ヴァールミーキのラーマーヤナ · サルガ 6.95
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.95.1
आर्तानां राक्षसीनां तु लङ्कायां वै कुले कुले।
रावणः करुणं शब्दं शुश्राव परिदेवितम् ॥ ६.९५.१ ॥
ランカーの家々で、苦しむラークシャシーたちの哀れな嘆きの声を、ラーヴァナは聞いた。
6.95.2
स तु दीर्घं विनिःश्वस्य मुहूर्तं ध्यानमास्थितः।
बभूव परमक्रुद्धो रावणो भीमदर्शनः ॥ ६.९५.२ ॥
彼は長く溜息をつき、しばし瞑想に沈んだ。やがてラーヴァナは激しく怒り、見る者を震え上がらせる姿となった。
6.95.3
संदश्य दशनैरोष्ठं क्रोधसंरक्तलोचनः।
राक्षसैरपि दुर्दर्शः कालाग्निरिव मूर्तिमान् ॥ ६.९५.३ ॥
歯で唇を噛み、怒りに目を赤く染めたラーヴァナは、羅刹たちですら直視し難く、形をとった劫火のようであった。
6.95.4
उवाच च समीपस्थान् राक्षसान् राक्षसेश्वरः।
क्रोधाव्यक्तकथस्तत्र निर्दहन्निव चक्षुषा ॥ ६.९५.४ ॥
羅刹の王は近くに立つ羅刹たちに語りかけた。怒りで言葉は不明瞭で、まなざしで焼き尽くさんばかりであった。
6.95.5
महोदरं महापार्श्वं विरूपाक्षं च राक्षसम्।
शीघ्रं वदत सैन्यानि निर्यातेति ममाज्ञया ॥ ६.९५.५ ॥
「マホーダラ、マハーパールシュヴァ、ヴィルーパークシャ、羅刹たちよ！我が命により、軍勢を直ちに出撃させよと告げよ。」
6.95.6
तस्य तद् वचनं श्रुत्वा राक्षसास्ते भयार्दिताः।
चोदयामासुरव्यग्रान् राक्षसांस्तान् नृपाज्ञया ॥ ६.९५.६ ॥
その言葉を聞いて恐怖に苛まれた羅刹たちは、王の命により、動じない羅刹たちを急き立てた。
6.95.7
ते तु सर्वे तथेत्युक्त्वा राक्षसा भीमदर्शनाः।
कृतस्वस्त्ययनाः सर्वे ते रणाभिमुखा ययुः ॥ ६.९५.७ ॥
恐ろしい姿の羅刹たちは皆「そのとおりに」と言い、吉祥の儀式を行い、戦場へ顔を向けて出発した。
6.95.8
प्रतिपूज्य यथान्यायं रावणं ते महारथाः।
तस्थुः प्राञ्जलयः सर्वे भर्तुर्विजयकाङ्क्षिणः ॥ ६.९५.८ ॥
それら大戦車の勇士たちは、礼にしたがってラーヴァナに敬礼を返し、合掌して立ち、みな主君の勝利を願った。
6.95.9
ततोवाच प्रहस्यैतान् रावणः क्रोधमूर्च्छितः।
महोदरमहापार्श्वौ विरूपाक्षं च राक्षसम् ॥ ६.९५.९ ॥
そのとき怒りに我を失ったラーヴァナは笑いながら、彼ら、マホーダラ、マハーパールシュヴァ、そして羅刹ヴィルーパークシャに語った。
6.95.10
अद्य बाणैर्धनुर्मुक्तैर्युगान्तादित्यसंनिभैः।
राघवं लक्ष्मणं चैव नेष्यामि यमसादनम् ॥ ६.९५.१० ॥
今日、弓から放たれる、劫末の太陽のような矢で、ラーガヴァとラクシュマナをヤマの館へ送ってやろう。
6.95.11
खरस्य कुम्भकर्णस्य प्रहस्तेन्द्रजितोस्तथा।
