蚁垤《罗摩衍那》 · 篇 6.39
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.39.1
तां रात्रिमुषितास्तत्र सुवेले हरियूथपाः।
लङ्कायां ददृशुर्वीरा वनान्युपवनानि च ॥ ६.३९.१ ॥
众猴王在苏维罗山上度过了那一夜，英勇的猴军统帅们望见了楞伽城的森林与园苑。
6.39.2
समसौम्यानि रम्याणि विशालान्यायतानि च।
दृष्टिरम्याणि ते दृष्ट्वा बभूवुर्जातविस्मयाः ॥ ६.३९.२ ॥
他们望见那些平坦、柔和、秀美、广阔而开阔、悦目的园林，都惊叹不已。
6.39.3
चम्पकाशोकबकुलशालतालसमाकुला।
तमालवनसंछन्ना नागमालासमावृता ॥ ६.३९.३ ॥
遍布瞻蔔、无忧、 bakula、娑罗与多罗树，被多摩罗林覆盖，环绕着一行行那伽树。
6.39.4
हिन्तालैरर्जुनैर्नीपैः सप्तपर्णैः सुपुष्पितैः।
तिलकैः कर्णिकारैश्च पाटलैश्च समन्ततः ॥ ६.३९.४ ॥
四周遍布盛开的 hintāla、arjuna、nīpa、saptaparṇa、tilaka、karṇikāra 与 pāṭala 树。
6.39.5
शुशुभे पुष्पिताग्रैश्च लतापरिगतैर्द्रुमैः।
लङ्का बहुविधैर्दिव्यैर्यथेन्द्रस्यामरावती ॥ ६.३९.५ ॥
楞伽城以众多种类的神奇树木而闪耀，树梢繁花盛开，藤蔓缠绕，宛如因陀罗的阿摩罗跋提。
6.39.6
विचित्रकुसुमोपेतै रक्तकोमलपल्लवैः।
शाद्वलैश्च तथा नीलैश्चित्राभिर्वनराजिभिः ॥ ६.३९.६ ॥
点缀着五彩繁花、嫩红的新芽，绿草茵茵的草地，以及蓝色而奇妙的林带。
6.39.7
गन्धाढ्यान्यतिरम्याणि पुष्पाणि च फलानि च।
धारयन्त्यगमास्तत्र भूषणानीव मानवाः ॥ ६.३९.७ ॥
那里的树木开满芬芳而极其美丽的花朵，结满果实，宛如人们佩戴着饰品。
6.39.8
तच्चैत्ररथसंकाशं मनोज्ञं नन्दनोपमम्।
वनं सर्वर्तुकं रम्यं शुशुभे षट्पदायुतम् ॥ ६.३९.८ ॥
那片森林如同Caitraratha与Nandana，迷人，四季俱全，美妙，充满蜜蜂，光彩照人。
6.39.9
दात्यूहकोयष्टिबकैर्नृत्यमानैश्च बर्हिणैः।
रुतं परभृतानां च शुश्रुवे वननिर्झरे ॥ ६.३९.९ ॥
在舞动的孔雀之间，森林瀑布旁传来了大鸟、鸳鸯和鸟类的鸣叫，以及杜鹃的啼声。
6.39.10
नित्यमत्तविहंगानि भ्रमराचरितानि च।
कोकिलाकुलखण्डानि विहंगाभिरुतानि च ॥ ६.३९.१० ॥
鸟儿常常欢快沉醉，蜜蜂来往穿梭，杜鹃遍布各处，鸟鸣回荡。
6.39.11
भृङ्गराजाधिगीतानि कुररस्वनितानि च।
कोणालकविघुष्टानि सारसाभिरुतानि च।
विविशुस्ते ततस्तानि वनान्युपवनानि च ॥ ६.३९.११ ॥
那些由Bhṛṅgarāja鸟所歌唱、充满鸢鸟鸣叫、回荡着koṇālaka之声和鹤鸟叫声的森林与园林，他们走了进去。
6.39.12
हृष्टाः प्रमुदिता वीरा हरयः कामरूपिणः।
तेषां प्रविशतां तत्र वानराणां महौजसाम् ॥ ६.३९.१२ ॥
那些欢喜、快乐、英勇、能随意变化形貌的猴子——当那些大力的猴子进入那里时。
6.39.13
पुष्पसंसर्गसुरभिर्ववौ घ्राणसुखोऽनिलः।
अन्ये तु हरिवीराणां यूथान्निष्क्रम्य यूथपाः।
सुग्रीवेणाभ्यनुज्ञाता लङ्कां जग्मुः पताकिनीम् ॥ ६.३९.१३ ॥
一阵因接触花朵而芬芳的风吹来，令人嗅之愉悦。猴中英雄的其他统领得到须羯哩婆许可，离开各自的队伍，向饰满旌旗的楞伽前进。
6.39.14
वित्रासयन्तो विहगान् ग्लापयन्तो मृगद्विपान्।
कम्पयन्तश्च तां लङ्कां नादैः स्वैर्नदतां वराः ॥ ६.३९.१४ ॥
