リグ・ヴェーダ · スークタ 10.112

10.112.1

इन्द्र॒ पिब॑ प्रतिका॒मं सु॒तस्य॑ प्रातःसा॒वस्तव॒ हि पू॒र्वपी॑तिः ।
हर्ष॑स्व॒ हन्त॑वे शूर॒ शत्रू॑नु॒क्थेभि॑ष्टे वी॒र्या॑ प्र ब्र॑वाम ॥

インドラよ、搾られたソーマをお望みのままに飲め。朝の供物はお前の最初の一杯である。英雄よ、敵を打ち倒すことを喜べ。我らは讃歌をもってお前の武勇を告げよう。

यस्ते॒ रथो॒ मन॑सो॒ जवी॑या॒नेन्द्र॒ तेन॑ सोम॒पेया॑य याहि ।
तूय॒मा ते॒ हर॑यः॒ प्र द्र॑वन्तु॒ येभि॒र्यासि॒ वृष॑भि॒र्मन्द॑मानः ॥

思考より速いお前の戦車で、インドラよ、ソーマを飲みに来い。お前が喜んで駆る栗毛の馬たちよ、前へ駆けよ。

हरि॑त्वता॒ वर्च॑सा॒ सूर्य॑स्य॒ श्रेष्ठै॑ रू॒पैस्त॒न्वं॑ स्पर्शयस्व ।
अ॒स्माभि॑रिन्द्र॒ सखि॑भिर्हुवा॒नः स॑ध्रीची॒नो मा॑दयस्वा नि॒षद्य॑ ॥

お前の体を、太陽の栗色の輝きの最高の姿で触れさせよ。インドラよ、我ら友によって招かれたお前よ、座して喜べ。

यस्य॒ त्यत्ते॑ महि॒मानं॒ मदे॑षु इ॒मे म॒ही रोद॑सी॒ नावि॑विक्ताम् ।
तदोक॒ आ हरि॑भिरिन्द्र यु॒क्तैः प्रि॒येभि॑र्याहि प्रि॒यमन्न॒मच्छ॑ ॥

お前のその偉大さ、酔いの中でこの大いなる天と地さえも引き離せなかったもの、それがお前の住処だ。インドラよ、繋がれた栗毛の馬と愛しい仲間とともに、愛しい食べ物のもとへ来い。

यस्य॒ शश्व॑त्पपि॒वाँ इ॑न्द्र॒ शत्रू॑ननानुकृ॒त्या रण्या॑ च॒कर्थ॑ ।
स ते॒ पुरं॑धिं॒ तवि॑षीमियर्ति॒ स ते॒ मदा॑य सु॒त इ॑न्द्र॒ सोमः॑ ॥

いつも飲んで、インドラよ、お前は敵に対して比類ない武勲と戦利品を成し遂げた。そのソーマがお前の強大な祈りの砦を奮い立たせる。インドラよ、お前の酔いのために、ソーマは搾られた。

इ॒दं ते॒ पात्रं॒ सन॑वित्तमिन्द्र॒ पिबा॒ सोम॑मे॒ना श॑तक्रतो ।
पू॒र्ण आ॑हा॒वो म॑दि॒रस्य॒ मध्वो॒ यं विश्व॒ इद॑भि॒हर्य॑न्ति दे॒वाः ॥

これはお前の杯、喜びを与えるもの。インドラよ、これでソーマを飲め、百の智恵をもつ者よ。満たされた、酔わせる甘い杯に向かって、すべての神々が確かに集まってくる。

वि हि त्वामि॑न्द्र पुरु॒धा जना॑सो हि॒तप्र॑यसो वृषभ॒ ह्वय॑न्ते ।
अ॒स्माकं॑ ते॒ मधु॑मत्तमानी॒मा भु॑व॒न्त्सव॑ना॒ तेषु॑ हर्य ॥

インドラよ、雄牛よ、喜ばしい行いをする多くの人々があなたを呼ぶ。我らのこれらの供犠が最も蜜のように甘くあれ。その中であなたが喜ばれますように。

प्र त॑ इन्द्र पू॒र्व्याणि॒ प्र नू॒नं वी॒र्या॑ वोचं प्रथ॒मा कृ॒तानि॑ ।
स॒ती॒नम॑न्युरश्रथायो॒ अद्रिं॑ सुवेद॒नाम॑कृणो॒र्ब्रह्म॑णे॒ गाम् ॥

インドラよ、あなたの古の業、あなたが最初に成し遂げた勇猛な行いを、今明らかに語ろう。真の怒りをもつ者よ、あなたは岩を裂き、祭司のために牛を得やすくした。

नि षु सी॑द गणपते ग॒णेषु॒ त्वामा॑हु॒र्विप्र॑तमं कवी॒नाम् ।
न ऋ॒ते त्वत्क्रि॑यते॒ किं च॒नारे म॒हाम॒र्कं म॑घवञ्चि॒त्रम॑र्च ॥

群衆の中によく座れ、群衆の主よ。詩人たちの中で最も賢い者とあなたは呼ばれる。あなたなしには何事も成されない。恵み深き者よ、偉大な讃歌と輝く歌を歌え。

अ॒भि॒ख्या नो॑ मघव॒न्नाध॑माना॒न्त्सखे॑ बो॒धि व॑सुपते॒ सखी॑नाम् ।
रणं॑ कृधि रणकृत्सत्यशु॒ष्माभ॑क्ते चि॒दा भ॑जा रा॒ये अ॒स्मान् ॥

恵み深き者よ、助けを求める我らを慈しみの目で見よ。友よ、富の主よ、あなたの友の中に我らを認めよ。戦いを生む者よ、真の力をもつ者よ、争いを起こせ。分かち合わぬ者の中にさえも、富のために我らを分け前に与らせよ。