梨俱吠陀 · 赞歌 3.8

3.8.1

अ॒ञ्जन्ति॒ त्वाम॑ध्व॒रे दे॑व॒यन्तो॒ वन॑स्पते॒ मधु॑ना॒ दैव्ये॑न ।
यदू॒र्ध्वस्तिष्ठा॒ द्रवि॑णे॒ह ध॑त्ता॒द्यद्वा॒ क्षयो॑ मा॒तुर॒स्या उ॒पस्थे॑ ॥

林中之主啊，渴求诸神的祭祀者在祭礼中以神圣的蜂蜜涂抹你。无论你高高矗立，在此赐予财富，还是安居于这位母亲的怀中。

समि॑द्धस्य॒ श्रय॑माणः पु॒रस्ता॒द्ब्रह्म॑ वन्वा॒नो अ॒जरं॑ सु॒वीर॑म् ।
आ॒रे अ॒स्मदम॑तिं॒ बाध॑मान॒ उच्छ्र॑यस्व मह॒ते सौभ॑गाय ॥

立于燃起的火前，坚固祈祷，赐予不老的良好子嗣，将厄运驱离我们，为了伟大的福祉而升起吧。

उच्छ्र॑यस्व वनस्पते॒ वर्ष्म॑न्पृथि॒व्या अधि॑ ।
सुमि॑ती मी॒यमा॑नो॒ वर्चो॑ धा य॒ज्ञवा॑हसे ॥

林中之主啊，升至大地的广阔之上；被善意所度量，将光辉赐予承载祭祀的人。

युवा॑ सु॒वासाः॒ परि॑वीत॒ आगा॒त्स उ॒ श्रेया॑न्भवति॒ जाय॑मानः ।
तं धीरा॑सः क॒वय॒ उन्न॑यन्ति स्वा॒ध्यो॑ मन॑सा देव॒यन्तः॑ ॥

年轻、衣着华美、被包裹的他来到此处；一出生，他便成为更优者。智慧的诗人，自学成才，以心渴求诸神者，将他引向上方。

जा॒तो जा॑यते सुदिन॒त्वे अह्नां॑ सम॒र्य आ वि॒दथे॒ वर्ध॑मानः ।
पु॒नन्ति॒ धीरा॑ अ॒पसो॑ मनी॒षा दे॑व॒या विप्र॒ उदि॑यर्ति॒ वाच॑म् ॥

已生者再度诞生，在吉日、竞赛、集会中成长。智者以智慧净化行为；渴求诸神的受感启的贤人，将言辞送向高处。

यान्वो॒ नरो॑ देव॒यन्तो॑ निमि॒म्युर्वन॑स्पते॒ स्वधि॑तिर्वा त॒तक्ष॑ ।
ते दे॒वासः॒ स्वर॑वस्तस्थि॒वांसः॑ प्र॒जाव॑द॒स्मे दि॑धिषन्तु॒ रत्न॑म् ॥

林中之主啊，凡渴求诸神的人为你所缚，或斧所砍之处；愿那些站立不移的光辉诸神，连同子嗣赐予我们财富。

ये वृ॒क्णासो॒ अधि॒ क्षमि॒ निमि॑तासो य॒तस्रु॑चः ।
ते नो॑ व्यन्तु॒ वार्यं॑ देव॒त्रा क्षे॑त्र॒साध॑सः ॥

那些凿制并立于地上、勺子高举的祭柱，愿它们在成就祭场的诸神之中，为我们获得所求的福分。

आ॒दि॒त्या रु॒द्रा वस॑वः सुनी॒था द्यावा॒क्षामा॑ पृथि॒वी अ॒न्तरि॑क्षम् ।
स॒जोष॑सो य॒ज्ञम॑वन्तु दे॒वा ऊ॒र्ध्वं कृ॑ण्वन्त्वध्व॒रस्य॑ के॒तुम् ॥

愿善导的阿底提亚、楼陀罗与婆苏，以及天地、大地与虚空，诸神同心欢喜，守护祭祀，并高举祭祀的旗帜。

हं॒सा इ॑व श्रेणि॒शो यता॑नाः शु॒क्रा वसा॑नाः॒ स्वर॑वो न॒ आगुः॑ ।
उ॒न्नी॒यमा॑नाः क॒विभिः॑ पु॒रस्ता॑द्दे॒वा दे॒वाना॒मपि॑ यन्ति॒ पाथः॑ ॥

如天鹅成行疾行，身披光明，伴着声响来到我们这里。被智者引领在前的诸神，行走在诸神的道路上。

शृङ्गा॑णी॒वेच्छृ॒ङ्गिणां॒ सं द॑दृश्रे च॒षाल॑वन्तः॒ स्वर॑वः पृथि॒व्याम् ।
वा॒घद्भि॑र्वा विह॒वे श्रोष॑माणा अ॒स्माँ अ॑वन्तु पृत॒नाज्ये॑षु ॥

如角一般，他们与有角之物一同显现，佩戴闪电般的饰物，在大地上发出声响。或者，在集会中聆听，愿他们在争夺财富的战斗中守护我们。

वन॑स्पते श॒तव॑ल्शो॒ वि रो॑ह स॒हस्र॑वल्शा॒ वि व॒यं रु॑हेम ।
यं त्वाम॒यं स्वधि॑ति॒स्तेज॑मानः प्रणि॒नाय॑ मह॒ते सौभ॑गाय ॥

树木之主啊，拥有百枝，向上生长吧；愿我们拥有千枝，向上生长。你啊，正是这把闪亮、磨利的斧头为了大福所竖立的那一位。