Vālmīki-Rāmāyaṇa · Sarga 6.37
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.37.1
नरवानरराजानौ स तु वायुसुतः कपिः।
जाम्बवानृक्षराजश्च राक्षसश्च विभीषणः ॥ ६.३७.१ ॥
Die Könige der Menschen und der Affen, jener Sohn des Windes, der Affe, Jāmbavān, König der Bären, und der Rākṣasa Vibhīṣaṇa—
6.37.2
अङ्गदो वालिपुत्रश्च सौमित्रिः शरभः कपिः।
सुषेणः सहदायादो मैन्दो द्विविद एव च ॥ ६.३७.२ ॥
Aṅgada, Sohn Vālis, Saumitri, der Affe Śarabha, Suṣeṇa mit seinen Verwandten, und auch Maindа und Dvivida—
6.37.3
गजो गवाक्षः कुमुदो नलोऽथ पनसस्तथा।
अमित्रविषयं प्राप्ताः समवेताः समर्थयन् ॥ ६.३७.३ ॥
Gaja, Gavākṣa, Kumuda, Nala und ebenso Panasa, die das feindliche Gebiet erreicht hatten, versammelten sich und berieten—
6.37.4
इयं सा लक्ष्यते लङ्का पुरी रावणपालिता।
सासुरोरगगन्धर्वैरमरैरपि दुर्जया ॥ ६.३७.४ ॥
Hier sieht man jene Stadt Laṅkā, von Rāvaṇa beschützt, unbezwingbar selbst für Asuras, Schlangen, Gandharvas und Götter.
6.37.5
कार्यसिद्धिं पुरस्कृत्य मन्त्रयध्वं विनिर्णये।
नित्यं संनिहितो यत्र रावणो राक्षसाधिपः ॥ ६.३७.५ ॥
Mit dem Gelingen der Aufgabe vor Augen, berät euch zur Entscheidung dort, wo Rāvaṇa, der Herr der Rākṣasas, stets zugegen ist.
6.37.6
अथ तेषु ब्रुवाणेषु रावणावरजोऽब्रवीत्।
वाक्यमग्राम्यपदवत् पुष्कलार्थं विभीषणः ॥ ६.३७.६ ॥
Während sie sprachen, sprach Vibhīṣaṇa, der jüngere Bruder Rāvaṇas, gewählte und gehaltvolle Worte.
6.37.7
अनलः पनसश्चैव सम्पातिः प्रमतिस्तथा।
गत्वा लङ्कां ममामात्याः पुरीं पुनरिहागताः ॥ ६.३७.७ ॥
Anala, Panasa, Sampāti und Pramati, meine Minister, sind in die Stadt Laṅkā gegangen und wieder hierher zurückgekehrt.
6.37.8
भूत्वा शकुनयः सर्वे प्रविष्टाश्च रिपोर्बलम्।
विधानं विहितं यच्च तद् दृष्ट्वा समुपस्थिताः ॥ ६.३७.८ ॥
Sie alle wurden zu Vögeln, drangen in das feindliche Heer ein und sind, nachdem sie die aufgestellte Schlachtordnung gesehen hatten, zurückgekehrt.
6.37.9
संविधानं यथाहुस्ते रावणस्य दुरात्मनः।
राम तद् ब्रुवतः सर्वं याथातथ्येन मे शृणु ॥ ६.३७.९ ॥
Rāma, ich werde dir wahrheitsgemäß alles über die Anordnung des bösen Rāvaṇa berichten, so wie sie es beschrieben haben; höre mich an.
6.37.10
पूर्वं प्रहस्तः सबलो द्वारमासाद्य तिष्ठति।
दक्षिणं च महावीर्यौ महापार्श्वमहोदरौ ॥ ६.३७.१० ॥
Am östlichen Tor steht Prahasta mit seinem Heer; am südlichen Tor stehen die überaus mächtigen Mahāpārśva und Mahodara.
6.37.11
इन्द्रजित् पश्चिमं द्वारं राक्षसैर्बहुभिर्वृतः।
पट्टिशासिधनुष्मद्भिः शूलमुद्गरपाणिभिः ॥ ६.३७.११ ॥
Am westlichen Tor steht Indrajit, umringt von vielen Rākṣasas, die Lanzen, Schwerter, Bogen, Dreizacke und Keulen in den Händen halten.
6.37.12
नानाप्रहरणैः शूरैरावृतो रावणात्मजः।
राक्षसानां सहस्रैस्तु बहुभिः शस्त्रपाणिभिः ॥ ६.३७.१२ ॥
Der Sohn Rāvaṇas ist von Helden mit vielerlei Waffen umgeben, und Tausende von Rākṣasas stehen mit Waffen in den Händen da.
6.37.13
युक्तः परमसंविग्नो राक्षसैः सह मन्त्रवित्।
उत्तरं नगरद्वारं रावणः स्वयमास्थितः ॥ ६.३७.१३ ॥
Rāvaṇa, Kenner des Rates, tief beunruhigt, gerüstet mit den Rākṣasas, stellte sich selbst an das nördliche Stadttor.
