄めをし、東に向かって座った。北岸で南端を向けた吉祥草に身を寄せた。
4.55.21
मुमूर्षवो हरिश्रेष्ठा एतत् क्षममिति स्म ह।
रामस्य वनवासं च क्षयं दशरथस्य च ॥ ४.५५.२१ ॥
死を望む猿の勇士たちは言った、「これこそふさわしい」。ラーマの森への追放、ダシャラタの滅亡、
4.55.22
जनस्थानवधं चैव वधं चैव जटायुषः।
हरणं चैव वैदेह्या वालिनश्च वधं तथा।
रामकोपं च वदतां हरीणां भयमागतम् ॥ ४.५५.२२ ॥
ジャナスターナの殺戮、ジャターユの殺害、ヴァイデーヒーの誘拐、ヴァーリの殺害、そしてラーマの怒りを語っていると、猿たちに恐怖が生じた。
4.55.23
स संविशद्भिर्बहुभिर्महीधरो
महाद्रिकूटप्रतिमैः प्लवंगमैः।
बभूव संनादितनिर्दरान्तरो
भृशं नदद्भिर्जलदैरिवाम्बरम् ॥ ४.५५.२३ ॥
大山の峰のような多くの猿たちがその山に入ると、洞窟も裂け目も響き渡り、雷鳴の雲に空が鳴り響くようであった。