Vālmīki Rāmāyaṇa · Sarga 6.95
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.95.1
आर्तानां राक्षसीनां तु लङ्कायां वै कुले कुले।
रावणः करुणं शब्दं शुश्राव परिदेवितम् ॥ ६.९५.१ ॥
In Laṅkā, house after house, Rāvaṇa heard the piteous lamentation of the afflicted rākṣasa women.
6.95.2
स तु दीर्घं विनिःश्वस्य मुहूर्तं ध्यानमास्थितः।
बभूव परमक्रुद्धो रावणो भीमदर्शनः ॥ ६.९५.२ ॥
He heaved a long sigh and sank into thought for a moment; then Rāvaṇa, greatly enraged, grew terrible to behold.
6.95.3
संदश्य दशनैरोष्ठं क्रोधसंरक्तलोचनः।
राक्षसैरपि दुर्दर्शः कालाग्निरिव मूर्तिमान् ॥ ६.९५.३ ॥
Biting his lip with his teeth, his eyes reddened with rage, Rāvaṇa was hard even for the rākṣasas to look upon, like the embodied fire of death.
6.95.4
उवाच च समीपस्थान् राक्षसान् राक्षसेश्वरः।
क्रोधाव्यक्तकथस्तत्र निर्दहन्निव चक्षुषा ॥ ६.९५.४ ॥
The lord of the rākṣasas spoke to the rākṣasas standing near him; his words were indistinct with rage, and he seemed to burn them with his gaze.
6.95.5
महोदरं महापार्श्वं विरूपाक्षं च राक्षसम्।
शीघ्रं वदत सैन्यानि निर्यातेति ममाज्ञया ॥ ६.९५.५ ॥
"Mahodara, Mahāpārśva and Virūpākṣa, rākṣasa! Tell the armies to march out quickly, by my command."
6.95.6
तस्य तद् वचनं श्रुत्वा राक्षसास्ते भयार्दिताः।
चोदयामासुरव्यग्रान् राक्षसांस्तान् नृपाज्ञया ॥ ६.९५.६ ॥
Hearing his words, those rākṣasas, afflicted with fear, urged on the steadfast rākṣasas, by the king's command.
6.95.7
ते तु सर्वे तथेत्युक्त्वा राक्षसा भीमदर्शनाः।
कृतस्वस्त्ययनाः सर्वे ते रणाभिमुखा ययुः ॥ ६.९५.७ ॥
Having said, "So be it," all those terrible-looking rākṣasas, having performed auspicious rites, set out facing the battle.
6.95.8
प्रतिपूज्य यथान्यायं रावणं ते महारथाः।
तस्थुः प्राञ्जलयः सर्वे भर्तुर्विजयकाङ्क्षिणः ॥ ६.९५.८ ॥
Having duly honoured Rāvaṇa in return, those great chariot-warriors stood with palms joined, all desiring their lord's victory.
6.95.9
ततोवाच प्रहस्यैतान् रावणः क्रोधमूर्च्छितः।
महोदरमहापार्श्वौ विरूपाक्षं च राक्षसम् ॥ ६.९५.९ ॥
Then Rāvaṇa, overcome with rage, laughed and spoke to them, to Mahodara, Mahāpārśva and the rākṣasa Virūpākṣa.
6.95.10
अद्य बाणैर्धनुर्मुक्तैर्युगान्तादित्यसंनिभैः।
राघवं लक्ष्मणं चैव नेष्यामि यमसादनम् ॥ ६.९५.१० ॥
Today, with arrows loosed from my bow, like the suns at the end of an age, I will send Rāghava and Lakṣmaṇa to the abode of Yama.
6.95.11
खरस्य कुम्भकर्णस्य प्रहस्तेन्द्रजितोस्तथा।
करिष्यामि प्रतीकारमद्य शत्रुवधादहम् ॥ ६.९५.११ ॥
The revenge for Khara, Kumbhakarṇa, Prahasta and Indrajit, likewise, I will exact today by slaying the enemy.
6.95.12
नैवान्तरिक्षं न दिशो न च द्यौर्नापि सागराः।
प्रकाशत्वं गमिष्यन्ति मद्बाणजलदावृताः ॥ ६.९५.१२ ॥
Covered by the clouds of my arrows, neither the sky, nor the directions, nor heaven, nor even the oceans will become visible.
6.95.13
अद्य वानरमुख्यानां तानि यूथानि भागशः।
धनुषा शरजालेन वधिष्यामि पतत्त्रिणा ॥ ६.९५.१३ ॥
Today I shall slay those troops of the chief monkeys, part by part, with my bow, with a net of arrows, with winged shafts.
6.95.14
अद्य वानरसैन्यानि रथेन पवनौजसा।
धनुःसमुद्रादुद्भूतैर्मथिष्यामि शरोर्मिभिः ॥ ६.९५.१४ ॥
Today, with my chariot swift as the wind, with waves of arrows risen from the ocean of my bow, I shall churn the monkey armies.
