ヴァールミーキのラーマーヤナ · サルガ 7.34
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.34.1
अर्जुनेन विमुक्तस्तु रावणो राक्षसाधिपः ।
चचार पृथिवीं सर्वामनिर्विण्णस्तथा कृतः ॥ ७.३४.१ ॥
アルジュナによって解放された羅刹の王ラーヴァナは、落胆することなく、こうして大地のすべてをさまよい歩いた。
7.34.2
राक्षसं वा मनुष्यं वा शृणुते ऽयं बलाधिकम् ।
रावणस्तं समासाद्य युद्धे ह्वयति दर्पितः ॥ ७.३४.२ ॥
自分より強い羅刹や人間がいると聞けば、傲慢なラーヴァナはその者のもとへ行き、戦いを挑んだ。
7.34.3
ततः कदाचित्किष्किन्धां नगरीं वालिपालिताम् ।
गत्वा ह्वयति युद्धाय वालिनं हेममालिनम् ॥ ७.३४.३ ॥
その後のある時、ヴァーリに守られたキシュキンダーの町へ行き、金の花輪をつけたヴァーリに戦いを挑んだ。
7.34.4
ततस्तु वानरामात्यस्तारस्तारापिता प्रभुः ।
उवाच वानरो वाक्यं युद्धप्रेप्सुमुपागतम् ॥ ७.३४.४ ॥
そこで猿の大臣であり、ターラーの父であり主君であるターラは、戦いを求めてやって来た者にこの言葉を述べた。
7.34.5
राक्षसेन्द गतो वाली यस्ते प्रतिबलो भवेत् ।
को ऽन्यः प्रमुखतः स्थातुं तव शक्तः प्लवङ्गमः ॥ ७.३४.५ ॥
羅刹の王よ、ヴァーリは出かけている。力で君に匹敵するヴァーリのほかに、君の前に立ち向かえる猿が他にいるだろうか。
7.34.6
चतुर्भ्यो ऽपि समुद्रेभ्यः सन्ध्यामन्वास्य रावण ।
इमं मुहूर्तमायाति वाली तिष्ठ मुहूर्तकम् ॥ ७.३४.६ ॥
ラーヴァナよ、四つの海すべてで黄昏の祭式を行い、ヴァーリはまさに今帰ってくる。しばし待て。
7.34.7
एतानस्थिचयान्पश्य य एते शङ्खपाण्डुराः ।
युद्धार्थिनामिमे राजन्वानराधिपतेजसा ॥ ७.३४.७ ॥
王よ、ほら枯れた螺貝のように白い骨の山を見よ。戦いを求めた者たちのもので、猿王の威光によるものだ。
7.34.8
यद्वा ऽमृतरसः पीतस्त्वया रावण राक्षस ।
तदा वालिनमासाद्य तदन्तं तव जीवितम् ॥ ७.३४.८ ॥
あるいは、羅刹ラーヴァナよ、お前が甘露を飲んだとしても、ヴァーリンのもとに着けば、お前の命は尽きるだろう。
7.34.9
पश्येदानीं जगच्चित्रमिमं विश्रवसः सुत ।
इदं मुहूर्तं तिष्ठस्व दुर्लभं ते भविष्यति ॥ ७.३४.९ ॥
ヴィシュラヴァスの子よ、今この世界の不思議を見よ。しばしとどまれ。これはお前にとって得難いものとなろう。
7.34.10
अथवा त्वरसे मर्तुं गच्छ दक्षिणसागरम् ।
वालिनं द्रक्ष्यसे तत्र भूमिस्थमिव पावकम् ॥ ७.३४.१० ॥
あるいは死に急ぐのなら、南の海へ行け。そこで大地に立つ火のようなヴァーリンを見るだろう。
7.34.11
स तु तारं विनिर्भर्त्स्य रावणो लोकरावणः ।
पुष्पकं तत्समारुह्य प्रययौ दक्षिणार्णवम् ॥ ७.३४.११ ॥
そこで世界を恐怖させるラーヴァナはターラを罵り、プシュパカ車に乗って南の海へ向かった。
7.34.12
तत्र हेमगिरिप्रख्यं तरुणार्कनिभाननम् ।
