Vālmīki Rāmāyaṇa · Sarga 6.107
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.107.1
ततः प्रवृत्तं सुक्रूरं रामरावणयोस्तदा।
सुमहद् द्वैरथं युद्धं सर्वलोकभयावहम् ॥ ६.१०७.१ ॥
Then began the great and exceedingly cruel single combat between Rāma and Rāvaṇa, bringing terror to all the worlds.
6.107.2
ततो राक्षससैन्यं च हरीणां च महद्बलम्।
प्रगृहीतप्रहरणं निश्चेष्टं समवर्तत ॥ ६.१०७.२ ॥
Then the army of the rākṣasas and the great force of the monkeys stood motionless, weapons raised in their hands.
6.107.3
सम्प्रयुद्धौ तु तौ दृष्ट्वा बलवन्नरराक्षसौ।
व्याक्षिप्तहृदयाः सर्वे परं विस्मयमागताः ॥ ६.१०७.३ ॥
Seeing those two mighty ones, the man and the rākṣasa, locked in combat, all were troubled at heart and filled with great wonder.
6.107.4
नानाप्रहरणैर्व्यग्रैर्भुजैर्विस्मितबुद्धयः।
तस्थुः प्रेक्ष्य च संग्रामं नाभिजग्मुः परस्परम् ॥ ६.१०७.४ ॥
With many weapons in their busy arms, their minds astonished, they stood watching the battle, and did not approach one another.
6.107.5
रक्षसां रावणं चापि वानराणां च राघवम्।
पश्यतां विस्मिताक्षाणां सैन्यं चित्रमिवाबभौ ॥ ६.१०७.५ ॥
As the rākṣasas watched Rāvaṇa and the monkeys watched Rāghava, with astonished eyes, the army shone like a painted picture.
6.107.6
तौ तु तत्र निमित्तानि दृष्ट्वा राघवरावणौ।
कृतबुद्धी स्थिरामर्षौ युयुधाते ह्यभीतवत् ॥ ६.१०७.६ ॥
Having seen the omens there, Rāghava and Rāvaṇa, resolved in mind and steady in their anger, fought as though fearless.
6.107.7
जेतव्यमिति काकुत्स्थो मर्तव्यमिति रावणः।
धृतौ स्ववीर्यसर्वस्वं युद्धेऽदर्शयतां तदा ॥ ६.१०७.७ ॥
Rāma resolved that he must conquer, and Rāvaṇa that he must die; then both displayed in battle the whole sum of their own valour.
6.107.8
ततः क्रोधाद् दशग्रीवः शरान् संधाय वीर्यवान्।
मुमोच ध्वजमुद्दिश्य राघवस्य रथे स्थितम् ॥ ६.१०७.८ ॥
Then in anger Rāvaṇa of the ten necks, mighty, fitted his arrows and released them, aiming at the banner standing on Rāma's chariot.
6.107.9
ते शरास्तमनासाद्य पुरंदररथध्वजम्।
रथशक्तिं परामृश्य निपेतुर्धरणीतले ॥ ६.१०७.९ ॥
Those arrows, not reaching that banner like the banner of Indra's chariot, touched the power of the chariot and fell to the earth.
6.107.10
ततो रामोऽपि संक्रुद्धश्चापमाकृष्य वीर्यवान्।
कृतप्रतिकृतं कर्तुं मनसा सम्प्रचक्रमे ॥ ६.१०७.१० ॥
Then Rāma too, mighty and greatly enraged, drew his bow, and in his mind resolved to return blow for blow.
6.107.11
रावणध्वजमुद्दिश्य मुमोच निशितं शरम्।
महासर्पमिवासह्यं ज्वलन्तं स्वेन तेजसा ॥ ६.१०७.११ ॥
Aiming at Rāvaṇa's banner he released a sharp arrow, like a great serpent unbearable, blazing with its own radiance.
