Vālmīki Rāmāyaṇa · Sarga 5.9
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.9.1
तस्यालयवरिष्ठस्य मध्ये विमलमायतम्।
ददर्श भवनश्रेष्ठं हनुमान् मारुतात्मजः ॥ ५.९.१ ॥
In the midst of that finest of dwellings, Hanumān, son of the Wind, saw a pure and spacious mansion, the best of all mansions.
5.9.2
अर्धयोजनविस्तीर्णमायतं योजनं महत्।
भवनं राक्षसेन्द्रस्य बहुप्रासादसंकुलम् ॥ ५.९.२ ॥
The great mansion of the lord of the rākṣasas was half a yojana wide and a full yojana long, crowded with many towers.
5.9.3
मार्गमाणस्तु वैदेहीं सीतामायतलोचनाम्।
सर्वतः परिचक्राम हनूमानरिसूदनः ॥ ५.९.३ ॥
Searching for Vaidehī Sītā, large-eyed, Hanumān, destroyer of enemies, roamed about on every side.
5.9.4
उत्तमं राक्षसावासं हनुमानवलोकयन्।
आससादाथ लक्ष्मीवान् राक्षसेन्द्रनिवेशनम् ॥ ५.९.४ ॥
Surveying the excellent abode of the rākṣasas, the radiant Hanumān then reached the residence of the lord of the rākṣasas.
5.9.5
चतुर्विषाणैर्द्विरदैस्त्रिविषाणैस्तथैव च।
परिक्षिप्तमसम्बाधं रक्ष्यमाणमुदायुधैः ॥ ५.९.५ ॥
It was surrounded by elephants with four tusks and with three tusks, spacious and not crowded, guarded by those who held their weapons raised.
5.9.6
राक्षसीभिश्च पत्नीभी रावणस्य निवेशनम्।
आहृताभिश्च विक्रम्य राजकन्याभिरावृतम् ॥ ५.९.६ ॥
Rāvaṇa's residence was filled with rākṣasī women and his wives, and surrounded by royal maidens who had been seized by force.
5.9.7
तन्नक्रमकराकीर्णं तिमिंगिलझषाकुलम्।
वायुवेगसमाधूतं पन्नगैरिव सागरम् ॥ ५.९.७ ॥
That was crowded with crocodiles and makaras, full of timiṅgila and jhaṣa fish, tossed by the speed of the wind, like the ocean stirred by serpents.
5.9.8
या हि वैश्रवणे लक्ष्मीर्या चन्द्रे हरिवाहने।
सा रावणगृहे रम्या नित्यमेवानपायिनी ॥ ५.९.८ ॥
The Lakṣmī that dwells with Vaiśravaṇa, the Lakṣmī that dwells in the moon, and the Lakṣmī that dwells with Indra, whose steed is the tawny one—that same lovely Lakṣmī dwells always in Rāvaṇa's house and never departs.
5.9.9
या च राज्ञः कुबेरस्य यमस्य वरुणस्य च।
तादृशी तद्विशिष्टा वा ऋद्धी रक्षोगृहेष्विह ॥ ५.९.९ ॥
The splendour that the kings Kubera, Yama and Varuṇa possess, such splendour, or splendour surpassing it, is here in the houses of the rākṣasas.
5.9.10
तस्य हर्म्यस्य मध्यस्थवेश्म चान्यत् सुनिर्मितम्।
बहुनिर्यूहसंयुक्तं ददर्श पवनात्मजः ॥ ५.९.१० ॥
In the midst of that mansion Hanumān, son of the Wind, saw another well-built dwelling, furnished with many projecting balconies.
5.9.11
ब्रह्मणोऽर्थे कृतं दिव्यं दिवि यद् विश्वकर्मणा।
विमानं पुष्पकं नाम सर्वरत्नविभूषितम् ॥ ५.९.११ ॥
The divine celestial car named Puṣpaka, which Viśvakarman made in heaven for Brahmā, adorned with all kinds of jewels.
5.9.12
परेण तपसा लेभे यत् कुबेरः पितामहात्।
कुबेरमोजसा जित्वा लेभे तद् राक्षसेश्वरः ॥ ५.९.१२ ॥
That which Kubera obtained from the grandfather Brahmā through supreme austerity, the lord of the rākṣasas obtained by conquering Kubera by force.
