Vālmīki Rāmāyaṇa · Sarga 6.58
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.58.1
ततः प्रहस्तं निर्यान्तं दृष्ट्वा रणकृतोद्यमम्।
उवाच सस्मितं रामो विभीषणमरिंदमः ॥ ६.५८.१ ॥
Then, seeing Prahasta come out, eager for battle, Rāma, the destroyer of foes, smiling, spoke to Vibhīṣaṇa.
6.58.2
क एष सुमहाकायो बलेन महता वृतः।
आगच्छति महावेगः किंरूपबलपौरुषः ॥ ६.५८.२ ॥
Who is this, of enormous body, surrounded by a great army, coming with great speed? What is his form, strength and valour?
6.58.3
आचक्ष्व मे महाबाहो वीर्यवन्तं निशाचरम्।
राघवस्य वचः श्रुत्वा प्रत्युवाच विभीषणः ॥ ६.५८.३ ॥
O mighty-armed one, tell me about this valiant night-wanderer. Having heard Rāghava's words, Vibhīṣaṇa replied.
6.58.4
एष सेनापतिस्तस्य प्रहस्तो नाम राक्षसः।
लङ्कायां राक्षसेन्द्रस्य त्रिभागबलसंवृतः।
वीर्यवानस्त्रविच्छूरः सुप्रख्यातपराक्रमः ॥ ६.५८.४ ॥
This is his commander, the demon named Prahasta, surrounded by a third part of the army of the lord of demons in Laṅkā. He is valiant, skilled in weapons, heroic, and of widely renowned valour.
6.58.5
ततः प्रहस्तं निर्यान्तं भीमं भीमपराक्रमम्।
गर्जन्तं सुमहाकायं राक्षसैरभिसंवृतम् ॥ ६.५८.५ ॥
Then Prahasta came out, terrible, of terrible valour, roaring, of very huge body, surrounded by demons.
6.58.6
ददर्श महती सेना वानराणां बलीयसाम्।
अभिसंजातघोषाणां प्रहस्तमभिगर्जताम् ॥ ६.५८.६ ॥
The great army of the very strong vānaras, their roars rising, saw Prahasta roaring.
6.58.7
खड्गशक्त्यृष्टिशूलाश्च बाणानि मुसलानि च।
गदाश्च परिघाः प्रासा विविधाश्च परश्वधाः ॥ ६.५८.७ ॥
Swords, spears, lances and tridents, arrows and clubs, maces, iron bars, javelins, and axes of many kinds.
6.58.8
धनूंषि च विचित्राणि राक्षसानां जयैषिणाम्।
प्रगृहीतान्यराजन्त वानरानभिधावताम् ॥ ६.५८.८ ॥
The wondrous bows of the rākṣasas, who sought victory, shone raised high as they charged against the vānaras.
6.58.9
जगृहुः पादपांश्चापि पुष्पितांस्तु गिरींस्तथा।
शिलाश्च विपुला दीर्घा योद्धुकामाः प्लवंगमाः ॥ ६.५८.९ ॥
The leaping vānaras, eager to fight, seized flowering trees, mountains, and huge long rocks.
6.58.10
तेषामन्योन्यमासाद्य संग्रामः सुमहानभूत्।
बहूनामश्मवृष्टिं च शरवर्षं च वर्षताम् ॥ ६.५८.१० ॥
As they met one another, a very great battle arose, with many showering rain of stones and rain of arrows.
6.58.11
बहवो राक्षसा युद्धे बहून् वानरपुङ्गवान्।
वानरा राक्षसांश्चापि निजघ्नुर्बहवो बहून् ॥ ६.५८.११ ॥
In battle, many rākṣasas struck down many chief vānaras, and many vānaras also struck down many rākṣasas.
6.58.12
शूलैः प्रमथिताः केचित् केचित् तु परमायुधैः।
परिघैराहताः केचित् केचिच्छिन्नाः परश्वधैः ॥ ६.५८.१२ ॥
Some were crushed by tridents, some by mighty weapons; some were struck by iron bars, and some were cut down by battle-axes.