6.37.14
विरूपाक्षस्तु महता शूलखड्गधनुष्मता।
बलेन राक्षसैः सार्धं मध्यमं गुल्ममाश्रितः ॥ ६.३७.१४ ॥
Virūpākṣa, mit einem großen, mit Speeren, Schwertern und Bogen bewaffneten Heer, stand mit den Rākṣasas im mittleren Verband.
6.37.15
एतानेवं विधान् गुल्माँल्लङ्कायां समुदीक्ष्य ते।
मामका मन्त्रिणः सर्वे शीघ्रं पुनरिहागताः ॥ ६.३७.१५ ॥
Nachdem sie solche Verbände in Laṅkā genau betrachtet hatten, kehrten alle meine Ratgeber schnell hierher zurück.
6.37.16
गजानां दशसाहस्रं रथानामयुतं तथा।
हयानामयुते द्वे च साग्रकोटिश्च रक्षसाम् ॥ ६.३७.१६ ॥
Zehntausend Elefanten, zehntausend Streitwagen, zwanzigtausend Pferde und über eine Krore Rākṣasas.
6.37.17
विक्रान्ता बलवन्तश्च संयुगेष्वाततायिनः।
इष्टा राक्षसराजस्य नित्यमेते निशाचराः ॥ ६.३७.१७ ॥
Diese tapferen und starken Angreifer im Kampf, die Nachtwandler, sind dem König der Rākṣasas stets lieb.
6.37.18
एकैकस्यात्र युद्धार्थे राक्षसस्य विशाम्पते।
परीवारः सहस्राणां सहस्रमुपतिष्ठते ॥ ६.३७.१८ ॥
O Herr des Volkes, hier für die Schlacht wird jedem einzelnen Rākṣasa ein Gefolge von Tausenden beigegeben.
6.37.19
एतां प्रवृत्तिं लङ्कायां मन्त्रिप्रोक्तां विभीषणः।
एवमुक्त्वा महाबाहू राक्षसांस्तानदर्शयत् ॥ ६.३७.१९ ॥
Vibhīṣaṇa, nachdem er diese von den Ratgebern in Laṅkā verkündete Nachricht berichtet hatte, zeigte der Mächtigarmige jenen Rākṣasas (das Heer).
6.37.20
लङ्कायां सचिवैः सर्वं रामाय प्रत्यवेदयत्।
रामं कमलपत्राक्षमिदमुत्तरमब्रवीत् ॥ ६.३७.२० ॥
Er berichtete Rāma alles, was von den Ratgebern in Laṅkā erfahren worden war; dann sprach er zu Rāma, dem Lotusblattäugigen, diese Antwort.
6.37.21
रावणावरजः श्रीमान् रामप्रियचिकीर्षया।
कुबेरं तु यदा राम रावणः प्रतियुद्ध्यति ॥ ६.३७.२१ ॥
Rāvaṇas jüngerer Bruder, der glorreiche (Vibhīṣaṇa), sprach aus dem Wunsch heraus, Rāma zu gefallen: O Rāma, wenn Rāvaṇa gegen Kubera kämpft...
6.37.22
षष्टिः शतसहस्राणि तदा निर्यान्ति राक्षसाः।
पराक्रमेण वीर्येण तेजसा सत्त्वगौरवात्।
सदृशा ह्यत्र दर्पेण रावणस्य दुरात्मनः ॥ ६.३७.२२ ॥
Dann ziehen sechzig Hunderttausend Rākṣasas aus; an Tapferkeit, Kraft, Glanz und Geistesgröße sowie im Stolz des bösen Rāvaṇa sind sie ihm hier gleich.
6.37.23
अत्र मन्युर्न कर्तव्यः कोपये त्वां न भीषये।
समर्थो ह्यसि वीर्येण सुराणामपि निग्रहे ॥ ६.३७.२३ ॥
Hier soll kein Zorn walten; ich will dich weder reizen noch erschrecken. Du bist ja fähig, durch deine Kraft selbst die Götter zu bezwingen.
6.37.24
तद्भवांश्चतुरङ्गेण बलेन महता वृतम्।
व्यूह्येदं वानरानीकं निर्मथिष्यसि रावणम् ॥ ६.३७.२४ ॥
Daher wirst du, umgeben von einem großen vierfachen Heer, dieses Heer der Vānaras in Schlachtordnung aufstellen und Rāvaṇa zermalmen.
6.37.25
रावणावरजे वाक्यमेवं ब्रुवति राघवः।
शत्रूणां प्रतिघातार्थमिदं वचनमब्रवीत् ॥ ६.३७.२५ ॥
Als Rāghava so zum jüngeren Bruder Rāvaṇas sprach, sprach er diese Worte, um den Feinden entgegenzuwirken.