5.9.13
ईहामृगसमायुक्तैः कार्तस्वरहिरण्मयैः।
सुकृतैराचितं स्तम्भैः प्रदीप्तमिव च श्रिया ॥ ५.९.१३ ॥
Adorned with wolf-figures in relief, made of gold and gleaming gold, decorated with well-made pillars, it blazed as if with its own splendour.
5.9.14
मेरुमन्दरसंकाशैरुल्लिखद्भिरिवाम्बरम्।
कूटागारैः शुभागारैः सर्वतः समलंकृतम् ॥ ५.९.१४ ॥
Like the mountains Meru and Mandara, seeming to scrape the sky, it was well adorned on all sides with peaked towers and auspicious halls.
5.9.15
ज्वलनार्कप्रतीकाशैः सुकृतं विश्वकर्मणा।
हेमसोपानयुक्तं च चारुप्रवरवेदिकम् ॥ ५.९.१५ ॥
Gleaming like blazing fire and the sun, well made by Viśvakarman, furnished with golden staircases and fine, excellent platforms.
5.9.16
जालवातायनैर्युक्तं काञ्चनैः स्फाटिकैरपि।
इन्द्रनीलमहानीलमणिप्रवरवेदिकम् ॥ ५.९.१६ ॥
Furnished with latticed windows, of gold and of crystal too, with excellent platforms of indranīla and mahānīla gems.
5.9.17
विद्रुमेण विचित्रेण मणिभिश्च महाधनैः।
निस्तुलाभिश्च मुक्ताभिस्तलेनाभिविराजितम् ॥ ५.९.१७ ॥
With varied coral, precious gems of great worth and incomparable pearls, the floor shone brilliantly.
5.9.18
चन्दनेन च रक्तेन तपनीयनिभेन च।
सुपुण्यगन्धिना युक्तमादित्यतरुणोपमम् ॥ ५.९.१८ ॥
Furnished with red sandalwood and a hue like gold, rich in fine fragrance, it was like the young rising sun.
5.9.19
कूटागारैर्वराकारैर्विविधैः समलंकृतम्।
विमानं पुष्पकं दिव्यमारुरोह महाकपिः।
तत्रस्थः सर्वतो गन्धं पानभक्ष्यान्नसम्भवम् ॥ ५.९.१९ ॥
Adorned with towers and pavilions of many fine shapes, the divine Puṣpaka aerial palace—there the great monkey mounted it. Standing there, he breathed in on every side the fragrance arising from drinks, delicacies and food.
5.9.20
दिव्यं सम्मूर्च्छितं जिघ्रन् रूपवन्तमिवानिलम्।
स गन्धस्तं महासत्त्वं बन्धुर्बन्धुमिवोत्तमम् ॥ ५.९.२० ॥
Breathing in that divine fragrance pervading everywhere, he seemed like the wind made visible. That fragrance enveloped that mighty-spirited one, as an excellent kinsman embraces his own kinsman.
5.9.21
इत एहीत्युवाचेव तत्र यत्र स रावणः।
ततस्तां प्रस्थितः शालां ददर्श महतीं शिवाम् ॥ ५.९.२१ ॥
As if saying "Come here," the fragrance led him to where Rāvaṇa was. Then, setting out toward it, he saw a great and auspicious hall.
5.9.22
रावणस्य महाकान्तां कान्तामिव वरस्त्रियम्।
मणिसोपानविकृतां हेमजालविराजिताम् ॥ ५.९.२२ ॥
Rāvaṇa's very beautiful hall, lovely as an excellent woman, adorned with stairways of jewels and shining with latticework of gold.
5.9.23
स्फाटिकैरावृततलां दन्तान्तरितरूपिकाम्।
मुक्तावज्रप्रवालैश्च रूप्यचामीकरैरपि ॥ ५.९.२३ ॥
Its floor was covered with crystal, with figures inlaid between ivory; it was also adorned with pearls, diamonds and coral, and with silver and gold.
5.9.24
विभूषितां मणिस्तम्भैः सुबहुस्तम्भभूषिताम्।
समैर्ऋजुभिरत्युच्चैः समन्तात् सुविभूषितैः ॥ ५.९.२४ ॥
It was adorned with jewelled pillars and richly decorated with many fine pillars—level, straight, very tall, and well adorned on every side.
