رامايانا فالميكي · السارغا 6.121
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.121.1
तां रात्रिमुषितं रामं सुखोदितमरिंदमम्।
अब्रवीत् प्राञ्जलिर्वाक्यं जयं पृष्ट्वा विभीषणः ॥ ६.१२१.१ ॥
لما انقضت تلك الليلة واستيقظ راما، قاهر الأعداء، مبتهجًا، قال فيبهيشانا، ضام كفيه، بعد أن سأل عن النصر، هذه الكلمات.
6.121.2
स्नानानि चाङ्गरागाणि वस्त्राण्याभरणानि च।
चन्दनानि च माल्यानि दिव्यानि विविधानि च ॥ ६.१२१.२ ॥
أدوات الاستحمام، والمراهم الجسدية، والثياب، والحلي، ومعجون الصندل، والأكاليل، وأشياء إلهية متنوعة.
6.121.3
अलंकारविदश्चैता नार्यः पद्मनिभेक्षणाः।
उपस्थितास्त्वां विधिवत् स्नापयिष्यन्ति राघव ॥ ६.१२१.३ ॥
هؤلاء النساء ذوات العيون كالنيلوفر، الماهرات في الزينة، حاضرات؛ يا راغافا، سيغسلنك وفق الأصول.
6.121.4
एवमुक्तस्तु काकुत्स्थः प्रत्युवाच विभीषणम्।
हरीन् सुग्रीवमुख्यांस्त्वं स्नानेनोपनिमन्त्रय ॥ ६.१२१.४ ॥
فلما قيل له ذلك، أجاب راما الكاكوتستها فيبهيشانا: ادعُ القرود بقيادة سوغريفا إلى الاستحمام.
6.121.5
स तु ताम्यति धर्मात्मा मम हेतोः सुखोचितः।
सुकुमारो महाबाहुर्भरतः सत्यसंश्रयः ॥ ६.१२१.५ ॥
إن بهاراتا ذلك، صاحب النفس الصالحة، المستحق للراحة، الرقيق، العظيم الذراعين، الثابت في الحق، يتألم بسببي.
6.121.6
तं विना कैकयीपुत्रं भरतं धर्मचारिणम्।
न मे स्नानं बहु मतं वस्त्राण्याभरणानि च ॥ ६.१२१.६ ॥
بدون بهاراتا ابن كايكيي، المتبع للدارما، لا أعدّ الاستحمام ولا الثياب ولا الحلي ذات قيمة كبيرة.
6.121.7
एतत् पश्य यथा क्षिप्रं प्रतिगच्छाम तां पुरीम्।
अयोध्यां गच्छतो ह्येष पन्थाः परमदुर्गमः ॥ ६.१२१.७ ॥
انظر كيف نعود سريعًا إلى تلك المدينة، فهذا الطريق إلى أيودهيا شديد الوعورة.
6.121.8
एवमुक्तस्तु काकुत्स्थं प्रत्युवाच विभीषणः।
अह्ना त्वां प्रापयिष्यामि तां पुरीं पार्थिवात्मज ॥ ६.१२१.८ ॥
فأجاب فيبهيشانا راما من نسل كاكوتستا بعد أن خوطب بذلك: "يا ابن الملك، سأوصلك إلى تلك المدينة في يوم واحد."
6.121.9
पुष्पकं नाम भद्रं ते विमानं सूर्यसंनिभम्।
मम भ्रातुः कुबेरस्य रावणेन बलीयसा ॥ ६.१२१.९ ॥
ليكن لك الخير. إن المركبة السماوية المسماة بوشبكا، المشابهة للشمس، كانت لأخي كوبيرا، لكن رافانا القوي استولى عليها.
6.121.10
हृतं निर्जित्य संग्रामे कामगं दिव्यमुत्तमम्।
त्वदर्थं पालितं चेदं तिष्ठत्यतुलविक्रम ॥ ६.१२१.१० ॥
لقد غلبه في المعركة واستولى عليه؛ وهذه المركبة الإلهية العليا، التي تسير بإرادتها، قد حُفظت من أجلك وهي واقفة هنا، يا من لا نظير لبأسه.
