リグ・ヴェーダ · スークタ 10.94
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
10.94.1
प्रैते व॑दन्तु॒ प्र व॒यं व॑दाम॒ ग्राव॑भ्यो॒ वाचं॑ वदता॒ वद॑द्भ्यः ।
यद॑द्रयः पर्वताः सा॒कमा॒शवः॒ श्लोकं॒ घोषं॒ भर॒थेन्द्रा॑य सो॒मिनः॑ ॥
彼らに語らせよ。われらも圧搾石のために語ろう。石よ、山よ、共に疾く来るとき、ソーマを搾る者たちよ、インドラのために歌と轟きをもたらす。
10.94.2
ए॒ते व॑दन्ति श॒तव॑त्स॒हस्र॑वद॒भि क्र॑न्दन्ति॒ हरि॑तेभिरा॒सभिः॑ ।
वि॒ष्ट्वी ग्रावा॑णः सु॒कृतः॑ सुकृ॒त्यया॒ होतु॑श्चि॒त्पूर्वे॑ हवि॒रद्य॑माशत ॥
彼らは百倍千倍に語り、黄褐色の杵で叫ぶ。よく作られた石よ、巧みな業により、まことにホトリの業によって、古人は供物の食に至った。
10.94.3
ए॒ते व॑द॒न्त्यवि॑दन्न॒ना मधु॒ न्यू॑ङ्खयन्ते॒ अधि॑ प॒क्व आमि॑षि ।
वृ॒क्षस्य॒ शाखा॑मरु॒णस्य॒ बप्स॑त॒स्ते सूभ॑र्वा वृष॒भाः प्रेम॑राविषुः ॥
彼らは語る。ここに甘露を得られず、熟したソーマを容器の中で揺り落とす。木の枝と赤みを帯びた汁をつかみ、かの良き荷負いの牡牛たちが駆け出した。
10.94.4
बृ॒हद्व॑दन्ति मदि॒रेण॑ म॒न्दिनेन्द्रं॒ क्रोश॑न्तोऽविदन्न॒ना मधु॑ ।
सं॒रभ्या॒ धीराः॒ स्वसृ॑भिरनर्तिषुराघो॒षय॑न्तः पृथि॒वीमु॑प॒ब्दिभिः॑ ॥
彼らは大いに語り、酔わせ高揚させるソーマで、インドラのために叫ぶ。ここで甘露を見いだした。堅固な賢者たちは姉妹たちと踊り、圧搾石で大地を鳴り響かせた。
10.94.5
सु॒प॒र्णा वाच॑मक्र॒तोप॒ द्यवि॑ आख॒रे कृष्णा॑ इषि॒रा अ॑नर्तिषुः ।
न्य॑ङ्नि य॒न्त्युप॑रस्य निष्कृ॒तं पु॒रू रेतो॑ दधिरे सूर्य॒श्वितः॑ ॥
翼ある者たちが言葉を作る。天空に、杵臼に、黒く速き者たちが舞う。下へ、下へ、直立する浄めの場所へ彼らは行く。多くの種子を置く、太陽を求める者たちよ。
10.94.6
उ॒ग्रा इ॑व प्र॒वह॑न्तः स॒माय॑मुः सा॒कं यु॒क्ता वृष॑णो॒ बिभ्र॑तो॒ धुरः॑ ।
यच्छ्व॒सन्तो॑ जग्रसा॒ना अरा॑विषुः शृ॒ण्व ए॑षां प्रो॒थथो॒ अर्व॑तामिव ॥
猛き者が前へ突進するように、彼らは共に抑えた。軛につながれた牡牛が轅を担う。息をし、呑み込みながら駆けるとき、その轟きが聞こえる、馬の轅を担う者の響きのように。
10.94.7
दशा॑वनिभ्यो॒ दश॑कक्ष्येभ्यो॒ दश॑योक्त्रेभ्यो॒ दश॑योजनेभ्यः ।