5.9.25
स्तम्भैः पक्षैरिवात्युच्चैर्दिवं सम्प्रस्थितामिव।
महत्या कुथयाऽऽस्तीर्णां पृथिवीलक्षणाङ्कया ॥ ५.९.२५ ॥
Raised high on pillars as if on wings, as if set out toward heaven, it was spread with a great coverlet marked with the signs of the earth.
5.9.26
पृथिवीमिव विस्तीर्णां सराष्ट्रगृहशालिनीम्।
नादितां मत्तविहगैर्दिव्यगन्धाधिवासिताम् ॥ ५.९.२६ ॥
Vast as the earth, abounding with realms and dwellings, resounding with the calls of intoxicated birds, perfumed with divine fragrance.
5.9.27
परर्घ्यास्तरणोपेतां रक्षोऽधिपनिषेविताम्।
धूम्रामगुरुधूपेन विमलां हंसपाण्डुराम् ॥ ५.९.२७ ॥
Furnished with most precious coverings, frequented by the lord of the rākṣasas, smoky with aguru incense, pure, and white as a swan.
5.9.28
पत्रपुष्पोपहारेण कल्माषीमिव सुप्रभाम्।
मनसो मोदजननीं वर्णस्यापि प्रसाधिनीम् ॥ ५.९.२८ ॥
Dappled, as it were, by offerings of leaves and flowers, very bright, bringing delight to the mind, adorning even beauty itself.
5.9.29
तां शोकनाशिनीं दिव्यां श्रियः संजननीमिव।
इन्द्रियाणीन्द्रियार्थैस्तु पञ्च पञ्चभिरुत्तमैः ॥ ५.९.२९ ॥
In that divine place that destroys sorrow, as if it gave birth to splendor, the five senses were gratified by five excellent objects of the senses.
5.9.30
तर्पयामास मातेव तदा रावणपालिता।
स्वर्गोऽयं देवलोकोऽयमिन्द्रस्यापि पुरी भवेत्।
सिद्धिर्वेयं परा हि स्यादित्यमन्यत मारुतिः ॥ ५.९.३० ॥
Then that place, protected by Rāvaṇa, gratified him as a mother would. "This is heaven, this is the world of the gods, this may even be the city of Indra, or this indeed would be the supreme attainment" — so thought Mārutī.
5.9.31
प्रध्यायत इवापश्यत् प्रदीपांस्तत्र काञ्चनान्।
धूर्तानिव महाधूर्तैर्देवनेन पराजितान् ॥ ५.९.३१ ॥
As if lost in thought, he saw there the golden lamps, like cheats defeated at dice by great cheats.
5.9.32
दीपानां च प्रकाशेन तेजसा रावणस्य च।
अर्चिर्भिर्भूषणानां च प्रदीप्तेत्यभ्यमन्यत ॥ ५.९.३२ ॥
By the light of the lamps, by Rāvaṇa's radiance, and by the flames of the ornaments, he thought it was blazing.
5.9.33
ततोऽपश्यत् कुथासीनं नानावर्णाम्बरस्रजम्।
सहस्रं वरनारीणां नानावेषबिभूषितम् ॥ ५.९.३३ ॥
Then he saw a thousand excellent women seated on couches, wearing garlands and garments of various colors, adorned in various dresses.
5.9.34
परिवृत्तेऽर्धरात्रे तु पाननिद्रावशंगतम्।
क्रीडित्वोपरतं रात्रौ प्रसुप्तं बलवत् तदा ॥ ५.९.३४ ॥
When midnight had passed, overcome by drink and sleep, the women, having ceased their night's revelry, lay fast asleep.
5.9.35
तत् प्रसुप्तं विरुरुचे निःशब्दान्तरभूषितम्।
निःशब्दहंसभ्रमरं यथा पद्मवनं महत् ॥ ५.९.३५ ॥
That sleeping company shone like a great lotus grove, filled with silent swans and bees, adorned with pauses of silence.
5.9.36
तासां संवृतदान्तानि मीलिताक्षीणि मारुतिः।
अपश्यत् पद्मगन्धीनि वदनानि सुयोषिताम् ॥ ५.९.३६ ॥
Hanumān, the son of the Wind, saw the faces of those fair women, teeth closed, eyes shut, fragrant as lotuses.
