蚁垤《罗摩衍那》 · 篇 5.67
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.67.1
एवमुक्तस्तु हनुमान् राघवेण महात्मना।
सीताया भाषितं सर्वं न्यवेदयत राघवे ॥ ५.६७.१ ॥
伟大的罗怙后裔如此吩咐，哈奴曼便将悉多所说的一切都禀告给了罗怙后裔。
5.67.2
इदमुक्तवती देवी जानकी पुरुषर्षभ।
पूर्ववृत्तमभिज्ञानं चित्रकूटे यथातथम् ॥ ५.६७.२ ॥
人中之雄啊，天女悉多如此说道：在旃罗俱吒山所发生的往事，正如其实际发生的那样，便是识别的标记。
5.67.3
सुखसुप्ता त्वया सार्धं जानकी पूर्वमुत्थिता।
वायसः सहसोत्पत्य विददार स्तनान्तरम् ॥ ५.६७.३ ॥
与你安然同眠的悉多先醒来；这时一只乌鸦忽然飞来，在她的双乳之间啄食。
5.67.4
पर्यायेण च सुप्तस्त्वं देव्यङ्के भरताग्रज।
पुनश्च किल पक्षी स देव्या जनयति व्यथा ॥ ५.६७.४ ॥
婆罗多的兄长啊，你轮流枕在天女的膝上而眠；那只鸟又使她感到痛苦。
5.67.5
ततः पुनरुपागम्य विददार भृशं किल।
ततस्त्वं बोधितस्तस्याः शोणितेन समुक्षितः ॥ ५.६७.५ ॥
随后乌鸦又飞回来，猛烈地啄她；然后她将你唤醒，你身上沾满了鲜血。
5.67.6
वायसेन च तेनैवं सततं बाध्यमानया।
बोधितः किल देव्या त्वं सुखसुप्तः परंतप ॥ ५.६७.६ ॥
悉多被那只乌鸦如此不断地折磨，于是唤醒了你——你正安然熟睡，啊，灼烧敌人者。
5.67.7
तां च दृष्ट्वा महाबाहो दारितां च स्तनान्तरे।
आशीविष इव क्रुद्धस्ततो वाक्यं त्वमूचिवान् ॥ ५.६७.७ ॥
大臂者啊！你看见她两乳之间被抓破，如蛇般震怒，于是说出了这些话。
5.67.8
नखाग्रैः केन ते भीरु दारितं वै स्तनान्तरम्।
कः क्रीडति सरोषेण पञ्चवक्त्रेण भोगिना ॥ ५.६७.८ ॥
胆怯的人啊！是谁用指甲尖在你两乳之间抓出这伤痕？是谁在和愤怒的五头蛇嬉戏？
5.67.9
निरीक्षमाणः सहसा वायसं समुदैक्षथाः।
नखैः सरुधिरैस्तीक्ष्णैस्तामेवाभिमुखं स्थितम् ॥ ५.६७.९ ॥
你突然一看，仔细望着那只乌鸦，它正对着她站着，带着锋利而染血的爪子。
5.67.10
सुतः किल स शक्रस्य वायसः पततां वरः।
धरान्तरगतः शीघ्रं पवनस्य गतौ समः ॥ ५.६७.१० ॥
那只乌鸦确实是因陀罗之子，是鸟中之最；它能迅速穿行于大地之间，速度与风相当。
5.67.11
ततस्तस्मिन् महाबाहो कोपसंवर्तितेक्षणः।
वायसे त्वं व्यधाः क्रूरां मतिं मतिमतां वर ॥ ५.६७.११ ॥
于是，大臂者啊，你怒目通红，对那只乌鸦起了残酷的念头，智者中最优秀的人啊。
5.67.12
स दर्भसंस्तराद् गृह्य ब्रह्मास्त्रेण न्ययोजयः।
स दीप्त इव कालाग्निर्जज्वालाभिमुखं खगम् ॥ ५.६७.१२ ॥
你从吉祥草的床上拿起它，用梵天箭射出；它如死亡之火般燃烧，向那只鸟猛烈燃起。
5.67.13
स त्वं प्रदीप्तं चिक्षेप दर्भं तं वायसं प्रति।
ततस्तु वायसं दीप्तः स दर्भोऽनुजगाम ह ॥ ५.६७.१३ ॥
于是你向那只乌鸦投出燃烧的吉祥草。于是那燃烧的吉祥草追逐着乌鸦。
5.67.14
भीतैश्च सम्परित्यक्तः सुरैः सर्वैश्च वायसः।
त्रीँल्लोकान् सम्परिक्रम्य त्रातारं नाधिगच्छति ॥ ५.६७.१४ ॥
这只乌鸦惊恐不已，又被所有天神抛弃，绕行三界，却找不到庇护者。
5.67.15
पुनरप्यागतस्तत्र त्वत्सकाशमरिंदम।
त्वं तं निपतितं भूमौ शरण्यः शरणागतम् ॥ ५.६७.१५ ॥
