梨俱吠陀 · 赞歌 4.45

4.45.1

ए॒ष स्य भा॒नुरुदि॑यर्ति यु॒ज्यते॒ रथः॒ परि॑ज्मा दि॒वो अ॒स्य सान॑वि ।
पृ॒क्षासो॑ अस्मिन्मिथु॒ना अधि॒ त्रयो॒ दृति॑स्तु॒रीयो॒ मधु॑नो॒ वि र॑प्शते ॥

此光升起；环绕天空的战车在其顶端套上。其中有三对；第四滴以蜜闪耀。

उद्वां॑ पृ॒क्षासो॒ मधु॑मन्त ईरते॒ रथा॒ अश्वा॑स उ॒षसो॒ व्यु॑ष्टिषु ।
अ॒पो॒र्णु॒वन्त॒स्तम॒ आ परी॑वृतं॒ स्व॑र्ण शु॒क्रं त॒न्वन्त॒ आ रजः॑ ॥

为你们二位，蜜甜的水滴升起；黎明显现时，战车与骏马启程。揭开笼罩的黑暗，他们如明亮的太阳一般铺展虚空。

मध्वः॑ पिबतं मधु॒पेभि॑रा॒सभिः॑ उ॒त प्रि॒यं मधु॑ने युञ्जाथां॒ रथ॑म् ।
आ व॑र्त॒निं मधु॑ना जिन्वथस्प॒थो दृतिं॑ वहेथे॒ मधु॑मन्तमश्विना ॥

双马童啊，用爱蜜的口饮蜜；为蜜套上可爱的战车。用蜜润湿曲转的道路；承载那蜜甜的水滴。

हं॒सासो॒ ये वां॒ मधु॑मन्तो अ॒स्रिधो॒ हिर॑ण्यपर्णा उ॒हुव॑ उष॒र्बुधः॑ ।
उ॒द॒प्रुतो॑ म॒न्दिनो॑ मन्दिनि॒स्पृशो॒ मध्वो॒ न मक्षः॒ सव॑नानि गच्छथः ॥

为你们，是充满蜜的、不受欺骗的、金翅的天鹅，被唤醒于黎明。奔涌而出，触及欢欣，如一滴蜜般，你们走向祭仪。

स्व॒ध्व॒रासो॒ मधु॑मन्तो अ॒ग्नय॑ उ॒स्रा ज॑रन्ते॒ प्रति॒ वस्तो॑र॒श्विना॑ ।
यन्नि॒क्तह॑स्तस्त॒रणि॑र्विचक्ष॒णः सोमं॑ सु॒षाव॒ मधु॑मन्त॒मद्रि॑भिः ॥

完成善祭的蜜火，发光，在黎明时向你们的居所呼喊，双马童啊，当那洁手、渡人、远见者用石头压榨蜜甜的苏摩时。

आ॒के॒नि॒पासो॒ अह॑भि॒र्दवि॑ध्वतः॒ स्व॑र्ण शु॒क्रं त॒न्वन्त॒ आ रजः॑ ।
सूर॑श्चि॒दश्वा॑न्युयुजा॒न ई॑यते॒ विश्वाँ॒ अनु॑ स्व॒धया॑ चेतथस्प॒थः ॥

震动白昼，与白昼同行，你们如明亮的太阳一般铺展虚空。太阳也驾着骏马前行；凭自身之力，你们知晓一切道路。

प्र वा॑मवोचमश्विना धियं॒धा रथः॒ स्वश्वो॑ अ॒जरो॒ यो अस्ति॑ ।
येन॑ स॒द्यः परि॒ रजां॑सि या॒थो ह॒विष्म॑न्तं त॒रणिं॑ भो॒जमच्छ॑ ॥

啊，阿什文二神，我歌颂你们二位。那辆由祈祷激发、拥有良马且永不衰老的战车，你们乘之迅速绕行诸世界，像渡船一样前往那位富有祭品的享用者。