6.107.12
रामश्चिक्षेप तेजस्वी केतुमुद्दिश्य सायकम्।
जगाम स महीं छित्त्वा दशग्रीवध्वजं शरः ॥ ६.१०७.१२ ॥
Radiant Rāma shot an arrow aiming at the banner; that arrow went cutting through the earth and severed the banner of ten-necked Rāvaṇa.
6.107.13
स निकृत्तोऽपतद् भूमौ रावणस्यन्दनध्वजः।
ध्वजस्योन्मथनं दृष्ट्वा रावणः स महाबलः ॥ ६.१०७.१३ ॥
Rāvaṇa's chariot-banner, cut down, fell to the ground; and seeing the banner toppled, the mighty Rāvaṇa...
6.107.14
सम्प्रदीप्तोऽभवत् क्रोधादमर्षात् प्रदहन्निव।
स रोषवशमापन्नः शरवर्षं ववर्ष ह ॥ ६.१०७.१४ ॥
Blazing up with anger and indignation, as if burning, he fell under the sway of wrath and rained down a shower of arrows.
6.107.15
रामस्य तुरगान् दीप्तैः शरैर्विव्याध रावणः।
ते दिव्या हरयस्तत्र नास्खलन्नापि बभ्रमुः ॥ ६.१०७.१५ ॥
Rāvaṇa pierced Rāma's horses with blazing arrows; yet those divine steeds neither stumbled there nor swerved.
6.107.16
बभूवुः स्वस्थहृदयाः पद्मनालैरिवाहताः।
तेषामसम्भ्रमं दृष्ट्वा वाजिनां रावणस्तदा ॥ ६.१०७.१६ ॥
They remained calm of heart, as though struck only by lotus-stalks; and seeing the unflinching composure of the horses, then Rāvaṇa...
6.107.17
भूय एव सुसंक्रुद्धः शरवर्षं मुमोच ह।
गदाश्च परिघांश्चैव चक्राणि मुसलानि च ॥ ६.१०७.१७ ॥
Again, greatly enraged, he unleashed a shower of arrows; and he also hurled maces, iron bars, discuses and clubs.
6.107.18
गिरिशृङ्गाणि वृक्षांश्च तथा शूलपरश्वधान्।
मायाविहितमेतत् तु शस्त्रवर्षमपातयत्।
सहस्रशस्तदा बाणानश्रान्तहृदयोद्यमः ॥ ६.१०७.१८ ॥
He also hurled mountain peaks, trees, spears and battle-axes; this rain of weapons, fashioned by illusion, he caused to fall, and with a heart and effort that never tired, he loosed arrows by the thousands.
6.107.19
तुमुलं त्रासजननं भीमं भीमप्रतिस्वनम्।
तद् वर्षमभवद् युद्धे नैकशस्त्रमयं महत् ॥ ६.१०७.१९ ॥
In that battle that shower, terrifying and tumultuous with a dreadful echo, became a great downpour made of many weapons.
6.107.20
विमुच्य राघवरथं समन्ताद् वानरे बले।
सायकैरन्तरिक्षं च चकार सुनिरन्तरम् ॥ ६.१०७.२० ॥
Leaving Rāghava's chariot, he filled the sky completely and without gaps with arrows, on all sides, over the monkey army.
6.107.21
मुमोच च दशग्रीवो निःसङ्गेनान्तरात्मना।
व्यायच्छमानं तं दृष्ट्वा तत्परं रावणं रणे ॥ ६.१०७.२१ ॥
Daśagrīva released arrows with a detached inner self; seeing him straining in battle, intent upon it—
6.107.22
प्रहसन्निव काकुत्स्थः संदधे निशितान् शरान्।
स मुमोच ततो बाणान् शतशोऽथ सहस्रशः ॥ ६.१०७.२२ ॥
Smiling, as it were, Kākutstha fitted sharp arrows; then he released them by the hundreds and by the thousands.
