梨俱吠陀 · 赞歌 10.173

10.173.1

आ त्वा॑हार्षम॒न्तरे॑धि ध्रु॒वस्ति॒ष्ठावि॑चाचलिः ।
विश॑स्त्वा॒ सर्वा॑ वाञ्छन्तु॒ मा त्वद्रा॒ष्ट्रमधि॑ भ्रशत् ॥

我已将你带到这里；坚定地站立，稳如磐石。愿所有的民众都爱戴你；愿这王国不从你身上倾覆。

इ॒हैवैधि॒ माप॑ च्योष्ठाः॒ पर्व॑त इ॒वावि॑चाचलिः ।
इन्द्र॑ इवे॒ह ध्रु॒वस्ति॑ष्ठे॒ह रा॒ष्ट्रमु॑ धारय ॥

就留在这里，不要倾倒；像山岳一样不动摇。像因陀罗那样在此坚定站立，并在此承载这王国。

इ॒ममिन्द्रो॑ अदीधरद्ध्रु॒वं ध्रु॒वेण॑ ह॒विषा॑ ।
तस्मै॒ सोमो॒ अधि॑ ब्रव॒त्तस्मा॑ उ॒ ब्रह्म॑ण॒स्पतिः॑ ॥

因陀罗以坚固的供物使这坚定者稳固。愿苏摩为他宣说；愿神圣祷词之主也为他宣说。

ध्रु॒वा द्यौर्ध्रु॒वा पृ॑थि॒वी ध्रु॒वासः॒ पर्व॑ता इ॒मे ।
ध्रु॒वं विश्व॑मि॒दं जग॑द्ध्रु॒वो राजा॑ वि॒शाम॒यम् ॥

天空坚定，大地坚定；这些山岳坚定。这整个运行的世界坚定；这坚定的王，便是众民之主。

ध्रु॒वं ते॒ राजा॒ वरु॑णो ध्रु॒वं दे॒वो बृह॒स्पतिः॑ ।
ध्रु॒वं त॒ इन्द्र॑श्चा॒ग्निश्च॑ रा॒ष्ट्रं धा॑रयतां ध्रु॒वम् ॥

愿国王伐楼那为你坚固此王国，愿神布利哈斯帕提为你坚固。愿因陀罗与阿耆尼也为你坚定地承载此王国。

ध्रु॒वं ध्रु॒वेण॑ ह॒विषा॑ अ॒भि सोमं॑ मृशामसि ।
अथो॑ त॒ इन्द्रः॒ केव॑ली॒र्विशो॑ बलि॒हृत॑स्करत् ॥

我们以坚固的供物，用苏摩为这坚定者涂油。愿因陀罗使你成为众民唯一的主，作为纳贡者的王。