Vālmīki Rāmāyaṇa · Sarga 5.2
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.2.1
स सागरमनाधृष्यमतिक्रम्य महाबलः।
त्रिकूटस्य तटे लंकां स्थितः स्वस्थो ददर्श ह ॥ ५.२.१ ॥
He, the mighty one, having crossed the unassailable ocean, standing on the shore of Trikūṭa, calmly gazed upon Laṅkā.
5.2.2
ततः पादपमुक्तेन पुष्पवर्षेण वीर्यवान्।
अभिवृष्टस्ततस्तत्र बभौ पुष्पमयो हरिः ॥ ५.२.२ ॥
Then, drenched by the shower of flowers released from the trees, the valiant monkey shone there, made entirely of flowers.
5.2.3
योजनानां शतं श्रीमांस्तीर्त्वाप्युत्तमविक्रमः।
अनिःश्वसन् कपिस्तत्र न ग्लानिमधिगच्छति ॥ ५.२.३ ॥
That glorious monkey, though he had crossed a hundred yojanas, of supreme valour, did not pant there and felt no weariness.
5.2.4
शतान्यहं योजनानां क्रमेयं सुबहून्यपि।
किं पुनः सागरस्यान्तं संख्यातं शतयोजनम् ॥ ५.२.४ ॥
I could cross hundreds of yojanas, even very many; what then is crossing the measured end of the ocean, a hundred yojanas?
5.2.5
स तु वीर्यवतां श्रेष्ठः प्लवतामपि चोत्तमः।
जगाम वेगवाँल्लंकां लङ्घयित्वा महोदधिम् ॥ ५.२.५ ॥
He, the best of the valiant and the finest of leapers, swift of speed, leapt across the great ocean and went on to Laṅkā.
5.2.6
शाद्वलानि च नीलानि गन्धवन्ति वनानि च।
मधुमन्ति च मध्येन जगाम नगवन्ति च ॥ ५.२.६ ॥
Through the midst of grassy meadows, dark-blue and fragrant forests, and honey-sweet groves abounding in trees, he went on.
5.2.7
शैलांश्च तरुसंछन्नान् वनराजीश्च पुष्पिताः।
अभिचक्राम तेजस्वी हनूमान् प्लवगर्षभः ॥ ५.२.७ ॥
Passing over mountains covered with trees and rows of flowering forest, the radiant Hanumān, best of the leapers, went onward.
5.2.8
स तस्मिन्नचले तिष्ठन् वनान्युपवनानि च।
स नगाग्रे स्थितां लंकां ददर्श पवनात्मजः ॥ ५.२.८ ॥
Standing on that mountain and surveying the forests and groves, the son of the Wind saw Laṅkā, situated on the mountain-peak.
5.2.9
सरलान् कर्णिकारांश्च खर्जूरांश्च सुपुष्पितान्।
प्रियालान् मुचुलिन्दांश्च कुटजान् केतकानपि ॥ ५.२.९ ॥
There were sarala trees, karṇikāra trees, well-flowering date palms, priyāla trees, mucilinda trees, kuṭaja trees, and ketaka trees as well.
5.2.10
प्रियङ्गून् गन्धपूर्णांश्च नीपान् सप्तच्छदांस्तथा।
असनान् कोविदारांश्च करवीरांश्च पुष्पितान् ॥ ५.२.१० ॥
There were priyaṅgu plants full of fragrance, nīpa trees, saptacchada trees, asana trees, kovidāra trees, and flowering karavīra trees.
5.2.11
पुष्पभारनिबद्धांश्च तथा मुकुलितानपि।
पादपान् विहगाकीर्णान् पवनाधूतमस्तकान् ॥ ५.२.११ ॥
There were trees bowed beneath loads of flowers, full of buds, thronged with birds, their crowns shaken by the wind.
5.2.12
हंसकारण्डवाकीर्णा वापीः पद्मोत्पलावृताः।
आक्रीडान् विविधान् रम्यान् विविधांश्च जलाशयान् ॥ ५.२.१२ ॥
There were stepwells thronged with swans and kāraṇḍava ducks, covered with lotuses and blue lotuses, delightful pleasure-grounds of many kinds, and reservoirs of many kinds.
