ヴァールミーキのラーマーヤナ · サルガ 6.106
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.106.1
सारथिः स रथं हृष्टः परसैन्यप्रधर्षणम्।
गन्धर्वनगराकारं समुच्छ्रितपताकिनम् ॥ ६.१०६.१ ॥
御者は喜んで、敵軍を打ち砕き、ガンダルヴァの都のようで、高く旗を掲げた、その戦車を走らせた。
6.106.2
युक्तं परमसम्पन्नैर्वाजिभिर्हेममालिभिः।
युद्धोपकरणैः पूर्णं पताकाध्वजमालिनम् ॥ ६.१०६.२ ॥
その戦車は最上の、金の首飾りをつけた馬に繋がれ、武具で満ち、旗と軍旗の花飾りで飾られていた。
6.106.3
ग्रसन्तमिव चाकाशं नादयन्तं वसुंधराम्।
प्रणाशं परसैन्यानां स्वसैन्यस्य प्रहर्षणम् ॥ ६.१०६.३ ॥
それは空を飲み込み、大地を轟かせるかのようで、敵軍の破滅であり、味方の喜びであった。
6.106.4
रावणस्य रथं क्षिप्रं चोदयामास सारथिः।
तमापतन्तं सहसा स्वनवन्तं महाध्वजम् ॥ ६.१०६.४ ॥
御者は速やかにラーヴァナの戦車を進ませた。それは突然迫り来て、咆哮し、大きな旗を掲げていた。
6.106.5
रथं राक्षसराजस्य नरराजो ददर्श ह।
कृष्णवाजिसमायुक्तं युक्तं रौद्रेण वर्चसा ॥ ६.१०६.५ ॥
人の王（ラーマ）は羅刹王の戦車を見た。それは黒馬に繋がれ、激しい輝きを放っていた。
6.106.6
दीप्यमानमिवाकाशे विमानं सूर्यवर्चसम्।
तडित्पताकागहनं दर्शितेन्द्रायुधप्रभम् ॥ ६.१०६.६ ॥
それは空に輝く燃え立つ空飛ぶ車のようで、太陽の輝きを持ち、稲妻のような旗で密に覆われ、虹の光を示していた。
6.106.7
शरधारा विमुञ्चन्तं धाराधरमिवाम्बुदम्।
स दृष्ट्वा मेघसंकाशमापतन्तं रथं रिपोः ॥ ६.१०६.७ ॥
矢の奔流を注ぎながら雨雲のように迫る敵の戦車を、雲に似たものと見てラーマは、
6.106.8
गिरेर्वज्राभिमृष्टस्य दीर्यतः सदृशस्वनम्।
विस्फारयन् वै वेगेन बालचन्द्रानतं धनुः ॥ ६.१०६.८ ॥
雷に打たれて裂ける山のような音を立て、新月のように曲がった弓を勢いよく引き絞り、
6.106.9
उवाच मातलिं रामः सहस्राक्षस्य सारथिम्।
मातले पश्य संरब्धमापतन्तं रथं रिपोः ॥ ६.१०६.९ ॥
ラーマは千眼神（インドラ）の御者マータリに言った。「マータリよ、怒りに燃えて迫る敵の戦車を見よ。」
6.106.10
यथापसव्यं पतता वेगेन महता पुनः।
समरे हन्तुमात्मानं तथानेन कृता मतिः ॥ ६.१०६.१० ॥
かつて左から再び猛烈な速さで襲いかかり、戦場で私を殺そうとしたように、今度はこの者が私を討つと決めたのだ。
6.106.11
तदप्रमादमातिष्ठ प्रत्युद्गच्छ रथं रिपोः।
विध्वंसयितुमिच्छामि वायुर्मेघमिवोत्थितम् ॥ ६.१०६.११ ॥
だから油断なく、敵の戦車に向かって進め。湧き上がった雲を風が散らすように、私は彼を打ち砕きたい。
6.106.12
अविक्लवमसम्भ्रान्तमव्यग्रहृदयेक्षणम्।
रश्मिसंचारनियतं प्रचोदय रथं द्रुतम् ॥ ६.१०६.१२ ॥
動じず、慌てず、心と眼差しを落ち着かせ、手綱の操りを確かにして、速やかに戦車を走らせよ。
6.106.13