करिष्यामि प्रतीकारमद्य शत्रुवधादहम् ॥ ६.९५.११ ॥
カラ、クンバカルナ、プラハスタ、インドラジットへの復讐を、私は今日、敵を殺して果たそう。
6.95.12
नैवान्तरिक्षं न दिशो न च द्यौर्नापि सागराः।
प्रकाशत्वं गमिष्यन्ति मद्बाणजलदावृताः ॥ ६.९५.१२ ॥
私の矢という雲に覆われて、空も、方角も、天も、海さえも見えなくなるだろう。
6.95.13
अद्य वानरमुख्यानां तानि यूथानि भागशः।
धनुषा शरजालेन वधिष्यामि पतत्त्रिणा ॥ ६.९५.१३ ॥
今日、私は猿の長たちのあの部隊を、弓と矢の網と羽根の矢で、部隊ごとに討ち滅ぼすであろう。
6.95.14
अद्य वानरसैन्यानि रथेन पवनौजसा।
धनुःसमुद्रादुद्भूतैर्मथिष्यामि शरोर्मिभिः ॥ ६.९५.१४ ॥
今日、風のように速い戦車と、弓という海から立ち上る矢の波で、猿の軍勢を揺り動かすであろう。
6.95.15
व्याकोशपद्मवक्त्राणि पद्मकेसरवर्चसाम्।
अद्य यूथतटाकानि गजवत् प्रमथाम्यहम् ॥ ६.९५.१५ ॥
今日、象が池を掻き乱すように、蓮の顔が開き蓮の蕊の輝きを持つ猿の群れの池を、私は掻き乱すであろう。
6.95.16
सशरैरद्य वदनैः संख्ये वानरयूथपाः।
मण्डयिष्यन्ति वसुधां सनालैरिव पङ्कजैः ॥ ६.९५.१६ ॥
今日、戦いで矢に射られた顔の猿の群れの長たちは、茎つきの蓮で大地を飾るように、大地を飾るであろう。
6.95.17
अद्य यूथप्रचण्डानां हरीणां द्रुमयोधिनाम्।
मुक्तेनैकेषुणा युद्धे भेत्स्यामि च शतं शतम् ॥ ६.९५.१७ ॥
今日、戦いで、木を武器に戦う猿の群れの猛々しい長たちを、一本の放たれた矢で百体ずつ射抜くであろう。
6.95.18
हतो भ्राता च येषां वै येषां च तनयो हतः।
वधेनाद्य रिपोस्तेषां करोम्यश्रुप्रमार्जनम् ॥ ६.९५.१८ ॥
兄を殺された者、息子を殺された者たちの涙を、今日、敵を討つことで私は拭い去るであろう。
6.95.19
अद्य मद्बाणनिर्भिन्नैः प्रस्तीर्णैर्गतचेतनैः।
करोमि वानरैर्युद्धे यत्नावेक्ष्यतलां महीम् ॥ ६.९५.१९ ॥
今日、私の矢に貫かれ、散乱して生命のない猿たちで、戦場において注意深く大地の表面を見渡し、それを覆いつくそう。
6.95.20
अद्य काकाश्च गृध्राश्च ये च मांसाशिनोऽपरे।
सर्वांस्तांस्तर्पयिष्यामि शत्रुमांसैः शराहतैः ॥ ६.९५.२० ॥
今日、私の矢に倒れた敵の肉で、カラスも禿鷹も、その他の肉食の生き物もすべて満足させよう。
6.95.21
कल्प्यतां मे रथः शीघ्रं क्षिप्रमानीयतां धनुः।
अनुप्रयान्तु मां युद्धे येऽत्र शिष्टा निशाचराः ॥ ६.९५.२१ ॥
私の戦車を速やかに整えよ、弓を急ぎ持ってこい。ここに残る夜行の羅刹たちは、戦いで私に従え。
6.95.22
तस्य तद् वचनं श्रुत्वा महापार्श्वोऽब्रवीद् वचः।
