梨俱吠陀 · 赞歌 7.40

7.40.1

ओ श्रु॒ष्टिर्वि॑द॒थ्या॑ समे॑तु॒ प्रति॒ स्तोमं॑ दधीमहि तु॒राणा॑म् ।
यद॒द्य दे॒वः स॑वि॒ता सु॒वाति॒ स्यामा॑स्य र॒त्निनो॑ विभा॒गे ॥

愿此赞歌抵达祭祀的集会；我们向迅捷的诸神献上我们的颂诗。愿我们得以在今日萨维特里神所赐的丰厚份额之中。

मि॒त्रस्तन्नो॒ वरु॑णो॒ रोद॑सी च॒ द्युभ॑क्त॒मिन्द्रो॑ अर्य॒मा द॑दातु ।
दिदे॑ष्टु दे॒व्यदि॑ती॒ रेक्णो॑ वा॒युश्च॒ यन्नि॑यु॒वैते॒ भग॑श्च ॥

愿米特拉赐予我们那份财富，愿伐楼那、天与地、因陀罗和阿利耶曼也赐予。愿女神阿底提指明它，愿风神与薄伽将其相连。

सेदु॒ग्रो अ॑स्तु मरुतः॒ स शु॒ष्मी यं मर्त्यं॑ पृषदश्वा॒ अवा॑थ ।
उ॒तेम॒ग्निः सर॑स्वती जु॒नन्ति॒ न तस्य॑ रा॒यः प॑र्ये॒तास्ति॑ ॥

愿他真是威猛的，啊风神们；你们所护佑的凡人，愿他强大。阿耆尼与萨罗室伐蒂催促他；无人能包围他的财富。

अ॒यं हि ने॒ता वरु॑ण ऋ॒तस्य॑ मि॒त्रो राजा॑नो अर्य॒मापो॒ धुः ।
सु॒हवा॑ दे॒व्यदि॑तिरन॒र्वा ते नो॒ अंहो॒ अति॑ पर्ष॒न्नरि॑ष्टान् ॥

此为领导者，伐楼那，宇宙秩序之主；米特拉、诸王与阿利耶曼安立了诸水。愿善被召请的女神阿底提与不可伤者引领我们渡过罪过，使我们无损。

अ॒स्य दे॒वस्य॑ मी॒ळ्हुषो॑ [ऽ]व॒या विष्णो॑रे॒षस्य॑ प्रभृ॒थे ह॒विर्भिः॑ ।
वि॒दे हि रु॒द्रो रु॒द्रियं॑ महि॒त्वं या॑सि॒ष्टं व॒र्तिर॑श्विना॒विरा॑वत् ॥

关于这位慷慨之神，以及毗湿奴、此为爱莎者，在以祭品呈献之时，我知晓；因为楼陀罗已获得楼陀罗的伟大。啊双马童，愿你们二位行于富水之路。

मात्र॑ पूषन्नाघृण इरस्यो॒ वरू॑त्री॒ यद्रा॑ति॒षाच॑श्च॒ रास॑न् ।
म॒यो॒भुवो॑ नो॒ अर्व॑न्तो॒ नि पा॑न्तु वृ॒ष्टिं परि॑ज्मा॒ वातो॑ ददातु ॥

啊普珊，光辉者，请勿在此伤害我们，当护佑者与受施者也施予之时。愿给我们带来喜悦的骏马守护我们；愿环绕的风降下雨水。

नू रोद॑सी अ॒भिष्टु॑ते॒ वसि॑ष्ठैर्ऋ॒तावा॑नो॒ वरु॑णो मि॒त्रो अ॒ग्निः ।
यच्छ॑न्तु च॒न्द्रा उ॑प॒मं नो॑ अ॒र्कं यू॒यं पा॑त स्व॒स्तिभिः॒ सदा॑ नः ॥

愿被赞颂的天地，以及与婆悉吒族同在的守护真理(ṛta)的伐楼那、密多罗和阿耆尼，接受我们的颂歌；愿光明的诸神始终以吉祥保护我们。