噢，降伏敌人者，他又来到你面前。你，庇护求助者的人，看见他跌倒在地，作为求庇护者。
5.67.16
वधार्हमपि काकुत्स्थ कृपया परिपालयः।
मोघमस्त्रं न शक्यं तु कर्तुमित्येव राघव ॥ ५.६७.१६ ॥
噢，迦建陀之后，他虽应被处死，你却出于慈悲保护了他。噢，罗怙之后，武器不可使之无效；因此便是如此。
5.67.17
भवांस्तस्याक्षि काकस्य हिनस्ति स्म स दक्षिणम्।
राम त्वां स नमस्कृत्य राज्ञो दशरथस्य च ॥ ५.६७.१७ ॥
你刺瞎了那乌鸦的右眼。噢，罗摩，它向你和国王十车王行礼后离去。
5.67.18
विसृष्टस्तु तदा काकः प्रतिपेदे स्वमालयम्।
एवमस्त्रविदां श्रेष्ठः सत्त्ववाञ्छीलवानपि ॥ ५.६७.१८ ॥
于是被释放的乌鸦回到了自己的住处。如此，你是精通武器者中的翘楚，品性刚强，也品德高尚。
5.67.19
किमर्थमस्त्रं रक्षःसु न योजयसि राघव।
न दानवा न गन्धर्वा नासुरा न मरुद्गणाः ॥ ५.६७.१९ ॥
罗ghava，你为何不用箭对付罗刹？不是檀那婆，不是乾闼婆，不是阿修罗，也不是摩录多众。
5.67.20
तव राम रणे शक्तास्तथा प्रतिसमासितुम्।
तव वीर्यवतः कश्चिन्मयि यद्यस्ति सम्भ्रमः ॥ ५.६७.२० ॥
罗摩啊，谁能在战斗中抵挡你？若勇猛的你对我有所顾虑……
5.67.21
क्षिप्रं सुनिशितैर्बाणैर्हन्यतां युधि रावणः।
भ्रातुरादेशमाज्ञाय लक्ष्मणो वा परंतपः ॥ ५.६७.२१ ॥
愿以极锋利的箭迅速在战场上射杀罗波那；或者，知晓兄长之命的敌人克星罗什曼那去做此事。
5.67.22
स किमर्थं नरवरो न मां रक्षति राघवः।
शक्तौ तौ पुरुषव्याघ्रौ वाय्वग्निसमतेजसौ ॥ ५.६७.२२ ॥
那位人中俊杰罗ghava为何不保护我？那两位人中猛虎有能力，光辉与风火相等。
5.67.23
सुराणामपि दुर्धर्षौ किमर्थं मामुपेक्षतः।
ममैव दुष्कृतं किंचिन्महदस्ति न संशयः ॥ ५.६७.२३ ॥
那两位即使诸神也难以战胜的人，为何轻视我？我必定有某种大过失，这毫无疑问。
5.67.24
समर्थौ सहितौ यन्मां न रक्षेते परंतपौ।
वैदेह्या वचनं श्रुत्वा करुणं साधुभाषितम् ॥ ५.६७.२४ ॥
那两位能力出众、同心协力的敌人克星，不来保护我。听了毗提诃（悉多）慈悲而善言的话语之后……
5.67.25
पुनरप्यहमार्यां तामिदं वचनमब्रुवम्।
त्वच्छोकविमुखो रामो देवि सत्येन ते शपे ॥ ५.६७.२५ ॥
我又对那位贤淑的夫人说道：女神啊，罗摩已摆脱了对你的悲伤；我以真理发誓。
5.67.26
रामे दुःखाभिभूते च लक्ष्मणः परितप्यते।
कथंचिद् भवती दृष्टा न कालः परिशोचितुम् ॥ ५.६७.२६ ॥
罗摩被悲痛所压倒，罗什曼那也备受煎熬；你已被人找到，如今不是悲叹的时候。
5.67.27
अस्मिन् मुहूर्ते दुःखानामन्तं द्रक्ष्यसि भामिनि।
तावुभौ नरशार्दूलौ राजपुत्रौ परंतपौ ॥ ५.६७.२७ ॥
光彩照人的夫人啊，此刻你便会看到苦难的终结；那二位王子，人中之虎，焚烧敌人的英雄。
5.67.28
त्वद्दर्शनकृतोत्साहौ लङ्कां भस्मीकरिष्यतः।
हत्वा च समरे रौद्रं रावणं सहबान्धवम् ॥ ५.६७.२८ ॥
因见到你而振奋，那二人将把楼陀罗城烧成灰烬；并在战场上斩杀可怖的罗波那及其亲族。
5.67.29
राघवस्त्वां वरारोहे स्वपुरीं नयिता ध्रुवम्।
यत् तु रामो विजानीयादभिज्ञानमनिन्दिते ॥ ५.६७.२९ ॥
罗怙婆必定会把你带回他的城邦；无瑕的夫人啊，请告诉我，罗摩能认出的信物是什么。
5.67.30
प्रीतिसंजननं तस्य प्रदातुं तत् त्वमर्हसि।
साभिवीक्ष्य दिशः सर्वा वेण्युद्ग्रथनमुत्तमम् ॥ ५.६७.३० ॥