रावणो वालिनं दृष्ट्वा सन्ध्योपासनतत्परम् ॥ ७.३४.१२ ॥
そこでラーヴァナはヴァーリンを見た。黄金の山のようで、昇る朝日のような顔をし、黄昏の礼拝に専念していた。
7.34.13
पुष्पकादवरुह्याथ रावणो ऽञ्जनसन्निभः ।
ग्रहीतुं वालिनं तूर्णं निःशब्दपदमाव्रजत् ॥ ७.३४.१३ ॥
プシュパカ車から降り、黒い眼墨のようなラーヴァナは、ヴァーリンを捕らえようと素早く、音も立てずに近づいた。
7.34.14
यदृच्छया तदा दृष्टो वालिनापि स रावणः ।
पापाभिप्रायवान् दृष्ट्वा चकार न तु सम्भ्रमम् ॥ ७.३४.१४ ॥
その時、ヴァーリンもたまたまラーヴァナを見た。悪意を抱くラーヴァナを見ても、彼は動じなかった。
7.34.15
शशमालक्ष्य सिंहो वा पन्नगं गरुडो यथा ।
न चिन्तयति तं वाली रावणं पापनिश्चयम् ॥ ७.३४.१५ ॥
獅子が兎を見ても、ガルダが蛇を見ても気にかけないように、ヴァーリンは悪しき決意のラーヴァナを気にかけなかった。
7.34.16
जिघृक्षमाणमायान्तं रावणं पापचेतसम् ।
कक्षावलम्बिनं कृत्वा गमिष्ये त्रीन्महार्णवान् ॥ ७.३४.१६ ॥
私を捕らえようと近づいてくる悪心のラーヴァナを脇に抱え、私は三大海洋まで行こう。
7.34.17
द्रक्ष्यन्त्यरिं ममाङ्कस्थं स्रंसदूरुकराम्बरम् ।
लम्बमानं दशग्रीवं गरुडस्येव पन्नगम् ॥ ७.३४.१७ ॥
彼らは、私の膝に横たわり、腿も手も衣も滑り落ちて垂れ下がる、あの敵・十頭のラーヴァナを見るだろう。ガルダにぶら下げられた蛇のように。
7.34.18
इत्येवं मतिमास्थाय वाली कर्णमुपाश्रितः ।
जपन्वै नैगमान्मन्त्रांस्तस्थौ पर्वतराडिव ॥ ७.३४.१८ ॥
このように決心したヴァーリンは、手を耳に当て、ヴェーダの真言を唱えながら、山の王のように微動だにせず立っていた。
7.34.19
तावन्योन्यं जिघृक्षन्तौ हरिराक्षसपार्थिवौ ।
प्रयत्नवन्तौ तत्कर्म ईहतुर्बलदर्पितौ ॥ ७.३४.१९ ॥
猿王と羅刹王の二人は、力に誇って、互いに捕らえようと熱心に努めた。
7.34.20
हस्तग्राहं तु तं मत्वा पादशब्देन रावणम् ।
पराङ्मुखो ऽपि जग्राह वाली सर्पमिवाण्डजः ॥ ७.३४.२० ॥
手を取ろうとするその企てを察し、足音でラーヴァナと知った。顔をそむけたままでもヴァーリンは、鳥が蛇を掴むように彼を捕らえた。
7.34.21
ग्रहीतुकामं तं गृह्य रक्षसामीश्वरं हरिः ।
खमुत्पपात वेगेन कृत्वा कक्षावलम्बिनम् ॥ ७.३४.२१ ॥
自分を捕らえようとした羅刹の主を掴み、脇に抱え込んで、猿は勢いよく空へ跳び上がった。
7.34.22
तं चापीडयमानं तु वितुदन्तं नखैर्मुहुः ।
जहार रावणं वाली पवनस्तोयदं यथा ॥ ७.३४.२२ ॥
ラーヴァナは彼を苦しめ、爪で何度も引き裂いたが、ヴァーリンは風が雲を運ぶように彼を連れ去った。
7.34.23
अथ ते राक्षसामात्या ह्रियमाणं दशाननम् ।
मुमोक्षयिषवो वालिं रवमाणा अभिद्रुताः ॥ ७.३४.२३ ॥
その時、羅刹の大臣たちは十頭のラーヴァナが連れ去られるのを見て、救い出そうと叫びながらヴァーリンに襲いかかった。
