梨俱吠陀 · 赞歌 2.18

2.18.1

प्रा॒ता रथो॒ नवो॑ योजि॒ सस्नि॒श्चतु॑र्युगस्त्रिक॒शः स॒प्तर॑श्मिः ।
दशा॑रित्रो मनु॒ष्यः॑ स्व॒र्षाः स इ॒ष्टिभि॑र्म॒तिभी॒ रंह्यो॑ भूत् ॥

黎明时新车套上了，四轭、三层、七缰。拥有十缰的人，寻求天光的人，愿他因祭品与颂歌而受喜爱。

सास्मा॒ अरं॑ प्रथ॒मं स द्वि॒तीय॑मु॒तो तृ॒तीयं॒ मनु॑षः॒ स होता॑ ।
अ॒न्यस्या॒ गर्भ॑म॒न्य ऊ॑ जनन्त॒ सो अ॒न्येभिः॑ सचते॒ जेन्यो॒ वृषा॑ ॥

对他而言是第一，他也是第二与第三；他是人类的祭司。一人的腹中，他人已生育；他与他人结合，是那生育之公牛。

हरी॒ नु कं॒ रथ॒ इन्द्र॑स्य योजमा॒यै सू॒क्तेन॒ वच॑सा॒ नवे॑न ।
मो षु त्वामत्र॑ ब॒हवो॒ हि विप्रा॒ नि री॑रम॒न्यज॑मानासो अ॒न्ये ॥

我确实套上两匹马，即因陀罗之车，使他前来，以颂歌与新的言辞。愿这里众多智者、祭主及其他人不要使你降下而欢喜。

आ द्वाभ्यां॒ हरि॑भ्यामिन्द्र याहि॒ आ च॒तुर्भि॒रा ष॒ड्भिर्हू॒यमा॑नः ।
आष्टा॒भिर्द॒शभिः॑ सोम॒पेय॑म॒यं सु॒तः सु॑मख॒ मा मृध॑स्कः ॥

因陀罗啊，你同两匹马来；被四匹、六匹呼唤而来；同八匹、十匹而来。为饮用苏摩，此物已被压榨；善祭者啊，莫要阻挡。

आ विं॑श॒त्या त्रिं॒शता॑ याह्य॒र्वाङा च॑त्वारिं॒शता॒ हरि॑भिर्युजा॒नः ।
आ प॑ञ्चा॒शता॑ सु॒रथे॑भिरि॒न्द्रा ष॒ष्ट्या स॑प्त॒त्या सो॑म॒पेय॑म् ॥

与二十、三十同来；以四十匹马相套而来；因陀罗啊，以五十辆良车而来；为饮苏摩，与六十、七十同来。

आशी॒त्या न॑व॒त्या या॑ह्य॒र्वाङा श॒तेन॒ हरि॑भिरु॒ह्यमा॑नः ।
अ॒यं हि ते॑ शु॒नहो॑त्रेषु॒ सोम॒ इन्द्र॑ त्वा॒या परि॑षिक्तो॒ मदा॑य ॥

与八十、九十同来；由百匹马载运而来。此苏摩确实属于你，在舜诃特罗祭司之间；因陀罗啊，为你注入的此苏摩，乃为令你陶醉。

मम॒ ब्रह्मे॑न्द्र या॒ह्यच्छा॒ विश्वा॒ हरी॑ धु॒रि धि॑ष्वा॒ रथ॑स्य ।
पु॒रु॒त्रा हि वि॒हव्यो॑ ब॒भूथा॒स्मिञ्च्छू॑र॒ सव॑ने मादयस्व ॥

因陀罗啊，来到我的祈祷之处；在你战车的轭上套上那两匹遍及一切的赤褐色骏马。你多次成为应当被祈请的对象；英雄啊，在这次苏摩压榨祭中欢喜吧。

न म॒ इन्द्रे॑ण स॒ख्यं वि यो॑षद॒स्मभ्य॑मस्य॒ दक्षि॑णा दुहीत ।
उप॒ ज्येष्ठे॒ वरू॑थे॒ गभ॑स्तौ प्रा॒येप्रा॑ये जिगी॒वांसः॑ स्याम ॥

愿我与因陀罗的友谊永不断绝；愿他的布施为我们带来乳汁。在至高的庇护之下，在他双臂的荫护之中，愿我们在每一场战斗中获胜。

नू॒नं सा ते॒ प्रति॒ वरं॑ जरि॒त्रे दु॑ही॒यदि॑न्द्र॒ दक्षि॑णा म॒घोनी॑ ।
शिक्षा॑ स्तो॒तृभ्यो॒ माति॑ ध॒ग्भगो॑ नो बृ॒हद्व॑देम वि॒दथे॑ सु॒वीराः॑ ॥

愿你那赐予赞颂者以恩惠的布施，因陀罗啊，确实能给予乳汁。因陀罗啊，赐福给赞颂者；愿薄伽不毁灭我们；愿我们在集会中与优秀的英雄们说出伟大的话语。