蚁垤《罗摩衍那》 · 篇 5.65
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.65.1
ततः प्रस्रवणं शैलं ते गत्वा चित्रकाननम्।
प्रणम्य शिरसा रामं लक्ष्मणं च महाबलम् ॥ ५.६५.१ ॥
随后他们来到充满奇妙林木的普拉萨拉瓦纳山，低首向罗摩和大力的罗什曼那致礼。
5.65.2
युवराजं पुरस्कृत्य सुग्रीवमभिवाद्य च।
प्रवृत्तिमथ सीतायाः प्रवक्तुमुपचक्रमुः ॥ ५.६५.२ ॥
他们让太子安伽达走在前面，向须羯哩婆致敬，然后开始讲述悉多的消息。
5.65.3
रावणान्तःपुरे रोधं राक्षसीभिश्च तर्जनम्।
रामे समनुरागं च यथा च नियमः कृतः ॥ ५.६५.३ ॥
她被囚禁于罗波那的内宫，受到罗刹女的威胁，她对罗摩的深切眷恋，以及她如何持守克制的誓愿。
5.65.4
एतदाख्याय ते सर्वं हरयो रामसंनिधौ।
वैदेहीमक्षतां श्रुत्वा रामस्तूत्तरमब्रवीत् ॥ ५.६५.४ ॥
众猴在罗摩面前讲完这一切，报告说毗提诃依然无恙。罗摩听后便回答道。
5.65.5
क्व सीता वर्तते देवी कथं च मयि वर्तते।
एतन्मे सर्वमाख्यात वैदेहीं प्रति वानराः ॥ ५.६५.५ ॥
女神悉多在哪里？她对我怀着怎样的心意？诸位猴子啊，请把关于毗提诃的一切都告诉我。
5.65.6
रामस्य गदितं श्रुत्वा हरयो रामसंनिधौ।
चोदयन्ति हनूमन्तं सीतावृत्तान्तकोविदम् ॥ ५.६५.६ ॥
众猴听了罗摩的话，在罗摩面前劝说通晓悉多之事的哈奴曼前往。
5.65.7
श्रुत्वा तु वचनं तेषां हनूमान् मारुतात्मजः।
प्रणम्य शिरसा देव्यै सीतायै तां दिशं प्रति ॥ ५.६५.७ ॥
哈奴曼(风神之子)听罢他们的话,低首向那个方向,向女神悉多行礼。
5.65.8
उवाच वाक्यं वाक्यज्ञः सीताया दर्शनं यथा।
तं मणिं काञ्चनं दिव्यं दीप्यमानं स्वतेजसा ॥ ५.६५.८ ॥
善于言辞的哈奴曼讲述了他如何见到悉多的经过,并展示了那颗以自身光辉闪耀的金色神圣宝珠。
5.65.9
दत्त्वा रामाय हनुमांस्ततः प्राञ्जलिरब्रवीत्।
समुद्रं लङ्घयित्वाहं शतयोजनमायतम् ॥ ५.६५.९ ॥
哈奴曼将宝珠交给罗摩后,合掌说道:"我跨越了长达百由旬的大海,
5.65.10
अगच्छं जानकीं सीतां मार्गमाणो दिदृक्षया।
तत्र लङ्केति नगरी रावणस्य दुरात्मनः ॥ ५.६५.१० ॥
我为寻找贤淑的悉多,渴望见到她,而前往那里。那里有一座名为楞伽的城,属于恶魔罗波那。
5.65.11
दक्षिणस्य समुद्रस्य तीरे वसति दक्षिणे।
तत्र सीता मया दृष्टा रावणान्तःपुरे सती ॥ ५.६५.११ ॥
那座城位于南海之滨,在南方。就在罗波那的后宫之中,我见到了贞洁的悉多。
5.65.12
त्वयि संन्यस्य जीवन्ती रामा राम मनोरथम्।
दृष्टा मे राक्षसीमध्ये तर्ज्यमाना मुहुर्मुहुः ॥ ५.६५.१२ ॥
啊,罗摩!我看见那位仍然活着、心中唯有你的女子,在罗刹女之中屡次受到威胁。
5.65.13
राक्षसीभिर्विरूपाभी रक्षिता प्रमदावने।
दुःखमापद्यते देवी त्वया वीर सुखोचिता ॥ ५.६५.१३ ॥
英雄啊，习惯于幸福的女神，在Pramadāvana中被丑陋的罗刹女看守，因你而承受痛苦。
5.65.14
रावणान्तःपुरे रुद्धा राक्षसीभिः सुरक्षिता।
एकवेणीधरा दीना त्वयि चिन्तापरायणा ॥ ५.६५.१४ ॥
被囚禁在罗婆那的内宫，被罗刹女严密看守，梳着单辫，哀伤的女神一心只想着你。