你应当把那能给他带来喜悦的信物交给他。于是她环顾四方，解开了精美的发辫之结。
5.67.31
मुक्त्वा वस्त्राद् ददौ मह्यं मणिमेतं महाबल।
प्रतिगृह्य मणिं दोर्भ्यां तव हेतो रघुप्रिय ॥ ५.६७.३१ ॥
大力者啊，她从衣襟上解下，把这颗宝珠交给了我。罗怙子孙所爱者啊，请为你自己用双臂接过这颗宝珠。
5.67.32
शिरसा सम्प्रणम्यैनामहमागमने त्वरे।
गमने च कृतोत्साहमवेक्ष्य वरवर्णिनी ॥ ५.६७.३२ ॥
我低头向她行礼，急忙准备返回。见我急于前行，那容颜秀美的（悉多）。
5.67.33
विवर्धमानं च हि मामुवाच जनकात्मजा।
अश्रुपूर्णमुखी दीना बाष्पगद्गदभाषिणी ॥ ५.६७.३३ ॥
见我愈发急切，闍那伽之女面容满是泪水，悲伤不已，哽咽着对我说道。
5.67.34
ममोत्पतनसम्भ्रान्ता शोकवेगसमाहता।
मामुवाच ततः सीता सभाग्योऽसि महाकपे ॥ ५.६७.३४ ॥
因我的跳跃而惊慌，被悲痛的力量所冲击，悉多于是对我说：大猴啊，你是有福之人。
5.67.35
यद् द्रक्ष्यसि महाबाहुं रामं कमललोचनम्।
लक्ष्मणं च महाबाहुं देवरं मे यशस्विनम् ॥ ५.६७.३५ ॥
你将见到大臂的罗摩，眼如莲花；你也将见到大臂的罗什曼那，我那荣耀的小叔。
5.67.36
सीतयाप्येवमुक्तोऽहमब्रुवं मैथिलीं तथा।
पृष्ठमारोह मे देवि क्षिप्रं जनकनन्दनि ॥ ५.६७.३६ ॥
悉多这样说了，我也同样对弥提罗的公主说：女神啊，闍那伽之女，快骑到我背上来。
5.67.37
यावत्ते दर्शयाम्यद्य ससुग्रीवं सलक्ष्मणम्।
राघवं च महाभागे भर्तारमसितेक्षणे ॥ ५.६७.३७ ॥
啊，大福之人，黑眼睛的女子！我现在就让你看到你的丈夫罗摩，与须羯里婆和罗什曼那在一起。
5.67.38
साब्रवीन्मां ततो देवी नैष धर्मो महाकपे।
यत्ते पृष्ठं सिषेवेऽहं स्ववशा हरिपुङ्गव ॥ ५.६७.३८ ॥
于是那位女神对我说：“大猴啊，这不合乎法度——我出于自愿骑上你的背，猴中之王啊！”
5.67.39
पुरा च यदहं वीर स्पृष्टा गात्रेषु रक्षसा।
तत्राहं किं करिष्यामि कालेनोपनिपीडिता ॥ ५.६७.३९ ॥
啊，英雄！从前罗刹触碰我的身体时，我能做什么呢？我被命运所逼迫。
5.67.40
गच्छ त्वं कपिशार्दूल यत्र तौ नृपतेः सुतौ।
इत्येवं सा समाभाष्य भूयः संदेष्टुमास्थिता ॥ ५.६७.४० ॥
“猴中之虎啊，你去那两位王子所在的地方吧。”如此说完，她又准备托付一句话。
5.67.41
हनूमन् सिंहसंकाशौ तावुभौ रामलक्ष्मणौ।
सुग्रीवं च सहामात्यं सर्वान् ब्रूया अनामयम् ॥ ५.६७.४१ ॥
啊，哈努曼！请向那两位如狮子般的罗摩与罗什曼那，以及与大臣们在一起的须羯里婆，向所有人转达我的平安问候。
5.67.42
यथा च स महाबाहुर्मां तारयति राघवः।
अस्माद्दुःखाम्बुसंरोधात् तत् त्वमाख्यातुमर्हसि ॥ ५.६७.४२ ॥
至于那位大臂的罗怙后裔如何将我从这悲伤之海的围困中救出，这一点你应当告诉他。
5.67.43
इदं च तीव्रं मम शोकवेगं
रक्षोभिरेभिः परिभर्त्सनं च।
ब्रूयास्तु रामस्य गतः समीपं
शिवश्च तेऽध्वास्तु हरिप्रवीर ॥ ५.६७.४३ ॥
你去见罗摩，把我强烈的悲痛之势和这些罗刹的威胁告诉他。愿你的道路吉祥，猴中之英。
5.67.44
एतत् तवार्या नृप संयता सा
सीता वचः प्राह विषादपूर्वम्।
एतच्च बुद्ध्वा गदितं यथा त्वं
श्रद्धत्स्व सीतां कुशलां समग्राम् ॥ ५.६७.४४ ॥
王啊，克己的贤德悉多含悲说了这些话。你既知道所言，便当相信悉多安好、完全无恙。