リグ・ヴェーダ · スークタ 10.18
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
10.18.1
परं॑ मृत्यो॒ अनु॒ परे॑हि॒ पन्थां॒ यस्ते॒ स्व इत॑रो देव॒याना॑त् ।
चक्षु॑ष्मते शृण्व॒ते ते॑ ब्रवीमि॒ मा नः॑ प्र॒जां री॑रिषो॒ मोत वी॒रान् ॥
おお死よ、神々の道とは別の、おまえ自身の道を進め。目ある者、聞く者に私は告げる。我らの子孫も勇士も害してはならない。
10.18.2
मृ॒त्योः प॒दं यो॒पय॑न्तो॒ यदैत॒ द्राघी॑य॒ आयुः॑ प्रत॒रं दधा॑नाः ।
आ॒प्याय॑मानाः प्र॒जया॒ धने॑न शु॒द्धाः पू॒ता भ॑वत यज्ञियासः ॥
死の足元へと近づき、長寿を前に抱いて去った者たちよ。子孫と富に養われ、清められ、浄くなれ、供犠にふさわしき者たちよ。
10.18.3
इ॒मे जी॒वा वि मृ॒तैराव॑वृत्र॒न्नभू॑द्भ॒द्रा दे॒वहू॑तिर्नो अ॒द्य ।
प्राञ्चो॑ अगाम नृ॒तये॒ हसा॑य॒ द्राघी॑य॒ आयुः॑ प्रत॒रं दधा॑नाः ॥
この生者たちは死者から分かたれた。今日、我らの神々への呼びかけは吉兆となった。舞いと笑いへ我らは進み、長寿を前に担う。
10.18.4
इ॒मं जी॒वेभ्यः॑ परि॒धिं द॑धामि॒ मैषां॒ नु गा॒दप॑रो॒ अर्थ॑मे॒तम् ।
श॒तं जी॑वन्तु श॒रदः॑ पुरू॒चीर॒न्तर्मृ॒त्युं द॑धतां॒ पर्व॑तेन ॥
生者のためにこの囲いを置く。彼らのうち誰も別の目的へ向かわぬように。百の秋を生きさせよ。多様な姿の秋が、山とともに死を間に置かんことを。
10.18.5
यथाहा॑न्यनुपू॒र्वं भव॑न्ति॒ यथ॑ ऋ॒तव॑ ऋ॒तुभि॒र्यन्ति॑ सा॒धु ।
यथा॒ न पूर्व॒मप॑रो॒ जहा॑ति ए॒वा धा॑त॒रायूं॑षि कल्पयैषाम् ॥
日々が順序よく来るように、季節が季節によって良く巡るように、後のものが先のものを捨てないように、そのように、おお創造者よ、これらの者の寿命を定めよ。
10.18.6
आ रो॑ह॒तायु॑र्ज॒रसं॑ वृणा॒ना अ॑नुपू॒र्वं यत॑माना॒ यति॒ ष्ठ ।
इ॒ह त्वष्टा॑ सु॒जनि॑मा स॒जोषा॑ दी॒र्घमायुः॑ करति जी॒वसे॑ वः ॥
生へと登れ、老いを選んで。順序よく努め、進み、そして止まれ。ここに善く生まれたトヴァシュトリが、和合して、汝らが生きるための長寿を授けんことを。
10.18.7
इ॒मा नारी॑रविध॒वाः सु॒पत्नी॒राञ्ज॑नेन स॒र्पिषा॒ सं वि॑शन्तु ।
अ॒न॒श्रवो॑ऽनमी॒वाः सु॒रत्ना॒ आ रो॑हन्तु॒ जन॑यो॒ योनि॒मग्रे॑ ॥
寡婦ではなく、良き夫を持つこれらの女たちは、眼膏と酥油を携えて共に入れ。涙なく、病なく、美しい飾りをつけた妻たちは、以前のように上へ昇れ。
10.18.8
उदी॑र्ष्व नार्य॒भि जी॑वलो॒कं ग॒तासु॑मे॒तमुप॑ शेष॒ एहि॑ ।
ह॒स्त॒ग्रा॒भस्य॑ दिधि॒षोस्तवे॒दं पत्यु॑र्जनि॒त्वम॒भि सं ब॑भूथ ॥
女よ、起きて、生者の世界へ来なさい。息の去った者のそばに横たわっていた；来なさい。あなたの手を取り、望んでくれる夫と共に、あなたは再び生まれたのです。
10.18.9
धनु॒र्हस्ता॑दा॒ददा॑नो मृ॒तस्या॒स्मे क्ष॒त्राय॒ वर्च॑से॒ बला॑य ।
अत्रै॒व त्वमि॒ह व॒यं सु॒वीरा॒ विश्वा॒ स्पृधो॑ अ॒भिमा॑तीर्जयेम ॥
死者の手から弓を取り、我らの武力と輝きと力のために——まさにここで、あなたと我ら、良き英雄を持つ者として、すべての競争者と敵対する攻撃者に勝利しよう。
10.18.10
उप॑ सर्प मा॒तरं॒ भूमि॑मे॒तामु॑रु॒व्यच॑सं पृथि॒वीं सु॒शेवा॑म् ।
ऊर्ण॑म्रदा युव॒तिर्दक्षि॑णावत ए॒षा त्वा॑ पातु॒ निरृ॑तेरु॒पस्था॑त् ॥
母よ、この広大で慈しみ深い大地へ這い進め。広く広がり、羊毛のように柔らかく、若く、施しを与える彼女が、ニルリティの膝からあなたを守りますように。
10.18.11
उच्छ्व॑ञ्चस्व पृथिवि॒ मा नि बा॑धथाः सूपाय॒नास्मै॑ भव सूपवञ्च॒ना ।
मा॒ता पु॒त्रं यथा॑ सि॒चाभ्ये॑नं भूम ऊर्णुहि ॥
大地よ、盛り上がれ、彼を押しつぶすな。彼にとって近づきやすく、抱きやすくあれ。母が息子を抱擁で包むように、大地よ、彼を覆え。
10.18.12
उ॒च्छ्वञ्च॑माना पृथि॒वी सु ति॑ष्ठतु स॒हस्रं॒ मित॒ उप॒ हि श्रय॑न्ताम् ।
ते गृ॒हासो॑ घृत॒श्चुतो॑ भवन्तु वि॒श्वाहा॑स्मै शर॒णाः स॒न्त्वत्र॑ ॥
立ち上がる大地よ、よく堅固に立て；千の柱がその上に支えられますように。かの家々が酥油を滴らせますように；それらが常にここで彼の避難所となりますように。
10.18.13
उत्ते॑ स्तभ्नामि पृथि॒वीं त्वत्परी॒मं लो॒गं नि॒दध॒न्मो अ॒हं रि॑षम् ।
ए॒तां स्थूणां॑ पि॒तरो॑ धारयन्तु॒ तेऽत्रा॑ य॒मः साद॑ना ते मिनोतु ॥
あなたのために私は大地を持ち上げる。あなたの周りにこの土の塚を置いて、私が決して害をなしませんように。祖霊たちがこの柱を支えますように。ここでヤマがあなたの座を整えますように。
10.18.14
प्र॒ती॒चीने॒ मामह॒नीष्वाः॑ प॒र्णमि॒वा द॑धुः ।
प्र॒तीचीं॑ जग्रभा॒ वाच॒मश्वं॑ रश॒नया॑ यथा ॥
矢が戻ってくるその日、彼らは私を羽根のように置いた。戻ってきた言葉を私はつかんだ、手綱で馬をつかむように。