6.95.15
व्याकोशपद्मवक्त्राणि पद्मकेसरवर्चसाम्।
अद्य यूथतटाकानि गजवत् प्रमथाम्यहम् ॥ ६.९५.१५ ॥
Today I shall churn the ponds of the monkey troops, their lotus faces fully opened, bright as lotus filaments, as an elephant churns a lake.
6.95.16
सशरैरद्य वदनैः संख्ये वानरयूथपाः।
मण्डयिष्यन्ति वसुधां सनालैरिव पङ्कजैः ॥ ६.९५.१६ ॥
Today in battle the monkey-troop leaders, their faces pierced by arrows, will adorn the earth as with lotuses borne on their stalks.
6.95.17
अद्य यूथप्रचण्डानां हरीणां द्रुमयोधिनाम्।
मुक्तेनैकेषुणा युद्धे भेत्स्यामि च शतं शतम् ॥ ६.९५.१७ ॥
Today, in battle, with a single released arrow I shall pierce the fierce monkey troop-leaders who fight with trees, hundred after hundred.
6.95.18
हतो भ्राता च येषां वै येषां च तनयो हतः।
वधेनाद्य रिपोस्तेषां करोम्यश्रुप्रमार्जनम् ॥ ६.९५.१८ ॥
Those whose brothers have been slain, and whose sons have been slain — by slaying the enemy today I shall wipe away their tears.
6.95.19
अद्य मद्बाणनिर्भिन्नैः प्रस्तीर्णैर्गतचेतनैः।
करोमि वानरैर्युद्धे यत्नावेक्ष्यतलां महीम् ॥ ६.९५.१९ ॥
Today, with monkeys pierced by my arrows, strewn about and lifeless, I will carefully survey the battlefield and cover the surface of the earth in war.
6.95.20
अद्य काकाश्च गृध्राश्च ये च मांसाशिनोऽपरे।
सर्वांस्तांस्तर्पयिष्यामि शत्रुमांसैः शराहतैः ॥ ६.९५.२० ॥
Today I will satisfy all the crows, vultures, and other flesh-eaters with the flesh of enemies struck down by my arrows.
6.95.21
कल्प्यतां मे रथः शीघ्रं क्षिप्रमानीयतां धनुः।
अनुप्रयान्तु मां युद्धे येऽत्र शिष्टा निशाचराः ॥ ६.९५.२१ ॥
Let my chariot be readied quickly, let my bow be brought swiftly; and let the remaining night-wanderers here follow me into battle.
6.95.22
तस्य तद् वचनं श्रुत्वा महापार्श्वोऽब्रवीद् वचः।
बलाध्यक्षान् स्थितांस्तत्र बलं संत्वर्यतामिति ॥ ६.९५.२२ ॥
Hearing his words, Mahāpārśva said to the commanders of the army standing there: "Let the army be hastened."
6.95.23
बलाध्यक्षास्तु संयुक्ता राक्षसांस्तान् गृहे गृहे।
चोदयन्तः परिययुर्लङ्कां लघुपराक्रमाः ॥ ६.९५.२३ ॥
Then the army commanders, having joined together, went about Laṅkā urging the rākṣasas house by house, swift in their valour.
6.95.24
ततो मुहूर्तान्निष्पेतू राक्षसा भीमदर्शनाः।
नदन्तो भीमवदना नानाप्रहरणैर्भुजैः ॥ ६.९५.२४ ॥
Then, after a moment, the rākṣasas, terrible to behold, sallied forth, roaring, with terrible faces, their arms bearing many kinds of weapons.
6.95.25
असिभिः पट्टिशैः शूलैर्गदाभिर्मुसलैर्हलैः।
शक्तिभिस्तीक्ष्णधाराभिर्महद्भिः कूटमुद्गरैः ॥ ६.९५.२५ ॥
With swords, paṭṭiśas, tridents, maces, pestles and ploughs, with sharp-edged lances and great kūṭa-mudgaras.
6.95.26
यष्टिभिर्विविधैश्चक्रैर्निशितैश्च परश्वधैः।
भिन्दिपालैः शतघ्नीभिरन्यैश्चापि वरायुधैः ॥ ६.९५.२६ ॥
With various staves, discuses, sharpened battle-axes, bhindipālas, śataghnīs and other excellent weapons.
6.95.27
अथानयन् बलाध्यक्षाश्चत्वारो रावणाज्ञया।
रथानां नियुतं साग्रं नागानां नियुतत्रयम् ॥ ६.९५.२७ ॥
Then, at Rāvaṇa's command, the four army commanders brought forth more than a niyuta of chariots and three niyutas of elephants.