6.58.13
निरुच्छ्वासाः पुनः केचित् पतिता जगतीतले।
विभिन्नहृदयाः केचिदिषुसंधानसाधिताः ॥ ६.५८.१३ ॥
Some, breath gone, fell again upon the surface of the earth; some, their hearts pierced, were struck down by the aiming of arrows.
6.58.14
केचिद् द्विधा कृताः खड्गैः स्फुरन्तः पतिता भुवि।
वानरा राक्षसैः शूरैः पार्श्वतश्च विदारिताः ॥ ६.५८.१४ ॥
Some, cut in two by swords, fell writhing upon the ground; the monkeys and the rākṣasas were torn open at the sides by the heroic rākṣasas.
6.58.15
वानरैश्चापि संक्रुद्धै राक्षसौघाः समन्ततः।
पादपैर्गिरिशृङ्गैश्च सम्पिष्टा वसुधातले ॥ ६.५८.१५ ॥
And the enraged monkeys, too, on every side, crushed the hosts of rākṣasas with trees and mountain peaks, pounding them into the surface of the earth.
6.58.16
वज्रस्पर्शतलैर्हस्तैर्मुष्टिभिश्च हता भृशम्।
वमन् शोणितमास्येभ्यो विशीर्णदशनेक्षणाः ॥ ६.५८.१६ ॥
Struck hard by hands with palms like thunderbolts, and by fists, they fell vomiting blood from their mouths, their teeth and eyes shattered.
6.58.17
आर्तस्वनं च स्वनतां सिंहनादं च नर्दताम्।
बभूव तुमुलः शब्दो हरीणां रक्षसामपि ॥ ६.५८.१७ ॥
There arose a tumultuous din: the cries of anguish of those who wailed, the lion-roars of those who roared, of the monkeys and of the rākṣasas alike.
6.58.18
वानरा राक्षसाः क्रुद्धा वीरमार्गमनुव्रताः।
विवृत्तवदनाः क्रूराश्चक्रुः कर्माण्यभीतवत् ॥ ६.५८.१८ ॥
The monkeys and the rākṣasas, enraged and following the path of heroes, with contorted faces and cruel, performed their deeds as if they feared nothing.
6.58.19
नरान्तकः कुम्भहनुर्महानादः समुन्नतः।
एते प्रहस्तसचिवाः सर्वे जघ्नुर्वनौकसः ॥ ६.५८.१९ ॥
Narāntaka, Kumbhahanu, Mahānāda and Samunnata, all ministers of Prahasta, struck down the forest-dwelling vānaras.
6.58.20
तेषां निपततां शीघ्रं निघ्नतां चापि वानरान्।
द्विविदो गिरिशृङ्गेण जघानैकं नरान्तकम् ॥ ६.५८.२० ॥
As they swiftly rushed in and struck the vānaras, Dvivida struck one of them, Narāntaka, with a mountain peak.
6.58.21
दुर्मुखः पुनरुत्थाय कपिः सविपुलद्रुमम्।
राक्षसं क्षिप्रहस्तं तु समुन्नतमपोथयत् ॥ ६.५८.२१ ॥
Durmukha rose again and, with a very large tree, crushed the swift-handed, tall rākṣasa Samunnata.
6.58.22
जाम्बवांस्तु सुसंक्रुद्धः प्रगृह्य महतीं शिलाम्।
पातयामास तेजस्वी महानादस्य वक्षसि ॥ ६.५८.२२ ॥
Jāmbavān, the mighty and greatly enraged, seized a huge rock and hurled it onto the chest of Mahānāda.
6.58.23
अथ कुम्भहनुस्तत्र तारेणासाद्य वीर्यवान्।
वृक्षेण महता सद्यः प्राणान् संत्याजयद् रणे ॥ ६.५८.२३ ॥
Then mighty Kumbhahanu, meeting Tāra there, was at once made to give up his life in battle by Tāra with a great tree.
6.58.24
अमृष्यमाणस्तत्कर्म प्रहस्तो रथमास्थितः।
चकार कदनं घोरं धनुष्पाणिर्वनौकसाम् ॥ ६.५८.२४ ॥
Unable to bear that deed, Prahasta mounted his chariot and, bow in hand, wrought a terrible slaughter of the forest-dwelling vānaras.