6.121.11
तदिदं मेघसंकाशं विमानमिह तिष्ठति।
येन यास्यसि यानेन त्वमयोध्यां गतज्वरः ॥ ६.१२१.११ ॥
هذه المركبة التي تشبه السحابة واقفة هنا؛ وبها ستمضي إلى أيودهيا، متحرراً من حمّى الهمّ.
6.121.12
अहं ते यद्यनुग्राह्यो यदि स्मरसि मे गुणान्।
वस तावदिह प्राज्ञ यद्यस्ति मयि सौहृदम् ॥ ६.१२१.१२ ॥
إن كنتُ جديرًا بعطفك، وإن تذكّرتَ فضائلي، أيها الحكيم، وإن كان في قلبك ودّ لي، فامكث هنا قليلًا.
6.121.13
लक्ष्मणेन सह भ्रात्रा वैदेह्या भार्यया सह।
अर्चितः सर्वकामैस्त्वं ततो राम गमिष्यसि ॥ ६.१२१.१३ ॥
مع أخيك لاكشمانا وزوجتك فايدehi (سيتا)، مكرَّمًا بكل ما تشتهي، ثم ستنطلق يا راما.
6.121.14
प्रीतियुक्तस्य विहितां ससैन्यः ससुहृद्गणः।
सत्क्रियां राम मे तावद् गृहाण त्वं मयोद्यताम् ॥ ६.१२१.१४ ॥
يا راما، هذا الاستقبال الكريم الذي أعددته بمودة، مع جندك ورفاقك، فاقبله الآن.
6.121.15
प्रणयाद् बहुमानाच्च सौहार्देन च राघव।
प्रसादयामि प्रेष्योऽहं न खल्वाज्ञापयामि ते ॥ ६.१२१.१५ ॥
يا راغافا، من محبة واحترام عظيم وصداقة أتضرع إليك؛ أنا خادمك، ولا آمرك بشيء.
6.121.16
एवमुक्तस्ततो रामः प्रत्युवाच विभीषणम्।
रक्षसां वानराणां च सर्वेषामेव शृण्वताम् ॥ ६.१२१.१६ ॥
وبعد أن قيل له ذلك، أجاب راما فيبهيشانا بينما كان جميع الراكشاسا والفاناراس يستمعون.
6.121.17
पूजितोऽस्मि त्वया वीर साचिव्येन परेण च।
सर्वात्मना च चेष्टाभिः सौहार्देन परेण च ॥ ६.१२१.१७ ॥
يا بطل، لقد أكرمتني بالمشورة الفائقة والخدمة، من كل قلبك، وبجهودك، وبصداقة عظيمة.
6.121.18
न खल्वेतन्न कुर्यां ते वचनं राक्षसेश्वर।
तं तु मे भ्रातरं द्रष्टुं भरतं त्वरते मनः ॥ ६.१२१.१८ ॥
يا سيد الراكشاسا، لن أرفض كلامك حقًا؛ لكن قلبي يستعجل لرؤية أخي بهاراتا.
6.121.19
मां निवर्तयितुं योऽसौ चित्रकूटमुपागतः।
शिरसा याचतो यस्य वचनं न कृतं मया ॥ ६.१२१.१९ ॥
لم أُلَبِّ طلب من جاء إلى تشيتراكوطا يتوسل إليّ، رأسه منحنٍ، أن أعود.
6.121.20
कौसल्यां च सुमित्रां च कैकेयीं च यशस्विनीम्।
गुहं च सुहृदं चैव पौराञ्जानपदैः सह ॥ ६.१२१.२० ॥
كاوشليا وسوميترا والمجيدة كايكيي وصديقي غوها، مع أهل المدينة وأهل الريف.
6.121.21
अनुजानीहि मां सौम्य पूजितोऽस्मि विभीषण।
मन्युर्न खलु कर्तव्यः सखे त्वां चानुमानये ॥ ६.१२१.२१ ॥
أيها الوديع فيبهيشانا، أْذن لي بالرحيل؛ لقد أكرمتني. أيها الصديق، لا تغضب؛ أناشدك.
