リグ・ヴェーダ · スークタ 10.67

10.67.1

इ॒मां धियं॑ स॒प्तशी॑र्ष्णीं पि॒ता न॑ ऋ॒तप्र॑जातां बृह॒तीम॑विन्दत् ।
तु॒रीयं॑ स्विज्जनयद्वि॒श्वज॑न्यो अ॒यास्य॑ उ॒क्थमिन्द्रा॑य॒ शंस॑न् ॥

父は、ṛtaより生まれた七つの頭を持つこの広大な思いを得た。万物を生んだアヤースヤは、インドラのために讃歌を唱えつつ第四のものを生み出した。

ऋ॒तं शंस॑न्त ऋ॒जु दीध्या॑ना दि॒वस्पु॒त्रासो॒ असु॑रस्य वी॒राः ।
विप्रं॑ प॒दमङ्गि॑रसो॒ दधा॑ना य॒ज्ञस्य॒ धाम॑ प्रथ॒मं म॑नन्त ॥

ṛtaを讃え、まっすぐに輝き、天の子、アスラの英雄の子であるアンギラスたちは、賢者の歩みを確立し、供犠の最初の住処を思った。

हं॒सैरि॑व॒ सखि॑भि॒र्वाव॑दद्भिरश्म॒न्मया॑नि॒ नह॑ना॒ व्यस्य॑न् ।
बृह॒स्पति॑रभि॒कनि॑क्रद॒द्गा उ॒त प्रास्तौ॒दुच्च॑ वि॒द्वाँ अ॑गायत् ॥

白鳥が仲間と語らうように、石でできた縛めを砕き、ブリハスパティは牛たちのために咆哮した。賢者は讃え、高らかに歌った。

अ॒वो द्वाभ्यां॑ प॒र एक॑या॒ गा गुहा॒ तिष्ठ॑न्ती॒रनृ॑तस्य॒ सेतौ॑ ।
बृह॒स्पति॒स्तम॑सि॒ ज्योति॑रि॒च्छन्नुदु॒स्रा आक॒र्वि हि ति॒स्र आवः॑ ॥

二つの下から、一つの彼方から、闇の中で光を求めたブリハスパティは、虚偽の堰で洞窟に隠れて立つ牛たちを高く引き上げた。彼は暁を現し、三つを開いた。

वि॒भिद्या॒ पुरं॑ श॒यथे॒मपा॑चीं॒ निस्त्रीणि॑ सा॒कमु॑द॒धेर॑कृन्तत् ।
बृह॒स्पति॑रु॒षसं॒ सूर्यं॒ गाम॒र्कं वि॑वेद स्त॒नय॑न्निव॒ द्यौः ॥

砦を打ち破り、あなたたち二つは顔を下に横たわる。大洋から三つを一度に断ち切った。ブリハスパティは暁、太陽、牛、歌を見出し、天のように轟いた。

इन्द्रो॑ व॒लं र॑क्षि॒तारं॒ दुघा॑नां क॒रेणे॑व॒ वि च॑कर्ता॒ रवे॑ण ।
स्वेदा॑ञ्जिभिरा॒शिर॑मि॒च्छमा॒नोऽरो॑दयत्प॒णिमा गा अ॑मुष्णात् ॥

インドラは乳を出す牛を守るヴァラを手のような道具で砕き、咆哮とともに。汗のように輝く者たちと共に、望み、パニを泣かせて牛を再び奪い取った。

स ईं॑ स॒त्येभिः॒ सखि॑भिः शु॒चद्भि॒र्गोधा॑यसं॒ वि ध॑न॒सैर॑दर्दः ।
ब्रह्म॑ण॒स्पति॒र्वृष॑भिर्व॒राहै॑र्घ॒र्मस्वे॑देभि॒र्द्रवि॑णं॒ व्या॑नट् ॥

真実の友、輝く者たちと共に、彼はゴーダーヤサの富を裂いて撒き散らした。祈りの主は、雄牛と猪、熱に汗する者たちと共に富に行き渡った。

ते स॒त्येन॒ मन॑सा॒ गोप॑तिं॒ गा इ॑या॒नास॑ इषणयन्त धी॒भिः ।
बृह॒स्पति॑र्मि॒थोअ॑वद्यपेभि॒रुदु॒स्रिया॑ असृजत स्व॒युग्भिः॑ ॥

彼らは真実の心で牛の主を前へ押し出し、思いによって駆り立てた。ブリハスパティは、自ら軛につなぐ者たちと悪言を退ける者たちと共に、暁を解き放った。

तं व॒र्धय॑न्तो म॒तिभिः॑ शि॒वाभिः॑ सिं॒हमि॑व॒ नान॑दतं स॒धस्थे॑ ।
बृह॒स्पतिं॒ वृष॑णं॒ शूर॑सातौ॒ भरे॑भरे॒ अनु॑ मदेम जि॒ष्णुम् ॥

吉祥な讃歌で力づけられるそのブリハスパティ、雄牛、共同の座で獅子のように吠える者——戦利を争うすべての戦いで、かの勝利者に続いて我らは喜ぼう。

य॒दा वाज॒मस॑नद्वि॒श्वरू॑प॒मा द्यामरु॑क्ष॒दुत्त॑राणि॒ सद्म॑ ।
बृह॒स्पतिं॒ वृष॑णं व॒र्धय॑न्तो॒ नाना॒ सन्तो॒ बिभ्र॑तो॒ ज्योति॑रा॒सा ॥

彼が万象の力を動かし、天の高い座所に登ったとき、ブリハスパティ、雄牛は、多くの者に力づけられ、多くの形を取り、光を担い、その炎をもって。

स॒त्यामा॒शिषं॑ कृणुता वयो॒धै की॒रिं चि॒द्ध्यव॑थ॒ स्वेभि॒रेवैः॑ ।
प॒श्चा मृधो॒ अप॑ भवन्तु॒ विश्वा॒स्तद्रो॑दसी शृणुतं विश्वमि॒न्वे ॥

命を与える力への真実の願いを満たしてください。あなたがたは、貧しき者をもご自身の力で守られるのです。後ろにいるすべての敵は退きますように。天と地よ、すべてを動かす者の声を聞きたまえ。

इन्द्रो॑ म॒ह्ना म॑ह॒तो अ॑र्ण॒वस्य॒ वि मू॒र्धान॑मभिनदर्बु॒दस्य॑ ।
अह॒न्नहि॒मरि॑णात्स॒प्त सिन्धू॑न्दे॒वैर्द्या॑वापृथिवी॒ प्राव॑तं नः ॥

インドラはその偉大さによって大洋の頭を裂き、アルブダの頭を砕いた。彼は蛇を打ち、七つの川を解き放った。神々と共に、天よ地よ、我らを守りたまえ。