6.95.28
अश्वानां षष्टिकोट्यस्तु खरोष्ट्राणां तथैव च।
पदातयस्त्वसंख्याता जग्मुस्ते राजशासनात् ॥ ६.९५.२८ ॥
Sixty crores of horses, likewise donkeys and camels, and countless foot soldiers set out at the king's command.
6.95.29
बलाध्यक्षाश्च संस्थाप्य राज्ञः सेनां पुरःस्थिताम्।
एतस्मिन्नन्तरे सूतः स्थापयामास तं रथम् ॥ ६.९५.२९ ॥
Having stationed the king's army in front, the army commanders; meanwhile the charioteer halted that chariot.
6.95.30
दिव्यास्त्रवरसम्पन्नं नानालंकारभूषितम्।
नानायुधसमाकीर्णं किङ्किणीजालसंयुतम् ॥ ६.९५.३० ॥
That chariot, endowed with the finest divine weapons, adorned with many ornaments, crowded with various weapons, and fitted with a net of tinkling bells.
6.95.31
नानारत्नपरिक्षिप्तं रत्नस्तम्भैर्विराजितम्।
जाम्बूनदमयैश्चैव सहस्रकलशैर्वृतम् ॥ ६.९५.३१ ॥
It was set all round with many gems, shone with pillars of gems, and was surrounded by a thousand golden pots.
6.95.32
तं दृष्ट्वा राक्षसाः सर्वे विस्मयं परमं गताः।
तं दृष्ट्वा सहसोत्थाय रावणो राक्षसेश्वरः ॥ ६.९५.३२ ॥
Seeing it, all the rākṣasas were filled with the greatest wonder. Seeing it, Rāvaṇa, lord of the rākṣasas, suddenly rose up.
6.95.33
कोटिसूर्यप्रतीकाशं ज्वलन्तमिव पावकम्।
द्रुतं सूतसमायुक्तं युक्ताष्टतुरगं रथम्।
आरुरोह तदा भीमं दीप्यमानं स्वतेजसा ॥ ६.९५.३३ ॥
That swift chariot, like a myriad suns and like blazing fire, was yoked with a charioteer and eight horses. Then Rāvaṇa mounted that formidable chariot, gleaming with its own brilliance.
6.95.34
ततः प्रयातः सहसा राक्षसैर्बहुभिर्वृतः।
रावणः सत्त्वगाम्भीर्याद् दारयन्निव मेदिनीम् ॥ ६.९५.३४ ॥
Then Rāvaṇa, surrounded by many rākṣasas, suddenly set out, as if splitting the earth with the depth of his strength.
6.95.35
ततश्चासीन्महानादस्तूर्याणां च ततस्ततः।
मृदङ्गैः पटहैः शङ्खैः कलहैः सह रक्षसाम् ॥ ६.९५.३५ ॥
Then a great din arose from the instruments everywhere, with drums, kettledrums and conches, together with the war-cries of the rākṣasas.
6.95.36
आगतो रक्षसां राजा छत्रचामरसंयुतः।
सीतापहारी दुर्वृत्तो ब्रह्मघ्नो देवकण्टकः।
योद्धुं रघुवरेणेति शुश्रुवे कलहध्वनिः ॥ ६.९५.३६ ॥
The king of the rākṣasas came, attended by parasol and yak-tail fanners — the abductor of Sītā, the wicked one, slayer of Brahmins, a thorn to the gods. The din of strife was heard: he had come to fight the best of the Raghus.
6.95.37
तेन नादेन महता पृथिवी समकम्पत।
तं शब्दं सहसा श्रुत्वा वानरा दुद्रुवुर्भयात् ॥ ६.९५.३७ ॥
With that great roar the earth trembled entirely. Hearing that sound suddenly, the vānaras fled in fear.
6.95.38
रावणस्तु महाबाहुः सचिवैः परिवारितः।
आजगाम महातेजा जयाय विजयं प्रति ॥ ६.९५.३८ ॥
But Rāvaṇa, the mighty-armed, of great splendor, surrounded by his counselors, came forward toward victory for the sake of triumph.
6.95.39
रावणेनाभ्यनुज्ञातौ महापार्श्वमहोदरौ।
विरूपाक्षश्च दुर्धर्षो रथानारुरुहुस्तदा ॥ ६.९५.३९ ॥
With Rāvaṇa's permission, Mahāpārśva and Mahodara, and the invincible Virūpākṣa, then mounted their chariots.
6.95.40
ते तु हृष्टाभिनर्दन्तो भिन्दन्त इव मेदिनीम्।
नादं घोरं विमुञ्चन्तो निर्ययुर्जयकाङ्क्षिणः ॥ ६.९५.४० ॥
Exultant and roaring, as if splitting the earth, sending forth a terrible sound, they set out, desiring victory.