6.37.26
पूर्वद्वारं तु लङ्काया नीलो वानरपुङ्गवः।
प्रहस्तं प्रतियोद्धा स्याद् वानरैर्बहुभिर्वृतः ॥ ६.३७.२६ ॥
Am östlichen Tor Laṅkās wird Nīla, der vorzüglichste der Affen, von vielen Affen umgeben, dem Prahasta gegenüberstehen.
6.37.27
अङ्गदो वालिपुत्रस्तु बलेन महता वृतः।
दक्षिणे बाधतां द्वारे महापार्श्वमहोदरौ ॥ ६.३७.२७ ॥
Aṅgada, Sohn Vālis, von einem großen Heer umgeben, soll am südlichen Tor angreifen; Mahāpārśva und Mahodara sollen ebenfalls dort sein.
6.37.28
हनूमान् पश्चिमद्वारं निष्पीड्य पवनात्मजः।
प्रविशत्वप्रमेयात्मा बहुभिः कपिभिर्वृतः ॥ ६.३७.२८ ॥
Hanumān, Sohn des Windes, dessen Wesen unermesslich ist, von vielen Affen umgeben, soll das westliche Tor bedrängen und eintreten.
6.37.29
दैत्यदानवसङ्घानामृषीणां च महात्मनाम्।
विप्रकारप्रियः क्षुद्रो वरदानबलान्वितः ॥ ६.३७.२९ ॥
Er, der sich daran erfreut, den Scharen der Daityas und Dānavas und den großherzigen Weisen Leid zuzufügen, der niederträchtige, mit der Kraft der erhaltenen Gaben ausgestattete.
6.37.30
परिक्रमति यः सर्वान् लोकान् संतापयन् प्रजाः।
तस्याहं राक्षसेन्द्रस्य स्वयमेव वधे धृतः ॥ ६.३७.३० ॥
Zur Tötung jenes Herrn der Rākṣasas, der alle Welten durchstreift und die Wesen quält, bin ich selbst entschlossen.
6.37.31
उत्तरं नगरद्वारमहं सौमित्रिणा सह।
निपीड्याभिप्रवेक्ष्यामि सबलो यत्र रावणः ॥ ६.३७.३१ ॥
Mit Saumitri an meiner Seite werde ich das nördliche Stadttor bedrängen und dort eindringen, wo Rāvaṇa mit seinem Heer steht.
6.37.32
वानरेन्द्रश्च बलवानृक्षराजश्च वीर्यवान्।
राक्षसेन्द्रानुजश्चैव गुल्मे भवतु मध्यमे ॥ ६.३७.३२ ॥
Der mächtige Herr der Affen, der tapfere König der Bären und der jüngere Bruder des Dämonenherrn sollen in der mittleren Abteilung bleiben.
6.37.33
न चैव मानुषं रूपं कार्यं हरिभिराहवे।
एषा भवतु नः संज्ञा युद्धेऽस्मिन् वानरे बले ॥ ६.३७.३३ ॥
Im Kampf sollen die Affen keine menschliche Gestalt annehmen; dies sei unser Zeichen in diesem Affenheer.
6.37.34
वानरा एव नश्चिह्नं स्वजनेऽस्मिन् भविष्यति।
वयं तु मानुषेणैव सप्त योत्स्यामहे परान् ॥ ६.३७.३४ ॥
Unter den Unseren sollen die Affen selbst unser Zeichen sein; wir aber werden die Feinde in menschlicher Gestalt bekämpfen.
6.37.35
अहमेव सह भ्रात्रा लक्ष्मणेन महौजसा।
आत्मना पञ्चमश्चायं सखा मम विभीषणः ॥ ६.३७.३५ ॥
Ich selbst werde mit meinem Bruder Lakṣmaṇa von großer Kraft sein, und mein Freund Vibhīṣaṇa wird der fünfte sein.
6.37.36
स रामः कृत्यसिद्ध्यर्थमेवमुक्त्वा विभीषणम्।
सुवेलारोहणे बुद्धिं चकार मतिमान् प्रभुः।
रमणीयतरं दृष्ट्वा सुवेलस्य गिरेस्तटम् ॥ ६.३७.३६ ॥
Nachdem er so zu Vibhīṣaṇa gesprochen hatte, um das Vorhaben zu vollenden, beschloss der weise Herr Rāma, den Berg Suvela zu besteigen, als er den überaus lieblichen Hang sah.
6.37.37
ततस्तु रामो महता बलेन
प्रच्छाद्य सर्वां पृथिवीं महात्मा।
प्रहृष्टरूपोऽभिजगाम लङ्कां
कृत्वा मतिं सोऽरिवधे महात्मा ॥ ६.३७.३७ ॥
Da zog Rāma, der Großmütige, mit einem gewaltigen Heer die ganze Erde bedeckend, mit freudigem Antlitz gegen Laṅkā, entschlossen, seinen Feind zu erschlagen.