5.2.13
संततान् विविधैर्वृक्षैः सर्वर्तुफलपुष्पितैः।
उद्यानानि च रम्याणि ददर्श कपिकुञ्जरः ॥ ५.२.१३ ॥
Hanumān, the elephant among monkeys, saw delightful pleasure gardens thickly covered with many kinds of trees, bearing flowers and fruit in every season.
5.2.14
समासाद्य च लक्ष्मीवाँल्लंकां रावणपालिताम्।
परिखाभिः सपद्माभिः सोत्पलाभिरलंकृताम् ॥ ५.२.१४ ॥
Having reached Laṅkā, protected by Rāvaṇa, the glorious Hanumān came to the city adorned with moats filled with lotuses and blue lotuses.
5.2.15
सीतापहरणात् तेन रावणेन सुरक्षिताम्।
समन्ताद् विचरद्भिश्च राक्षसैरुग्रधन्वभिः ॥ ५.२.१५ ॥
Laṅkā, well guarded by Rāvaṇa because of the abduction of Sītā, where fierce archer rākṣasas roamed on every side.
5.2.16
काञ्चनेनावृतां रम्यां प्राकारेण महापुरीम्।
गृहैश्च गिरिसंकाशैः शारदाम्बुदसंनिभैः ॥ ५.२.१६ ॥
The lovely great city, surrounded by a golden rampart, whose houses were like mountains and like autumn clouds.
5.2.17
पाण्डुराभिः प्रतोलीभिरुच्चाभिरभिसंवृताम्।
अट्टालकशताकीर्णां पताकाध्वजशोभिताम् ॥ ५.२.१७ ॥
Laṅkā, surrounded by white, lofty streets, filled with hundreds of watchtowers, and adorned with banners and standards.
5.2.18
तोरणैः काञ्चनैर्दिव्यैर्लतापङ्क्तिविराजितैः।
ददर्श हनुमाँल्लंकां देवो देवपुरीमिव ॥ ५.२.१८ ॥
Hanumān saw Laṅkā, shining with golden divine gateways and rows of creepers, as if it were the city of the gods.
5.2.19
गिरिमूर्ध्नि स्थितां लंकां पाण्डुरैर्भवनैः शुभैः।
ददर्श स कपिः श्रीमान् पुरीमाकाशगामिव ॥ ५.२.१९ ॥
There the radiant monkey saw Laṅkā, set upon the mountain's crest, with its white and splendid mansions, like a city moving through the sky.
5.2.20
पालितां राक्षसेन्द्रेण निर्मितां विश्वकर्मणा।
प्लवमानामिवाकाशे ददर्श हनुमान् कपिः ॥ ५.२.२० ॥
Protected by the lord of the rākṣasas and built by Viśvakarman, Laṅkā seemed to float in the sky, and the monkey Hanumān beheld it.
5.2.21
वप्रप्राकारजघनां विपुलाम्बुवनाम्बराम्।
शतघ्नीशूलकेशान्तामट्टालकावतंसकाम् ॥ ५.२.२१ ॥
Its hips are ramparts and walls, its garment broad waters and groves, its hair-tips the hundred-killers and spears, and its ornaments the watchtowers.
5.2.22
मनसेव कृतां लंकां निर्मितां विश्वकर्मणा।
द्वारमुत्तरमासाद्य चिन्तयामास वानरः ॥ ५.२.२२ ॥
Having reached the northern gate, and seeing Laṅkā, made as if by the mind and built by Viśvakarman, the monkey began to reflect.
5.2.23
कैलासनिलयप्रख्यमालिखन्तमिवाम्बरम्।
ध्रियमाणमिवाकाशमुच्छ्रितैर्भवनोत्तमैः ॥ ५.२.२३ ॥
Resembling the abode of Kailāsa, as if painting the sky, as if holding up the sky with its lofty finest mansions.
