梨俱吠陀 · 赞歌 10.67

10.67.1

इ॒मां धियं॑ स॒प्तशी॑र्ष्णीं पि॒ता न॑ ऋ॒तप्र॑जातां बृह॒तीम॑विन्दत् ।
तु॒रीयं॑ स्विज्जनयद्वि॒श्वज॑न्यो अ॒यास्य॑ उ॒क्थमिन्द्रा॑य॒ शंस॑न् ॥

父神获得了这生于真理（ṛta）的七首广大之思。生育万物的阿耶斯亚（Ayasya）为因陀罗诵唱颂歌，生出了第四者。

ऋ॒तं शंस॑न्त ऋ॒जु दीध्या॑ना दि॒वस्पु॒त्रासो॒ असु॑रस्य वी॒राः ।
विप्रं॑ प॒दमङ्गि॑रसो॒ दधा॑ना य॒ज्ञस्य॒ धाम॑ प्रथ॒मं म॑नन्त ॥

颂扬真理（ṛta），正直地闪耀着，天之子、阿修罗的英雄之子安吉罗斯们，确立了智者的足迹，沉思祭祀的第一居所。

हं॒सैरि॑व॒ सखि॑भि॒र्वाव॑दद्भिरश्म॒न्मया॑नि॒ नह॑ना॒ व्यस्य॑न् ।
बृह॒स्पति॑रभि॒कनि॑क्रद॒द्गा उ॒त प्रास्तौ॒दुच्च॑ वि॒द्वाँ अ॑गायत् ॥

如天鹅与同伴交谈，打破石制的束缚，布里哈斯帕蒂为牛群发出吼声；智者赞颂并高声歌唱。

अ॒वो द्वाभ्यां॑ प॒र एक॑या॒ गा गुहा॒ तिष्ठ॑न्ती॒रनृ॑तस्य॒ सेतौ॑ ।
बृह॒स्पति॒स्तम॑सि॒ ज्योति॑रि॒च्छन्नुदु॒स्रा आक॒र्वि हि ति॒स्र आवः॑ ॥

在二者之下，在一者之外，布里哈斯帕蒂在黑暗中寻求光明，将站立于洞穴中、被隐藏的牛群从谎言的堤坝处举起；他显现了黎明，并开启了三者。

वि॒भिद्या॒ पुरं॑ श॒यथे॒मपा॑चीं॒ निस्त्रीणि॑ सा॒कमु॑द॒धेर॑कृन्तत् ।
बृह॒स्पति॑रु॒षसं॒ सूर्यं॒ गाम॒र्कं वि॑वेद स्त॒नय॑न्निव॒ द्यौः ॥

破开城堡之后，你们二者面朝下躺着；从海洋中他一并切断了三者。布里哈斯帕蒂找到了黎明、太阳、牛和歌，如天空般轰鸣。

इन्द्रो॑ व॒लं र॑क्षि॒तारं॒ दुघा॑नां क॒रेणे॑व॒ वि च॑कर्ता॒ रवे॑ण ।
स्वेदा॑ञ्जिभिरा॒शिर॑मि॒च्छमा॒नोऽरो॑दयत्प॒णिमा गा अ॑मुष्णात् ॥

因陀罗以如手般的器具劈开了守护产奶之牛的瓦拉，伴随吼声；与如汗水般闪耀者一同，他渴望地使帕尼哭喊，并重新夺回了牛群。

स ईं॑ स॒त्येभिः॒ सखि॑भिः शु॒चद्भि॒र्गोधा॑यसं॒ वि ध॑न॒सैर॑दर्दः ।
ब्रह्म॑ण॒स्पति॒र्वृष॑भिर्व॒राहै॑र्घ॒र्मस्वे॑देभि॒र्द्रवि॑णं॒ व्या॑नट् ॥

他与真实的伙伴、与光耀者一起，劈开并散布了戈陀耶娑的财富；祈祷之主与公牛、野猪及汗如热蒸者一同遍及财富。

ते स॒त्येन॒ मन॑सा॒ गोप॑तिं॒ गा इ॑या॒नास॑ इषणयन्त धी॒भिः ।
बृह॒स्पति॑र्मि॒थोअ॑वद्यपेभि॒रुदु॒स्रिया॑ असृजत स्व॒युग्भिः॑ ॥

他们以真实之心推动牧牛之主前行，以智慧激励他；布里哈斯帕蒂与自缚者及拒斥恶言者一同，释放了曙光。

तं व॒र्धय॑न्तो म॒तिभिः॑ शि॒वाभिः॑ सिं॒हमि॑व॒ नान॑दतं स॒धस्थे॑ ।
बृह॒स्पतिं॒ वृष॑णं॒ शूर॑सातौ॒ भरे॑भरे॒ अनु॑ मदेम जि॒ष्णुम् ॥

以吉祥的赞歌增强那位公牛般的布里哈斯帕蒂，他如狮子般在共同之座上咆哮；愿我们在战利品争夺的每一场竞斗中，跟随那位胜利者而欢喜。

य॒दा वाज॒मस॑नद्वि॒श्वरू॑प॒मा द्यामरु॑क्ष॒दुत्त॑राणि॒ सद्म॑ ।
बृह॒स्पतिं॒ वृष॑णं व॒र्धय॑न्तो॒ नाना॒ सन्तो॒ बिभ्र॑तो॒ ज्योति॑रा॒सा ॥

当他推动万相之力，攀上天空的高处居所时，布里哈斯帕蒂，那公牛，被众人增强，以多种形态存在，承载光明，以他的火焰。

स॒त्यामा॒शिषं॑ कृणुता वयो॒धै की॒रिं चि॒द्ध्यव॑थ॒ स्वेभि॒रेवैः॑ ।
प॒श्चा मृधो॒ अप॑ भवन्तु॒ विश्वा॒स्तद्रो॑दसी शृणुतं विश्वमि॒न्वे ॥

成就那真实的祈愿，赐予生命之力；你们确实以自身的力量庇护贫者。愿身后的一切敌人被驱散；啊天与地，请听那驱动万物者。

इन्द्रो॑ म॒ह्ना म॑ह॒तो अ॑र्ण॒वस्य॒ वि मू॒र्धान॑मभिनदर्बु॒दस्य॑ ।
अह॒न्नहि॒मरि॑णात्स॒प्त सिन्धू॑न्दे॒वैर्द्या॑वापृथिवी॒ प्राव॑तं नः ॥

因陀罗以其伟大分裂了大海之首，击碎了阿尔布达之头；他击杀了蛇，释放了七条河流；愿天与地连同诸神保护我们！