6.58.25
आवर्त इव संजज्ञे सेनयोरुभयोस्तदा।
क्षुभितस्याप्रमेयस्य सागरस्येव निःस्वनः ॥ ६.५८.२५ ॥
Then in both armies arose a clamor like a whirlpool, like the roar of the churned, immeasurable ocean.
6.58.26
महता हि शरौघेण राक्षसो रणदुर्मदः।
अर्दयामास संक्रुद्धो वानरान् परमाहवे ॥ ६.५८.२६ ॥
With a great shower of arrows, the rakshasa, intoxicated with battle, enraged, pressed hard upon the vanaras in that supreme combat.
6.58.27
वानराणां शरीरैस्तु राक्षसानां च मेदिनी।
बभूवातिचिता घोरैः पर्वतैरिव संवृता ॥ ६.५८.२७ ॥
The earth, heaped with the bodies of vanaras and rakshasas, was packed as though covered by terrible mountains.
6.58.28
सा मही रुधिरौघेण प्रच्छन्ना सम्प्रकाशते।
संछन्ना माधवे मासि पलाशैरिव पुष्पितैः ॥ ६.५८.२८ ॥
That earth, covered with a flood of blood, shone as if overspread with palāśa trees in flower in the spring month of Mādhava.
6.58.29
हतवीरौघवप्रां तु भग्नायुधमहाद्रुमाम्।
शोणितौघमहातोयां यमसागरगामिनीम् ॥ ६.५८.२९ ॥
With heaps of slain heroes for its banks, broken weapons for its great trees, a great flood of blood for its waters, it was a river flowing toward the ocean of Yama.
6.58.30
यकृत् प्लीहमहापङ्कां विनिकीर्णान्त्रशैवलाम्।
भिन्नकायशिरोमीनामङ्गावयवशाद्वलाम् ॥ ६.५८.३० ॥
Its great mud was liver and spleen, its moss the scattered entrails, its fish the split bodies and heads, its grassy banks the fragments of limbs.
6.58.31
गृध्रहंसवराकीर्णां कङ्कसारससेविताम्।
मेदःफेनसमाकीर्णामार्तस्तनितनिःस्वनाम् ॥ ६.५८.३१ ॥
Thronged with vultures and noble swans, frequented by herons and cranes, covered with a foam of marrow and fat, echoing with the groans of the wounded.
6.58.32
तां कापुरुषदुस्तारां युद्धभूमिमयीं नदीम्।
नदीमिव घनापाये हंससारससेविताम् ॥ ६.५८.३२ ॥
That river made of the battlefield, hard to cross for cowards, like a river at the end of the rains, frequented by swans and cranes.
6.58.33
राक्षसाः कपिमुख्यास्ते तेरुस्तां दुस्तरां नदीम्।
यथा पद्मरजोध्वस्तां नलिनीं गजयूथपाः ॥ ६.५८.३३ ॥
The rākṣasas and the chief monkeys crossed that hard-to-cross river, as herd-leading elephants cross a lotus pool strewn with lotus pollen.
6.58.34
ततः सृजन्तं बाणौघान् प्रहस्तं स्यन्दने स्थितम्।
ददर्श तरसा नीलो विधमन्तं प्लवंगमान् ॥ ६.५८.३४ ॥
Then Nīla swiftly saw Prahasta standing on his chariot, releasing floods of arrows and scattering the leaping monkeys.
6.58.35
उद्धूत इव वायुः खे महदभ्रबलं बलात्।
समीक्ष्याभिद्रुतं युद्धे प्रहस्तो वाहिनीपतिः ॥ ६.५८.३५ ॥
As the wind, raised in the sky, violently scatters a great mass of clouds, so the army commander Prahasta, seeing Nīla rushing upon him in battle,
6.58.36
रथेनादित्यवर्णेन नीलमेवाभिदुद्रुवे।
स धनुर्धन्विनां श्रेष्ठो विकृष्य परमाहवे ॥ ६.५८.३६ ॥
In his sun-colored chariot he charged straight at Nīla; the best of archers, drawing his bow in the great battle.