बलाध्यक्षान् स्थितांस्तत्र बलं संत्वर्यतामिति ॥ ६.९५.२२ ॥
その言葉を聞いて、マハーパールシュヴァはそこに立つ軍の指揮官たちに言った。「軍を急がせよ」と。
6.95.23
बलाध्यक्षास्तु संयुक्ता राक्षसांस्तान् गृहे गृहे।
चोदयन्तः परिययुर्लङ्कां लघुपराक्रमाः ॥ ६.९५.२३ ॥
そこで軍の指揮官たちは集まり、羅刹たちを一軒一軒促しながらラーンカーを駆け巡った。彼らは素早い勇者であった。
6.95.24
ततो मुहूर्तान्निष्पेतू राक्षसा भीमदर्शनाः।
नदन्तो भीमवदना नानाप्रहरणैर्भुजैः ॥ ६.९५.२४ ॥
やがて間もなく、恐ろしい姿の羅刹たちが飛び出した。咆哮し、凶悪な顔つきで、腕には様々な武器を携えて。
6.95.25
असिभिः पट्टिशैः शूलैर्गदाभिर्मुसलैर्हलैः।
शक्तिभिस्तीक्ष्णधाराभिर्महद्भिः कूटमुद्गरैः ॥ ६.९५.२५ ॥
剣、パッティシャ、三叉槍、棍棒、杵、鋤で、鋭い刃の槍で、そして大きなクータ・ムドガラで。
6.95.26
यष्टिभिर्विविधैश्चक्रैर्निशितैश्च परश्वधैः।
भिन्दिपालैः शतघ्नीभिरन्यैश्चापि वरायुधैः ॥ ६.९५.२६ ॥
様々な杖、円盤、研いだ戦斧、投げ槍、シャタグニ、そして他の優れた武器で。
6.95.27
अथानयन् बलाध्यक्षाश्चत्वारो रावणाज्ञया।
रथानां नियुतं साग्रं नागानां नियुतत्रयम् ॥ ६.९५.२७ ॥
そこでラーヴァナの命により、四人の将軍が一ニユタを超える戦車と三ニユタの象を連れてきた。
6.95.28
अश्वानां षष्टिकोट्यस्तु खरोष्ट्राणां तथैव च।
पदातयस्त्वसंख्याता जग्मुस्ते राजशासनात् ॥ ६.९५.२८ ॥
六十コーティの馬、同様にロバとラクダ、そして数えきれない歩兵たちが王の命令で出発した。
6.95.29
बलाध्यक्षाश्च संस्थाप्य राज्ञः सेनां पुरःस्थिताम्।
एतस्मिन्नन्तरे सूतः स्थापयामास तं रथम् ॥ ६.९५.२९ ॥
将軍たちは王の軍を前に配置した。そのあいだに御者はその戦車を止めた。
6.95.30
दिव्यास्त्रवरसम्पन्नं नानालंकारभूषितम्।
नानायुधसमाकीर्णं किङ्किणीजालसंयुतम् ॥ ६.९५.३० ॥
神聖な優れた武器を備え、様々な飾りで彩られ、様々な武器に満ち、鈴の網を付けたその戦車。
6.95.31
नानारत्नपरिक्षिप्तं रत्नस्तम्भैर्विराजितम्।
जाम्बूनदमयैश्चैव सहस्रकलशैर्वृतम् ॥ ६.९५.३१ ॥
多くの宝石をちりばめ、宝石の柱で輝き、黄金の千の壺に囲まれていた。
6.95.32
तं दृष्ट्वा राक्षसाः सर्वे विस्मयं परमं गताः।
तं दृष्ट्वा सहसोत्थाय रावणो राक्षसेश्वरः ॥ ६.९५.३२ ॥
それを見て、羅刹たちは皆この上ない驚きに包まれた。それを見るやいなや、羅刹王ラーヴァナは突然立ち上がった。
6.95.33
कोटिसूर्यप्रतीकाशं ज्वलन्तमिव पावकम्।
द्रुतं सूतसमायुक्तं युक्ताष्टतुरगं रथम्।
