ヴァールミーキのラーマーヤナ · サルガ 4.56
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.56.1
उपविष्टास्तु ते सर्वे यस्मिन् प्रायं गिरिस्थले।
हरयो गृध्रराजश्च तं देशमुपचक्रमे ॥ ४.५६.१ ॥
山の地に猿たちが皆座していたその場所へ、禿鷲の王もほぼ近づいていった。
4.56.2
सम्पातिर्नाम नाम्ना तु चिरजीवी विहंगमः।
भ्राता जटायुषः श्रीमान् विख्यातबलपौरुषः ॥ ४.५६.२ ॥
サンパーティという名の長寿の鳥は、ジャターユの兄であり、輝かしく、力と勇気で名高かった。
4.56.3
कन्दरादभिनिष्क्रम्य स विन्ध्यस्य महागिरेः।
उपविष्टान् हरीन् दृष्ट्वा हृष्टात्मा गिरमब्रवीत् ॥ ४.५६.३ ॥
ヴィンドhya大山の洞窟から出て、そこに座る猿たちを見ると、心喜んでこの言葉を語った。
4.56.4
विधिः किल नरं लोके विधानेनानुवर्तते।
यथायं विहितो भक्ष्यश्चिरान्मह्यमुपागतः ॥ ४.५६.४ ॥
まことに世では運命が定めの通りに人を導く。私に定められたこの獲物が、長い時を経てついにやって来た。
4.56.5
परम्पराणां भक्षिष्ये वानराणां मृतं मृतम्।
उवाचैतद् वचः पक्षी तान् निरीक्ष्य प्लवंगमान् ॥ ४.५६.५ ॥
死んだ猿を一匹ずつ私は食べよう。その跳ぶ猿たちを見て、鳥はこの言葉を語った。
4.56.6
तस्य तद् वचनं श्रुत्वा भक्ष्यलुब्धस्य पक्षिणः।
अङ्गदः परमायस्तो हनूमन्तमथाब्रवीत् ॥ ४.५६.६ ॥
獲物に貪欲なその鳥の言葉を聞き、アンガダは深く苦しみ、ハヌマーンに語った。
4.56.7
पश्य सीतापदेशेन साक्षाद् वैवस्वतो यमः।
इमं देशमनुप्राप्तो वानराणां विपत्तये ॥ ४.५६.७ ॥
見よ、シーターのために、ヴィヴァスヴァットの子ヤマ自らがヴァーナラたちの破滅のためにこの地に来たのだ。
4.56.8
रामस्य न कृतं कार्यं न कृतं राजशासनम्।
हरीणामियमज्ञाता विपत्तिः सहसाऽऽगता ॥ ४.५६.८ ॥
ラーマの務めは果たされず、王の命令も遂行されなかった。猿たちの知らぬこの災いが、突如として降りかかったのだ。
4.56.9
वैदेह्याः प्रियकामेन कृतं कर्म जटायुषा।
गृध्रराजेन यत् तत्र श्रुतं वस्तदशेषतः ॥ ४.५६.९ ॥
ヴァイデーヒー（シーター）の幸いを願った鷲の王ジャターユが成した行いは、あなた方はそこで余すところなく聞いたことだ。
4.56.10
तथा सर्वाणि भूतानि तिर्यग्योनिगतान्यपि।
प्रियं कुर्वन्ति रामस्य त्यक्त्वा प्राणान् यथा वयम् ॥ ४.५६.१० ॥
同じく、畜生の胎に生まれたすべての生き物も、私たちが命を捨てるように、ラーマの喜びとなることをしているのだ。
4.56.11
अन्योन्यमुपकुर्वन्ति स्नेहकारुण्ययन्त्रिताः।
ततस्तस्योपकारार्थं त्यजतात्मानमात्मना ॥ ४.५६.११ ॥
愛情と慈悲に結ばれて、彼らは互いに助け合う。ゆえに彼のためにこそ、あなた方は自らの手で自分を捨てよ。
4.56.12
प्रियं कृतं हि रामस्य धर्मज्ञेन जटायुषा।
राघवार्थे परिश्रान्ता वयं संत्यक्तजीविताः ॥ ४.५६.१२ ॥
法を知るジャターユは、まことにラーマの喜びとなることをなした。ラーガヴァのために我らは疲れ果て、命を捨てたのだ。
4.56.13
कान्ताराणि प्रपन्नाः स्म न च पश्याम मैथिलीम्।