7.34.24
अन्वीयमानस्तैर्वाली भ्राजते ऽम्बरमध्यगः ।
अन्वीयमानो मेघौघैरम्बरस्थ इवांशुमान् ॥ ७.३४.२४ ॥
彼らに追われながら、ヴァーリンは空の中ほどを行き、雲の群れに追われて天空にある太陽のように輝いた。
7.34.25
ते ऽशक्नुवन्तः सम्प्राप्तुं वालिनं राक्षसोत्तमाः ।
तस्य बाहूरुवेगेन परिश्रान्ता व्यवस्थिताः ॥ ७.३४.२५ ॥
ヴァーリンに追いつけず、その腕と腿の勢いに疲れ果てて、最良の羅刹たちは立ち止まった。
7.34.26
वालिमार्गादपाक्रामन्पर्वतेन्द्रो हि गच्छतः ।
किं पुनर्जीवितप्रेप्सुर्बिभ्रद्वै मांसशोणितम् ॥ ७.३४.२६ ॥
ヴァーリンが進むとき、山の王でさえその道から退いた。まして命を惜しむ肉と血のある者はどうするだろうか。
7.34.27
अपक्षिगणसम्पातान्वानरेन्द्रो महाजवः ।
क्रमशः सागरान्सर्वान्सन्ध्याकालमवन्दत ॥ ७.३४.२७ ॥
大いなる速さを持つ猿王は、鳥の群れを越えて次々と全ての海を渡り、黄昏時に至った。
7.34.28
सभाज्यमानो भूतैस्तु खैचरैः खैचरोत्तमः ।
पश्चिमं सागरं वाली ह्याजगाम सरावणः ॥ ७.३४.२८ ॥
衆生と空行者に敬われた、空行者の最上のヴァーリンは、ラーヴァナと共に西の海に到着した。
7.34.29
तस्मिन्सन्ध्यामुपासित्वा स्नात्वा जप्त्वा च वानरः ।
उत्तरं सागरं प्रायाद्वहमानो दशाननम् ॥ ७.३४.२९ ॥
そこで黄昏の礼拝を行い、沐浴し、ジャパを唱えてから、その猿は十面の者を担ぎ、北の海へ向かった。
7.34.30
बहुयोजनसाहस्रं वहमानो महाहरिः ।
वायुवच्च मनोवच्च जगाम सह शत्रुणा ॥ ७.३४.३० ॥
その大猿は敵を担ぎ、風のように、また心のように速く、幾千ヨージャナも進んだ。
7.34.31
उत्तरे सागरे सन्ध्यामुपासित्वा दशाननम् ।
वहमानो ऽगमद्वाली पूर्वं वै स महोदधिम् ॥ ७.३४.३१ ॥
北の海で夕べの祭礼を行った後、ヴァーリンは十頭のラーヴァナを担いで、まずその大海へ向かった。
7.34.32
तत्रापि सन्ध्यामन्वास्य वासविः सहरीश्वरः ।
किष्किन्धामभितो गृह्य रावणं पुनरागमत् ॥ ७.३४.३२ ॥
そこでも夕べの祭礼を行い、ヴァーサヴァの子（ヴァーリン）は猿の王とともにラーヴァナを捕らえて、再びキシュキンダーの周りに戻った。
7.34.33
चतुर्ष्वपि समुद्रेषु सन्ध्यामन्वास्य वानरः ।
रावणोद्वहनश्रान्तः किष्किन्धोपवने ऽपतत् ॥ ७.३४.३३ ॥
四つの海すべてでも夕べの祭礼を行い、ラーヴァナを運んで疲れ果てた猿は、キシュキンダーの園に倒れ伏した。
7.34.34
रावणं तु मुमोचाथ स्वकक्षात्कपिसत्तमः ।
कुतस्त्वमिति चोवाच प्रहसन्रावणं मुहुः ॥ ७.३४.३४ ॥
すると猿の中の最良者はラーヴァナを脇の下から放し、ラーヴァナを何度も笑いながら言った。「おまえはどこから来たのだ？」
7.34.35
विस्मयं तु महद्गत्वा श्रमलोलनिरीक्षणः ।
राक्षसेन्द्रो हरीन्द्रं तमिदं वचनमब्रवीत् ॥ ७.३४.३५ ॥