6.107.23
तान् दृष्ट्वा रावणश्चक्रे स्वशरैः खं निरन्तरम्।
ताभ्यां नियुक्तेन तदा शरवर्षेण भास्वता ॥ ६.१०७.२३ ॥
Seeing those, Rāvaṇa filled the sky without gaps with his own arrows; and then, by the radiant shower of arrows set loose by those two—
6.107.24
शरबद्धमिवाभाति द्वितीयं भास्वदम्बरम्।
नानिमित्तोऽभवद् बाणो नानिर्भेत्ता न निष्फलः ॥ ६.१०७.२४ ॥
Then a second radiant sky seemed bound with arrows. No arrow was without an aim, none failed to pierce, none was fruitless.
6.107.25
अन्योन्यमभिसंहत्य निपेतुर्धरणीतले।
तथा विसृजतोर्बाणान् रामरावणयोर्मृधे ॥ ६.१०७.२५ ॥
Thus, in battle, as Rāma and Rāvaṇa struck at one another and loosed their arrows, both fell to the ground.
6.107.26
प्रायुध्येतामविच्छिन्नमस्यन्तौ सव्यदक्षिणम्।
चक्रतुश्च शरैर्घोरैर्निरुच्छ्वासमिवाम्बरम् ॥ ६.१०७.२६ ॥
Shooting without pause with left and right hands, the two fought a fierce battle, and with their terrible arrows they made the sky as though breathless.
6.107.27
रावणस्य हयान् रामो हयान् रामस्य रावणः।
जघ्नतुस्तौ तदान्योन्यं कृतानुकृतकारिणौ ॥ ६.१०७.२७ ॥
Rāma struck down Rāvaṇa's horses, and Rāvaṇa struck down Rāma's horses; the two of them, each answering the other's deed with its like, struck one another.
6.107.28
एवं तु तौ सुसंक्रुद्धौ चक्रतुर्युद्धमुत्तमम्।
मुहूर्तमभवद् युद्धं तुमुलं रोमहर्षणम् ॥ ६.१०७.२८ ॥
Thus, greatly enraged, the two waged a supreme battle; for a while there was a tumultuous, hair-raising fight.
6.107.29
तौ तथा युध्यमानौ तु समरे रामरावणौ।
ददृशुः सर्वभूतानि विस्मितेनान्तरात्मना ॥ ६.१०७.२९ ॥
As the two, Rāma and Rāvaṇa, fought thus in battle, all beings watched them with astonished hearts.
6.107.30
अर्दयन्तौ तु समरे तयोस्तौ स्यन्दनोत्तमौ।
परस्परमभिक्रुद्धौ परस्परमभिद्रुतौ ॥ ६.१०७.३० ॥
Tormenting one another in battle, both fiercely enraged, the two rushed upon each other in their excellent chariots.
6.107.31
परस्परवधे युक्तौ घोररूपौ बभूवतुः।
मण्डलानि च वीथीश्च गतप्रत्यागतानि च ॥ ६.१०७.३१ ॥
Intent on slaying each other, the two became terrible in form. They performed circular turns, paths and wheelings, forward and backward movements.
6.107.32
दर्शयन्तौ बहुविधां सूतौ सारथ्यजां गतिम्।
अर्दयन् रावणं रामो राघवं चापि रावणः ॥ ६.१०७.३२ ॥
Displaying many kinds of movement arising from charioteering, the two charioteers pressed their attack: Rāma pressed Rāvaṇa, and Rāvaṇa also pressed Rāghava.
6.107.33
गतिवेगं समापन्नौ प्रवर्तननिवर्तने।
क्षिपतोः शरजालानि तयोस्तौ स्यन्दनोत्तमौ ॥ ६.१०७.३३ ॥
Their excellent chariots, reaching the speed of motion and skilled in advancing and retreating, hurled nets of arrows at each other.
6.107.34
चेरतुः संयुगमहीं सासारौ जलदाविव।
दर्शयित्वा तदा तौ तु गतिं बहुविधां रणे ॥ ६.१०७.३४ ॥
The two moved about the battlefield like two rain-pouring clouds. Then, having displayed many kinds of movement in battle, the two advanced.
