Vālmīki Rāmāyaṇa · Sarga 6.99
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.99.1
महोदरमहापार्श्वौ हतौ दृष्ट्वा स रावणः।
तस्मिंश्च निहते वीरे विरूपाक्षे महाबले ॥ ६.९९.१ ॥
Seeing Mahodara and Mahāpārśva slain, and when that hero Virūpākṣa, the mighty one, was also slain, Rāvaṇa...
6.99.2
आविवेश महान् क्रोधो रावणं तु महामृधे।
सूतं संचोदयामास वाक्यं चेदमुवाच ह ॥ ६.९९.२ ॥
Great anger entered Rāvaṇa in the great battle. He urged his charioteer on and spoke these words.
6.99.3
निहतानाममात्यानां रुद्धस्य नगरस्य च।
दुःखमेवापनेष्यामि हत्वा तौ रामलक्ष्मणौ ॥ ६.९९.३ ॥
The grief of the slain ministers and of the besieged city I will surely remove, by slaying those two, Rāma and Lakṣmaṇa.
6.99.4
रामवृक्षं रणे हन्मि सीतापुष्पफलप्रदम्।
प्रशाखा यस्य सुग्रीवो जाम्बवान् कुमुदो नलः ॥ ६.९९.४ ॥
In battle I will strike down the tree of Rāma, which bears the flower and fruit of Sītā, whose branches are Sugrīva, Jāmbavān, Kumuda and Nala.
6.99.5
द्विविदश्चैव मैन्दश्च अङ्गदो गन्धमादनः।
हनूमांश्च सुषेणश्च सर्वे च हरियूथपाः ॥ ६.९९.५ ॥
Dvivida and Mainda, Aṅgada and Gandhamādana, Hanumān and Suṣeṇa, and all the lords of the monkey troops.
6.99.6
स दिशो दश घोषेण रथस्यातिरथो महान्।
नादयन् प्रययौ तूर्णं राघवं चाभ्यधावत ॥ ६.९९.६ ॥
That great charioteer, making the ten directions resound with the roar of his chariot, swiftly set forth and rushed toward Rāghava.
6.99.7
पूरिता तेन शब्देन सनदीगिरिकानना।
संचचाल मही सर्वा त्रस्तसिंहमृगद्विजा ॥ ६.९९.७ ॥
Filled with that sound, the whole earth, with its rivers, mountains and forests, trembled, and lions, deer and birds were terrified.
6.99.8
तामसं सुमहाघोरं चकारास्त्रं सुदारुणम्।
निर्ददाह कपीन् सर्वांस्ते प्रपेतुः समन्ततः ॥ ६.९९.८ ॥
He discharged the very terrible, darkness-born weapon; it burned all the monkeys, and they fell on every side.
6.99.9
उत्पपात रजो भूमौ तैर्भग्नैः सम्प्रधावितैः।
नहि तत् सहितुं शेकुर्ब्रह्मणा निर्मितं स्वयम् ॥ ६.९९.९ ॥
Dust rose from the ground as they scattered in flight; they could not bear that dust, which Brahmā himself had created.
6.99.10
तान्यनीकान्यनेकानि रावणस्य शरोत्तमैः।
दृष्ट्वा भग्नानि शतशो राघवः पर्यवस्थितः ॥ ६.९९.१० ॥
Seeing Rāvaṇa's many armies broken by hundreds under his best arrows, Rāghava stood firm.
6.99.11
ततो राक्षसशार्दूलो विद्राव्य हरिवाहिनीम्।
स ददर्श ततो रामं तिष्ठन्तमपराजितम् ॥ ६.९९.११ ॥
Then the tiger among rākṣasas, having routed the monkey army, saw Rāma standing there, unconquered.
6.99.12
लक्ष्मणेन सह भ्रात्रा विष्णुना वासवं यथा।
आलिखन्तमिवाकाशमवष्टभ्य महद् धनुः ॥ ६.९९.१२ ॥
With his brother Lakṣmaṇa, like Viṣṇu with Vāsava, he stood holding the great bow, as if tracing the sky.
6.99.13
पद्मपत्रविशालाक्षं दीर्घबाहुमरिंदमम्।
ततो रामो महातेजाः सौमित्रिसहितो बली ॥ ६.९९.१३ ॥
Rāma, lotus-petal wide-eyed, long-armed, subduer of foes, of great splendor and might, was then accompanied by Saumitri (Lakṣmaṇa).