6.95.41
ततो युद्धाय तेजस्वी रक्षोगणबलैर्वृतः।
निर्ययावुद्यतधनुः कालान्तकयमोपमः ॥ ६.९५.४१ ॥
Then the radiant Rāvaṇa, surrounded by the hosts of rākṣasas, bow raised, went forth to battle, like Kāla, Antaka, and Yama.
6.95.42
ततः प्रजविताश्वेन रथेन स महारथः।
द्वारेण निर्ययौ तेन यत्र तौ रामलक्ष्मणौ ॥ ६.९५.४२ ॥
Then that great charioteer, in a chariot with swift horses, went out through that gate to where Rāma and Lakṣmaṇa were.
6.95.43
ततो नष्टप्रभः सूर्यो दिशश्च तिमिरावृताः।
द्विजाश्च नेदुर्घोराश्च संचचाल च मेदिनी ॥ ६.९५.४३ ॥
Then the sun lost its brilliance, the directions were covered with darkness, the birds cried out dreadfully, and the earth trembled.
6.95.44
ववर्ष रुधिरं देवश्चस्खलुश्च तुरंगमाः।
ध्वजाग्रे न्यपतद् गृध्रो विनेदुश्चाशिवं शिवाः ॥ ६.९५.४४ ॥
Blood rained from the sky, the horses stumbled, a vulture alighted on the tip of the banner, and jackals howled inauspiciously.
6.95.45
नयनं चास्फुरद् वामं वामो बाहुरकम्पत।
विवर्णवदनश्चासीत् किंचिदभ्रश्यत स्वनः ॥ ६.९५.४५ ॥
His left eye throbbed, his left arm trembled, his face turned pale, and his voice faltered a little.
6.95.46
ततो निष्पततो युद्धे दशग्रीवस्य रक्षसः।
रणे निधनशंसीनि रूपाण्येतानि जज्ञिरे ॥ ६.९५.४६ ॥
Then, as the ten-necked rākṣasa Rāvaṇa went forth to battle, these signs appeared, foretelling death in the fight.
6.95.47
अन्तरिक्षात् पपातोल्का निर्घातसमनिःस्वना।
विनेदुरशिवा गृध्रा वायसैरभिमिश्रिताः ॥ ६.९५.४७ ॥
A meteor fell from the sky with a sound like a thunderclap, and inauspicious vultures cried out mingled with crows.
6.95.48
एतानचिन्तयन् घोरानुत्पातान् समवस्थितान्।
निर्ययौ रावणो मोहाद् वधार्थं कालचोदितः ॥ ६.९५.४८ ॥
Not heeding these dreadful portents that had appeared, Rāvaṇa, driven by time and deluded, set out for his own destruction.
6.95.49
तेषां तु रथघोषेण राक्षसानां महात्मनाम्।
वानराणामपि चमूर्युद्धायैवाभ्यवर्तत ॥ ६.९५.४९ ॥
And with the rumbling of the chariots of those great-souled rakshasas, the army of the vanaras also advanced into battle.
6.95.50
तेषां तु तुमुलं युद्धं बभूव कपिरक्षसाम्।
अन्योन्यमाह्वयानानां क्रुद्धानां जयमिच्छताम् ॥ ६.९५.५० ॥
A furious battle then broke out between the vanaras and the rakshasas; enraged, challenging one another, each desiring victory.
6.95.51
ततः क्रुद्धो दशग्रीवः शरैः काञ्चनभूषणैः।
वानराणामनीकेषु चकार कदनं महत् ॥ ६.९५.५१ ॥
Then Rāvaṇa, the ten-necked, enraged, with arrows adorned in gold, wrought a great slaughter in the ranks of the vanaras.
6.95.52
निकृत्तशिरसः केचिद् रावणेन वलीमुखाः।
केचिद् विच्छिन्नहृदयाः केचिच्छ्रोत्रविवर्जिताः ॥ ६.९५.५२ ॥
Some of the monkeys had their heads cut off by Rāvaṇa, some had their hearts split apart, and some were deprived of their ears.
6.95.53
निरुच्छ्वासा हताः केचित् केचित् पार्श्वेषु दारिताः।
केचिद् विभिन्नशिरसः केचिच्चक्षुर्विनाकृताः ॥ ६.९५.५३ ॥
Some lay dead, breath gone; some had their flanks torn open, some had their skulls shattered, and some had their eyes destroyed.
6.95.54
दशाननः क्रोधविवृत्तनेत्रो
यतो यतोऽभ्येति रथेन संख्ये।
ततस्ततस्तस्य शरप्रवेगं
सोढुं न शेकुर्हरियूथपास्ते ॥ ६.९५.५४ ॥
Wherever the ten-faced Rāvaṇa, eyes rolling in wrath, advanced in his chariot in battle, there those leaders of the monkey troops could not withstand the force of his arrows.