5.9.37
प्रबुद्धानीव पद्मानि तासां भूत्वा क्षपाक्षये।
पुनः संवृतपत्राणि रात्राविव बभुस्तदा ॥ ५.९.३७ ॥
Like lotuses opened at the end of the night, and again with closed petals in the night, so they appeared then.
5.9.38
इमानि मुखपद्मानि नियतं मत्तषट्पदाः।
अम्बुजानीव फुल्लानि प्रार्थयन्ति पुनः पुनः ॥ ५.९.३८ ॥
Surely these are lotus-faces; as intoxicated bees repeatedly seek opened lotuses, so they seek these again and again.
5.9.39
मेने हि गुणतस्तानि समानि सलिलोद्भवैः ॥ ५.९.३९ ॥
He thought that in their qualities they were indeed equal to the lotuses born of water.
5.9.40
सा तस्य शुशुभे शाला ताभिः स्त्रीभिर्विराजिता।
शरदीव प्रसन्ना द्यौस्ताराभिरभिशोभिता ॥ ५.९.४० ॥
That hall shone, adorned by those women, as in autumn the clear sky shines adorned with stars.
5.9.41
स च ताभिः परिवृतः शुशुभे राक्षसाधिपः।
यथा ह्युडुपतिः श्रीमांस्ताराभिरिव संवृतः ॥ ५.९.४१ ॥
And that lord of the rākṣasas, surrounded by them, shone as the glorious moon shines surrounded by stars.
5.9.42
याश्च्यवन्तेऽम्बरात् ताराः पुण्यशेषसमावृताः।
इमास्ताः संगताः कृत्स्ना इति मेने हरिस्तदा ॥ ५.९.४२ ॥
Those stars that fall from the sky, surrounded by the remnant of merit—these, Hari then thought, have all gathered together here.
5.9.43
ताराणामिव सुव्यक्तं महतीनां शुभार्चिषाम्।
प्रभावर्णप्रसादाश्च विरेजुस्तत्र योषिताम् ॥ ५.९.४३ ॥
There the luster, complexion and grace of the women shone clearly, like the great stars of auspicious radiance.
5.9.44
व्यावृत्तकचपीनस्रक्प्रकीर्णवरभूषणाः।
पानव्यायामकालेषु निद्रोपहतचेतसः ॥ ५.९.४४ ॥
Their hair disheveled, their garlands and fine ornaments scattered, the women lay with minds overcome by sleep after the time of drinking and exertion.
5.9.45
व्यावृत्ततिलकाः काश्चित् काश्चिदुदभ्रान्तनूपुराः।
पार्श्वे गलितहाराश्च काश्चित् परमयोषितः ॥ ५.९.४५ ॥
Some had their forehead marks smeared, some had their anklets loosened and wandering, and beside some lay necklaces slipped away — those supreme women.
5.9.46
मुक्ताहारवृताश्चान्याः काश्चित् प्रस्रस्तवाससः।
व्याविद्धरशनादामाः किशोर्य इव वाहिताः ॥ ५.९.४६ ॥
Some were covered with pearl necklaces, some had their garments slipped loose, some had their girdle-strings tangled and askew — like young girls carried away.
5.9.47
अकुण्डलधराश्चान्या विच्छिन्नमृदितस्रजः।
गजेन्द्रमृदिताः फुल्ला लता इव महावने ॥ ५.९.४७ ॥
Some had no earrings, others had their garlands broken and crushed — like blossoming creepers trampled by a great elephant in a vast forest.
5.9.48
चन्द्रांशुकिरणाभाश्च हाराः कासांचिदुद्गताः।
हंसा इव बभुः सुप्ताः स्तनमध्येषु योषिताम् ॥ ५.९.४८ ॥
The necklaces of some women, bright as moonbeams, lay raised between their breasts like sleeping swans, shining.
5.9.49
अपरासां च वैदूर्याः कादम्बा इव पक्षिणः।
हेमसूत्राणि चान्यासां चक्रवाका इवाभवन् ॥ ५.९.४९ ॥
The lapis-lazuli ornaments of some were like kādamba birds, and the golden threads of others became like cakravāka birds.
