梨俱吠陀 · 赞歌 7.74

7.74.1

इ॒मा उ॑ वां॒ दिवि॑ष्टय उ॒स्रा ह॑वन्ते अश्विना ।
अ॒यं वा॑म॒ह्वेऽव॑से शचीवसू॒ विशं॑विशं॒ हि गच्छ॑थः ॥

阿溯双神啊，居于晨曦者呼唤你们。力量强大的神啊，我为求助而召唤你们；你们确实走向每一处居所。

यु॒वं चि॒त्रं द॑दथु॒र्भोज॑नं नरा॒ चोदे॑थां सू॒नृता॑वते ।
अ॒र्वाग्रथं॒ सम॑नसा॒ नि य॑च्छतं॒ पिब॑तं सो॒म्यं मधु॑ ॥

你们二神赐予了奇妙的供养，英雄们啊；请激励那真正压榨苏摩的人。同心合意，将你们的战车驾来此处停下；饮用苏摩甘甜的汁液。

आ या॑त॒मुप॑ भूषतं॒ मध्वः॑ पिबतमश्विना ।
दु॒ग्धं पयो॑ वृषणा जेन्यावसू॒ मा नो॑ मर्धिष्ट॒मा ग॑तम् ॥

来到此处，靠近甘甜之物，装饰它并饮用吧，阿溯双神。请饮用挤出的乳汁，雄健者们，拥有战中所获财富的神啊；不要忽视我们，来到这里。

अश्वा॑सो॒ ये वा॒मुप॑ दा॒शुषो॑ गृ॒हं यु॒वां दीय॑न्ति॒ बिभ्र॑तः ।
म॒क्षू॒युभि॑र्नरा॒ हये॑भिरश्वि॒ना दे॑वा यातमस्म॒यू ॥

为你们前往施主之家的马匹，载着你们闪耀。乘着疾驰的马匹，英雄们啊，阿溯双神啊，诸神啊，请作为眷顾我们的朋友来到这里。

अधा॑ ह॒ यन्तो॑ अ॒श्विना॒ पृक्षः॑ सचन्त सू॒रयः॑ ।
ता यं॑सतो म॒घव॑द्भ्यो ध्रु॒वं यश॑श्च्छ॒र्दिर॒स्मभ्यं॒ नास॑त्या ॥

那时，阿溯双神啊，当你们走在自己的道路上，热切的祭者随你们而行。愿你们二神赐予慷慨者坚定的荣耀与庇护——也赐予我们，纳撒提亚啊。

प्र ये य॒युर॑वृ॒कासो॒ रथा॑ इव नृपा॒तारो॒ जना॑नाम् ।
उ॒त स्वेन॒ शव॑सा शूशुवु॒र्नर॑ उ॒त क्षि॑यन्ति सुक्षि॒तिम् ॥

那些前行者，像无害的战车般行进，是诸王与众人的护卫；那些英雄凭自身之力觉醒，居住在美好的居所中。