リグ・ヴェーダ · スークタ 6.7

6.7.1

मू॒र्धानं॑ दि॒वो अ॑र॒तिं पृ॑थि॒व्या वै॑श्वान॒रमृ॒त आ जा॒तम॒ग्निम् ।
क॒विं स॒म्राज॒मति॑थिं॒ जना॑नामा॒सन्ना पात्रं॑ जनयन्त दे॒वाः ॥

天の頂、大地を行く者、理（リタ）において生まれたヴァイシュヴァーナラ・アグニ、賢者、王、人々の客人——神々は座において彼を器のように生み出した。

नाभिं॑ य॒ज्ञानां॒ सद॑नं रयी॒णां म॒हामा॑हा॒वम॒भि सं न॑वन्त ।
वै॒श्वा॒न॒रं र॒थ्य॑मध्व॒राणां॑ य॒ज्ञस्य॑ के॒तुं ज॑नयन्त दे॒वाः ॥

供犠の臍、富の住処。神々は大いなる呼びかけに向かって共に身を屈める。祭儀の御者、供犠の旗であるヴァイシュヴァーナラを、神々は生み出した。

त्वद्विप्रो॑ जायते वा॒ज्य॑ग्ने॒ त्वद्वी॒रासो॑ अभिमाति॒षाहः॑ ।
वैश्वा॑नर॒ त्वम॒स्मासु॑ धेहि॒ वसू॑नि राजन्त्स्पृह॒याय्या॑णि ॥

汝より霊感ある賢者が生まれ、汝より力強き勇士が生まれる。アグニよ、敵の攻撃を打ち砕く者よ。ヴァイシュヴァーナラよ、我らのうちに富を据えたまえ、王よ、望ましき富を。

त्वां विश्वे॑ अमृत॒ जाय॑मानं॒ शिशुं॒ न दे॒वा अ॒भि सं न॑वन्ते ।
तव॒ क्रतु॑भिरमृत॒त्वमा॑य॒न्वैश्वा॑नर॒ यत्पि॒त्रोरदी॑देः ॥

不死なる者よ、神々はすべて、生まれゆく幼子に向かうように、汝に共に身を屈める。汝の力によって彼らは不死を得た。ヴァイシュヴァーナラよ、汝が両親の間に輝いたとき。

वैश्वा॑नर॒ तव॒ तानि॑ व्र॒तानि॑ म॒हान्य॑ग्ने॒ नकि॒रा द॑धर्ष ।
यज्जाय॑मानः पि॒त्रोरु॒पस्थेऽवि॑न्दः के॒तुं व॒युने॒ष्वह्ना॑म् ॥

ヴァイシュヴァーナラよ、これらは汝の偉大な誓願。アグニよ、誰も汝を侵すことはできない。汝が両親の膝に生まれたとき、日々の輝ける者たちの中で旗を見出した。

वै॒श्वा॒न॒रस्य॒ विमि॑तानि॒ चक्ष॑सा॒ सानू॑नि दि॒वो अ॒मृत॑स्य के॒तुना॑ ।
तस्येदु॒ विश्वा॒ भुव॒नाधि॑ मू॒र्धनि॑ व॒या इ॑व रुरुहुः स॒प्त वि॒स्रुहः॑ ॥

ヴァイシュヴァーナラの境界は眼によって測られた。不死なる者の旗によって天の頂が現れた。その頭上に全世界が依っている。鳥が昇るように、七つの流れが上へと昇った。

वि यो रजां॒स्यमि॑मीत सु॒क्रतु॑र्वैश्वान॒रो वि दि॒वो रो॑च॒ना क॒विः ।
परि॒ यो विश्वा॒ भुव॑नानि पप्र॒थे अद॑ब्धो गो॒पा अ॒मृत॑स्य रक्षि॒ता ॥

善き意図を持つヴァイシュヴァーナラ、賢者として諸界を測り、天の光を広げた者；あらゆる存在に広がり、傷つかず、不死の守護者であり保護者である者。