6.99.14
वानरांश्च रणे भग्नानापतन्तं च रावणम्।
समीक्ष्य राघवो हृष्टो मध्ये जग्राह कार्मुकम् ॥ ६.९९.१४ ॥
Seeing the monkeys routed in battle and Rāvaṇa rushing forward, the Rāghava rejoiced and seized the bow at its center.
6.99.15
विस्फारयितुमारेभे ततः स धनुरुत्तमम्।
महावेगं महानादं निर्भिन्दन्निव मेदिनीम् ॥ ६.९९.१५ ॥
Then he began to draw that excellent bow wide, its force and roar so great that it seemed to split the earth.
6.99.16
रावणस्य च बाणौघै रामविस्फारितेन च।
शब्देन राक्षसास्तेन पेतुश्च शतशस्तदा ॥ ६.९९.१६ ॥
By the flood of Rāvaṇa's arrows and by the sound of Rāma drawing his bow wide, hundreds of rākṣasas then fell.
6.99.17
तयोः शरपथं प्राप्य रावणो राजपुत्रयोः।
स बभौ च यथा राहुः समीपे शशिसूर्ययोः ॥ ६.९९.१७ ॥
Having come into the path of those two princes' arrows, Rāvaṇa shone like Rāhu near the moon and the sun.
6.99.18
तमिच्छन् प्रथमं योद्धुं लक्ष्मणो निशितैः शरैः।
मुमोच धनुरायम्य शरानग्निशिखोपमान् ॥ ६.९९.१८ ॥
Desiring to fight him first, Lakṣmaṇa drew his bow and loosed sharp arrows like tongues of fire.
6.99.19
तान् मुक्तमात्रानाकाशे लक्ष्मणेन धनुष्मता।
बाणान् बाणैर्महातेजा रावणः प्रत्यवारयत् ॥ ६.९९.१९ ॥
Rāvaṇa, of great brilliance, checked with his own arrows those arrows that the bow-bearing Lakṣmaṇa had just loosed into the sky.
6.99.20
एकमेकेन बाणेन त्रिभिस्त्रीन् दशभिर्दश।
लक्ष्मणस्य प्रचिच्छेद दर्शयन् पाणिलाघवम् ॥ ६.९९.२० ॥
With one arrow for each, three for three, and ten for ten, he cut down Lakṣmaṇa's arrows, displaying his lightness of hand.
6.99.21
अभ्यतिक्रम्य सौमित्रिं रावणः समितिंजयः।
आससाद रणे रामं स्थितं शैलमिवापरम् ॥ ६.९९.२१ ॥
Passing beyond Saumitri, Rāvaṇa, victor in battle, came upon Rāma, standing in the fight like another mountain.
6.99.22
स राघवं समासाद्य क्रोधसंरक्तलोचनः।
व्यसृजच्छरवर्षाणि रावणो राक्षसेश्वरः ॥ ६.९९.२२ ॥
Reaching Rāghava, Rāvaṇa, lord of the rākṣasas, his eyes reddened with rage, unleashed a shower of arrows.
6.99.23
शरधारास्ततो रामो रावणस्य धनुश्च्युताः।
दृष्ट्वैवापतिताः शीघ्रं भल्लाञ्जग्राह सत्वरम् ॥ ६.९९.२३ ॥
Then Rāma, seeing the streams of arrows released from Rāvaṇa's bow rushing swiftly toward him, quickly seized the bhalla arrows.
6.99.24
ताञ्छरौघांस्ततो भल्लैस्तीक्ष्णैश्चिच्छेद राघवः।
दीप्यमानान् महाघोराञ्छरानाशीविषोपमान् ॥ ६.९९.२४ ॥
Then Rāghava cut down that flood of arrows with sharp bhalla shafts — blazing, terrifying arrows like venomous serpents.
6.99.25
राघवो रावणं तूर्णं रावणो राघवं तथा।
अन्योन्यं विविधैस्तीक्ष्णैः शरवर्षैर्ववर्षतुः ॥ ६.९९.२५ ॥
Rāghava swiftly showered Rāvaṇa with arrows, and Rāvaṇa likewise showered Rāghava, each pouring down many kinds of sharp shafts upon the other.
6.99.26
चेरतुश्च चिरं चित्रं मण्डलं सव्यदक्षिणम्।
बाणवेगात् समुत्क्षिप्तावन्योन्यमपराजितौ ॥ ६.९९.२६ ॥
For a long time the two wheeled about in wondrous circles, left and right, hurled aside by the speed of the arrows, each unconquered by the other.
