梨俱吠陀 · 赞歌 5.11

5.11.1

जन॑स्य गो॒पा अ॑जनिष्ट॒ जागृ॑विर॒ग्निः सु॒दक्षः॑ सुवि॒ताय॒ नव्य॑से ।
घृ॒तप्र॑तीको बृह॒ता दि॑वि॒स्पृशा॑ द्यु॒मद्वि भा॑ति भर॒तेभ्यः॒ शुचिः॑ ॥

护佑众人的阿耆尼，警醒而灵巧，为新来的祭拜者的福祉而诞生。他面容因酥油而光亮，广大而触及天空，为奉献祭品的人纯净而明耀地闪光。

य॒ज्ञस्य॑ के॒तुं प्र॑थ॒मं पु॒रोहि॑तम॒ग्निं नर॑स्त्रिषध॒स्थे समी॑धिरे ।
इन्द्रे॑ण दे॒वैः स॒रथं॒ स ब॒र्हिषि॒ सीद॒न्नि होता॑ य॒जथा॑य सु॒क्रतुः॑ ॥

阿耆尼是祭祀的旗帜，是首位祭司，众人在三座位的地方点燃了他。作为与因陀罗及诸神同车的伙伴，他坐在圣草上；灵巧的呼请者为祭祀而坐下。

अस॑म्मृष्टो जायसे मा॒त्रोः शुचि॑र्म॒न्द्रः क॒विरुद॑तिष्ठो वि॒वस्व॑तः ।
घृ॒तेन॑ त्वावर्धयन्नग्न आहुत धू॒मस्ते॑ के॒तुर॑भवद्दि॒वि श्रि॒तः ॥

你无瑕而生于二母之间，纯净、令人欢喜、为先知；你从毗婆娑特升起。阿耆尼啊，阿耆尼，被请来的神啊，众人以酥油壮大了你。你的烟成为你的旗帜，高悬于天空。

अ॒ग्निर्नो॑ य॒ज्ञमुप॑ वेतु साधु॒याग्निं नरो॒ वि भ॑रन्ते गृ॒हेगृ॑हे ।
अ॒ग्निर्दू॒तो अ॑भवद्धव्य॒वाह॑नो अ॒ग्निं वृ॑णा॒ना वृ॑णते क॒विक्र॑तुम् ॥

愿阿耆尼善好地来到我们的祭祀。人们在每家各自奉持阿耆尼。阿耆尼成为使者，成为携带祭品者；他们选择阿耆尼时，也就选择了那心志智慧的神。

तुभ्ये॒दम॑ग्ने॒ मधु॑मत्तमं॒ वच॒स्तुभ्यं॑ मनी॒षा इ॒यम॑स्तु॒ शं हृ॒दे ।
त्वां गिरः॒ सिन्धु॑मिवा॒वनी॑र्म॒हीरा पृ॑णन्ति॒ शव॑सा व॒र्धय॑न्ति च ॥

阿耆尼啊，这最甜美如蜜的言辞是献给你的；愿这首沉思之颂为你的心带来平安。正如巨大的水流充满奔流的河川，赞歌充满你，并以其力量增长你。

त्वाम॑ग्ने॒ अङ्गि॑रसो॒ गुहा॑ हि॒तमन्व॑विन्दञ्च्छिश्रिया॒णं वने॑वने ।
स जा॑यसे म॒थ्यमा॑नः॒ सहो॑ म॒हत्त्वामा॑हुः॒ सह॑सस्पु॒त्रम॑ङ्गिरः ॥

阿耆尼啊，你隐藏在洞穴中，安吉罗斯们在每片森林中寻找并发现了你。你被搅动而生，拥有伟大的力量；他们称你为力量之子，安吉罗斯啊。