梨俱吠陀 · 赞歌 1.96

1.96.1

स प्र॒त्नथा॒ सह॑सा॒ जाय॑मानः स॒द्यः काव्या॑नि॒ बळ॑धत्त॒ विश्वा॑ ।
आप॑श्च मि॒त्रं धि॒षणा॑ च साधन्दे॒वा अ॒ग्निं धा॑रयन्द्रविणो॒दाम् ॥

他自古以力量而生，立即承载了一切诗篇。他安定了诸水、密特拉与坚实的大地；诸神执持了施财的阿耆尼。

स पूर्व॑या नि॒विदा॑ क॒व्यता॒योरि॒माः प्र॒जा अ॑जनय॒न्मनू॑नाम् ।
वि॒वस्व॑ता॒ चक्ष॑सा॒ द्याम॒पश्च॑ दे॒वा अ॒ग्निं धा॑रयन्द्रविणो॒दाम् ॥

他以古老的尼维德颂与诗人阿由的赞歌，生出了摩奴之民；以毗婆娑之目，他造出天与水；诸神执持了施财的阿耆尼。

तमी॑ळत प्रथ॒मं य॑ज्ञ॒साधं॒ विश॒ आरी॒राहु॑तमृञ्जसा॒नम् ।
ऊ॒र्जः पु॒त्रं भ॑र॒तं सृ॒प्रदा॑नुं दे॒वा अ॒ग्निं धा॑रयन्द्रविणो॒दाम् ॥

赞颂那最初成就祭祀者，雅利安诸族向他献祭：光明者，滋养之子，持守者，迅速施予者。诸神执持了施财的阿耆尼。

स मा॑त॒रिश्वा॑ पुरु॒वार॑पुष्टिर्वि॒दद्गा॒तुं तन॑याय स्व॒र्वित् ।
वि॒शां गो॒पा ज॑नि॒ता रोद॑स्योर्दे॒वा अ॒ग्निं धा॑रयन्द्रविणो॒दाम् ॥

摩多利湿鸡，为众多祈请者所爱，为子嗣寻得道路，是天光的寻求者。他是诸族的护持者，天地的生育者；诸神执持了施财的阿耆尼。

नक्तो॒षासा॒ वर्ण॑मा॒मेम्या॑ने धा॒पये॑ते॒ शिशु॒मेकं॑ समी॒ची ।
द्यावा॒क्षामा॑ रु॒क्मो अ॒न्तर्वि भा॑ति दे॒वा अ॒ग्निं धा॑रयन्द्रविणो॒दाम् ॥

夜与晨曦变换色彩，共同哺育同一个孩子，和谐地相随而行。天地之间金光闪耀；诸神执持了施财的阿耆尼。

रा॒यो बु॒ध्नः सं॒गम॑नो॒ वसू॑नां य॒ज्ञस्य॑ के॒तुर्म॑न्म॒साध॑नो॒ वेः ।
अ॒मृ॒त॒त्वं रक्ष॑माणास एनं दे॒वा अ॒ग्निं धा॑रयन्द्रविणो॒दाम् ॥

他是财富的根基，诸婆苏的聚合者，祭祀的旗帜，以心智成就的智慧诗人。诸神守护不死，执持了这位施财的阿耆尼。

नू च॑ पु॒रा च॒ सद॑नं रयी॒णां जा॒तस्य॑ च॒ जाय॑मानस्य च॒ क्षाम् ।
स॒तश्च॑ गो॒पां भव॑तश्च॒ भूरे॑र्दे॒वा अ॒ग्निं धा॑रयन्द्रविणो॒दाम् ॥

无论今昔，他都是财富的居所，是已生者与将生者、大地、现存者与将来者、广阔世界的守护者；诸神扶持着赐予财富的阿耆尼。

द्र॒वि॒णो॒दा द्रवि॑णसस्तु॒रस्य॑ द्रविणो॒दाः सन॑रस्य॒ प्र यं॑सत् ।
द्र॒वि॒णो॒दा वी॒रव॑ती॒मिषं॑ नो द्रविणो॒दा रा॑सते दी॒र्घमायुः॑ ॥

愿赐予财富者为强者之财富而伸展其恩惠；愿赐予财富者为良族之人萨纳罗而伸展；愿赐予财富者赐予我们富有勇士的食物；愿赐予财富者赐予长寿。

ए॒वा नो॑ अग्ने स॒मिधा॑ वृधा॒नो रे॒वत्पा॑वक॒ श्रव॑से॒ वि भा॑हि ।
तन्नो॑ मि॒त्रो वरु॑णो मामहन्ता॒मदि॑तिः॒ सिन्धुः॑ पृथि॒वी उ॒त द्यौः ॥

如此，阿耆尼啊，你以柴薪增长，拥有财富，纯净者，为了名声在我们这里光明闪耀吧；愿弥特拉与伐楼那赐我们此福，愿阿底提、信度河、大地与天空也赐福于我们。