5.2.24
सम्पूर्णा राक्षसैर्घोरैर्नागैर्भोगवतीमिव।
अचिन्त्यां सुकृतां स्पष्टां कुबेराध्युषितां पुरा ॥ ५.२.२४ ॥
Filled with fierce rākṣasas, like Bhogavatī filled with serpents; inconceivable, well made, clear, formerly inhabited by Kubera.
5.2.25
दंष्ट्राभिर्बहुभिः शूरैः शूलपट्टिशपाणिभिः।
रक्षितां राक्षसैर्घोरैर्गुहामाशीविषैरिव ॥ ५.२.२५ ॥
Guarded by many heroic, terrible rākṣasas with fangs, holding spears and iron clubs in their hands, like a cave full of venomous snakes.
5.2.26
तस्याश्च महतीं गुप्तिं सागरं च निरीक्ष्य सः।
रावणं च रिपुं घोरं चिन्तयामास वानरः ॥ ५.२.२६ ॥
Having looked at the great protection of that city and the ocean, and thinking of the terrible enemy Rāvaṇa, the monkey began to ponder.
5.2.27
आगत्यापीह हरयो भविष्यन्ति निरर्थकाः।
नहि युद्धेन वै लंका शक्या जेतुं सुरैरपि ॥ ५.२.२७ ॥
Even if the monkeys come here, they will be useless; for Laṅkā cannot be conquered by war, not even by the gods.
5.2.28
इमां त्वविषमां लंकां दुर्गां रावणपालिताम्।
प्राप्यापि सुमहाबाहुः किं करिष्यति राघवः ॥ ५.२.२८ ॥
Even having reached this unassailable, fortified Laṅkā, protected by Rāvaṇa, what will the mighty-armed Rāghava do?
5.2.29
अवकाशो न साम्नस्तु राक्षसेष्वभिगम्यते।
न दानस्य न भेदस्य नैव युद्धस्य दृश्यते ॥ ५.२.२९ ॥
Among the rākṣasas no opening for conciliation is seen, nor for gift, nor for sowing discord, nor indeed for war.
5.2.30
चतुर्णामेव हि गतिर्वानराणां तरस्विनाम्।
वालिपुत्रस्य नीलस्य मम राज्ञश्च धीमतः ॥ ५.२.३० ॥
The course of action for these swift monkeys rests on only four: Vāli's son (Aṅgada), Nīla, myself, and the wise king (Sugrīva).
5.2.31
यावज्जानामि वैदेहीं यदि जीवति वा न वा।
तत्रैव चिन्तयिष्यामि दृष्ट्वा तां जनकात्मजाम् ॥ ५.२.३१ ॥
Until I know whether Vaidehī is alive or not, I will reflect right there after seeing Janaka's daughter.
5.2.32
ततः स चिन्तयामास मुहूर्तं कपिकुञ्जरः।
गिरेः शृङ्गे स्थितस्तस्मिन् रामस्याभ्युदयं ततः ॥ ५.२.३२ ॥
Then that elephant among monkeys reflected for a moment, standing on the peak of the mountain, on the rising fortune of Rāma.
5.2.33
अनेन रूपेण मया न शक्या रक्षसां पुरी।
प्रवेष्टुं राक्षसैर्गुप्ता क्रूरैर्बलसमन्वितैः ॥ ५.२.३३ ॥
In this form it is not possible for me to enter the city of the rākṣasas, guarded by cruel and mighty rākṣasas.
5.2.34
महौजसो महावीर्या बलवन्तश्च राक्षसाः।
वञ्चनीया मया सर्वे जानकीं परिमार्गता ॥ ५.२.३४ ॥
All the rākṣasas, of great might, great valor and strength, must be deceived by me while I search for Jānakī.
5.2.35
लक्ष्यालक्ष्येण रूपेण रात्रौ लंकापुरी मया।
प्राप्तकालं प्रवेष्टुं मे कृत्यं साधयितुं महत् ॥ ५.२.३५ ॥
At night, in a form seen and unseen, the proper time has come for me to enter the city of Laṅkā and accomplish my great task.
