リグ・ヴェーダ · スークタ 2.3

2.3.1

समि॑द्धो अ॒ग्निर्निहि॑तः पृथि॒व्यां प्र॒त्यङ्विश्वा॑नि॒ भुव॑नान्यस्थात् ।
होता॑ पाव॒कः प्र॒दिवः॑ सुमे॒धा दे॒वो दे॒वान्य॑जत्व॒ग्निरर्ह॑न् ॥

点火されたアグニは大地に据えられ、あらゆる世界に向かって立った。招請者、浄化者、古来より賢き神なるアグニが、ふさわしく神々を祀らんことを。

नरा॒शंसः॒ प्रति॒ धामा॑न्य॒ञ्जन्ति॒स्रो दिवः॒ प्रति॑ म॒ह्ना स्व॒र्चिः ।
घृ॒त॒प्रुषा॒ मन॑सा ह॒व्यमु॒न्दन्मू॒र्धन्य॒ज्ञस्य॒ सम॑नक्तु दे॒वान् ॥

ナラーシャンサよ、その力によって三つの天の住処へ光を広げ給え。酥油を注ぎ、心で供物を潤すアグニが、祭祀の頂で神々を共に灌ぎ給わんことを。

ई॒ळि॒तो अ॑ग्ने॒ मन॑सा नो॒ अर्ह॑न्दे॒वान्य॑क्षि॒ मानु॑षा॒त्पूर्वो॑ अ॒द्य ।
स आ व॑ह म॒रुतां॒ शर्धो॒ अच्यु॑त॒मिन्द्रं॑ नरो बर्हि॒षदं॑ यजध्वम् ॥

心をもって讃えられしアグニよ、ふさわしく、人間に先んじて、今日神々を祀り給え。マルトたちの力と揺るがぬインドラをここへ導き給え。人々よ、吉祥草に座すインドラを祀れ。

देव॑ बर्हि॒र्वर्ध॑मानं सु॒वीरं॑ स्ती॒र्णं रा॒ये सु॒भरं॒ वेद्य॒स्याम् ।
घृ॒तेना॒क्तं व॑सवः सीदते॒दं विश्वे॑ देवा आदित्या य॒ज्ञिया॑सः ॥

神よ、成長する吉祥草、英雄を授ける者、富のために敷かれし者、吉き運び手よ、この祭壇の上に。ヴァスよ、酥油に灌がれて、ここに坐し給え。すべての神々よ、アーディティヤよ、供犠に値する者よ、ここに坐し給え。

वि श्र॑यन्तामुर्वि॒या हू॒यमा॑ना॒ द्वारो॑ दे॒वीः सु॑प्राय॒णा नमो॑भिः ।
व्यच॑स्वती॒र्वि प्र॑थन्तामजु॒र्या वर्णं॑ पुना॒ना य॒शसं॑ सु॒वीर॑म् ॥

招かれし神聖なる門よ、広く開け給え。礼拝によって通りやすき神の門よ。光に満ちて広がり給え、老いなく、色を清め、栄誉と勇者を授け給え。

सा॒ध्वपां॑सि स॒नता॑ न उक्षि॒ते उ॒षासा॒नक्ता॑ व॒य्ये॑व रण्वि॒ते ।
तन्तुं॑ त॒तं सं॒वय॑न्ती समी॒ची य॒ज्ञस्य॒ पेशः॑ सु॒दुघे॒ पय॑स्वती ॥

ウシャスとラートリーは、常に善き業を成し、我らのために灌がれて、機織りのごとし。張られた糸を共に織り、供犠の美しき文様を織り成し、搾りやすく乳に満ちたる者たち。

दैव्या॒ होता॑रा प्रथ॒मा वि॒दुष्ट॑रा ऋ॒जु य॑क्षतः॒ समृ॒चा व॒पुष्ट॑रा ।
दे॒वान्यज॑न्तावृतु॒था सम॑ञ्जतो॒ नाभा॑ पृथि॒व्या अधि॒ सानु॑षु त्रि॒षु ॥

神聖で最初の、最も賢い二人のホータが、正しく、ṛcによって最も輝かしくなり、崇拝せよ。大地の臍において、三つの尾根の上で、季節に応じて神々を敬い、共に彼らを飾れ。

सर॑स्वती सा॒धय॑न्ती॒ धियं॑ न॒ इळा॑ दे॒वी भार॑ती वि॒श्वतू॑र्तिः ।
ति॒स्रो दे॒वीः स्व॒धया॑ ब॒र्हिरेदमच्छि॑द्रं पान्तु शर॒णं नि॒षद्य॑ ॥

我らの思いを成就させるサラスヴァティー、女神イラー、万物を形作る女神バーラティー——この三女神が、供物とともに吉草の上に座して、この無垢の庇護を守らんことを。

पि॒शङ्ग॑रूपः सु॒भरो॑ वयो॒धाः श्रु॒ष्टी वी॒रो जा॑यते दे॒वका॑मः ।
प्र॒जां त्वष्टा॒ वि ष्य॑तु॒ नाभि॑म॒स्मे अथा॑ दे॒वाना॒मप्ये॑तु॒ पाथः॑ ॥

黄褐色の姿、よく担う者、命を与える者、行いにより勇者、神々を慕う息子が生まれる。トヴァシュトリがわが子孫のために臍を開き、その後、神々の道にも至らんことを。

वन॒स्पति॑रवसृ॒जन्नुप॑ स्थाद॒ग्निर्ह॒विः सू॑दयाति॒ प्र धी॒भिः ।
त्रिधा॒ सम॑क्तं नयतु प्रजा॒नन्दे॒वेभ्यो॒ दैव्यः॑ शमि॒तोप॑ ह॒व्यम् ॥

樹木の主が自らを捧げて近くに立ち、アグニが祈りによって供物を喜ばせよ。三重に結ばれた供物を知り、それを神々のもとへ導け。神聖な祭主が供物に近づかんことを。

घृ॒तं मि॑मिक्षे घृ॒तम॑स्य॒ योनि॑र्घृ॒ते श्रि॒तो घृ॒तं व॑स्य॒ धाम॑ ।
अ॒नु॒ष्व॒धमा व॑ह मा॒दय॑स्व॒ स्वाहा॑कृतं वृषभ वक्षि ह॒व्यम् ॥

彼は酥油に浸されている。酥油が彼の源、酥油に彼は安らぎ、酥油が彼の住処である。順序通りここへ運び、喜べ。おお牡牛よ、スヴァーハーとともに捧げられた供物を運べ。