梨俱吠陀 · 赞歌 10.131

10.131.1

अप॒ प्राच॑ इन्द्र॒ विश्वाँ॑ अ॒मित्रा॒नपापा॑चो अभिभूते नुदस्व ।
अपोदी॑चो॒ अप॑ शूराध॒राच॑ उ॒रौ यथा॒ तव॒ शर्म॒न्मदे॑म ॥

因陀罗啊，征服者，驱逐东、西、北、南所有的敌人吧。英雄啊，愿我们在你广大的庇护之下欢喜。

कु॒विद॒ङ्ग यव॑मन्तो॒ यवं॑ चि॒द्यथा॒ दान्त्य॑नुपू॒र्वं वि॒यूय॑ ।
इ॒हेहै॑षां कृणुहि॒ भोज॑नानि॒ ये ब॒र्हिषो॒ नमो॑वृक्तिं॒ न ज॒ग्मुः ॥

的确，正如献上大麦者依次扬簸大麦，因陀罗啊，请在此处为那些在圣草上行礼而来者准备食物供品。

न॒हि स्थूर्यृ॑तु॒था या॒तमस्ति॒ नोत श्रवो॑ विविदे संग॒मेषु॑ ।
ग॒व्यन्त॒ इन्द्रं॑ स॒ख्याय॒ विप्रा॑ अश्वा॒यन्तो॒ वृष॑णं वा॒जय॑न्तः ॥

按时节而行，路途并不艰难，在集会中也获得了名声。渴望牛群的智者为了友谊呼唤因陀罗这头公牛，渴望马匹，渴望奖赏。

यु॒वं सु॒राम॑मश्विना॒ नमु॑चावासु॒रे सचा॑ ।
वि॒पि॒पा॒ना शु॑भस्पती॒ इन्द्रं॒ कर्म॑स्वावतम् ॥

双马童啊，你们二人在恶魔那목其的住所一同饮用苏罗酒。光明者的主宰啊，你们在行动中护佑了因陀罗。

पु॒त्रमि॑व पि॒तरा॑व॒श्विनो॒भेन्द्रा॒वथुः॒ काव्यै॑र्दं॒सना॑भिः ।
यत्सु॒रामं॒ व्यपि॑बः॒ शची॑भिः॒ सर॑स्वती त्वा मघवन्नभिष्णक् ॥

如父母扶持儿子，你们二位双马童啊，以诗歌之语与巧妙之行帮助了因陀罗。当你饮用苏罗酒时，慷慨的马伽凡啊，萨罗室伐蒂使你强健。

इन्द्रः॑ सु॒त्रामा॒ स्ववाँ॒ अवो॑भिः सुमृळी॒को भ॑वतु वि॒श्ववे॑दाः ।
बाध॑तां॒ द्वेषो॒ अभ॑यं कृणोतु सु॒वीर्य॑स्य॒ पत॑यः स्याम ॥

愿因陀罗成为真正的护佑者，富有财富，凭助力易于得到，无所不知。愿他驱逐敌意，赐予无畏；愿我们成为大勇力的主人。

तस्य॑ व॒यं सु॑म॒तौ य॒ज्ञिय॒स्यापि॑ भ॒द्रे सौ॑मन॒से स्या॑म ।
स सु॒त्रामा॒ स्ववाँ॒ इन्द्रो॑ अ॒स्मे आ॒राच्चि॒द्द्वेषः॑ सनु॒तर्यु॑योतु ॥

愿我们处于那值得祭祀之神的恩惠与吉祥善意之中。愿富有财富的守护者因陀罗，从远处将敌意完全驱离我们。