Ṛgveda · Sūkta 10.150
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
10.150.1
समि॑द्धश्चि॒त्समि॑ध्यसे दे॒वेभ्यो॑ हव्यवाहन ।
आ॒दि॒त्यै रु॒द्रैर्वसु॑भिर्न॒ आ ग॑हि मृळी॒काय॑ न॒ आ ग॑हि ॥
O Agni, Träger der Opfergaben, du wirst entzündet und brennst gut für die Götter. Komm zu uns mit den Ādityas, den Rudras und den Vasus; komm zu uns um der Gnade willen.
10.150.2
इ॒मं य॒ज्ञमि॒दं वचः॑ जुजुषा॒ण उ॒पाग॑हि ।
मर्ता॑सस्त्वा समिधान हवामहे मृळी॒काय॑ हवामहे ॥
Nimm dieses Opfer und diesen Lobgesang an und komm näher. O entzündeter Agni, die Sterblichen rufen dich; um der Gnade willen rufen wir dich.
10.150.3
त्वामु॑ जा॒तवे॑दसं वि॒श्ववा॑रं गृणे धि॒या ।
अग्ने॑ दे॒वाँ आ व॑ह नः प्रि॒यव्र॑तान्मृळी॒काय॑ प्रि॒यव्र॑तान् ॥
Allwissender, allen willkommener Agni, ich preise dich mit meinem Gedanken. O Agni, bring uns die Götter, die dem rechten Brauch treu sind, hierher; bring die dem rechten Brauch treuen Götter um der Gnade willen.
10.150.4
अ॒ग्निर्दे॒वो दे॒वाना॑मभवत्पु॒रोहि॑तो अ॒ग्निं म॑नु॒ष्या॑ ऋष॑यः॒ समी॑धिरे ।
अ॒ग्निं म॒हो धन॑साताव॒हं हु॑वे मृळी॒कं धन॑सातये ॥
Agni, ein Gott unter den Göttern, wurde der oberste Priester. Menschen und Seher entzünden Agni gut. Um großen Reichtum zu gewinnen, rufe ich Agni an; um Reichtum zu gewinnen, rufe ich die Gnade an.
10.150.5
अ॒ग्निरत्रिं॑ भ॒रद्वा॑जं॒ गवि॑ष्ठिरं॒ प्राव॑न्नः॒ कण्वं॑ त्र॒सद॑स्युमाह॒वे ।
अ॒ग्निं वसि॑ष्ठो हवते पु॒रोहि॑तो मृळी॒काय॑ पु॒रोहि॑तः ॥
Agni beschützte Atri, Bharadvāja und Gaviṣṭhira; im Ruf zur Schlacht beschützte er Kaṇva, Trasadasyu und uns. Der oberste Priester Vasiṣṭha ruft Agni an; um der Gnade willen ruft ihn der Priester an.