梨俱吠陀 · 赞歌 10.45

10.45.1

दि॒वस्परि॑ प्रथ॒मं ज॑ज्ञे अ॒ग्निर॒स्मद्द्वि॒तीयं॒ परि॑ जा॒तवे॑दाः ।
तृ॒तीय॑म॒प्सु नृ॒मणा॒ अज॑स्र॒मिन्धा॑न एनं जरते स्वा॒धीः ॥

阿耆尼先从天而生，第二次从我们中生；知生者第三次生于水中，给人带来喜乐。自主的祭拜者赞颂他，他不停地燃烧。

वि॒द्मा ते॑ अग्ने त्रे॒धा त्र॒याणि॑ वि॒द्मा ते॒ धाम॒ विभृ॑ता पुरु॒त्रा ।
वि॒द्मा ते॒ नाम॑ पर॒मं गुहा॒ यद्वि॒द्मा तमुत्सं॒ यत॑ आज॒गन्थ॑ ॥

阿耆尼啊，我们知道你的三种形态，也知道你众多的居所。我们知道你最高的隐秘之名，也知道你从何处涌现而来。

स॒मु॒द्रे त्वा॑ नृ॒मणा॑ अ॒प्स्व॑न्तर्नृ॒चक्षा॑ ईधे दि॒वो अ॑ग्न॒ ऊध॑न् ।
तृ॒तीये॑ त्वा॒ रज॑सि तस्थि॒वांस॑म॒पामु॒पस्थे॑ महि॒षा अ॑वर्धन् ॥

在大海中，在水里，能看见众人的那位点燃了你，阿耆尼，天之乳房。立于第三界的你，在水的怀抱中被水牛般的母牛（光线）所养育。

अक्र॑न्दद॒ग्नि स्त॒नय॑न्निव॒ द्यौः क्षामा॒ रेरि॑हद्वी॒रुधः॑ सम॒ञ्जन् ।
स॒द्यो ज॑ज्ञा॒नो वि हीमि॒द्धो अख्य॒दा रोद॑सी भा॒नुना॑ भात्य॒न्तः ॥

阿耆尼如雷鸣之天般咆哮，舔舐草木，聚合各方。他立即诞生、燃起，撕裂黑暗而观望；他以光明在两界之中照耀。

श्री॒णामु॑दा॒रो ध॒रुणो॑ रयी॒णां म॑नी॒षाणां॒ प्रार्प॑णः॒ सोम॑गोपाः ।
वसुः॑ सू॒नुः सह॑सो अ॒प्सु राजा॒ वि भा॒त्यग्र॑ उ॒षसा॑मिधा॒नः ॥

慷慨赐予荣耀者，财富之支柱，扩展思想者，苏摩的守护者；赐财之子、力之子，作为水中之王，他在诸晨光之前燃起而照耀。

विश्व॑स्य के॒तुर्भुव॑नस्य॒ गर्भ॒ आ रोद॑सी अपृणा॒ज्जाय॑मानः ।
वी॒ळुं चि॒दद्रि॑मभिनत्परा॒यञ्जना॒ यद॒ग्निमय॑जन्त॒ पञ्च॑ ॥

他是万物的旗帜，世界的胎藏；他一生便充满两界。那强健的公牛甚至劈开了山岳，当五族前行时礼拜阿耆尼之时。

उ॒शिक्पा॑व॒को अ॑र॒तिः सु॑मे॒धा मर्ते॑ष्व॒ग्निर॒मृतो॒ नि धा॑यि ।
इय॑र्ति धू॒मम॑रु॒षं भरि॑भ्र॒दुच्छु॒क्रेण॑ शो॒चिषा॒ द्यामिन॑क्षन् ॥

锐利、净化、不知疲倦、聪明的阿耆尼在凡人中被确立为不朽者。他将赤红的烟升向上方，欲以明亮的火焰触及天空。

दृ॒शा॒नो रु॒क्म उ॑र्वि॒या व्य॑द्यौद्दु॒र्मर्ष॒मायुः॑ श्रि॒ये रु॑चा॒नः ।
अ॒ग्निर॒मृतो॑ अभव॒द्वयो॑भि॒र्यदे॑नं॒ द्यौर्ज॒नय॑त्सु॒रेताः॑ ॥

金色的阿耆尼在广阔的空间中光辉闪耀，为了不可战胜的生命力而熠熠生辉。当拥有良好后裔的天空生下他时，阿耆尼凭借其生命之力成为不朽者。

यस्ते॑ अ॒द्य कृ॒णव॑द्भद्रशोचे अपू॒पं दे॑व घृ॒तव॑न्तमग्ने ।
प्र तं न॑य प्रत॒रं वस्यो॒ अच्छा॒भि सु॒म्नं दे॒वभ॑क्तं यविष्ठ ॥

光焰明亮的阿耆尼啊，今日为你奉上酥油饼的人，请引他前行；神啊，最年幼的阿耆尼，请引他走向诸神共享的福祉与财富。

आ तं भ॑ज सौश्रव॒सेष्व॑ग्न उ॒क्थौक्थ॒ आ भ॑ज श॒स्यमा॑ने ।
प्रि॒यः सूर्ये॑ प्रि॒यो अ॒ग्ना भ॑वाति॒ उज्जा॒तेन॑ भि॒नद॒दुज्जनि॑त्वैः ॥

阿耆尼啊，请将他带到这里，在娑乌罗婆沙祭礼中赐予他那份；每次诵读赞歌、他被赞颂时，都赐予他那份。愿在太阳中被珍爱者，在阿耆尼中也被珍爱；愿他凭出生升起，以子孙劈开黑暗。

त्वाम॑ग्ने॒ यज॑माना॒ अनु॒ द्यून्विश्वा॒ वसु॑ दधिरे॒ वार्या॑णि ।
त्वया॑ स॒ह द्रवि॑णमि॒च्छमा॑ना व्र॒जं गोम॑न्तमु॒शिजो॒ वि व॑व्रुः ॥

阿耆尼啊，祭主们日复一日唯独依靠你，获得一切所愿之物。与你一同渴求财富，乌什惹们打开了富有牛群的圈栏。

अस्ता॑व्य॒ग्निर्न॒रां सु॒शेवो॑ वैश्वान॒र ऋषि॑भिः॒ सोम॑गोपाः ।
अ॒द्वे॒षे द्यावा॑पृथि॒वी हु॑वेम॒ देवा॑ ध॒त्त र॒यिम॒स्मे सु॒वीर॑म् ॥

对人类仁慈的吠舍婆罗阿耆尼，作为苏摩的守护者，被诸仙所赞颂。让我们呼唤并无敌意的天与地。诸神啊，请赐予我们伴随良子的财富。