梨俱吠陀 · 赞歌 7.88

7.88.1

प्र शु॒न्ध्युवं॒ वरु॑णाय॒ प्रेष्ठां॑ म॒तिं व॑सिष्ठ मी॒ळ्हुषे॑ भरस्व ।
य ई॑म॒र्वाञ्चं॒ कर॑ते॒ यज॑त्रं स॒हस्रा॑मघं॒ वृष॑णं बृ॒हन्त॑म् ॥

哎呀，婆悉吒，向伐楼那献上最可爱、能净化的颂歌，献给那走近我们、值得崇拜、拥有千宝、强有力而伟大的主。

अधा॒ न्व॑स्य सं॒दृशं॑ जग॒न्वान॒ग्नेरनी॑कं॒ वरु॑णस्य मंसि ।
स्व॑र्यदश्म॑न्नधि॒पा उ॒ अन्धो॑ अ॒भि मा॒ वपु॑र्दृ॒शये॑ निनीयात् ॥

我得见他的面容，便思念阿耆尼的火焰与伐楼那的形相；当压石上的苏摩之主处于天光之中时，愿他带来我的形体，使我得以相见。

आ यद्रु॒हाव॒ वरु॑णश्च॒ नावं॒ प्र यत्स॑मु॒द्रमी॒रया॑व॒ मध्य॑म् ।
अधि॒ यद॒पां स्नुभि॒श्चरा॑व॒ प्र प्रे॒ङ्ख ई॑ङ्खयावहै शु॒भे कम् ॥

当我们二人与伐楼那登上船只，当我们二人在大洋中央推动它前行；当我们二人随着水流前进时，愿我们二人为光明而在秋千上摆动。

वसि॑ष्ठं ह॒ वरु॑णो ना॒व्याधा॒दृषिं॑ चकार॒ स्वपा॒ महो॑भिः ।
स्तो॒तारं॒ विप्रः॑ सुदिन॒त्वे अह्नां॒ यान्नु द्याव॑स्त॒तन॒न्यादु॒षासः॑ ॥

伐楼那将婆悉吒安置在船中，以其大力使这位仙人自有力量；在吉日之中，他成为智慧的颂唱者，那时天空展开，黎明升起。

क्व॑ त्यानि॑ नौ स॒ख्या ब॑भूवुः॒ सचा॑वहे॒ यद॑वृ॒कं पु॒रा चि॑त् ।
बृ॒हन्तं॒ मानं॑ वरुण स्वधावः स॒हस्र॑द्वारं जगमा गृ॒हं ते॑ ॥

哎呀伐楼那，我们二人昔日那些情谊去了哪里，当我们曾经无恶意地相连？哎呀自力者，我已来到你的大庇护之处，来到你那千门之家。

य आ॒पिर्नित्यो॑ वरुण प्रि॒यः सन्त्वामागां॑सि कृ॒णव॒त्सखा॑ ते ।
मा त॒ एन॑स्वन्तो यक्षिन्भुजेम य॒न्धि ष्मा॒ विप्र॑ स्तुव॒ते वरू॑थम् ॥

无论谁，作为恒常可爱的朋友成为你的伴侣，哎呀伐楼那，请赦免他的过错；愿我们这些有罪之人不享用你的赐予，哎呀可敬者；哎呀智者，不要从赞颂者那里收回你的护佑。

ध्रु॒वासु॑ त्वा॒सु क्षि॒तिषु॑ क्षि॒यन्तो॒ व्य॑स्मत्पाशं॒ वरु॑णो मुमोचत् ।
अवो॑ वन्वा॒ना अदि॑तेरु॒पस्था॑द्यू॒यं पा॑त स्व॒स्तिभिः॒ सदा॑ नः ॥

我们将你安置于这些稳固的居所；愿伐楼那从我们身上解开套索。你们从阿底提的怀中前来致敬，愿以吉祥永远护佑我们。