5.65.15
अधःशय्या विवर्णाङ्गी पद्मिनीव हिमागमे।
रावणाद् विनिवृत्तार्था मर्तव्यकृतनिश्चया ॥ ५.६५.१५ ॥
睡在地上，身形憔悴，如寒冬里的莲花，对罗婆那已绝望，决意赴死。
5.65.16
देवी कथंचित् काकुत्स्थ त्वन्मना मार्गिता मया।
इक्ष्वाकुवंशविख्यातिं शनैः कीर्तयतानघ ॥ ५.६५.१६ ॥
啊，甘古斯特的后裔，无瑕之人，我终于找到了心中只有你的女神，并轻轻诉说伊刹婆库家族的荣耀。
5.65.17
सा मया नरशार्दूल शनैर्विश्वासिता तदा।
ततः सम्भाषिता देवी सर्वमर्थं च दर्शिता ॥ ५.६५.१७ ॥
人中之虎啊，那时我逐渐赢得了她的信任；随后我与女神交谈，并向她展示了全部缘由。
5.65.18
रामसुग्रीवसख्यं च श्रुत्वा हर्षमुपागता।
नियतः समुदाचारो भक्तिश्चास्याः सदा त्वयि ॥ ५.६५.१८ ॥
她听闻罗摩与须羯哩婆的友谊，心中充满喜悦。她的行为端正稳定，她的虔诚始终只在你身上。
5.65.19
एवं मया महाभाग दृष्टा जनकनन्दिनी।
उग्रेण तपसा युक्ता त्वद्भक्त्या पुरुषर्षभ ॥ ५.६५.१९ ॥
大福之人啊，我如此见到了阇那伽之女，她具足苦行，并满怀对你的虔诚，人中之杰啊。
5.65.20
अभिज्ञानं च मे दत्तं यथावृत्तं तवान्तिके।
चित्रकूटे महाप्राज्ञ वायसं प्रति राघव ॥ ५.६५.२० ॥
智慧的罗怙后裔啊，那信物交给了我，正如在citrakūṭa，在你面前，关于那只乌鸦所发生的一样。
5.65.21
विज्ञाप्यः पुनरप्येष रामो वायुसुत त्वया।
अखिलेन यथा दृष्टमिति मामाह जानकी ॥ ५.६५.२१ ॥
风神之子啊，请你再次告知罗摩：正如你亲眼所见的一切，阇那基这样对我说。
5.65.22
अयं चास्मै प्रदातव्यो यत्नात् सुपरिरक्षितः।
ब्रुवता वचनान्येवं सुग्रीवस्योपशृण्वतः ॥ ५.६५.२२ ॥
此物应小心保护地交给他，同时说出这些话，而须羯哩婆正在聆听。
5.65.23
एष चूडामणिः श्रीमान् मया ते यत्नरक्षितः।
मनःशिलायास्तिलकं तत् स्मरस्वेति चाब्रवीत् ॥ ५.६५.२३ ॥
这是光辉的顶上宝珠，我为你小心保存着。她又说：“请记住那用雄黄画成的额印。”
5.65.24
एष निर्यातितः श्रीमान् मया ते वारिसम्भवः।
एनं दृष्ट्वा प्रमोदिष्ये व्यसने त्वामिवानघ ॥ ५.६५.२४ ॥
这朵光辉的水生莲花是我送给你的。看到它，我便会欢喜，仿佛在苦难中见到你一般，无罪之人啊。
5.65.25
जीवितं धारयिष्यामि मासं दशरथात्मज।
ऊर्ध्वं मासान्न जीवेयं रक्षसां वशमागता ॥ ५.६५.२५ ॥
十车王之子啊，我只能维持生命一个月。落入罗刹掌控之中，我过了一个月便无法活下去。
5.65.26
रावणान्तःपुरे रुद्धा मृगीवोत्फुल्ललोचना ॥ ५.६५.२६ ॥
被囚禁在罗波那的内宫中，我如同一只睁大双眼的母鹿。
5.65.27
एतदेव मयाऽऽख्यातं सर्वं राघव यद् यथा।
सर्वथा सागरजले संतारः प्रविधीयताम् ॥ ५.६५.२७ ॥
罗怙婆啊，我已将一切经过如实相告。现在请务必妥善安排渡过大海之水的事宜。
5.65.28
तौ जाताश्वासौ राजपुत्रौ विदित्वा
तच्चाभिज्ञानं राघवाय प्रदाय।
देव्या चाख्यातं सर्वमेवानुपूर्व्याद्
वाचा सम्पूर्णं वायुपुत्रः शशंस ॥ ५.६५.२८ ॥
得知两位王子已得安慰，并将信物交给罗怙婆之后，风之子按次序完整地转述了王后所说的一切。