आरुरोह तदा भीमं दीप्यमानं स्वतेजसा ॥ ६.९५.३३ ॥
その速い戦車は、無数の太陽のように、また燃え上がる炎のように輝き、御者と八頭の馬が繋がれていた。そのとき、ラーヴァナは自らの光で輝くその恐ろしい戦車に乗り込んだ。
6.95.34
ततः प्रयातः सहसा राक्षसैर्बहुभिर्वृतः।
रावणः सत्त्वगाम्भीर्याद् दारयन्निव मेदिनीम् ॥ ६.९५.३४ ॥
そのとき、ラーヴァナは多くの羅刹に囲まれて突然出発した。その力の重々しさで大地を裂くかのように。
6.95.35
ततश्चासीन्महानादस्तूर्याणां च ततस्ततः।
मृदङ्गैः पटहैः शङ्खैः कलहैः सह रक्षसाम् ॥ ६.९५.३५ ॥
そのとき、あちこちから楽器の大きな響きが起こった。太鼓、大鼓、法螺貝とともに、羅刹たちの戦いの叫びが加わった。
6.95.36
आगतो रक्षसां राजा छत्रचामरसंयुतः।
सीतापहारी दुर्वृत्तो ब्रह्मघ्नो देवकण्टकः।
योद्धुं रघुवरेणेति शुश्रुवे कलहध्वनिः ॥ ६.९५.३६ ॥
羅刹の王が、天蓋と犛牛の尾の払子に護られて現れた——シーターを奪った者、邪悪な者、バラモンを殺す者、神々の棘である。争いの喧騒が響いた。ラグの最良の英雄と戦うために来たのだ。
6.95.37
तेन नादेन महता पृथिवी समकम्पत।
तं शब्दं सहसा श्रुत्वा वानरा दुद्रुवुर्भयात् ॥ ६.९५.३७ ॥
その大きな轟音に大地は全体が震えた。突然その音を聞いて、ヴァーナラたちは恐怖のあまり逃げ去った。
6.95.38
रावणस्तु महाबाहुः सचिवैः परिवारितः।
आजगाम महातेजा जयाय विजयं प्रति ॥ ६.९५.३८ ॥
しかし大腕のラーヴァナは、大いなる威光をもち、大臣たちに囲まれ、勝利のために進み出た。
6.95.39
रावणेनाभ्यनुज्ञातौ महापार्श्वमहोदरौ।
विरूपाक्षश्च दुर्धर्षो रथानारुरुहुस्तदा ॥ ६.९५.३९ ॥
ラーヴァナの許しを得て、マハーパールシュヴァとマハーウダラ、そして不屈のヴィルーパークシャは、そのとき戦車に乗った。
6.95.40
ते तु हृष्टाभिनर्दन्तो भिन्दन्त इव मेदिनीम्।
नादं घोरं विमुञ्चन्तो निर्ययुर्जयकाङ्क्षिणः ॥ ६.९५.४० ॥
喜び勇んで吼え、大地を裂くかのように恐ろしい叫びを上げ、勝利を望んで出撃した。
6.95.41
ततो युद्धाय तेजस्वी रक्षोगणबलैर्वृतः।
निर्ययावुद्यतधनुः कालान्तकयमोपमः ॥ ६.९५.४१ ॥
そして輝けるラーヴァナは羅刹の軍勢に囲まれ、弓を構えて戦いへと進み出た。カーラ、アンタカ、ヤマにも等しかった。
6.95.42
ततः प्रजविताश्वेन रथेन स महारथः।
द्वारेण निर्ययौ तेन यत्र तौ रामलक्ष्मणौ ॥ ६.९५.४२ ॥
そしてその大戦車兵は、速い馬の戦車に乗り、その門から出て、ラーマとラクシュマナのいる所へ向かった。
6.95.43
ततो नष्टप्रभः सूर्यो दिशश्च तिमिरावृताः।
द्विजाश्च नेदुर्घोराश्च संचचाल च मेदिनी ॥ ६.९५.४३ ॥
