蚁垤《罗摩衍那》 · 篇 5.40
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.40.1
श्रुत्वा तु वचनं तस्य वायुसूनोर्महात्मनः।
उवाचात्महितं वाक्यं सीता सुरसुतोपमा ॥ ५.४०.१ ॥
悉多聆听了这位风神之子大德的话语，她宛如天女，说出了对自己有益的话。
5.40.2
त्वां दृष्ट्वा प्रियवक्तारं सम्प्रहृष्यामि वानर।
अर्धसंजातसस्येव वृष्टिं प्राप्य वसुंधरा ॥ ५.४०.२ ॥
见到你这位说着悦耳话语的猴子，我非常欢喜，犹如半熟庄稼的大地得到雨水而欢欣。
5.40.3
यथा तं पुरुषव्याघ्रं गात्रैः शोकाभिकर्शितैः।
संस्पृशेयं सकामाहं तथा कुरु दयां मयि ॥ ५.४०.३ ॥
愿我以因悲伤而憔悴的身体触碰那人中之虎，使我的心愿得以实现，请对我施以慈悲。
5.40.4
अभिज्ञानं च रामस्य दद्या हरिगणोत्तम।
क्षिप्तामिषीकां काकस्य कोपादेकाक्षिशातनीम् ॥ ५.४०.४ ॥
猴群中的最优者啊，也请给罗摩一个识别的信物：那根在愤怒中掷出、使乌鸦一只眼睛失明的草茎。
5.40.5
मनःशिलायास्तिलको गण्डपार्श्वे निवेशितः।
त्वया प्रणष्टे तिलके तं किल स्मर्तुमर्हसि ॥ ५.४०.५ ॥
我的脸颊旁曾点上一个朱砂的吉祥痣。那痣已经消失了，所以你应当让他想起它。
5.40.6
स वीर्यवान् कथं सीतां हृतां समनुमन्यसे।
वसन्तीं रक्षसां मध्ये महेन्द्रवरुणोपम ॥ ५.४०.६ ॥
那位威猛的人怎能容忍被劫走、居于罗刹之中的悉多？你啊，如因陀罗与伐楼那一般，你怎能认可此事？
5.40.7
एष चूडामणिर्दिव्यो मया सुपरिरक्षितः।
एतं दृष्ट्वा प्रहृष्यामि व्यसने त्वामिवानघ ॥ ५.४०.७ ॥
这颗我小心守护的天界顶饰宝珠，见到它，即便身处苦难，我也欢喜，仿佛见到了你，无瑕的人啊。
5.40.8
एष निर्यातितः श्रीमान् मया ते वारिसम्भवः।
अतः परं न शक्ष्यामि जीवितुं शोकलालसा ॥ ५.४०.८ ॥
我把这朵光辉的莲花信物送给你。从此以后，我将无法在悲伤的渴望中活下去。
5.40.9
असह्यानि च दुःखानि वाचश्च हृदयच्छिदः।
राक्षसैः सह संवासं त्वत्कृते मर्षयाम्यहम् ॥ ५.४०.९ ॥
难以忍受的痛苦、刺痛心肠的话语，与罗刹同住——我为你忍受这一切。
5.40.10
धारयिष्यामि मासं तु जीवितं शत्रुसूदन।
मासादूर्ध्वं न जीविष्ये त्वया हीना नृपात्मज ॥ ५.४०.१० ॥
啊，歼灭敌人者，我只能再维持一个月的生命。啊，王子，一个月之后，失去你，我将不再活下去。
5.40.11
घोरो राक्षसराजोऽयं दृष्टिश्च न सुखा मयि।
त्वां च श्रुत्वा विषज्जन्तं न जीवेयमपि क्षणम् ॥ ५.४०.११ ॥
这位罗刹王可怕，他看我的眼神也不令人愉悦。若听说他对你有所眷恋，我连一刻也活不下去。
5.40.12
वैदेह्या वचनं श्रुत्वा करुणं साश्रुभाषितम्।
अथाब्रवीन्महातेजा हनूमान् मारुतात्मजः ॥ ५.४०.१२ ॥
听完毗提诃公主含泪的哀切之言，大光明的风子哈奴曼于是说道。
5.40.13
त्वच्छोकविमुखो रामो देवि सत्येन ते शपे।
रामे शोकाभिभूते तु लक्ष्मणः परितप्यते ॥ ५.४०.१३ ॥
