梨俱吠陀 · 赞歌 9.14

9.14.1

परि॒ प्रासि॑ष्यदत्क॒विः सिन्धो॑रू॒र्मावधि॑ श्रि॒तः ।
का॒रं बिभ्र॑त्पुरु॒स्पृह॑म् ॥

诗人苏摩安坐于信度河的波浪之上，四处流淌，手持化作万千形态的滤器。

गि॒रा यदी॒ सब॑न्धवः॒ पञ्च॒ व्राता॑ अप॒स्यवः॑ ।
प॒रि॒ष्कृ॒ण्वन्ति॑ धर्ण॒सिम् ॥

当同族的五组不知疲倦者以歌声净化并装饰那明亮的苏摩时。

आद॑स्य शु॒ष्मिणो॒ रसे॒ विश्वे॑ दे॒वा अ॑मत्सत ।
यदी॒ गोभि॑र्वसा॒यते॑ ॥

那时，在这位强大苏摩的汁液中，诸神皆欢喜，当他与牛乳相混合之时。

नि॒रि॒णा॒नो वि धा॑वति॒ जह॒च्छर्या॑णि॒ तान्वा॑ ।
अत्रा॒ सं जि॑घ्नते यु॒जा ॥

他急速涌出而奔流，抛下那些污秽之部分；在这里，他与他的轭一同被压榨。

न॒प्तीभि॒र्यो वि॒वस्व॑तः शु॒भ्रो न मा॑मृ॒जे युवा॑ ।
गाः कृ॑ण्वा॒नो न नि॒र्णिज॑म् ॥

他与毗婆斯婆之女们同在，明亮而年轻地被净化，产生牛群（光线），如同沐浴一般。

अति॑ श्रि॒ती ति॑र॒श्चता॑ ग॒व्या जि॑गा॒त्यण्व्या॑ ।
व॒ग्नुमि॑यर्ति॒ यं वि॒दे ॥

他斜斜地越过座位，朝向牛乳而去，携着羊毛滤布前进；他所遇见的人，他便推动使其前行。

अ॒भि क्षिपः॒ सम॑ग्मत म॒र्जय॑न्तीरि॒षस्पति॑म् ।
पृ॒ष्ठा गृ॑भ्णत वा॒जिनः॑ ॥

诸流清净食物之主，一同向他而来；它们握住强健的苏摩的背脊。

परि॑ दि॒व्यानि॒ मर्मृ॑श॒द्विश्वा॑नि सोम॒ पार्थि॑वा ।
वसू॑नि याह्यस्म॒युः ॥

苏摩啊，你净化天上地上的一切；愿你眷顾我们，带着一切财富而来。