そのとき太陽は輝きを失い、方角はすべて闇に覆われ、鳥たちは恐ろしく鳴き叫び、大地は震えた。
6.95.44
ववर्ष रुधिरं देवश्चस्खलुश्च तुरंगमाः।
ध्वजाग्रे न्यपतद् गृध्रो विनेदुश्चाशिवं शिवाः ॥ ६.९५.४४ ॥
空から血の雨が降り、馬は足をとられ、旗竿の先に禿鷹が舞い降り、山犬たちが不吉に吠えた。
6.95.45
नयनं चास्फुरद् वामं वामो बाहुरकम्पत।
विवर्णवदनश्चासीत् किंचिदभ्रश्यत स्वनः ॥ ६.९५.४५ ॥
左の目がぴくぴくと動き、左腕が震え、顔は青ざめ、声も少し揺らいだ。
6.95.46
ततो निष्पततो युद्धे दशग्रीवस्य रक्षसः।
रणे निधनशंसीनि रूपाण्येतानि जज्ञिरे ॥ ६.९५.४६ ॥
十の首を持つ羅刹ラーヴァナが戦いに出ようとしたとき、戦場での死を告げるこれらの兆しが現れた。
6.95.47
अन्तरिक्षात् पपातोल्का निर्घातसमनिःस्वना।
विनेदुरशिवा गृध्रा वायसैरभिमिश्रिताः ॥ ६.९५.४७ ॥
空から流星が落ち、その音は雷鳴のようであった。不吉な禿鷹がカラスとともに鳴き叫んだ。
6.95.48
एतानचिन्तयन् घोरानुत्पातान् समवस्थितान्।
निर्ययौ रावणो मोहाद् वधार्थं कालचोदितः ॥ ६.९५.४८ ॥
現れたこれらの恐ろしい兆しを顧みず、時に駆り立てられ、迷いによって、ラーヴァナは自らの滅亡へと出陣した。
6.95.49
तेषां तु रथघोषेण राक्षसानां महात्मनाम्।
वानराणामपि चमूर्युद्धायैवाभ्यवर्तत ॥ ६.९५.४९ ॥
その偉大な羅刹たちの戦車の轟音とともに、ヴァーナラの軍勢も戦いへと進み出た。
6.95.50
तेषां तु तुमुलं युद्धं बभूव कपिरक्षसाम्।
अन्योन्यमाह्वयानानां क्रुद्धानां जयमिच्छताम् ॥ ६.९५.५० ॥
ヴァーナラと羅刹の間に、激しい戦いが起こった。怒りに燃え、互いに挑みかかりながら、皆が勝利を望んだ。
6.95.51
ततः क्रुद्धो दशग्रीवः शरैः काञ्चनभूषणैः।
वानराणामनीकेषु चकार कदनं महत् ॥ ६.९५.५१ ॥
すると怒った十首のラーヴァナは、金の装飾をした矢でヴァーナラの軍勢に大殺戮を行った。
6.95.52
निकृत्तशिरसः केचिद् रावणेन वलीमुखाः।
केचिद् विच्छिन्नहृदयाः केचिच्छ्रोत्रविवर्जिताः ॥ ६.९५.५२ ॥
ラーヴァナによって首を斬られたヴァーナラもいれば、心臓を裂かれた者、耳を失った者もいた。
6.95.53
निरुच्छ्वासा हताः केचित् केचित् पार्श्वेषु दारिताः।
केचिद् विभिन्नशिरसः केचिच्चक्षुर्विनाकृताः ॥ ६.९५.५३ ॥
息絶えて倒れた者、脇腹を裂かれた者、頭蓋を砕かれた者、目を潰された者がいた。
6.95.54
दशाननः क्रोधविवृत्तनेत्रो
यतो यतोऽभ्येति रथेन संख्ये।
ततस्ततस्तस्य शरप्रवेगं
सोढुं न शेकुर्हरियूथपास्ते ॥ ६.९५.५४ ॥
怒りに目を剥いた十面のダシャーナナが戦車で戦場を進むところどこでも、猿の部隊の指揮者たちは彼の矢の勢いに耐えられなかった。