梨俱吠陀 · 赞歌 10.114

10.114.1

घ॒र्मा सम॑न्ता त्रि॒वृतं॒ व्या॑पतु॒स्तयो॒र्जुष्टिं॑ मात॒रिश्वा॑ जगाम ।
दि॒वस्पयो॒ दिधि॑षाणा अवेषन्वि॒दुर्दे॒वाः स॒हसा॑मानम॒र्कम् ॥

两只温热的器皿四面展开三重祭礼；摩多利湿梵获得了这两者的恩惠。持守天上的乳汁，他们不曾放手；诸神知晓那强大的颂歌。

ति॒स्रो दे॒ष्ट्राय॒ निरृ॑ती॒रुपा॑सते दीर्घ॒श्रुतो॒ वि हि जा॒नन्ति॒ वह्न॑यः ।
तासां॒ नि चि॑क्युः क॒वयो॑ नि॒दानं॒ परे॑षु॒ या गुह्ये॑षु व्र॒तेषु॑ ॥

三位尼勒利提侍奉毁灭者；善听的祭司深知她们。诗人们认出了她们的根源，它遥远，隐藏于秘密的仪式之中。

चतु॑ष्कपर्दा युव॒तिः सु॒पेशा॑ घृ॒तप्र॑तीका व॒युना॑नि वस्ते ।
तस्यां॑ सुप॒र्णा वृष॑णा॒ नि षे॑दतु॒र्यत्र॑ दे॒वा द॑धि॒रे भा॑ग॒धेय॑म् ॥

四翼、年轻、容貌美丽、面如酥油的少女披上各种形态。二只鹰、二位强者坐于其中，诸神在那里确立了他们的份额。

एकः॑ सुप॒र्णः स स॑मु॒द्रमा वि॑वेश॒ स इ॒दं विश्वं॒ भुव॑नं॒ वि च॑ष्टे ।
तं पाके॑न॒ मन॑सापश्य॒मन्ति॑त॒स्तं मा॒ता रे॑ळ्हि॒ स उ॑ रेळ्हि मा॒तर॑म् ॥

一只鸟进入了大海；它看见整个世界。我以成熟的心灵近看了它；母亲品尝它，它也品尝母亲。

सु॒प॒र्णं विप्राः॑ क॒वयो॒ वचो॑भि॒रेकं॒ सन्तं॑ बहु॒धा क॑ल्पयन्ति ।
छन्दां॑सि च॒ दध॑तो अध्व॒रेषु॒ ग्रहा॒न्त्सोम॑स्य मिमते॒ द्वाद॑श ॥

智慧的诗人用言辞将那唯一的金翅鸟以多种方式塑造。他们在祭祀中确立韵律，并量取十二杯苏摩。

ष॒ट्त्रिं॒शांश्च॑ च॒तुरः॑ क॒ल्पय॑न्त॒श्च्छन्दां॑सि च॒ दध॑त आद्वाद॒शम् ।
य॒ज्ञं वि॒माय॑ क॒वयो॑ मनी॒षा ऋ॑क्सा॒माभ्यां॒ प्र रथं॑ वर्तयन्ति ॥

创制三十六种与四种韵律，确立第十二种，诗人们量度祭祀，以智慧借《梨俱》与《娑摩》之诗句，使祭礼之车向前滚动。

चतु॑र्दशा॒न्ये म॑हि॒मानो॑ अस्य॒ तं धीरा॑ वा॒चा प्र ण॑यन्ति स॒प्त ।
आप्ना॑नं ती॒र्थं क इ॒ह प्र वो॑च॒द्येन॑ प॒था प्र॒पिब॑न्ते सु॒तस्य॑ ॥

他还有十四种其他的伟大；智者以七种言辞引导他前行。谁能在此说出那可抵达的渡口，他们沿着哪条路饮用压榨的苏摩？

स॒ह॒स्र॒धा प॑ञ्चद॒शान्यु॒क्था याव॒द्द्यावा॑पृथि॒वी ताव॒दित्तत् ।
स॒ह॒स्र॒धा म॑हि॒मानः॑ स॒हस्रं॒ याव॒द्ब्रह्म॒ विष्ठि॑तं॒ ताव॑ती॒ वाक् ॥

千种方式的十五首赞歌；天与地延伸多远，它们便延伸多远。千种方式的伟大；神圣的梵立于多远，言语便延伸多远。

कश्च्छन्द॑सां॒ योग॒मा वे॑द॒ धीरः॒ को धिष्ण्यां॒ प्रति॒ वाचं॑ पपाद ।
कमृ॒त्विजा॑मष्ट॒मं शूर॑माहु॒र्हरी॒ इन्द्र॑स्य॒ नि चि॑काय॒ कः स्वि॑त् ॥

谁是智者，真正知晓韵律的结合？谁在祭坛中达到了言语？人们称谁为祭司中的第八位和英雄？谁真正辨识了因陀罗的两匹栗色马？

भूम्या॒ अन्तं॒ पर्येके॑ चरन्ति॒ रथ॑स्य धू॒र्षु यु॒क्तासो॑ अस्थुः ।
श्रम॑स्य दा॒यं वि भ॑जन्त्येभ्यो य॒दा य॒मो भव॑ति ह॒र्म्ये हि॒तः ॥

在大地的边缘，有些人四处行走；他们套在战车的轴上而站立。当阎摩在家中确立时，他们在彼此之间分配劳作的份额。