6.107.35
परस्परस्याभिमुखौ पुनरेव च तस्थतुः।
धुरं धुरेण रथयोर्वक्त्रं वक्त्रेण वाजिनाम् ॥ ६.१०७.३५ ॥
The two again stood facing each other: the yoke-pole of one chariot against the yoke-pole of the other, and the horses' faces against faces.
6.107.36
पताकाश्च पताकाभिः समीयुः स्थितयोस्तदा।
रावणस्य ततो रामो धनुर्मुक्तैः शितैः शरैः ॥ ६.१०७.३६ ॥
Then the banners of the two, standing there, came together with banners. Then Rāma, against Rāvaṇa, with sharp arrows released from his bow.
6.107.37
चतुर्भिश्चतुरो दीप्तान् हयान् प्रत्यपसर्पयत्।
स क्रोधवशमापन्नो हयानामपसर्पणे ॥ ६.१०७.३७ ॥
With four arrows he drove back the four blazing horses; overcome by anger, he turned the horses back.
6.107.38
मुमोच निशितान् बाणान् राघवाय दशाननः।
सोऽतिविद्धो बलवता दशग्रीवेण राघवः ॥ ६.१०७.३८ ॥
Rāvaṇa released sharp arrows at Rāghava; sorely pierced by the mighty ten-necked one, Rāghava (Rāma) was struck.
6.107.39
जगाम न विकारं च न चापि व्यथितोऽभवत्।
चिक्षेप च पुनर्बाणान् वज्रसारसमस्वनान् ॥ ६.१०७.३९ ॥
Rāma showed no change and was not distressed; again he hurled arrows whose sound was like the force of thunderbolts.
6.107.40
सारथिं वज्रहस्तस्य समुद्दिश्य दशाननः।
मातलेस्तु महावेगाः शरीरे पतिताः शराः ॥ ६.१०७.४० ॥
Aiming at the charioteer of the thunderbolt-handed one (Indra), Rāvaṇa's swift and powerful arrows fell upon Mātali's body.
6.107.41
न सूक्ष्ममपि सम्मोहं व्यथां वा प्रददुर्युधि।
तया धर्षणया क्रुद्धो मातलेर्न तथाऽऽत्मनः ॥ ६.१०७.४१ ॥
In battle those arrows caused Rāma not even a slight confusion or distress; but angered by that assault, he responded thus for Mātali, not for himself.
6.107.42
चकार शरजालेन राघवो विमुखं रिपुम्।
विंशतिं त्रिंशतिं षष्टिं शतशोऽथ सहस्रशः ॥ ६.१०७.४२ ॥
Rāghava turned the enemy away with a net of arrows — twenty, thirty, sixty, by hundreds, and then by thousands.
6.107.43
मुमोच राघवो वीरः सायकान् स्यन्दने रिपोः।
रावणोऽपि ततः क्रुद्धो रथस्थो राक्षसेश्वरः ॥ ६.१०७.४३ ॥
The heroic Rāghava loosed arrows upon the enemy's chariot. Then Rāvaṇa, lord of the rākṣasas, enraged and standing in his chariot, also.
6.107.44
गदामुसलवर्षेण रामं प्रत्यर्दयद् रणे।
तत् प्रवृत्तं पुनर्युद्धं तुमुलं रोमहर्षणम् ॥ ६.१०७.४४ ॥
With a shower of clubs and maces he struck back at Rāma in the battle. That fight began again, tumultuous and hair-raising.
6.107.45
गदानां मुसलानां च परिघाणां च निःस्वनैः।
शराणां पुङ्खवातैश्च क्षुभिताः सप्त सागराः ॥ ६.१०७.४५ ॥
At the roaring of clubs, maces and iron bars, and the winged rush of arrows, the seven oceans were churned.