6.99.27
तयोर्भूतानि वित्रेसुर्युगपत् सम्प्रयुध्यतोः।
रौद्रयोः सायकमुचोर्यमान्तकनिकाशयोः ॥ ६.९९.२७ ॥
As the two fought together at once, the creatures trembled; the two fierce archers, shooting their arrows, were like Yama and Antaka, the god of death.
6.99.28
सततं विविधैर्बाणैर्बभूव गगनं तदा।
घनैरिवातपापाये विद्युन्मालासमाकुलैः ॥ ६.९९.२८ ॥
Then the sky was continually filled with arrows of many kinds, like clouds crowded with garlands of lightning at the end of the summer heat.
6.99.29
गवाक्षितमिवाकाशं बभूव शरवृष्टिभिः।
महावेगैः सुतीक्ष्णाग्रैर्गृध्रपत्रैः सुवाजितैः ॥ ६.९९.२९ ॥
The sky became as if latticed with holes by the showers of arrows, swift and powerful, with very sharp points, feathered with vulture feathers and well fletched.
6.99.30
शरान्धकारमाकाशं चक्रतुः परमं तदा।
गतेऽस्तं तपने चापि महामेघाविवोत्थितौ ॥ ६.९९.३० ॥
Then the two made the sky a supreme darkness of arrows, like two great clouds risen up after the sun has set.
6.99.31
तयोरभून्महायुद्धमन्योन्यवधकांक्षिणोः।
अनासाद्यमचिन्त्यं च वृत्रवासवयोरिव ॥ ६.९९.३१ ॥
Between the two, who desired each other's death, there arose a great battle, unapproachable and unthinkable, like that of Vṛtra and Vāsava (Indra).
6.99.32
उभौ हि परमेष्वासावुभौ युद्धविशारदौ।
उभावस्त्रविदां मुख्यावुभौ युद्धे विचेरतुः ॥ ६.९९.३२ ॥
Both were supreme archers, both skilled in battle, both foremost among those who know the weapons; both moved about in the fight.
6.99.33
उभौ हि येन व्रजतस्तेन तेन शरोर्मयः।
ऊर्मयो वायुना विद्धा जग्मुः सागरयोरिव ॥ ६.९९.३३ ॥
Wherever the two moved, there waves of arrows rose; struck by the wind, they rushed forth like the waves of two oceans.
6.99.34
ततः संसक्तहस्तस्तु रावणो लोकरावणः।
नाराचमालां रामस्य ललाटे प्रत्यमुञ्चत ॥ ६.९९.३४ ॥
Then Rāvaṇa, terror of the worlds, with his hand engaged, released upon Rāma's forehead a garland of iron arrows.
6.99.35
रौद्रचापप्रयुक्तां तां नीलोत्पलदलप्रभाम्।
शिरसाधारयद् रामो न व्यथामभ्यपद्यत ॥ ६.९९.३५ ॥
That garland, shot from the fierce bow, with the sheen of blue lotus petals, Rāma bore upon his head, and felt no pain.
6.99.36
अथ मन्त्रानपि जपन् रौद्रमस्त्रमुदीरयन्।
शरान् भूयः समादाय रामः क्रोधसमन्वितः ॥ ६.९९.३६ ॥
Then Rāma, reciting the mantras and invoking the terrible weapon, filled with anger, took up his arrows once more.
6.99.37
मुमोच च महातेजाश्चापमायम्य वीर्यवान्।
तान् शरान् राक्षसेन्द्राय चिक्षेपाच्छिन्नसायकः ॥ ६.९९.३७ ॥
Mighty and radiant, Rāma drew his bow taut, released those arrows, and hurled unbroken shafts at the lord of the rākṣasas.
6.99.38
ते महामेघसंकाशे कवचे पतिताः शराः।
अवध्ये राक्षसेन्द्रस्य न व्यथां जनयंस्तदा ॥ ६.९९.३८ ॥
Those arrows, fallen upon the armour like a great cloud, caused no pain at all to the lord of the rākṣasas, who could not be slain.
6.99.39
पुनरेवाथ तं रामो रथस्थं राक्षसाधिपम्।
ललाटे परमास्त्रेण सर्वास्त्रकुशलोऽभिनत् ॥ ६.९९.३९ ॥
Then Rāma, skilled in every weapon, struck the lord of the rākṣasas, who stood in his chariot, on the forehead with the supreme weapon.