कामं न त्वं समाधेयः पुरंदररथोचितः।
युयुत्सुरहमेकाग्रः स्मारये त्वां न शिक्षये ॥ ६.१०६.१३ ॥
あなたはインドラの戦車にふさわしく、教える必要はありません。戦いを望み一心に集中する私は、ただ思い出させるだけで、教えるのではありません。
6.106.14
परितुष्टः स रामस्य तेन वाक्येन मातलिः।
प्रचोदयामास रथं सुरसारथिरुत्तमः ॥ ६.१०६.१४ ॥
ラーマの言葉に満足した神々の最良の御者マータリは、戦車を前へ進ませた。
6.106.15
अपसव्यं ततः कुर्वन् रावणस्य महारथम्।
चक्रसम्भूतरजसा रावणं व्यवधूनयत् ॥ ६.१०६.१५ ॥
そしてラーヴァナの大戦車を左へ回し、車輪が巻き上げた砂塵でラーヴァナを揺さぶった。
6.106.16
ततः क्रुद्धो दशग्रीवस्ताम्रविस्फारितेक्षणः।
रथप्रतिमुखं रामं सायकैरवधूनयत् ॥ ६.१०६.१६ ॥
すると激怒した十頸のラーヴァナは、赤く見開いた目で、戦車の正面にいるラーマを矢で揺さぶった。
6.106.17
धर्षणामर्षितो रामो धैर्यं रोषेण लम्भयन्।
जग्राह सुमहावेगमैन्द्रं युधि शरासनम् ॥ ६.१०६.१७ ॥
侮辱に怒ったラーマは、忍耐を怒りに変え、戦いにおいてインドラの極めて速い弓を手に取った。
6.106.18
शरांश्च सुमहावेगान् सूर्यरश्मिसमप्रभान्।
तदुपोढं महद् युद्धमन्योन्यवधकांक्षिणोः।
परस्पराभिमुखयोर्दृप्तयोरिव सिंहयोः ॥ ६.१०६.१८ ॥
太陽の光線のように輝く極めて速い矢が放たれ、互いの死を望む二人の間に大戦が起こった。誇り高い二頭の獅子が正面から争うように。
6.106.19
ततो देवाः सगन्धर्वाः सिद्धाश्च परमर्षयः।
समीयुर्द्वैरथं द्रष्टुं रावणक्षयकांक्षिणः ॥ ६.१०६.१९ ॥
そこで神々、ガンダルヴァ、シッダ、そして大仙人たちは、ラーヴァナの滅亡を望み、一騎打ちの戦いを見ようと集まった。
6.106.20
समुत्पेतुरथोत्पाता दारुणा रोमहर्षणाः।
रावणस्य विनाशाय राघवस्योदयाय च ॥ ६.१०६.२० ॥
ラーヴァナの滅亡とラーガヴァの台頭のために、恐ろしく身の毛もよだつ凶兆が現れた。
6.106.21
ववर्ष रुधिरं देवो रावणस्य रथोपरि।
वाता मण्डलिनस्तीव्रा व्यपसव्यं प्रचक्रमुः ॥ ६.१०६.२१ ॥
神はラーヴァナの戦車の上に血の雨を降らせ、激しい渦巻く風が不吉に右から左へ吹き始めた。
6.106.22
महद्गृध्रकुलं चास्य भ्रममाणं नभस्थले।
येन येन रथो याति तेन तेन प्रधावति ॥ ६.१०६.२२ ॥
空を旋回する大きなハゲワシの群れが彼に付き従い、戦車がどこへ向かっても、同じ方向へ殺到した。
6.106.23
संध्यया चावृता लङ्का जपापुष्पनिकाशया।
दृश्यते सम्प्रदीप्तेव दिवसेऽपि वसुंधरा ॥ ६.१०६.२३ ॥
ジャパー花のような赤い夕映えに覆われたラṅカーは、昼間でさえ燃え上がっているように見えた。大地そのものが燃えているかのようであった。
6.106.24
सनिर्घाता महोल्काश्च सम्प्रपेतुर्महास्वनाः।
विषादयंस्ते रक्षांसि रावणस्य तदाहिताः ॥ ६.१०६.२४ ॥
雷鳴を伴い大きな流星が凄まじい轟音とともに落ち、ラーヴァナの羅刹たちの上に降り注いで彼らを憂いに沈めた。