6.121.22
उपस्थापय मे शीघ्रं विमानं राक्षसेश्वर।
कृतकार्यस्य मे वासः कथं स्यादिह सम्मतः ॥ ६.१२१.२२ ॥
يا سيد الراكشاسا، أحضر لي المركبة السماوية بسرعة. لقد أُنجزت مهمتي؛ فكيف يُقبل بقائي هنا؟
6.121.23
एवमुक्तस्तु रामेण राक्षसेन्द्रो विभीषणः।
विमानं सूर्यसंकाशमाजुहाव त्वरान्वितः ॥ ६.१२१.२३ ॥
وبعد أن خاطبه راما بذلك، استدعى ملك الراكشاسا فيبهيشانا بعجلة المركبة السماوية التي تتلألأ كالشمس.
6.121.24
ततः काञ्चनचित्राङ्गं वैदूर्यमणिवेदिकम्।
कूटागारैः परिक्षिप्तं सर्वतो रजतप्रभम् ॥ ६.१२१.२४ ॥
ثم جاءت المركبة السماوية، جسدها مزين بالذهب، وعتبتها من جواهر الفيدوريا، محاطة من كل جانب بأبراج وقصور، تلمع كالفضة.
6.121.25
पाण्डुराभिः पताकाभिर्ध्वजैश्च समलंकृतम्।
शोभितं काञ्चनैर्हर्म्यैर्हेमपद्मविभूषितैः ॥ ६.१२१.२५ ॥
كان مزيّنًا تزيينًا حسنًا بأعلام بيضاء ورايات، ويتلألأ بقصور ذهبية زُيّنت بزهور اللوتس الذهبية.
6.121.26
प्रकीर्णं किङ्किणीजालैर्मुक्तामणिगवाक्षकम्।
घण्टाजालैः परिक्षिप्तं सर्वतो मधुरस्वनम् ॥ ६.१२१.२६ ॥
كان مكسوًّا بشبكات من الأجراس الصغيرة، وله نوافذ مرصّعة باللؤلؤ والجواهر، ومحاطًا من كل جانب بشبكات من الأجراس، يرنّ بصوت عذب.
6.121.27
तं मेरुशिखराकारं निर्मितं विश्वकर्मणा।
बृहद्भिर्भूषितं हर्म्यैर्मुक्तारजतशोभितैः ॥ ६.१२१.२७ ॥
كان على هيئة قمة جبل ميرو، من صنع فيشفاكرمان، ومزيّنًا بقصور عظيمة تتلألأ باللؤلؤ والفضة.
6.121.28
तलैः स्फटिकचित्राङ्गैर्वैदूर्यैश्च वरासनैः।
महार्हास्तरणोपेतैरुपपन्नं महाधनैः ॥ ६.१२१.२८ ॥
كانت أرضياته من بلور ذي أجزاء ملوّنة ومن اللازورد، وفيها مقاعد فاخرة، مفروشة بأغطية نفيسة، وغنية بثروة عظيمة.
6.121.29
उपस्थितमनाधृष्यं तद् विमानं मनोजवम्।
निवेदयित्वा रामाय तस्थौ तत्र विभीषणः ॥ ६.१२१.२९ ॥
ظهرت تلك المركبة الجوية التي لا تُقهر، سريعة كالفكر؛ وبعد أن أبلغ راما بذلك، وقف فيبهيشانا هناك.
6.121.30
तत् पुष्पकं कामगमं विमान-
मुपस्थितं भूधरसंनिकाशम्।
दृष्ट्वा तदा विस्मयमाजगाम
रामः ससौमित्रिरुदारसत्त्वः ॥ ६.१२१.३० ॥
لما رأى راما ذو النفس الكريمة، مع سومتري، تلك المركبة بوشبكا التي تسير حيث يشاء، واقفةً كالجبل، دهش عندئذٍ.