5.9.50
हंसकारण्डवोपेताश्चक्रवाकोपशोभिताः।
आपगा इव ता रेजुर्जघनैः पुलिनैरिव ॥ ५.९.५० ॥
Like rivers adorned with swans, kāraṇḍava ducks and cakravāka birds, those women shone; their hips were like sandbanks.
5.9.51
किङ्किणीजालसंकाशास्ता हेमविपुलाम्बुजाः।
भावग्राहा यशस्तीराः सुप्ता नद्य इवाबभुः ॥ ५.९.५१ ॥
Like sleeping rivers, resembling nets of tinkling bells, with great golden lotuses, enchanting to the heart, with banks of fame, they shone.
5.9.52
मृदुष्वंगेषु कासांचित् कुचाग्रेषु च संस्थिताः।
बभूवुर्भूषणानीव शुभा भूषणराजयः ॥ ५.९.५२ ॥
The beautiful rows of jewelry resting on the soft limbs and at the tips of the breasts of some became, as it were, ornaments themselves.
5.9.53
अंशुकान्ताश्च कासांचिन्मुखमारुतकम्पिताः।
उपर्युपरि वक्त्राणां व्याधूयन्ते पुनः पुनः ॥ ५.९.५३ ॥
The edges of the garments of some, stirred by the breath from their faces, are waved again and again above their faces.
5.9.54
ताः पताका इवोद्धूताः पत्नीनां रुचिरप्रभाः।
नानावर्णसुवर्णानां वक्त्रमूलेषु रेजिरे ॥ ५.९.५४ ॥
Like banners stirred up, of the wives, lovely in lustre, of gold of various colours, they shone at the bases of their faces.
5.9.55
ववल्गुश्चात्र कासांचित् कुण्डलानि शुभार्चिषाम्।
मुखमारुतसंकम्पैर्मन्दं मन्दं च योषिताम् ॥ ५.९.५५ ॥
Some of the women's earrings, bright with auspicious radiance, swayed gently, gently, stirred by the trembling of their breath.
5.9.56
शर्करासवगन्धः स प्रकृत्या सुरभिः सुखः।
तासां वदननिःश्वासः सिषेवे रावणं तदा ॥ ५.९.५६ ॥
Their breath from the mouth, naturally fragrant with the scent of sugar-wine and pleasant, then attended upon Rāvaṇa.
5.9.57
रावणाननशंकाश्च काश्चिद् रावणयोषितः।
मुखानि च सपत्नीनामुपाजिघ्रन् पुनः पुनः ॥ ५.९.५७ ॥
Some of Rāvaṇa's women, mistaking the faces (of their co-wives) for Rāvaṇa's face, kept smelling them again and again.
5.9.58
अत्यर्थं सक्तमनसो रावणे ता वरस्त्रियः।
अस्वतन्त्राः सपत्नीनां प्रियमेवाचरंस्तदा ॥ ५.९.५८ ॥
Those excellent women, their minds utterly fixed on Rāvaṇa and no longer their own masters, then did only what was pleasing to their co-wives.
5.9.59
बाहूनुपनिधायान्याः पारिहार्यविभूषितान्।
अंशुकानि च रम्याणि प्रमदास्तत्र शिश्यिरे ॥ ५.९.५९ ॥
Other women, placing their ornament-adorned arms (on one another), lay down there with lovely garments.
5.9.60
अन्या वक्षसि चान्यस्यास्तस्याः काचित् पुनर्भुजम्।
अपरा त्वङ्कमन्यस्यास्तस्याश्चाप्यपरा कुचौ ॥ ५.९.६० ॥
One rested on another's breast, another on her arm, another in the lap of another, and another on her breasts.
5.9.61
ऊरुपार्श्वकटीपृष्ठमन्योन्यस्य समाश्रिताः।
परस्परनिविष्टांग्यो मदस्नेहवशानुगाः ॥ ५.९.६१ ॥
They leaned upon one another's thighs, sides, hips and backs, their limbs lying across one another, yielding to intoxication and passion.
5.9.62
अन्योन्यस्यांगसंस्पर्शात् प्रीयमाणाः सुमध्यमाः।
एकीकृतभुजाः सर्वाः सुषुपुस्तत्र योषितः ॥ ५.९.६२ ॥
Delighted by the touch of one another's limbs, all those slender-waisted women, their arms joined together, slept soundly right there.
