梨俱吠陀 · 赞歌 10.121

10.121.1

हि॒र॒ण्य॒ग॒र्भः सम॑वर्त॒ताग्रे॑ भू॒तस्य॑ जा॒तः पति॒रेक॑ आसीत् ।
स दा॑धार पृथि॒वीं द्यामु॒तेमां कस्मै॑ दे॒वाय॑ ह॒विषा॑ विधेम ॥

金胎最先显现；一降生，他便独自成为一切众生的主宰。他撑持着大地与这天空。我们当以祭品敬奉哪一位神？

य आ॑त्म॒दा ब॑ल॒दा यस्य॒ विश्व॑ उ॒पास॑ते प्र॒शिषं॒ यस्य॑ दे॒वाः ।
यस्य॑ छा॒यामृतं॒ यस्य॑ मृ॒त्युः कस्मै॑ दे॒वाय॑ ह॒विषा॑ विधेम ॥

赐予气息与力量的那一位，诸神都奉行他的命令；他的影子是不死，他的影子也是死亡。我们当以祭品敬奉哪一位神？

यः प्रा॑ण॒तो नि॑मिष॒तो म॑हि॒त्वैक॒ इद्राजा॒ जग॑तो ब॒भूव॑ ।
य ईशे॑ अ॒स्य द्वि॒पद॒श्चतु॑ष्पदः॒ कस्मै॑ दे॒वाय॑ ह॒विषा॑ विधेम ॥

凭借他的威严，独自成为呼吸与眨眼的世界之王，统治这两足与四足众生的那一位——我们当以祭品敬奉哪一位神？

यस्ये॒मे हि॒मव॑न्तो महि॒त्वा यस्य॑ समु॒द्रं र॒सया॑ स॒हाहुः ।
यस्ये॒माः प्र॒दिशो॒ यस्य॑ बा॒हू कस्मै॑ दे॒वाय॑ ह॒विषा॑ विधेम ॥

凭其威严而有这些雪山，其海与水相连之说，其有这些方位，其有这双臂——我们当以祭品敬奉哪一位神？

येन॒ द्यौरु॒ग्रा पृ॑थि॒वी च॑ दृ॒ळ्हा येन॒ स्व॑ स्तभि॒तं येन॒ नाकः॑ ।
यो अ॒न्तरि॑क्षे॒ रज॑सो वि॒मानः॒ कस्मै॑ दे॒वाय॑ ह॒विषा॑ विधेम ॥

凭借他，猛烈的天与坚实的地得以稳固，凭借他，天穹被托举，凭借他，苍穹被牢牢安定；他在虚空中丈量诸界——我们当以祭品敬奉哪一位神？

यं क्रन्द॑सी॒ अव॑सा तस्तभा॒ने अ॒भ्यैक्षे॑तां॒ मन॑सा॒ रेज॑माने ।
यत्राधि॒ सूर॒ उदि॑तो वि॒भाति॒ कस्मै॑ दे॒वाय॑ ह॒विषा॑ विधेम ॥

天与地凭其护佑而立，怀着战栗之心仰望着他；升起的太阳在他之上照耀——我们当以祭品敬奉哪一位神？

आपो॑ ह॒ यद्बृ॑ह॒तीर्विश्व॒माय॒न्गर्भं॒ दधा॑ना ज॒नय॑न्तीर॒ग्निम् ।
ततो॑ दे॒वानां॒ सम॑वर्त॒तासु॒रेकः॒ कस्मै॑ दे॒वाय॑ ह॒विषा॑ विधेम ॥

当广阔的水流来临，包裹一切，怀抱胚胎并生出阿耆尼时，那时诸神唯一的生命气息便从其中聚集起来。我们当以供物敬奉哪一位神？

यश्चि॒दापो॑ महि॒ना प॒र्यप॑श्य॒द्दक्षं॒ दधा॑ना ज॒नय॑न्तीर्य॒ज्ञम् ।
यो दे॒वेष्वधि॑ दे॒व एक॒ आसी॒त्कस्मै॑ दे॒वाय॑ ह॒विषा॑ विधेम ॥

他以其伟大注视着众水，怀抱巧智并生出祭祀，他独自为诸神之上的神——我们当以供物敬奉哪一位神？

मा नो॑ हिंसीज्जनि॒ता यः पृ॑थि॒व्या यो वा॒ दिवं॑ स॒त्यध॑र्मा ज॒जान॑ ।
यश्चा॒पश्च॒न्द्रा बृ॑ह॒तीर्ज॒जान॒ कस्मै॑ दे॒वाय॑ ह॒विषा॑ विधेम ॥

愿大地的生主不伤害我们；那以真实法则生出天空、又生出闪耀广阔之水的神——我们当以供物敬奉哪一位神？

प्रजा॑पते॒ न त्वदे॒तान्य॒न्यो विश्वा॑ जा॒तानि॒ परि॒ ता ब॑भूव ।
यत्का॑मास्ते जुहु॒मस्तन्नो॑ अस्तु व॒यं स्या॑म॒ पत॑यो रयी॒णाम् ॥

生主啊，除你之外，没有别的存在居于这一切被生之物之中。我们以所愿向你供奉，愿那些归于我们；愿我们成为财富的主人。