女神啊，罗摩已不再沉溺于你的悲伤——我以真理向你发誓。罗摩被悲痛所困，罗什曼那为他而备受煎熬。
5.40.14
दृष्टा कथंचिद् भवती न कालः परिदेवितुम्।
इमं मुहूर्तं दुःखानामन्तं द्रक्ष्यसि भामिनि ॥ ५.४०.१४ ॥
光彩照人的女子啊，我终于得以见到你；此刻不是哀叹的时候。就在此刻，你将看到苦难的终结。
5.40.15
तावुभौ पुरुषव्याघ्रौ राजपुत्रावनिन्दितौ।
त्वद्दर्शनकृतोत्साहौ लङ्कां भस्मीकरिष्यतः ॥ ५.४०.१५ ॥
那两位王子，人中之虎，无可指摘，因渴望见到你而满怀斗志，必将把楞伽城烧成灰烬。
5.40.16
हत्वा तु समरे रक्षो रावणं सहबान्धवैः।
राघवौ त्वां विशालाक्षि स्वां पुरीं प्रति नेष्यतः ॥ ५.४०.१६ ॥
两位罗伽婆在战斗中与其亲族一同诛杀罗刹罗波那之后，将把你带回你自己的城市，宽目的女子啊。
5.40.17
यत्तु रामो विजानीयादभिज्ञानमनिन्दिते।
प्रीतिसंजननं भूयस्तस्य त्वं दातुमर्हसि ॥ ५.४०.१७ ॥
无瑕的女子啊，你应当交给他一件罗摩能够认出、并能再次唤起他爱意的信物。
5.40.18
साब्रवीद् दत्तमेवाहो मयाभिज्ञानमुत्तमम्।
एतदेव हि रामस्य दृष्ट्वा यत्नेन भूषणम् ॥ ५.४०.१८ ॥
她说：啊，我已经给过这件上好的信物了；这正是罗摩曾细心端详过的那件饰物。
5.40.19
श्रद्धेयं हनुमन् वाक्यं तव वीर भविष्यति।
स तं मणिवरं गृह्य श्रीमान् प्लवगसत्तमः ॥ ५.४०.१९ ॥
哈奴曼啊，英雄，你的话will值得信赖。于是那位光荣的猴中之最取了那颗上好的宝珠。
5.40.20
प्रणम्य शिरसा देवीं गमनायोपचक्रमे।
तमुत्पातकृतोत्साहमवेक्ष्य हरियूथपम् ॥ ५.४०.२० ॥
他向女神低头致礼，准备动身。看到那猴群之主急于作大跳跃，
5.40.21
वर्धमानं महावेगमुवाच जनकात्मजा।
अश्रुपूर्णमुखी दीना बाष्पगद्गदया गिरा ॥ ५.४०.२१ ॥
那只速度越来越快的猴子，闻济那的女儿对他说话。满面泪水、悲伤的悉多，以哽咽的声音说道：
5.40.22
हनूमन् सिंहसंकाशौ भ्रातरौ रामलक्ष्मणौ।
सुग्रीवं च सहामात्यं सर्वान् ब्रूया अनामयम् ॥ ५.४०.२२ ॥
哈奴曼啊，请向那如狮子般的两兄弟罗摩与罗什曼那，以及与大臣们在一起的须羯羅，向所有人问候平安。
5.40.23
यथा च स महाबाहुर्मां तारयति राघवः।
अस्माद् दुःखाम्बुसंरोधात् त्वं समाधातुमर्हसि ॥ ५.४०.२३ ॥
正如大臂的罗怙后裔将把我从这悲苦之流的阻隔中救出，你也应当为此作出安排。
5.40.24
इदं च तीव्रं मम शोकवेगं
रक्षोभिरेभिः परिभर्त्सनं च।
ब्रूयास्तु रामस्य गतः समीपं
शिवश्च तेऽध्वास्तु हरिप्रवीर ॥ ५.४०.२४ ॥
请你到罗摩身边，告诉他我这强烈的悲痛，以及这些罗刹的威胁。愿你的旅途吉祥，猴中英雄啊。
5.40.25
स राजपुत्र्या प्रतिवेदितार्थः
कपिः कृतार्थः परिहृष्टचेताः।
तदल्पशेषं प्रसमीक्ष्य कार्यं
दिशं ह्युदीचीं मनसा जगाम ॥ ५.४०.२५ ॥
猴子从公主那里得知了使命的消息，任务已成，心中欢喜，仔细考虑了剩下的一点小事，便在心中向北方而去。