リグ・ヴェーダ · スークタ 1.83

1.83.1

अश्वा॑वति प्रथ॒मो गोषु॑ गच्छति सुप्रा॒वीरि॑न्द्र॒ मर्त्य॒स्तवो॒तिभिः॑ ।
तमित्पृ॑णक्षि॒ वसु॑ना॒ भवी॑यसा॒ सिन्धु॒मापो॒ यथा॒भितो॒ विचे॑तसः ॥

馬に富み、牛の中で第一の、よき守護者インドラよ！あなたの守護を伴って来る死すべき人を、私は大いなる富で満たす。賢い水が四方から川を満たすように。

आपो॒ न दे॒वीरुप॑ यन्ति हो॒त्रिय॑म॒वः प॑श्यन्ति॒ वित॑तं॒ यथा॒ रजः॑ ।
प्रा॒चैर्दे॒वासः॒ प्र ण॑यन्ति देव॒युं ब्र॑ह्म॒प्रियं॑ जोषयन्ते व॒रा इ॑व ॥

水のように、神聖な水は祭式の守護へと向かう。広がる天界を見渡す。神々は神に仕える者を前へと導き、祈りに愛される者を喜ばせる、まるで選ばれた人々のように。

अधि॒ द्वयो॑रदधा उ॒क्थ्यं॑ वचो॑ य॒तस्रु॑चा मिथु॒ना या स॑प॒र्यतः॑ ।
असं॑यत्तो व्र॒ते ते॑ क्षेति॒ पुष्य॑ति भ॒द्रा श॒क्तिर्यज॑मानाय सुन्व॒ते ॥

二者の中にあなたは唱えるべき言葉を置いた。杓を掲げたその対を、二者ともに敬う。自制のない者でない者は、あなたの誓いに留まり栄える。ソーマを搾る祭主には、善き力がある。

आदङ्गि॑राः प्रथ॒मं द॑धिरे॒ वय॑ इ॒द्धाग्न॑यः॒ शम्या॒ ये सु॑कृ॒त्यया॑ ।
सर्वं॑ प॒णेः सम॑विन्दन्त॒ भोज॑न॒मश्वा॑वन्तं॒ गोम॑न्त॒मा प॒शुं नरः॑ ॥

そのとき、アンギラスたちが最初に力を据えた。燃え上がる火とシャミー木の棒、巧みな業によって。パニから彼ら人々は、食物のすべてを、馬と牛と家畜に富む財を、共に見出した。

य॒ज्ञैरथ॑र्वा प्रथ॒मः प॒थस्त॑ते॒ ततः॒ सूर्यो॑ व्रत॒पा वे॒न आज॑नि ।
आ गा आ॑जदु॒शना॑ का॒व्यः सचा॑ य॒मस्य॑ जा॒तम॒मृतं॑ यजामहे ॥

供犠によってアタルヴァンが最初に道を広げた。それから誓いの守護者である太陽と、愛しきヴェナが生まれた。詩人ウシャナスは牛を共に追い出した。ヤマから生まれた不死なる者を、私たちは崇める。

ब॒र्हिर्वा॒ यत्स्व॑प॒त्याय॑ वृ॒ज्यते॑ अ॒र्को वा॒ श्लोक॑मा॒घोष॑ते दि॒वि ।
ग्रावा॒ यत्र॒ वद॑ति का॒रुरु॒क्थ्य॑स्तस्येदिन्द्रो॑ अभिपि॒त्वेषु॑ रण्यति ॥

良き子孫を持つ者のために聖草が敷かれるとき、あるいは歌い手が天で讃歌を唱えるとき。石を搾る者が唱えるに値するものを語るところで、まさにそのために、インドラは攻撃の争いの中で喜ぶ。