梨俱吠陀 · 赞歌 7.39

7.39.1

ऊ॒र्ध्वो अ॒ग्निः सु॑म॒तिं वस्वो॑ अश्रेत्प्रती॒ची जू॒र्णिर्दे॒वता॑तिमेति ।
भे॒जाते॒ अद्री॑ र॒थ्ये॑व॒ पन्था॑मृ॒तं होता॑ न इषि॒तो य॑जाति ॥

高举的阿耆尼已得到施财者的善意；火焰 Jūrṇi 朝向诸神的族系而去。两块压石如车道般沿着路前行；愿我们所激发的祭司依照 Ṛta 行祭。

प्र वा॑वृजे सुप्र॒या ब॒र्हिरे॑षा॒मा वि॒श्पती॑व॒ बीरि॑ट इयाते ।
वि॒शाम॒क्तोरु॒षसः॑ पू॒र्वहू॑तौ वा॒युः पू॒षा स्व॒स्तये॑ नि॒युत्वा॑न् ॥

这铺展开的吉祥草为他们而设；如同两位村落之主，二神来到比利吒。在民众的夜晚与曙光的第一次呼唤时，愿风神与普善为福祉携驾马而来。

ज्म॒या अत्र॒ वस॑वो रन्त दे॒वा उ॒राव॒न्तरि॑क्षे मर्जयन्त शु॒भ्राः ।
अ॒र्वाक्प॒थ उ॑रुज्रयः कृणुध्वं॒ श्रोता॑ दू॒तस्य॑ ज॒ग्मुषो॑ नो अ॒स्य ॥

诸婆苏啊，请从大地上在此欢喜；诸神啊，在广阔的中界中光耀，庄严自身。行走广远的诸神啊，为我们理直通往的道路，并请聆听这位来到的使者之言。

ते हि य॒ज्ञेषु॑ य॒ज्ञिया॑स॒ ऊमाः॑ स॒धस्थं॒ विश्वे॑ अ॒भि सन्ति॑ दे॒वाः ।
ताँ अ॑ध्व॒र उ॑श॒तो य॑क्ष्यग्ने श्रु॒ष्टी भगं॒ नास॑त्या॒ पुरं॑धिम् ॥

他们正是诸祭中当被敬奉之神；一切诸神都在他们的居所附近。阿耆尼啊，请把渴望你的人带到此祭中来；以赞颂召请福神婆伽与二位那娑底耶，并赐予丰盛的财富。

आग्ने॒ गिरो॑ दि॒व आ पृ॑थि॒व्या मि॒त्रं व॑ह॒ वरु॑ण॒मिन्द्र॑म॒ग्निम् ।
आर्य॒मण॒मदि॑तिं॒ विष्णु॑मेषां॒ सर॑स्वती म॒रुतो॑ मादयन्ताम् ॥

阿耆尼啊，请把我们的赞颂从天空与大地带来；请将友神、伐楼那、因陀罗与阿耆尼迎请至此。阿利耶曼、无限母阿底提，以及其中的毗湿奴；愿萨罗室伐蒂与摩嘞多们欢喜。

र॒रे ह॒व्यं म॒तिभि॑र्य॒ज्ञिया॑नां॒ नक्ष॒त्कामं॒ मर्त्या॑ना॒मसि॑न्वन् ।
धाता॑ र॒यिम॑विद॒स्यं स॑दा॒सां स॑क्षी॒महि॒ युज्ये॑भि॒र्नु दे॒वैः ॥

我以深思的赞颂将祭品献予堪受供养之神；愿他满足凡人之愿并使之成就。愿持明主赐予不竭的财富与恒常施予的恩惠，使我们与值得敬奉的诸神相联。

नू रोद॑सी अ॒भिष्टु॑ते॒ वसि॑ष्ठैर्ऋ॒तावा॑नो॒ वरु॑णो मि॒त्रो अ॒ग्निः ।
यच्छ॑न्तु च॒न्द्रा उ॑प॒मं नो॑ अ॒र्कं यू॒यं पा॑त स्व॒स्तिभिः॒ सदा॑ नः ॥

愿被婆私湿陀家族赞颂的天地，以及守护天则（ṛta）的伐楼那、密多罗与阿耆尼，光辉的诸神，接受我们适宜的赞歌；愿你们常以吉祥保护我们。