リグ・ヴェーダ · スークタ 9.70

9.70.1

त्रिर॑स्मै स॒प्त धे॒नवो॑ दुदुह्रे स॒त्यामा॒शिरं॑ पू॒र्व्ये व्यो॑मनि ।
च॒त्वार्य॒न्या भुव॑नानि नि॒र्णिजे॒ चारू॑णि चक्रे॒ यदृ॒तैरव॑र्धत ॥

七頭の雌牛が彼のために三度乳を搾った。古き最高の天蓋には真の乳の流れがある。秩序（ṛta）の儀礼によって彼が力を増した時、浄化する者のために四つの他の世界と美しいものを造った。

स भिक्ष॑माणो अ॒मृत॑स्य॒ चारु॑ण उ॒भे द्यावा॒ काव्ये॑ना॒ वि श॑श्रथे ।
तेजि॑ष्ठा अ॒पो मं॒हना॒ परि॑ व्यत॒ यदी॑ दे॒वस्य॒ श्रव॑सा॒ सदो॑ वि॒दुः ॥

不死なるもの、美しきものの恩寵を求めて、彼は霊感の言葉によって両界を押し広げた。神の栄光によって彼の座を知るとき、最も輝く水は彼の力で四方へ流れる。

ते अ॑स्य सन्तु के॒तवोऽमृ॑त्य॒वोऽदा॑भ्यासो ज॒नुषी॑ उ॒भे अनु॑ ।
येभि॑र्नृ॒म्णा च॑ दे॒व्या॑ च पुन॒त आदिद्राजा॑नं म॒नना॑ अगृभ्णत ॥

それらが彼の旗となれ。不死にして無傷のものとして、両方の誕生とともに。それによって勇者と神聖な女性たちが清められ、そのとき思惟する聖者たちが王を捕らえた。

स मृ॒ज्यमा॑नो द॒शभिः॑ सु॒कर्म॑भिः॒ प्र म॑ध्य॒मासु॑ मा॒तृषु॑ प्र॒मे सचा॑ ।
व्र॒तानि॑ पा॒नो अ॒मृत॑स्य॒ चारु॑ण उ॒भे नृ॒चक्षा॒ अनु॑ पश्यते॒ विशौ॑ ॥

十の善行によって清められながら、中の母たちの間を、尺度とともに進む。不死なるもの、美しきものを飲むソーマは誓願を見る。人々を見るその者は、両界と民とを見渡す。

स म॑र्मृजा॒न इ॑न्द्रि॒याय॒ धाय॑स॒ ओभे अ॒न्ता रोद॑सी हर्षते हि॒तः ।
वृषा॒ शुष्मे॑ण बाधते॒ वि दु॑र्म॒तीरा॒देदि॑शानः शर्य॒हेव॑ शु॒रुधः॑ ॥

自らを清めつつ、力と養いのために、両界の間で喜ぶ。雄牛ソーマは勢いをもって悪意ある敵を打ち払う、敵を滅ぼすインドラのように。

स मा॒तरा॒ न ददृ॑शान उ॒स्रियो॒ नान॑ददेति म॒रुता॑मिव स्व॒नः ।
जा॒नन्नृ॒तं प्र॑थ॒मं यत्स्व॑र्णरं॒ प्रश॑स्तये॒ कम॑वृणीत सु॒क्रतुः॑ ॥

両方の母のように見え、輝きつつ、彼は吠え、嵐の神々の声のように進む。秩序を知り、最初に太陽を見出す者となったとき、賢きソーマは讃えるために誰を選んだのか。

रु॒वति॑ भी॒मो वृ॑ष॒भस्त॑वि॒ष्यया॒ शृङ्गे॒ शिशा॑नो॒ हरि॑णी विचक्ष॒णः ।
आ योनिं॒ सोमः॒ सुकृ॑तं॒ नि षी॑दति ग॒व्ययी॒ त्वग्भ॑वति नि॒र्णिग॒व्ययी॑ ॥

恐るべき雄牛ソーマは力で吠え、二本の角を研ぎ澄ませ、遠くを見通す。ソーマは造られた座につく。牛を求める皮となり、羊を求める浄化者となる。

शुचिः॑ पुना॒नस्त॒न्व॑मरे॒पस॒मव्ये॒ हरि॒र्न्य॑धाविष्ट॒ सान॑वि ।
जुष्टो॑ मि॒त्राय॒ वरु॑णाय वा॒यवे॑ त्रि॒धातु॒ मधु॑ क्रियते सु॒कर्म॑भिः ॥

浄めるソーマは身体を無傷にする。羊毛の中の黄褐色のソーマは高い尾根へと降りてきた。ミトラ、ヴァルナ、ヴァーユを喜ばせるため、三重に支える蜜が善行の祭主たちによって作られる。

पव॑स्व सोम दे॒ववी॑तये॒ वृषेन्द्र॑स्य॒ हार्दि॑ सोम॒धान॒मा वि॑श ।
पु॒रा नो॑ बा॒धाद्दु॑रि॒ताति॑ पारय क्षेत्र॒विद्धि दिश॒ आहा॑ विपृच्छ॒ते ॥

神々の恩寵のために流れよ、ソーマよ。雄牛よ、インドラの心臓の中のソーマを保つ場所に入れ。以前、苦難と不幸から我々を渡らせよ。場所を知る者は、問う者に確かに方角を告げた。

हि॒तो न सप्ति॑र॒भि वाज॑म॒र्षेन्द्र॑स्येन्दो ज॒ठर॒मा प॑वस्व ।
ना॒वा न सिन्धु॒मति॑ पर्षि वि॒द्वाञ्शूरो॒ न युध्य॒न्नव॑ नो नि॒द स्पः॑ ॥

駆り立てられたソーマよ、戦利品を求める速い馬のように、インドラの腹へと流れよ、滴よ。舟で川を渡すように、知ってわれらを渡す。英雄のように戦い、罠からわれらを遠ざけよ。