6.106.25
रावणश्च यतस्तत्र प्रचचाल वसुंधरा।
रक्षसां च प्रहरतां गृहीता इव बाहवः ॥ ६.१०६.२५ ॥
ラーヴァナのいる所で大地が揺れ、打ちかかる羅刹たちの腕は捕らえられたかのようだった。
6.106.26
ताम्राः पीताः सिताः श्वेताः पतिताः सूर्यरश्मयः।
दृश्यन्ते रावणस्याग्रे पर्वतस्येव धातवः ॥ ६.१०६.२६ ॥
銅色・黄色・黒・白の太陽の光線が落ちて、ラーヴァナの前に山の鉱脈のように見えた。
6.106.27
गृध्रैरनुगताश्चास्य वमन्त्यो ज्वलनं मुखैः।
प्रणेदुर्मुखमीक्षन्त्यः संरब्धमशिवं शिवाः ॥ ६.१०६.२७ ॥
禿鷹に付き従われ、口から炎を吐きながら、怒りに満ちた不吉な顔を見つめて、雌の山犬たちが吠えた。
6.106.28
प्रतिकूलं ववौ वायू रणे पांसून् समुत्किरन्।
तस्य राक्षसराजस्य कुर्वन् दृष्टिविलोपनम् ॥ ६.१०६.२८ ॥
戦場に逆風が吹き、砂塵を巻き上げて、その羅刹王の視界を奪った。
6.106.29
निपेतुरिन्द्राशनयः सैन्ये चास्य समन्ततः।
दुर्विषह्यस्वरा घोरा विना जलधरोदयम् ॥ ६.१०६.२९ ॥
雲の湧きいでることもなく、耐えがたく恐ろしい響きとともに、インドラの雷霆が彼の軍勢の四方に落ちた。
6.106.30
दिशश्च प्रदिशः सर्वा बभूवुस्तिमिरावृताः।
पांसुवर्षेण महता दुर्दर्शं च नभोऽभवत् ॥ ६.१०६.३० ॥
あらゆる方角と中間の方角は闇に覆われ、大量の砂塵の雨によって空は見えにくくなった。
6.106.31
कुर्वन्त्यः कलहं घोरं सारिकास्तद्रथं प्रति।
निपेतुः शतशस्तत्र दारुणा दारुणारुताः ॥ ६.१०६.३१ ॥
恐ろしい騒ぎを立てるムクドリが、その戦車めがけて何百羽もそこに落ち、恐ろしい声で鳴き叫んだ。
6.106.32
जघनेभ्यः स्फुलिङ्गाश्च नेत्रेभ्योऽश्रूणि संततम्।
मुमुचुस्तस्य तुरगास्तुल्यमग्निं च वारि च ॥ ६.१०६.३२ ॥
彼の馬は後尾から火花を散らし、目からは絶えず涙を流した。火と水が等しく噴き出したのである。
6.106.33
एवंप्रकारा बहवः समुत्पाता भयावहाः।
रावणस्य विनाशाय दारुणाः सम्प्रजज्ञिरे ॥ ६.१०६.३३ ॥
このような恐ろしい前兆が数多く、ラーヴァナの滅亡のために現れた。
6.106.34
रामस्यापि निमित्तानि सौम्यानि च शिवानि च।
बभूवुर्जयशंसीनि प्रादुर्भूतानि सर्वशः ॥ ६.१०६.३४ ॥
ラーマにも吉兆と瑞兆が現れ、あらゆる面で勝利を告げていた。
6.106.35
निमित्तानीह सौम्यानि राघवः स्वजयाय वै।
दृष्ट्वा परमसंहृष्टो हतं मेने च रावणम् ॥ ६.१०६.३५ ॥
ここに現れた吉兆を見て、ラーガヴァは、それを自らの勝利の印と受け取り、大いに喜んで、ラーヴァナはすでに殺されたと思った。
6.106.36
ततो निरीक्ष्यात्मगतानि राघवो
रणे निमित्तानि निमित्तकोविदः।
जगाम हर्षं च परां च निर्वृतिं
चकार युद्धे ह्यधिकं च विक्रमम् ॥ ६.१०६.३६ ॥
そこで、前兆に通じたラーガヴァは、戦場で自分に関わるそれらの前兆を見て、無上の喜びと深い安らぎを得、戦いにおいていっそう大きな勇気を示した。