5.9.63
अन्योन्यभुजसूत्रेण स्त्रीमाला ग्रथिता हि सा।
मालेव ग्रथिता सूत्रे शुशुभे मत्तषट्पदा ॥ ५.९.६३ ॥
That garland of women was strung together by a thread of one another's arms, and it shone like a garland strung on thread and crowded with intoxicated bees.
5.9.64
लतानां माधवे मासि फुल्लानां वायुसेवनात्।
अन्योन्यमालाग्रथितं संसक्तकुसुमोच्चयम् ॥ ५.९.६४ ॥
Like creepers blossomed in the spring month of Mādhava by the touch of the wind, like a garland strung together, a cluster of clinging flowers.
5.9.65
प्रतिवेष्टितसुस्कन्धमन्योन्यभ्रमराकुलम्।
आसीद् वनमिवोद्धूतं स्त्रीवनं रावणस्य तत् ॥ ५.९.६५ ॥
That forest of women of Rāvaṇa, their fine shoulders entwined, crowded with bees upon one another, was like a forest tossed about by the wind.
5.9.66
उचितेष्वपि सुव्यक्तं न तासां योषितां तदा।
विवेकः शक्य आधातुं भूषणांगाम्बरस्रजाम् ॥ ५.९.६६ ॥
Even though those women were in their proper places, at that time it was not possible to clearly distinguish between ornaments, limbs, garments and garlands.
5.9.67
रावणे सुखसंविष्टे ताः स्त्रियो विविधप्रभाः।
ज्वलन्तः काञ्चना दीपाः प्रेक्षन्तो निमिषा इव ॥ ५.९.६७ ॥
While Rāvaṇa lay in comfort, those women of varied radiance, like blazing golden lamps, gazed on with unblinking eyes.
5.9.68
राजर्षिविप्रदैत्यानां गन्धर्वाणां च योषितः।
रक्षसां चाभवन् कन्यास्तस्य कामवशंगताः ॥ ५.९.६८ ॥
Women of royal sages, brahmins, demons and gandharvas, and maidens of the rākṣasas too, had come under the sway of his desire.
5.9.69
युद्धकामेन ताः सर्वा रावणेन हृताः स्त्रियः।
समदा मदनेनैव मोहिताः काश्चिदागताः ॥ ५.९.६९ ॥
All these women were seized by Rāvaṇa, who desired battle; some, bewildered by intoxication and desire, had come of their own accord.
5.9.70
न तत्र काश्चित् प्रमदाः प्रसह्य
वीर्योपपन्नेन गुणेन लब्धाः।
न चान्यकामापि न चान्यपूर्वा
विना वरार्हां जनकात्मजां तु ॥ ५.९.७० ॥
There was no woman there who had been obtained by force, or won by valour or merit, nor one who desired another or had formerly belonged to another—except Janaka's daughter, worthy of the highest honour.
5.9.71
न चाकुलीना न च हीनरूपा
नादक्षिणा नानुपचारयुक्ता।
भार्याभवत् तस्य न हीनसत्त्वा
न चापि कान्तस्य न कामनीया ॥ ५.९.७१ ॥
She was neither of low birth nor lacking in beauty, neither ungenerous nor without proper courtesy; she had become his wife, not weak of spirit, nor undesirable to her beloved.
5.9.72
बभूव बुद्धिस्तु हरीश्वरस्य
यदीदृशी राघवधर्मपत्नी।
इमा महाराक्षसराजभार्याः
सुजातमस्येति हि साधुबुद्धेः ॥ ५.९.७२ ॥
Then the lord of monkeys reflected: if such a woman were the dharma-wife of Rāghava, and these wives of the great rākṣasa king were his, it would be well—so thought the mind of the righteous one.
5.9.73
पुनश्च सोऽचिन्तयदात्तरूपो
ध्रुवं विशिष्टा गुणतो हि सीता।
अथायमस्यां कृतवान् महात्मा
लंकेश्वरः कष्टमनार्यकर्म ॥ ५.९.७३ ॥
Again he reflected, the one of noble form: Sītā is surely distinguished in her virtues. And this great-souled lord of Laṅkā has done this ignoble deed toward her, a grievous thing.