6.58.37
नीलाय व्यसृजद् बाणान् प्रहस्तो वाहिनीपतिः।
ते प्राप्य विशिखा नीलं विनिर्भिद्य समाहिताः ॥ ६.५८.३७ ॥
Prahasta, the commander of the army, loosed arrows at Nīla. Reaching Nīla, the arrows pierced him, flying on, all intent upon their mark.
6.58.38
महीं जग्मुर्महावेगा रोषिता इव पन्नगाः।
नीलः शरैरभिहतो निशितैर्ज्वलनोपमैः ॥ ६.५८.३८ ॥
Those swift arrows fell to the earth like enraged serpents. Nīla was struck by sharp arrows, blazing like fire.
6.58.39
स तं परमदुर्धर्षमापतन्तं महाकपिः।
प्रहस्तं ताडयामास वृक्षमुत्पाट्य वीर्यवान् ॥ ६.५८.३९ ॥
That great monkey, mighty in valour, uprooted a tree and struck Prahasta, who came rushing upon him, very hard to withstand.
6.58.40
स तेनाभिहतः क्रुद्धो नर्दन् राक्षसपुंगवः।
ववर्ष शरवर्षाणि प्लवंगानां चमूपतौ ॥ ६.५८.४० ॥
Struck by it, the enraged best of rākṣasas roared and rained a shower of arrows upon the commander of the monkeys.
6.58.41
तस्य बाणगणानेव राक्षसस्य दुरात्मनः।
अपारयन् वारयितुं प्रत्यगृह्णान्निमीलितः।
यथैव गोवृषो वर्षं शारदं शीघ्रमागतम् ॥ ६.५८.४१ ॥
Unable to ward off the multitudes of arrows of that evil-minded rākṣasa, Nīla received them with eyes closed, as a bull bears the autumn rain that comes swiftly.
6.58.42
एवमेव प्रहस्तस्य शरवर्षान् दुरासदान्।
निमीलिताक्षः सहसा नीलः सेहे दुरासदान् ॥ ६.५८.४२ ॥
In just the same way, Nīla suddenly endured Prahasta's unbearable showers of arrows, with his eyes closed.
6.58.43
रोषितः शरवर्षेण सालेन महता महान्।
प्रजघान हयान् नीलः प्रहस्तस्य महाबलः ॥ ६.५८.४३ ॥
Enraged by the rain of arrows, the mighty Nīla struck down Prahasta's horses with a great sāla tree.
6.58.44
ततो रोषपरीतात्मा धनुस्तस्य दुरात्मनः।
बभञ्ज तरसा नीलो ननाद च पुनः पुनः ॥ ६.५८.४४ ॥
Then Nīla, his spirit overcome with rage, broke the bow of that wicked one with force and roared again and again.
6.58.45
विधनुः स कृतस्तेन प्रहस्तो वाहिनीपतिः।
प्रगृह्य मुसलं घोरं स्यन्दनादवपुप्लुवे ॥ ६.५८.४५ ॥
Rendered bowless by him, the army commander Prahasta seized a terrible club and leaped down from his chariot.
6.58.46
तावुभौ वाहिनीमुख्यौ जातवैरौ तरस्विनौ।
स्थितौ क्षतजसिक्ताङ्गौ प्रभिन्नाविव कुञ्जरौ ॥ ६.५८.४६ ॥
Those two chief commanders, their enmity kindled, swift and powerful, stood with their bodies drenched in blood, like rutting elephants.
6.58.47
उल्लिखन्तौ सुतीक्ष्णाभिर्दंष्ट्राभिरितरेतरम्।
सिंहशार्दूलसदृशौ सिंहशार्दूलचेष्टितौ ॥ ६.५८.४७ ॥
Tearing at one another with their very sharp fangs, they were like lions and tigers, moving with the motions of lions and tigers.
6.58.48
विक्रान्तविजयौ वीरौ समरेष्वनिवर्तिनौ।
काङ्क्षमाणौ यशः प्राप्तुं वृत्रवासवयोरिव ॥ ६.५८.४८ ॥
Those two heroes, valiant and seeking victory, never turning back in battle, eager to win fame, were like Vṛtra and Vāsava.