5.2.36
तां पुरीं तादृशीं दृष्ट्वा दुराधर्षां सुरासुरैः।
हनूमांश्चिन्तयामास विनिःश्वस्य मुहुर्मुहुः ॥ ५.२.३६ ॥
Seeing that city, unassailable even by gods and asuras, Hanumān reflected, sighing again and again.
5.2.37
केनोपायेन पश्येयं मैथिलीं जनकात्मजाम्।
अदृष्टो राक्षसेन्द्रेण रावणेन दुरात्मना ॥ ५.२.३७ ॥
By what means could I see Maithilī, the daughter of Janaka, who is kept unseen by Rāvaṇa, the lord of rākṣasas, the wicked-souled one?
5.2.38
न विनश्येत् कथं कार्यं रामस्य विदितात्मनः।
एकामेकस्तु पश्येयं रहिते जनकात्मजाम् ॥ ५.२.३८ ॥
How might the task of Rāma, the self-knowing one, not be ruined? And how could I alone see the daughter of Janaka in a secluded place?
5.2.39
भूताश्चार्था विनश्यन्ति देशकालविरोधिताः।
विक्लवं दूतमासाद्य तमः सूर्योदये यथा ॥ ५.२.३९ ॥
Undertakings that run against place and time come to ruin, especially when entrusted to a flustered messenger, as darkness at sunrise.
5.2.40
अर्थानर्थान्तरे बुद्धिर्निश्चितापि न शोभते।
घातयन्तीह कार्याणि दूताः पण्डितमानिनः ॥ ५.२.४० ॥
Even a resolute mind does not shine when caught between gain and loss. Here, messengers who think themselves wise destroy the tasks entrusted to them.
5.2.41
न विनश्येत् कथं कार्यं वैक्लव्यं न कथं भवेत्।
लङ्घनं च समुद्रस्य कथं नु न भवेद् वृथा ॥ ५.२.४१ ॥
How could the task not be ruined, and how could confusion not arise? And how might the leaping across the ocean not turn out to be in vain?
5.2.42
मयि दृष्टे तु रक्षोभी रामस्य विदितात्मनः।
भवेद् व्यर्थमिदं कार्यं रावणानर्थमिच्छतः ॥ ५.२.४२ ॥
If I am seen by the rākṣasas, this task of Rāma, the self-knowing one, would be in vain, and his purpose of bringing ruin upon Rāvaṇa would come to nothing.
5.2.43
नहि शक्यं क्वचित् स्थातुमविज्ञातेन राक्षसैः।
अपि राक्षसरूपेण किमुतान्येन केनचित् ॥ ५.२.४३ ॥
It is not possible to stay anywhere unrecognized by the rākṣasas, even in a rākṣasa form; how much less in some other form.
5.2.44
वायुरप्यत्र नाज्ञातश्चरेदिति मतिर्मम।
नह्यत्राविदितं किंचिद् रक्षसां भीमकर्मणाम् ॥ ५.२.४४ ॥
I think not even the wind could move here unnoticed, for nothing here is hidden from the rākṣasas of terrible deeds.
5.2.45
इहाहं यदि तिष्ठामि स्वेन रूपेण संवृतः।
विनाशमुपयास्यामि भर्तुरर्थश्च हास्यति ॥ ५.२.४५ ॥
If I stay here in my own form, I shall meet destruction, and my master's purpose will be lost.
5.2.46
तदहं स्वेन रूपेण रजन्यां ह्रस्वतां गतः।
लंकामभिपतिष्यामि राघवस्यार्थसिद्धये ॥ ५.२.४६ ॥
Therefore, reducing my size, I shall descend on Laṅkā at night to accomplish the purpose of Rāghava.
5.2.47
रावणस्य पुरीं रात्रौ प्रविश्य सुदुरासदाम्।
प्रविश्य भवनं सर्वं द्रक्ष्यामि जनकात्मजाम् ॥ ५.२.४७ ॥
Entering Rāvaṇa's city, so hard to approach, at night, and entering every mansion, I shall see the daughter of Janaka.