6.107.46
क्षुब्धानां सागराणां च पातालतलवासिनः।
व्यथिता दानवाः सर्वे पन्नगाश्च सहस्रशः ॥ ६.१०७.४६ ॥
Because the oceans were churned, all the dānavas dwelling in the depths of the netherworld, and the thousands of serpents, were distressed.
6.107.47
चकम्पे मेदिनी कृत्स्ना सशैलवनकानना।
भास्करो निष्प्रभश्चासीन्न ववौ चापि मारुतः ॥ ६.१०७.४७ ॥
The entire earth, with its mountains, groves and forests, trembled. The sun lost its brilliance, and the wind did not blow.
6.107.48
ततो देवाः सगन्धर्वाः सिद्धाश्च परमर्षयः।
चिन्तामापेदिरे सर्वे सकिंनरमहोरगाः ॥ ६.१०७.४८ ॥
Then the gods, gandharvas, siddhas and great sages, together with the kinnaras and great serpents, all fell into anxiety.
6.107.49
स्वस्ति गोब्राह्मणेभ्यस्तु लोकास्तिष्ठन्तु शाश्वताः।
जयतां राघवः संख्ये रावणं राक्षसेश्वरम् ॥ ६.१०७.४९ ॥
May there be well-being for cows and brāhmaṇas, and may the worlds endure forever. In battle, may Rāghava (Rāma) be victorious over Rāvaṇa, lord of the rākṣasas.
6.107.50
एवं जपन्तोऽपश्यंस्ते देवाः सर्षिगणास्तदा।
रामरावणयोर्युद्धं सुघोरं रोमहर्षणम् ॥ ६.१०७.५० ॥
Thus murmuring, the gods together with the companies of sages then beheld the battle of Rāma and Rāvaṇa, most dreadful and hair-raising.
6.107.51
गन्धर्वाप्सरसां सङ्घा दृष्ट्वा युद्धमनूपमम्।
गगनं गगनाकारं सागरः सागरोपमः ॥ ६.१०७.५१ ॥
Seeing that incomparable battle, the throngs of gandharvas and apsarasas saw the sky resembling the sky, and the ocean resembling the ocean.
6.107.52
रामरावणयोर्युद्धं रामरावणयोरिव।
एवं ब्रुवन्तो ददृशुस्तद् युद्धं रामरावणम् ॥ ६.१०७.५२ ॥
Saying, "This battle of Rāma and Rāvaṇa is as though it were Rāma and Rāvaṇa themselves," they beheld that battle, Rāma and Rāvaṇa.
6.107.53
ततः क्रोधान्महाबाहू रघूणां कीर्तिवर्धनः।
संधाय धनुषा रामः शरमाशीविषोपमम् ॥ ६.१०७.५३ ॥
Then, in anger, the mighty-armed Rāma, increaser of the glory of the Raghus, fitted to his bow an arrow like a venomous serpent.
6.107.54
रावणस्य शिरोऽच्छिन्दच्छ्रीमज्ज्वलितकुण्डलम्।
तच्छिरः पतितं भूमौ दृष्टं लोकैस्त्रिभिस्तदा ॥ ६.१०७.५४ ॥
He cut off Rāvaṇa's head, splendid with blazing earrings; and that head, fallen upon the ground, was then seen by the three worlds.
6.107.55
तस्यैव सदृशं चान्यद् रावणस्योत्थितं शिरः।
तत् क्षिप्तं क्षिप्रहस्तेन रामेण क्षिप्रकारिणा ॥ ६.१०७.५५ ॥
Another head of Rāvaṇa, just like the first, rose up, and Rāma, swift of hand and swift in action, struck it off.
6.107.56
द्वितीयं रावणशिरश्छिन्नं संयति सायकैः।
छिन्नमात्रं च तच्छीर्षं पुनरेव प्रदृश्यते ॥ ६.१०७.५६ ॥
In battle the second head of Rāvaṇa too was cut off by arrows, but no sooner was it severed than that head appeared again.
