梨俱吠陀 · 赞歌 7.2

7.2.1

जु॒षस्व॑ नः स॒मिध॑मग्ने अ॒द्य शोचा॑ बृ॒हद्य॑ज॒तं धू॒ममृ॒ण्वन् ।
उप॑ स्पृश दि॒व्यं सानु॒ स्तूपैः॒ सं र॒श्मिभि॑स्ततनः॒ सूर्य॑स्य ॥

阿耆尼啊，今日接受我们的薪柴并熊熊燃烧；送出庞大而可敬的烟雾，触及天上的高处，并以柱石和光线展开太阳的光明。

नरा॒शंस॑स्य महि॒मान॑मेषा॒मुप॑ स्तोषाम यज॒तस्य॑ य॒ज्ञैः ।
ये सु॒क्रत॑वः॒ शुच॑यो धियं॒धाः स्वद॑न्ति दे॒वा उ॒भया॑नि ह॒व्या ॥

让我们以敬拜者的祭祀，赞颂那纳拉郝姆萨与这些神明的伟大；那些心怀善意、纯洁、持守智慧的诸神，品尝两种祭品。

ई॒ळेन्यं॑ वो॒ असु॑रं सु॒दक्ष॑म॒न्तर्दू॒तं रोद॑सी सत्य॒वाच॑म् ।
म॒नु॒ष्वद॒ग्निं मनु॑ना॒ समि॑द्धं॒ सम॑ध्व॒राय॒ सद॒मिन्म॑हेम ॥

阿耆尼，为你们所赞颂，具阿修罗之力，极其精巧，是天地之间的使者，言语真实；由摩奴如摩奴般点燃，我们当为祭祀永远敬奉他。

स॒प॒र्यवो॒ भर॑माणा अभि॒ज्ञु प्र वृ॑ञ्जते॒ नम॑सा ब॒र्हिर॒ग्नौ ।
आ॒जुह्वा॑ना घृ॒तपृ॑ष्ठं॒ पृष॑द्व॒दध्व॑र्यवो ह॒विषा॑ मर्जयध्वम् ॥

诸位敬拜的祭司，你们屈膝铺设圣草，呼唤酥背与斑马之神；祭仪官啊，请以祭品令他们欢喜。

स्वा॒ध्यो॑ वि दुरो॑ देव॒यन्तोऽशि॑श्रयू रथ॒युर्दे॒वता॑ता ।
पू॒र्वी शिशुं॒ न मा॒तरा॑ रिहा॒णे सम॒ग्रुवो॒ न सम॑नेष्वञ्जन् ॥

自有准备的祭司们渴望诸神，将门扉分开；渴望车驾，便坐于神道之上。如同两位古老的母亲舔舐幼子，他们在集会中以膏油涂抹。

उ॒त योष॑णे दि॒व्ये म॒ही न॑ उ॒षासा॒नक्ता॑ सु॒दुघे॑व धे॒नुः ।
ब॒र्हि॒षदा॑ पुरुहू॒ते म॒घोनी॒ आ य॒ज्ञिये॑ सुवि॒ताय॑ श्रयेताम् ॥

愿这两位伟大神圣的女神，黎明与夜晚，对我们如易于挤奶的母牛；她们坐于圣草之上，备受呼唤，富有而值得祭祀，为福祉而来。

विप्रा॑ य॒ज्ञेषु॒ मानु॑षेषु का॒रू मन्ये॑ वां जा॒तवे॑दसा॒ यज॑ध्यै ।
ऊ॒र्ध्वं नो॑ अध्व॒रं कृ॑तं॒ हवे॑षु॒ ता दे॒वेषु॑ वनथो॒ वार्या॑णि ॥

我认为你们二位，智慧而灵巧，在祭祀中和世人之间都值得敬拜。请在我们的呼唤中抬高我们的祭祀；愿你们在诸神之中获得上好的财富。

आ भार॑ती॒ भार॑तीभिः स॒जोषा॒ इळा॑ दे॒वैर्म॑नु॒ष्ये॑भिर॒ग्निः ।
सर॑स्वती सारस्व॒तेभि॑र॒र्वाक्ति॒स्रो दे॒वीर्ब॒र्हिरेदं स॑दन्तु ॥

愿婆罗提与她的婆罗提众一同来此，愿伊达与诸神、世人相聚而来，阿耆尼也来。愿萨罗室伐蒂与萨罗室伐多人一同来此；愿三位女神坐在这圣草上。

तन्न॑स्तु॒रीप॒मध॑ पोषयि॒त्नु देव॑ त्वष्ट॒र्वि र॑रा॒णः स्य॑स्व ।
यतो॑ वी॒रः क॑र्म॒ण्यः॑ सु॒दक्षो॑ यु॒क्तग्रा॑वा॒ जाय॑ते दे॒वका॑मः ॥

天神特瓦什塔，请赐予我们那丰饶滋养的恩赐，并慷慨地施与。愿生出一个英雄之子，善于行事、技艺精湛、擅长用石头压榨苏摩，并且敬慕诸神。

वन॑स्प॒तेऽव॑ सृ॒जोप॑ दे॒वान॒ग्निर्ह॒विः श॑मि॒ता सू॑दयाति ।
सेदु॒ होता॑ स॒त्यत॑रो यजाति॒ यथा॑ दे॒वानां॒ जनि॑मानि॒ वेद॑ ॥

林中之主啊，请将其降下，送至诸神之前；愿阿耆尼倾注供物，愿施主使苏摩流淌。愿那位更为诚实的祭司行祭，使他得知诸神的诞生。

आ या॑ह्यग्ने समिधा॒नो अ॒र्वाङिन्द्रे॑ण दे॒वैः स॒रथं॑ तु॒रेभिः॑ ।
ब॒र्हिर्न॑ आस्ता॒मदि॑तिः सुपु॒त्रा स्वाहा॑ दे॒वा अ॒मृता॑ मादयन्ताम् ॥

阿耆尼啊，请点燃而来，与因陀罗及诸神同乘一车，疾速到来。圣草已为我们铺设；愿富有善子的阿底提在此就座。斯瓦哈！愿不死的诸神欢喜。