6.99.40
ते भित्त्वा बाणरूपाणि पञ्चशीर्षा इवोरगाः।
श्वसन्तो विविशुर्भूमिं रावणप्रतिकूलिताः ॥ ६.९९.४० ॥
Those arrows in serpent-form, hissing like five-headed snakes and checked by Rāvaṇa, pierced through and entered the earth.
6.99.41
निहत्य राघवस्यास्त्रं रावणः क्रोधमूर्च्छितः।
आसुरं सुमहाघोरमस्त्रं प्रादुश्चकार सः ॥ ६.९९.४१ ॥
Having destroyed Rāghava's weapon, Rāvaṇa, overcome with rage, unleashed a demonic weapon of terrible power.
6.99.42
सिंहव्याघ्रमुखांश्चापि कङ्ककोकमुखानपि।
गृध्रश्येनमुखांश्चापि शृगालवदनांस्तथा ॥ ६.९९.४२ ॥
There appeared beings with faces of lions and tigers, faces of herons and kōka birds, faces of vultures and hawks, and likewise faces of jackals.
6.99.43
ईहामृगमुखांश्चापि व्यादितास्यान् भयावहान्।
पञ्चास्याँल्लेलिहानांश्च ससर्ज निशितान् शरान् ॥ ६.९९.४३ ॥
He released sharp arrows, wolf-faced, terrifying with gaping mouths, five-faced, and licking their lips.
6.99.44
शरान् खरमुखांश्चान्यान् वराहमुखसंश्रितान्।
श्वानकुक्कुटवक्त्रांश्च मकराशीविषाननान् ॥ ६.९९.४४ ॥
He also released other arrows with donkey faces, with boar faces, with dog and cock faces, and with crocodile and serpent mouths.
6.99.45
एतांश्चान्यांश्च मायाभिः ससर्ज निशिताञ्छरान्।
रामं प्रति महातेजाः क्रुद्धः सर्प इव श्वसन् ॥ ६.९९.४५ ॥
By illusion the great-splendored one released these and others as sharp arrows against Rāma, hissing like an enraged serpent.
6.99.46
आसुरेण समाविष्टः सोऽस्त्रेण रघुपुङ्गवः।
ससर्जास्त्रं महोत्साहं पावकं पावकोपमः ॥ ६.९९.४६ ॥
Though overpowered by the demonic weapon, that best of the Raghus, like fire itself, with great vigour released the fire-weapon.
6.99.47
अग्निदीप्तमुखान् बाणांस्तत्र सूर्यमुखानपि।
चन्द्रार्धचन्द्रवक्त्रांश्च धूमकेतुमुखानपि।
ग्रहनक्षत्रवर्णांश्च महोल्कामुखसंस्थितान् ॥ ६.९९.४७ ॥
There he released arrows with faces blazing like fire, sun-faced ones, moon- and half-moon-faced ones, comet-faced ones, ones coloured like planets and stars, and ones standing upon great meteor-faces.
6.99.48
विद्युज्जिह्वोपमांश्चापि ससर्ज विविधाञ्छरान्।
ते रावणशरा घोरा राघवास्त्रसमाहताः ॥ ६.९९.४८ ॥
He also released many kinds of arrows, like tongues of lightning. But those terrible arrows of Rāvaṇa were struck down by the weapons of Rāghava.
6.99.49
विलयं जग्मुराकाशे जघ्नुश्चैव सहस्रशः।
तदस्त्रं निहतं दृष्ट्वा रामेणाक्लिष्टकर्मणा ॥ ६.९९.४९ ॥
They vanished in the sky, yet struck by the thousands. Seeing that weapon destroyed by Rāma, whose deeds are effortless,
6.99.50
हृष्टा नेदुस्ततः सर्वे कपयः कामरूपिणः।
सुग्रीवाभिमुखा वीराः सम्परिक्षिप्य राघवम् ॥ ६.९९.५० ॥
Then all the delighted monkeys, who can take any form at will, the heroes facing Sugrīva, surrounding Rāghava completely, roared.
6.99.51
ततस्तदस्त्रं विनिहत्य राघवः
प्रसह्य तद् रावणबाहुनिःसृतम्।
मुदान्वितो दाशरथिर्महात्मा
विनेदुरुच्चैर्मुदिताः कपीश्वराः ॥ ६.९९.५१ ॥
Then Rāghava forcibly destroyed that weapon, sent forth from Rāvaṇa's arm. The great-souled son of Daśaratha, filled with joy, and the delighted lords of monkeys roared aloud.