梨俱吠陀 · 赞歌 10.123

10.123.1

अ॒यं वे॒नश्चो॑दय॒त्पृश्नि॑गर्भा॒ ज्योति॑र्जरायू॒ रज॑सो वि॒माने॑ ।
इ॒मम॒पां सं॑ग॒मे सूर्य॑स्य॒ शिशुं॒ न विप्रा॑ म॒तिभी॑ रिहन्ति ॥

此维纳生于光明，在天空的测量空间中激发那些斑纹胎的光线。在太阳之水的汇合处，诗人们以思想抚摸他，如同抚摸婴孩。

स॒मु॒द्रादू॒र्मिमुदि॑यर्ति वे॒नो न॑भो॒जाः पृ॒ष्ठं ह॑र्य॒तस्य॑ दर्शि ।
ऋ॒तस्य॒ साना॒वधि॑ वि॒ष्टपि॒ भ्राट्स॑मा॒नं योनि॑म॒भ्य॑नूषत॒ व्राः ॥

维纳从海洋中举起波浪；天生者升起。可见那赤褐者的脊背。在宇宙秩序的山脊上，在最高界中闪耀，诸光线共同赞颂同一子宫。

स॒मा॒नं पू॒र्वीर॒भि वा॑वशा॒नास्तिष्ठ॑न्व॒त्सस्य॑ मा॒तरः॒ सनी॑ळाः ।
ऋ॒तस्य॒ साना॒वधि॑ चक्रमा॒णा रि॒हन्ति॒ मध्वो॑ अ॒मृत॑स्य॒ वाणीः॑ ॥

朝向同一处，古老者们鸣叫着，如小牛之母，同属一家。在宇宙秩序的山脊上盘旋，她们舔舐蜜与不死之言。

जा॒नन्तो॑ रू॒पम॑कृपन्त॒ विप्रा॑ मृ॒गस्य॒ घोषं॑ महि॒षस्य॒ हि ग्मन् ।
ऋ॒तेन॒ यन्तो॒ अधि॒ सिन्धु॑मस्थुर्वि॒दद्ग॑न्ध॒र्वो अ॒मृता॑नि॒ नाम॑ ॥

知晓形态的诗人们为之震动——鹿的鸣叫，水牛的步伐。依循宇宙秩序而行，他们立于河流之上；乾闼婆找到了不死之名。

अ॒प्स॒रा जा॒रमु॑पसिष्मिया॒णा योषा॑ बिभर्ति पर॒मे व्यो॑मन् ।
चर॑त्प्रि॒यस्य॒ योनि॑षु प्रि॒यः सन्त्सीद॑त्प॒क्षे हि॑र॒ण्यये॒ स वे॒नः ॥

天女依偎爱人，在至高的虚空中承载那位女子。在爱人的处所中游走，身为所爱，她坐在金色羽翼上——那位维纳。

नाके॑ सुप॒र्णमुप॒ यत्पत॑न्तं हृ॒दा वेन॑न्तो अ॒भ्यच॑क्षत त्वा ।
हिर॑ण्यपक्षं॒ वरु॑णस्य दू॒तं य॒मस्य॒ योनौ॑ शकु॒नं भु॑र॒ण्युम् ॥

当诗人们以心赞颂，看见你在天界（那迦）高飞——那金翼之鸟，伐楼那的使者，阎摩之处的承载之鸟。

ऊ॒र्ध्वो ग॑न्ध॒र्वो अधि॒ नाके॑ अस्थाद्प्र॒त्यङ्चि॒त्रा बिभ्र॑द॒स्यायु॑धानि ।
वसा॑नो॒ अत्कं॑ सुर॒भिं दृ॒शे कं स्व॑र्ण नाम॑ जनत प्रि॒याणि॑ ॥

高大的乾闼婆立于高天之上，持着他那斑斓的兵器。身披芬芳的衣衫，为了被人看见，愿他们像太阳一样生出他们可爱的名字。

द्र॒प्सः स॑मु॒द्रम॒भि यज्जिगा॑ति॒ पश्य॒न्गृध्र॑स्य॒ चक्ष॑सा॒ विध॑र्मन् ।
भा॒नुः शु॒क्रेण॑ शो॒चिषा॑ चका॒नस्तृ॒तीये॑ चक्रे॒ रज॑सि प्रि॒याणि॑ ॥

那迅捷如水滴者奔向大海，以秃鹫的眼睛穿越广阔的空间而凝视。以明亮炽热的火焰闪耀，他在第三界创造了他所珍爱之物。