6.58.49
आजघान तदा नीलं ललाटे मुसलेन सः।
प्रहस्तः परमायत्तस्ततः सुस्राव शोणितम् ॥ ६.५८.४९ ॥
Then Prahasta, fully intent on it, struck Nīla on the forehead with a club, and blood began to flow.
6.58.50
ततः शोणितदिग्धाङ्गः प्रगृह्य च महातरुम्।
प्रहस्तस्योरसि क्रुद्धो विससर्ज महाकपिः ॥ ६.५८.५० ॥
Then the great monkey, his body smeared with blood, seized a huge tree and, enraged, hurled it at Prahasta's chest.
6.58.51
तमचिन्त्यप्रहारं स प्रगृह्य मुसलं महत्।
अभिदुद्राव बलिनं बलान्नीलं प्लवङ्गमम् ॥ ६.५८.५१ ॥
Taking up a great club, with an unthinkable blow, he rushed forcefully at the mighty monkey Nīla.
6.58.52
तमुग्रवेगं संरब्धमापतन्तं महाकपिः।
ततः सम्प्रेक्ष्य जग्राह महावेगो महाशिलाम् ॥ ६.५८.५२ ॥
Seeing him rushing in with terrible speed and fury, the great monkey of mighty velocity seized a huge rock.
6.58.53
तस्य युद्धाभिकामस्य मृधे मुसलयोधिनः।
प्रहस्तस्य शिलां नीलो मूर्ध्नि तूर्णमपातयत् ॥ ६.५८.५३ ॥
Upon the head of Prahasta, eager for battle and fighting with his club on the field, Nīla swiftly brought down that rock.
6.58.54
नीलेन कपिमुख्येन विमुक्ता महती शिला।
बिभेद बहुधा घोरा प्रहस्तस्य शिरस्तदा ॥ ६.५८.५४ ॥
That great, dreadful rock, hurled by Nīla, the foremost of monkeys, then shattered Prahasta's head into many pieces.
6.58.55
स गतासुर्गतश्रीको गतसत्त्वो गतेन्द्रियः।
पपात सहसा भूमौ छिन्नमूल इव द्रुमः ॥ ६.५८.५५ ॥
Lifeless, bereft of splendour, of vitality and of senses, he suddenly fell to the ground like a tree with its roots cut.
6.58.56
विभिन्नशिरसस्तस्य बहु सुस्राव शोणितम्।
शरीरादपि सुस्राव गिरेः प्रस्रवणं यथा ॥ ६.५८.५६ ॥
From his shattered head much blood flowed, and it flowed also from his body, as a spring flows from a mountain.
6.58.57
हते प्रहस्ते नीलेन तदकम्प्यं महाबलम्।
राक्षसानामहृष्टानां लङ्कामभिजगाम ह ॥ ६.५८.५७ ॥
When Prahasta was slain by Nīla, that unshakable army of mighty rākṣasas, joyless, went back to Laṅkā.
6.58.58
न शेकुः समवस्थातुं निहते वाहिनीपतौ।
सेतुबन्धं समासाद्य विशीर्णं सलिलं यथा ॥ ६.५८.५८ ॥
When the commander of the army was slain, they could not stand firm, like water scattered upon reaching a dam.
6.58.59
हते तस्मिंश्चमूमुख्ये राक्षसास्ते निरुद्यमाः।
रक्षःपतिगृहं गत्वा ध्यानमूकत्वमागताः ॥ ६.५८.५९ ॥
When that commander of the army was slain, the rākṣasas, bereft of resolve, went to the house of the lord of the rākṣasas and fell into a silence of brooding.
6.58.60
प्राप्ताः शोकार्णवं तीव्रं विसंज्ञा इव तेऽभवन् ॥ ६.५८.६० ॥
Having reached a fierce ocean of grief, they became as if senseless.
6.58.61
ततस्तु नीलो विजयी महाबलः
प्रशस्यमानः सुकृतेन कर्मणा।
समेत्य रामेण सलक्ष्मणेन
प्रहृष्टरूपस्तु बभूव यूथपः ॥ ६.५८.६१ ॥
Then Nīla, victorious and mighty, praised for his meritorious deed, met Rāma with Lakṣmaṇa and became the troop leader with a joyful countenance.