स सुखी गृध्रराजस्तु रावणेन हतो रणे।
मुक्तश्च सुग्रीवभयाद् गतश्च परमां गतिम् ॥ ४.५६.१३ ॥
我らは深い森に入ったが、マイティリーを見つけられなかった。あの鷲王は幸いである。戦いでラーヴァナに殺され、スグリーヴァの恐れから解放され、最高の境地に至ったのだから。
4.56.14
जटायुषो विनाशेन राज्ञो दशरथस्य च।
हरणेन च वैदेह्याः संशयं हरयो गताः ॥ ४.५६.१४ ॥
ジャターユの滅亡、王ダシャラタの死、そしてヴァイデーヒーの誘拐により、猿たちは疑念と危難に陥った。
4.56.15
रामलक्ष्मणयोर्वासमरण्ये सह सीतया।
राघवस्य च बाणेन वालिनश्च तथा वधः ॥ ४.५६.१५ ॥
ラーマとラクシュマナがシーターと共に森に住んだこと、そしてラーガヴァの矢によるヴァーリンの殺害――これらすべても語られた。
4.56.16
रामकोपादशेषाणां रक्षसां च तथा वधम्।
कैकेय्या वरदानेन इदं च विकृतं कृतम् ॥ ४.५६.१६ ॥
ラーマの怒りによって羅刹らは一人残らず殺され、カイケーイーに与えられた恩恵によって、このような歪みが生じた。
4.56.17
तदसुखमनुकीर्तितं वचो
भुवि पतितांश्च निरीक्ष्य वानरान्।
भृशचकितमतिर्महामतिः
कृपणमुदाहृतवान् स गृध्रराजः ॥ ४.५६.१७ ॥
その苦しい言葉を語り終えると、地に倒れた猿たちを見て、心の大いに怯えた大智の鷲王は、哀れな声で語った。
4.56.18
तत् तु श्रुत्वा तथा वाक्यमङ्गदस्य मुखोद्गतम्।
अब्रवीद् वचनं गृध्रस्तीक्ष्णतुण्डो महास्वनः ॥ ४.५६.१८ ॥
アンガダの口から発せられたその言葉を聞くと、鋭い嘴と大きな声を持つ鷲は、次のように言った。
4.56.19
कोऽयं गिरा घोषयति प्राणैः प्रियतरस्य मे।
जटायुषो वधं भ्रातुः कम्पयन्निव मे मनः ॥ ४.५६.१९ ॥
私の命より愛しい兄ジャターユの死を声高に告げるこの者は誰か。私の心は震えている。
4.56.20
कथमासीज्जनस्थाने युद्धं राक्षसगृध्रयोः।
नामधेयमिदं भ्रातुश्चिरस्याद्य मया श्रुतम् ॥ ४.५६.२० ॥
ジャナスターナでのラークシャサと鷲の戦いはどのように起こったのか。長い時を経て、今日私は兄のこの名を聞いた。
4.56.21
इच्छेयं गिरिदुर्गाच्च भवद्भिरवतारितुम्।
यवीयसो गुणज्ञस्य श्लाघनीयस्य विक्रमैः ॥ ४.५६.२१ ॥
この山の要塞から私を降ろしてくださるよう願う。徳を知り、武勇によって称賛される弟に会うために。
4.56.22
अतिदीर्घस्य कालस्य परितुष्टोऽस्मि कीर्तनात्।
तदिच्छेयमहं श्रोतुं विनाशं वानरर्षभाः ॥ ४.५६.२२ ॥
長い長い時を経て彼の名が語られるのを聞き、私は心慰められた。それゆえ、ヴァーナラの中の雄牛たちよ、彼の滅びのことを聞きたい。
4.56.23
भ्रातुर्जटायुषस्तस्य जनस्थाननिवासिनः।
तस्यैव च मम भ्रातुः सखा दशरथः कथम् ॥ ४.५६.२३ ॥
ジャナスターナに住んでいた私の兄ジャターユはどうなったのか。そして、その兄の友であるダシャラタはどうしているのか。
4.56.24
यस्य रामः प्रियः पुत्रो ज्येष्ठो गुरुजनप्रियः।
सूर्यांशुदग्धपक्षत्वान्न शक्नोमि विसर्पितुम्।
इच्छेयं पर्वतादस्मादवतर्तुमरिंदमाः ॥ ४.५६.२४ ॥
その愛しい長男はラーマであり、長老たちに愛される人である。太陽の光に翼を焼かれ、私は動くことができない。敵を征する者たちよ、私はこの山から降りたい。