惊吓飞鸟，使鹿与象疲惫，以自己的吼声震动那座楞伽城，吼叫者中的精锐向前进发。
6.39.15
कुर्वन्तस्ते महावेगा महीं चरणपीडिताम्।
रजश्च सहसैवोर्ध्वं जगाम चरणोत्थितम् ॥ ६.३९.१५ ॥
那些速度极快的猴子踩踏大地，使其震颤；脚下扬起的尘土猛然向上飞腾。
6.39.16
ऋक्षाः सिंहाश्च महिषा वारणाश्च मृगाः खगाः।
तेन शब्देन वित्रस्ता जग्मुर्भीता दिशो दश ॥ ६.३९.१६ ॥
熊、狮、水牛、象、鹿和鸟，被那声音惊吓，惶恐地向十方逃散。
6.39.17
शिखरं तु त्रिकूटस्य प्रांशु चैकं दिविस्पृशम्।
समन्तात् पुष्पसंछन्नं महारजतसंनिभम् ॥ ६.३९.१७ ॥
三峰山的一座山峰高耸入云，四周盛开鲜花，宛如巨大的白银。
6.39.18
शतयोजनविस्तीर्णं विमलं चारुदर्शनम्।
श्लक्ष्णं श्रीमन्महच्चैव दुष्प्रापं शकुनैरपि ॥ ६.३९.१८ ॥
这座山峰延展百由旬，洁净美丽，光滑庄严而宏大，即便飞鸟也难以到达。
6.39.19
मनसापि दुरारोहं किं पुनः कर्मणा जनैः।
निविष्टा तस्य शिखरे लङ्का रावणपालिता ॥ ६.३९.१९ ॥
即使以心念也难以攀登，何况人以行动？在其山顶坐落着由罗波那守护的楞伽城。
6.39.20
दशयोजनविस्तीर्णा विंशद्योजनमायता।
सा पुरी गोपुरैरुच्चैः पाण्डुराम्बुदसंनिभैः।
काञ्चनेन च शालेन राजतेन च शोभते ॥ ६.३९.२० ॥
此城宽十由旬，长二十由旬，以如白云般高耸的城楼，以及金银的城墙而光彩夺目。
6.39.21
प्रासादैश्च विमानैश्च लङ्का परमभूषिता।
घनैरिवातपापाये मध्यमं वैष्णवं पदम् ॥ ६.३९.२१ ॥
楞伽城以宫殿与楼阁极尽庄严，如同炎热过后的云朵，又似毗湿奴的中间一步。
6.39.22
यस्यां स्तम्भसहस्रेण प्रासादः समलंकृतः।
कैलासशिखराकारो दृश्यते खमिवोल्लिखन् ॥ ६.३९.२२ ॥
其中有一座以千根柱子装饰的宫殿，形如凯拉萨山峰，仿佛划过天空。
6.39.23
चैत्यः स राक्षसेन्द्रस्य बभूव पुरभूषणम्।
शतेन रक्षसां नित्यं यः समग्रेण रक्ष्यते ॥ ६.३९.२३ ॥
那是罗刹王的圣殿，是城市的装饰，整个军队中的一百名罗刹日夜守护着它。
6.39.24
मनोज्ञां काञ्चनवतीं पर्वतैरुपशोभिताम्।
नानाधातुविचित्रैश्च उद्यानैरुपशोभिताम् ॥ ६.३९.२४ ॥
令人愉悦、充满黄金、以山岳为装饰、以多种矿物绘成斑斓色彩、并以花园为饰的（楞伽）。
6.39.25
नानाविहगसंघुष्टां नानामृगनिषेविताम्।
नानाकुसुमसम्पन्नां नानाराक्षससेविताम् ॥ ६.३९.२५ ॥
那座城市，回响着各种鸟的鸣叫，栖息着各种鹿，遍布各色花朵，居住着各类罗刹。
6.39.26
तां समृद्धां समृद्धार्थां लक्ष्मीवाँल्लक्ष्मणाग्रजः।
रावणस्य पुरीं रामो ददर्श सह वानरैः ॥ ६.३९.२६ ॥
这座繁荣富饶的城市，光辉的罗什曼那之兄罗摩与猴众一同望见了——罗波那的这座城。
6.39.27
तां महागृहसम्बाधां दृष्ट्वा लक्ष्मणपूर्वजः।
नगरीं त्रिदिवप्रख्यां विस्मयं प्राप वीर्यवान् ॥ ६.३९.२७ ॥
罗摩——罗什曼那之兄，勇猛的英雄——望见那座布满巨大宫殿、宛如天界的城市，心中充满了惊叹。
6.39.28
तां रत्नपूर्णां बहुसंविधानां
प्रासादमालाभिरलंकृतां च।
पुरीं महायन्त्रकवाटमुख्यां
ददर्श रामो महता बलेन ॥ ६.३९.२८ ॥
那座城市充满珠宝，布局精妙，装饰着成排的宫殿，以巨大的机关与城门著称，罗摩率大军望见了它。