梨俱吠陀 · 赞歌 1.47

1.47.1

अ॒यं वां॒ मधु॑मत्तमः सु॒तः सोम॑ ऋतावृधा ।
तम॑श्विना पिबतं ति॒रोअ॑ह्न्यं ध॒त्तं रत्ना॑नि दा॒शुषे॑ ॥

ṛta的护持者阿溯因啊，这最甘甜如蜜的苏摩已经压榨完毕。请你们二位饮用这在白昼两端奉献的苏摩，并将财富赐予慷慨的施主。

त्रि॒व॒न्धु॒रेण॑ त्रि॒वृता॑ सु॒पेश॑सा॒ रथे॒ना या॑तमश्विना ।
कण्वा॑सो वां॒ ब्रह्म॑ कृण्वन्त्यध्व॒रे तेषां॒ सु शृ॑णुतं॒ हव॑म् ॥

阿溯因啊，请乘坐你们三座、三层、制作精良的战车来到这里。迦那瓦们在祭祀中为你们作颂；请好好聆听他们的呼唤。

अश्वि॑ना॒ मधु॑मत्तमं पा॒तं सोम॑मृतावृधा ।
अथा॒द्य द॑स्रा॒ वसु॒ बिभ्र॑ता॒ रथे॑ दा॒श्वांस॒मुप॑ गच्छतम् ॥

阿溯因啊，请饮用这最甘甜如蜜的苏摩，ṛta的护持者。然后今日，行奇迹的你们，在战车上载着财富，来到慷慨的施主身边。

त्रि॒ष॒ध॒स्थे ब॒र्हिषि॑ विश्ववेदसा॒ मध्वा॑ य॒ज्ञं मि॑मिक्षतम् ।
कण्वा॑सो वां सु॒तसो॑मा अ॒भिद्य॑वो यु॒वां ह॑वन्ते अश्विना ॥

在三座的吉祥草上，全知的阿溯因啊，请以甘甜充满祭祀。压榨了苏摩、光辉灿烂的迦那瓦们呼唤你们二位，阿溯因啊。

याभिः॒ कण्व॑म॒भिष्टि॑भिः॒ प्राव॑तं यु॒वम॑श्विना ।
ताभिः॒ ष्व॑स्माँ अ॑वतं शुभस्पती पा॒तं सोम॑मृतावृधा ॥

阿溯因啊，你们以护佑迦那瓦的那些助力，请好好护佑我们。光辉的主宰者，ṛta的护持者，请饮用苏摩。

सु॒दासे॑ दस्रा॒ वसु॒ बिभ्र॑ता॒ रथे॒ पृक्षो॑ वहतमश्विना ।
र॒यिं स॑मु॒द्रादु॒त वा॑ दि॒वस्परि॑ अ॒स्मे ध॑त्तं पुरु॒स्पृह॑म् ॥

为了苏达斯，行奇迹的你们，在战车上载着财富，阿溯因啊，请带来谷物与果实。那众人所渴望的财富，无论来自海洋还是天空，请赐给我们。

यन्ना॑सत्या परा॒वति॒ यद्वा॒ स्थो अधि॑ तु॒र्वशे॑ ।
अतो॒ रथे॑न सु॒वृता॑ न॒ आ ग॑तं सा॒कं सूर्य॑स्य र॒श्मिभिः॑ ॥

啊，那撒提亚们，无论你们在远方还是在图尔瓦萨身边，请乘坐车轮完好的战车，与太阳的光芒一同来到我们这里。

अ॒र्वाञ्चा॑ वां॒ सप्त॑योऽध्वर॒श्रियो॒ वह॑न्तु॒ सव॒नेदुप॑ ।
इषं॑ पृ॒ञ्चन्ता॑ सु॒कृते॑ सु॒दान॑व॒ आ ब॒र्हिः सी॑दतं नरा ॥

愿象征祭祀荣光的七匹马将你们二位带到祭祀之处。啊，慷慨的英雄们，为行善之人充满食物，请坐在圣草上。

तेन॑ नास॒त्या ग॑तं॒ रथे॑न॒ सूर्य॑त्वचा ।
येन॒ शश्व॑दू॒हथु॑र्दा॒शुषे॒ वसु॒ मध्वः॒ सोम॑स्य पी॒तये॑ ॥

啊，那撒提亚们，请乘坐那辆如太阳般光辉的战车来到这里，你们曾凭它为施主带来财富，并带来甜如蜜的苏摩供人饮用。

उ॒क्थेभि॑र॒र्वागव॑से पुरू॒वसू॑ अ॒र्कैश्च॒ नि ह्व॑यामहे ।
शश्व॒त्कण्वा॑नां॒ सद॑सि प्रि॒ये हि कं॒ सोमं॑ प॒पथु॑रश्विना ॥

我们以颂歌与赞诗召唤你们来到这里，多宝的二位，求你们护佑；因为在迦那瓦们可爱的集会中，啊，阿什温们，你们总是饮用苏摩。