梨俱吠陀 · 赞歌 10.37

10.37.1

नमो॑ मि॒त्रस्य॒ वरु॑णस्य॒ चक्ष॑से म॒हो दे॒वाय॒ तदृ॒तं स॑पर्यत ।
दू॒रे॒दृशे॑ दे॒वजा॑ताय के॒तवे॑ दि॒वस्पु॒त्राय॒ सूर्या॑य शंसत ॥

向密特拉与伐楼那之目致敬。侍奉那位伟大的神，他即是正理（ṛta）；颂扬那从远方可见、生于诸神之中、以光为徽记、天之子的太阳苏里亚。

सा मा॑ स॒त्योक्तिः॒ परि॑ पातु वि॒श्वतो॒ द्यावा॑ च॒ यत्र॑ त॒तन॒न्नहा॑नि च ।
विश्व॑म॒न्यन्नि वि॑शते॒ यदेज॑ति वि॒श्वाहापो॑ वि॒श्वाहोदे॑ति॒ सूर्यः॑ ॥

愿那真实之语从四面守护我，在天地与诸日展开之处。凡动者皆入于他者；水常流动，太阳常升起。

न ते॒ अदे॑वः प्र॒दिवो॒ नि वा॑सते॒ यदे॑त॒शेभिः॑ पत॒रै र॑थ॒र्यसि॑ ।
प्रा॒चीन॑म॒न्यदनु॑ वर्तते॒ रज॒ उद॒न्येन॒ ज्योति॑षा यासि सूर्य ॥

对你而言，没有非神者停留在远望可见的道路上，当你与御者和引导者一同驾驭战车时。前者走一条路，另一者随着虚空而行；你以另一种光升腾，啊苏里亚。

येन॑ सूर्य॒ ज्योति॑षा॒ बाध॑से॒ तमो॒ जग॑च्च॒ विश्व॑मुदि॒यर्षि॑ भा॒नुना॑ ।
तेना॒स्मद्विश्वा॒मनि॑रा॒मना॑हुति॒मपामी॑वा॒मप॑ दु॒ष्वप्न्यं॑ सुव ॥

啊苏里亚，你以那光驱散黑暗与一切行动者，并以光辉升起于万物之上，愿以那同一道光，将我们的一切不净、未献之祭、疾病与恶梦驱离。

विश्व॑स्य॒ हि प्रेषि॑तो॒ रक्ष॑सि व्र॒तमहे॑ळयन्नु॒च्चर॑सि स्व॒धा अनु॑ ।
यद॒द्य त्वा॑ सूर्योप॒ब्रवा॑महै॒ तं नो॑ दे॒वा अनु॑ मंसीरत॒ क्रतु॑म् ॥

你被众神遣发，守护律法而不伤害，并沿着你的食养之道升起。现在，啊苏里亚，当我们近前呼唤你，愿诸神留意我们的心愿。

तं नो॒ द्यावा॑पृथि॒वी तन्न॒ आप॒ इन्द्रः॑ शृण्वन्तु म॒रुतो॒ हवं॒ वचः॑ ।
मा शूने॑ भूम॒ सूर्य॑स्य सं॒दृशि॑ भ॒द्रं जीव॑न्तो जर॒णाम॑शीमहि ॥

愿天地为我们听闻此祷，愿诸水为我们听闻，愿因陀罗与摩录多听闻我们的呼唤与言辞。在太阳的注视、光辉之中，愿我们不致倾覆；安然生活，愿我们达到老年。

वि॒श्वाहा॑ त्वा सु॒मन॑सः सु॒चक्ष॑सः प्र॒जाव॑न्तो अनमी॒वा अना॑गसः ।
उ॒द्यन्तं॑ त्वा मित्रमहो दि॒वेदि॑वे॒ ज्योग्जी॒वाः प्रति॑ पश्येम सूर्य ॥

啊太阳，愿我们心怀喜悦、目光明亮、子孙满堂、无病无罪，活着长久地看见你日复一日升起。

महि॒ ज्योति॒र्बिभ्र॑तं त्वा विचक्षण॒ भास्व॑न्तं॒ चक्षु॑षेचक्षुषे॒ मयः॑ ।
आ॒रोह॑न्तं बृह॒तः पाज॑स॒स्परि॑ व॒यं जी॒वाः प्रति॑ पश्येम सूर्य ॥

啊全视者，承载大光，光辉灿烂，为眼目之喜悦，从高处之力升起的你，愿我们活着看见你。

यस्य॑ ते॒ विश्वा॒ भुव॑नानि के॒तुना॒ प्र चेर॑ते॒ नि च॑ वि॒शन्ते॑ अ॒क्तुभिः॑ ।
अ॒ना॒गा॒स्त्वेन॑ हरिकेश सू॒र्याह्ना॑ह्ना नो॒ वस्य॑सावस्य॒सोदि॑हि ॥

借着你的旗帜，诸世界出行，夜间又归于安息。啊金色鬃发的太阳，愿我们因你而无罪，日复一日，带着福祉向我们升起。

शं नो॑ भव॒ चक्ष॑सा॒ शं नो॒ अह्ना॒ शं भा॒नुना॒ शं हि॒मा शं घृ॒णेन॑ ।
यथा॒ शमध्व॒ञ्च्छमस॑द्दुरो॒णे तत्सू॑र्य॒ द्रवि॑णं धेहि चि॒त्रम् ॥

愿你对我们吉祥；以目光吉祥，以白日对我们吉祥，以光明吉祥，以寒冷吉祥，以炎热吉祥，使道路上与城堡中都有福祉。啊太阳，请赐予那光辉的财富。

अ॒स्माकं॑ देवा उ॒भया॑य॒ जन्म॑ने॒ शर्म॑ यच्छत द्वि॒पदे॒ चतु॑ष्पदे ।
अ॒दत्पिब॑दू॒र्जय॑मान॒माशि॑तं॒ तद॒स्मे शं योर॑र॒पो द॑धातन ॥

啊诸神，为我们的两种生命、为两足与四足之物赐予庇护。愿所食、所饮、所养育而煮成之物对我们吉祥无敌；请使之稳固。

यद्वो॑ देवाश्चकृ॒म जि॒ह्वया॑ गु॒रु मन॑सो वा॒ प्रयु॑ती देव॒हेळ॑नम् ।
अरा॑वा॒ यो नो॑ अ॒भि दु॑च्छुना॒यते॒ तस्मि॒न्तदेनो॑ वसवो॒ नि धे॑तन ॥

啊诸神，无论我们以舌头或因心念冲动而对诸神犯下何等大过，啊诸婆苏，请将那罪过加在辱骂我们的吝啬者身上。