5.2.48
आचकाङ्क्षे तदा वीरो वैदेह्या दर्शनोत्सुकः ॥ ५.२.४८ ॥
Then the hero, eager for the sight of Vaidehī, longed to see her.
5.2.49
सूर्ये चास्तं गते रात्रौ देहं संक्षिप्य मारुतिः।
वृषदंशकमात्रोऽथ बभूवाद्भुतदर्शनः ॥ ५.२.४९ ॥
When the sun had set and night had come, Hanumān, son of the Wind, contracted his body and became the size of a cat, wondrous to behold.
5.2.50
प्रदोषकाले हनुमांस्तूर्णमुत्पत्य वीर्यवान्।
प्रविवेश पुरीं रम्यां प्रविभक्तमहापथाम् ॥ ५.२.५० ॥
At dusk the mighty Hanumān swiftly leapt and entered that lovely city, whose great roads were well divided.
5.2.51
प्रासादमालाविततां स्तम्भैः काञ्चनसंनिभैः।
शातकुम्भनिभैर्जालैर्गन्धर्वनगरोपमाम् ॥ ५.२.५१ ॥
That city was spread with rows of palaces, its pillars like gold and its lattices like refined gold, resembling the city of the Gandharvas.
5.2.52
सप्तभौमाष्टभौमैश्च स ददर्श महापुरीम्।
तलैः स्फटिकसंकीर्णैः कार्तस्वरविभूषितैः ॥ ५.२.५२ ॥
He saw that great city, with its seven- and eight-storied buildings and its floors strewn with crystal and adorned with gold.
5.2.53
वैदूर्यमणिचित्रैश्च मुक्ताजालविभूषितैः।
तैस्तैः शुशुभिरे तानि भवनान्यत्र रक्षसाम् ॥ ५.२.५३ ॥
Those mansions, variegated with lapis lazuli gems and adorned with networks of pearls, shone out as the dwellings of the rākṣasas there.
5.2.54
काञ्चनानि विचित्राणि तोरणानि च रक्षसाम्।
लंकामुद्योतयामासुः सर्वतः समलंकृताम् ॥ ५.२.५४ ॥
The wondrous golden archways of the rākṣasas lit up Laṅkā, richly adorned on every side.
5.2.55
अचिन्त्यामद्भुताकारां दृष्ट्वा लंकां महाकपिः।
आसीद् विषण्णो हृष्टश्च वैदेह्या दर्शनोत्सुकः ॥ ५.२.५५ ॥
Seeing Laṅkā, unimaginable and wondrous in form, the great monkey became both dejected and elated, eager for the sight of Vaidehī.
5.2.56
स पाण्डुराविद्धविमानमालिनीं
महार्हजाम्बूनदजालतोरणाम्।
यशस्विनीं रावणबाहुपालितां
क्षपाचरैर्भीमबलैः सुपालिताम् ॥ ५.२.५६ ॥
He beheld that Laṅkā, garlanded with pale, lofty mansions, her gateways netted with precious gold, famed, protected by Rāvaṇa's arms and well guarded by night-roaming rākṣasas of terrible strength.
5.2.57
चन्द्रोऽपि साचिव्यमिवास्य कुर्वं-
स्तारागणैर्मध्यगतो विराजन्।
ज्योत्स्नावितानेन वितत्य लोका-
नुत्तिष्ठतेऽनेकसहस्ररश्मिः ॥ ५.२.५७ ॥
As though acting as a minister to Rāvaṇa, the moon too, shining amid the host of stars, rises spreading a canopy of moonlight over the worlds—the thousand-rayed one.
5.2.58
शङ्खप्रभं क्षीरमृणालवर्ण-
मुद्गच्छमानं व्यवभासमानम्।
ददर्श चन्द्रं स कपिप्रवीरः
पोप्लूयमानं सरसीव हंसम् ॥ ५.२.५८ ॥
That foremost of monkeys beheld the moon, shining like a conch, the color of milk and lotus-fiber, rising and gleaming brightly—like a swan bobbing upon a lake.