梨俱吠陀 · 赞歌 9.93

9.93.1

सा॒क॒मुक्षो॑ मर्जयन्त॒ स्वसा॑रो॒ दश॒ धीर॑स्य धी॒तयो॒ धनु॑त्रीः ।
हरिः॒ पर्य॑द्रव॒ज्जाः सूर्य॑स्य॒ द्रोणं॑ ननक्षे॒ अत्यो॒ न वा॒जी ॥

十位共同挤奶的姐妹以智者的思想净化了持弓的苏摩。黄褐色的苏摩绕着太阳的孩子奔跑，进入木制的器皿，如同迅捷强健的奔马。

सं मा॒तृभि॒र्न शिशु॑र्वावशा॒नो वृषा॑ दधन्वे पुरु॒वारो॑ अ॒द्भिः ।
मर्यो॒ न योषा॑म॒भि नि॑ष्कृ॒तं यन्त्सं ग॑च्छते क॒लश॑ उ॒स्रिया॑भिः ॥

如同孩子投入母亲的怀抱，欢呼的公牛苏摩与水相会，为众人所爱。如同男子走向女子，经过净化的苏摩带着乳流走向器皿。

उ॒त प्र पि॑प्य॒ ऊध॒रघ्न्या॑या॒ इन्दु॒र्धारा॑भिः सचते सुमे॒धाः ।
मू॒र्धानं॒ गावः॒ पय॑सा च॒मूषु॑ अ॒भि श्री॑णन्ति॒ वसु॑भि॒र्न नि॒क्तैः ॥

不可杀的母牛之乳房鼓胀充盈。智慧的苏摩随其水流而行。母牛以乳汁湿润器皿中的头部；如以财富充满，她们以净化的苏摩充满器皿。

स नो॑ दे॒वेभिः॑ पवमान र॒देन्दो॑ र॒यिम॒श्विनं॑ वावशा॒नः ।
र॒थि॒रा॒यता॑मुश॒ती पुरं॑धिरस्म॒द्र्य॑गा दा॒वने॒ वसू॑नाम् ॥

愿你，净化的因杜，与诸神一同赐予我们有马的财富，赞颂并渴望那些施予战车者。转向我们，来此赐予珍宝。

नू नो॑ र॒यिमुप॑ मास्व नृ॒वन्तं॑ पुना॒नो वा॒ताप्यं॑ वि॒श्वश्च॑न्द्रम् ।
प्र व॑न्दि॒तुरि॑न्दो ता॒र्यायुः॑ प्रा॒तर्म॒क्षू धि॒याव॑सुर्जगम्यात् ॥

现在请把与人同在、净化的、属于天水的、全然光辉的财富赐近我们。愿赞颂者得以延寿，因杜啊；愿他于黎明迅速前来，因祷告与财富而丰足。