6.107.57
तदप्यशनिसंकाशैश्छिन्नं रामस्य सायकैः।
एवमेव शतं छिन्नं शिरसां तुल्यवर्चसाम् ॥ ६.१०७.५७ ॥
That too was cut off by Rāma's arrows, which were like thunderbolts; in this way a hundred heads of equal splendour were severed.
6.107.58
न चैव रावणस्यान्तो दृश्यते जीवितक्षये।
ततः सर्वास्त्रविद् वीरः कौसल्यानन्दवर्धनः ॥ ६.१०७.५८ ॥
No sign of the end of life could be seen in Rāvaṇa. Then that hero, knower of all weapons, increaser of Kausalyā's joy, (Rāma)
6.107.59
मार्गणैर्बहुभिर्युक्तश्चिन्तयामास राघवः।
मारीचो निहतो यैस्तु खरो यैस्तु सदूषणः ॥ ६.१०७.५९ ॥
Rāghava (Rāma), equipped with many arrows, reflected: those by whom Mārīca was slain, and by whom Khara, along with Dūṣaṇa, was slain,
6.107.60
क्रौञ्चावटे विराधस्तु कबन्धो दण्डकावने।
यैः साला गिरयो भग्ना वाली च क्षुभितोऽम्बुधिः ॥ ६.१०७.६० ॥
Virādha in the Krauñca pit, and Kabandha in the Daṇḍaka forest — by whom the sāla trees and mountains were shattered, and Vālī and the ocean were agitated —
6.107.61
त इमे सायकाः सर्वे युद्धे प्रात्ययिका मम।
किं नु तत् कारणं येन रावणे मन्दतेजसः ॥ ६.१०७.६१ ॥
These arrows of mine, all of them trusted in battle—what then is the reason they have lost their power against Rāvaṇa?
6.107.62
ववर्ष शरवर्षाणि राघवो रावणोरसि ॥ ६.१०७.६२ ॥
Rāghava (Rāma) rained down a shower of arrows upon Rāvaṇa's chest.
6.107.63
रावणोऽपि ततः क्रुद्धो रथस्थो राक्षसेश्वरः।
गदामुसलवर्षेण रामं प्रत्यर्दयद् रणे ॥ ६.१०७.६३ ॥
Then Rāvaṇa too, enraged, standing on his chariot, lord of the rākṣasas, assailed Rāma in battle with a rain of clubs and maces.
6.107.64
तत् प्रवृत्तं महद् युद्धं तुमुलं रोमहर्षणम्।
अन्तरिक्षे च भूमौ च पुनश्च गिरिमूर्धनि ॥ ६.१०७.६४ ॥
That great battle began, tumultuous and hair-raising—in the sky, on the earth, and again on the mountain summits.
6.107.65
देवदानवयक्षाणां पिशाचोरगरक्षसाम्।
पश्यतां तन्महद् युद्धं सर्वरात्रमवर्तत ॥ ६.१०७.६५ ॥
While gods, dānavas, yakṣas, piśācas, serpents and rākṣasas watched, that great battle went on through the whole night.
6.107.66
नैव रात्रिं न दिवसं न मुहूर्तं न च क्षणम्।
रामरावणयोर्युद्धं विराममुपगच्छति ॥ ६.१०७.६६ ॥
Neither night nor day, neither a muhūrta nor a moment—the battle of Rāma and Rāvaṇa comes to no pause.
6.107.67
दशरथसुतराक्षसेन्द्रयोस्तयो-
र्जयमनवेक्ष्य रणे स राघवस्य।
सुरवररथसारथिर्महात्मा
रणरतराममुवाच वाक्यमाशु ॥ ६.१०७.६७ ॥
Seeing that neither of the two, Daśaratha's son and the lord of the rākṣasas, had won the victory in battle, the great-souled charioteer of the best of gods' chariot quickly spoke these words to Rāma, who was intent on the fight.