しかし大いに驚き、疲労で目を泳がせた羅刹王は、その猿王にこの言葉を語った。
7.34.36
वानरेन्द्र महेन्द्राभ राक्षसेन्द्रो ऽस्मि रावणः ।
युद्धेप्सुरिह सम्प्राप्तः स चाद्यासादितस्त्वया ॥ ७.३४.३६ ॥
猿王よ、大インドラのように輝く者よ！私は羅刹王ラーヴァナだ。戦いを望んでここに来た。そして今日、おまえは私と相まみえたのだ。
7.34.37
अहो बलमहो वीर्यमहो गाम्भीर्यमेव च ।
येनाहं पशुवद्गृह्य भ्रामितश्चतुरो ऽर्णवान् ॥ ७.३४.३७ ॥
ああ、何という力か！ああ、何という勇気か！ああ、何という深さもまた！獣のように私を捕らえ、四つの海を巡らせたのは君だ。
7.34.38
एवमश्रान्तवद्वीर शीघ्रमेव महार्णवान् ।
मां चैवोद्वहमानस्तु को ऽन्यो वीरः क्रमिष्यति ॥ ७.३४.३८ ॥
このように、勇士よ、疲れることなく私を運び、君は速やかに大海を渡った。私を運んでこれらを渡れる別の勇者が誰かいるだろうか。
7.34.39
त्रयाणामेव भूतानां गतिरेषा प्लवङ्गम ।
मनोनिलसुपर्णानां तव चात्र न संशयः ॥ ७.३४.३९ ॥
跳躍者の中の最上の者よ、これが三者の速さである——心、風、ガルダ。そして君の速さもそこに含まれる。疑いはない。
7.34.40
सो ऽहं दृष्टबलस्तुभ्यमिच्छामि हरिपुङ्गव ।
त्वया सह चिरं सख्यं सुस्निग्धं पावकाग्रतः ॥ ७.३४.४० ॥
君の力を見た私は、猿の中の最上の者よ、火の前で君と長く、非常に睦まじい友情を望む。
7.34.41
दाराः पुत्राः पुरं राष्ट्रं भोगाच्छादनभोजनम् ।
सर्वमेवाविभक्तं नौ भविष्यति हरीश्वर ॥ ७.३४.४१ ॥
妻子、息子、都、国、享楽、衣服、食物——すべてを、猿の主よ、我々二人のあいだで分けずに共有するだろう。
7.34.42
ततः प्रज्वालयित्वाग्निं तावुभौ हरीराक्षसौ ।
भ्रातृत्वमुपसम्पन्नौ परिष्वज्य परस्परम् ॥ ७.३४.४२ ॥
そして二人——猿と羅刹——は火を燃え上がらせ、兄弟の契りを結び、互いに抱き合った。
7.34.43
अन्योन्यं लम्बितकरौ ततस्तौ हरिराक्षसौ ।
किष्किन्धां विशतुर्हृष्टौ सिंहौ गिरिगुहामिव ॥ ७.३४.४३ ॥
そして互いに腕を垂らして抱き合った二者、猿とラークシャサは喜び勇んでキシュキンダーに入った。山の洞窟に入る二頭の獅子のように。
7.34.44
स तत्र मासमुषितः सुग्रीव इव रावणः ।
अमात्यैरागतैर्नीतस्त्रैलोक्योत्सादनार्थिभिः ॥ ७.३४.४४ ॥
そこでスグリーヴァと同じくラーヴァナは一月滞在した。三界の破壊を望む、来訪した大臣たちによって彼はそこへ連れて行かれたのである。
7.34.45
एवमेतत्पुरावृत्तं वालिना रावणः प्रभो ।
धर्षितश्च कृतश्चापि भ्राता पावकसन्निधौ ॥ ७.३४.४५ ॥
主よ、昔このようなことが起きた。ラーヴァナはヴァーリンに打ち負かされ、聖火の前で彼は兄弟とされたのだ。
7.34.46
बलमप्रतिमं राम वालिनो ऽभवदुत्तमम् ।
सो ऽपि त्वया विनिर्दग्धः शलभो वह्निना यथा ॥ ७.३४.४६ ॥
ラーマよ、ヴァーリンの力は比類なく最高であった。それでも彼もまた、火に焼かれる蛾のように、おまえによって焼き尽くされたのだ。