梨俱吠陀 · 赞歌 10.113

10.113.1

तम॑स्य॒ द्यावा॑पृथि॒वी सचे॑तसा॒ विश्वे॑भिर्दे॒वैरनु॒ शुष्म॑मावताम् ।
यदैत्कृ॑ण्वा॒नो म॑हि॒मान॑मिन्द्रि॒यं पी॒त्वी सोम॑स्य॒ क्रतु॑माँ अवर्धत ॥

愿同心的天地与诸神一同护佑他的威力；当他成就伟大与生命之力，饮下苏摩，怀着坚定的意志，便壮大起来。

तम॑स्य॒ विष्णु॑र्महि॒मान॒मोज॑सां॒शुं द॑ध॒न्वान्मधु॑नो॒ वि र॑प्शते ।
दे॒वेभि॒रिन्द्रो॑ म॒घवा॑ स॒याव॑भिर्वृ॒त्रं ज॑घ॒न्वाँ अ॑भव॒द्वरे॑ण्यः ॥

毗湿奴以力量承载他的伟大；握取甘美（苏摩）的一份后，他将其洒散。щедрый因陀罗与诸神及同伴一起杀死弗栗多，成为值得选择的尊者。

वृ॒त्रेण॒ यदहि॑ना॒ बिभ्र॒दायु॑धा स॒मस्थि॑था यु॒धये॒ शंस॑मा॒विदे॑ ।
विश्वे॑ ते॒ अत्र॑ म॒रुतः॑ स॒ह त्मनाव॑र्धन्नुग्र महि॒मान॑मिन्द्रि॒यम् ॥

当你持武器与蛇妖弗栗多对阵，为战斗而坚定站立、为寻得赞歌之时，此地诸摩如与你一同以其自身之力增长你的威力——啊，威猛者，你的伟大与生命之力。

ज॒ज्ञा॒न ए॒व व्य॑बाधत॒ स्पृधः॒ प्राप॑श्यद्वी॒रो अ॒भि पौंस्यं॒ रण॑म् ।
अवृ॑श्च॒दद्रि॒मव॑ स॒स्यदः॑ सृज॒दस्त॑भ्ना॒न्नाकं॑ स्वप॒स्यया॑ पृ॒थुम् ॥

他一降生便驱散了敌对者；英雄为英勇之业而见战阵。他打开山岳，释放站立的牛群，并以善行支撑起广阔的天空。

आदिन्द्रः॑ स॒त्रा तवि॑षीरपत्यत॒ वरी॑यो॒ द्यावा॑पृथि॒वी अ॑बाधत ।
अवा॑भरद्धृषि॒तो वज्र॑माय॒सं शेवं॑ मि॒त्राय॒ वरु॑णाय दा॒शुषे॑ ॥

那时因陀罗确实以其力量变得更加广大；他将天地推向后方。勇敢的因陀罗降下铁制雷杵——为米特拉与婆楼那所赐的吉祥之礼，赠予施舍的祭祀者。

इन्द्र॒स्यात्र॒ तवि॑षीभ्यो विर॒प्शिन॑ ऋघाय॒तो अ॑रंहयन्त म॒न्यवे॑ ।
वृ॒त्रं यदु॒ग्रो व्यवृ॑श्च॒दोज॑सा॒पो बिभ्र॑तं॒ तम॑सा॒ परी॑वृतम् ॥

此处，因陀罗之力——那些发出威力、歌唱的力量——因愤怒（摩尼由）而得到满足。当这猛烈者以力量将弗栗多斩断时，他释放了被黑暗包裹的诸水。

या वी॒र्या॑णि प्रथ॒मानि॒ कर्त्वा॑ महि॒त्वेभि॒र्यत॑मानौ समी॒यतुः॑ ।
ध्वा॒न्तं तमोऽव॑ दध्वसे ह॒त इन्द्रो॑ म॒ह्ना पू॒र्वहू॑तावपत्यत ॥

那二者首先建立了英雄功业，以其伟力努力前行并携手同行——你们将黑暗压倒在下。当被杀者倒下时，因陀罗凭其伟力，在第一次呼唤中便获得了声名。

विश्वे॑ दे॒वासो॒ अध॒ वृष्ण्या॑नि॒ तेऽव॑र्धय॒न्त्सोम॑वत्या वच॒स्यया॑ ।
र॒द्धं वृ॒त्रमहि॒मिन्द्र॑स्य॒ हन्म॑ना॒ग्निर्न जम्भै॑स्तृ॒ष्वन्न॑मावयत् ॥

那时诸神以苏摩和赞歌增强了你的英雄之功；因陀罗以一击劈开并制服了名为弗栗多的蛇，正如阿耆尼以其利齿迅速吞噬食物。

भूरि॒ दक्षे॑भिर्वच॒नेभि॒र्ऋक्व॑भिः स॒ख्येभिः॑ स॒ख्यानि॒ प्र वो॑चत ।
इन्द्रो॒ धुनिं॑ च॒ चुमु॑रिं च द॒म्भय॑ञ्श्रद्धामन॒स्या शृ॑णुते द॒भीत॑ये ॥

以巧妙之言，与赞歌者、朋友们一同，大声宣说许多友谊之歌；因陀罗毁灭了屈尼与楚穆里，聆听怀有信心之心的施者的祈祷。

त्वं पु॒रूण्या भ॑रा॒ स्वश्व्या॒ येभि॒र्मंसै॑ नि॒वच॑नानि॒ शंस॑न् ।
सु॒गेभि॒र्विश्वा॑ दुरि॒ता त॑रेम वि॒दो षु ण॑ उर्वि॒या गा॒धम॒द्य ॥

请带来众多良马所载的财富，借此我们思念并在歌中赞颂，以善行渡过一切恶行。广大者啊，今日请使我们熟知深水的渡口。