दशा॑भीशुभ्यो अर्चता॒जरे॑भ्यो॒ दश॒ धुरो॒ दश॑ यु॒क्ता वह॑द्भ्यः ॥
十のアヴァニ、十のカクシャ、十のヨクトラ、十のヨージャナ、十のアビーシュを持つ者たちを讃えよ。老いなき者たちには十の軸と、荷を運ぶ十頭の繋がれた馬を捧げよ。
10.94.8
ते अद्र॑यो॒ दश॑यन्त्रास आ॒शव॒स्तेषा॑मा॒धानं॒ पर्ये॑ति हर्य॒तम् ।
त ऊ॑ सु॒तस्य॑ सो॒म्यस्यान्ध॑सो अं॒शोः पी॒यूषं॑ प्रथ॒मस्य॑ भेजिरे ॥
その石は十の手綱を持ち、速い。その据え置きの周りを黄金の汁が巡る。彼らは搾られたソーマの、甘美なアンダサの滴の最初の一口を受けた。
10.94.9
ते सो॒मादो॒ हरी॒ इन्द्र॑स्य निंसते अं॒शुं दु॒हन्तो॒ अध्या॑सते॒ गवि॑ ।
तेभि॑र्दु॒ग्धं प॑पि॒वान्त्सो॒म्यं मधु॒ इन्द्रो॑ वर्धते॒ प्रथ॑ते वृषा॒यते॑ ॥
ソーマに酔ったその二頭の栗毛の馬がインドラの戦車を引く。汁を搾りながら、彼らは雌牛の上に座る。彼らが搾ったソーマの蜜を飲んで、インドラは力を増し、広がり、雄牛のように奔る。
10.94.10
वृषा॑ वो अं॒शुर्न किला॑ रिषाथ॒नेळा॑वन्तः॒ सद॒मित्स्थ॒नाशि॑ताः ।
रै॒व॒त्येव॒ मह॑सा॒ चार॑व स्थन॒ यस्य॑ ग्रावाणो॒ अजु॑षध्वमध्व॒रम् ॥
あなたたちの雄牛のような汁は決して無駄にならない。イラーを持つ、常に据えられた石よ、あなたたちは確かに立っており、ライヴァタのように偉大さで輝く。石よ、あなたたちが喜んで受けた祭祀は幸いである。
10.94.11
तृ॒दि॒ला अतृ॑दिलासो॒ अद्र॑यो अश्रम॒णा अशृ॑थिता॒ अमृ॑त्यवः ।
अ॒ना॒तु॒रा अ॒जरा॒ स्थाम॑विष्णवः सुपी॒वसो॒ अतृ॑षिता॒ अतृ॑ष्णजः ॥
疲れぬもの、疲れぬもの、石たちよ。欠けず、妨げられず、不死である。老いなく、動かず、妨げられず、衰えず、よく養われ、渇かず、渇望のないもの。
10.94.12
ध्रु॒वा ए॒व वः॑ पि॒तरो॑ यु॒गेयु॑गे॒ क्षेम॑कामासः॒ सद॑सो॒ न यु॑ञ्जते ।
अ॒जु॒र्यासो॑ हरि॒षाचो॑ ह॒रिद्र॑व॒ आ द्यां रवे॑ण पृथि॒वीम॑शुश्रवुः ॥
あなたたちの祖霊は実に堅固であり、どの時代にも幸福を望み、その座に繋がれる。老いなき者、栗毛の馬を負う者、栗毛の走者、咆哮で天と地に聞かせた。
10.94.13
तदिद्व॑द॒न्त्यद्र॑यो वि॒मोच॑ने॒ याम॑न्नञ्ज॒स्पा इ॑व॒ घेदु॑प॒ब्दिभिः॑ ।
वप॑न्तो॒ बीज॑मिव धान्या॒कृतः॑ पृ॒ञ्चन्ति॒ सोमं॒ न मि॑नन्ति॒ बप्स॑तः ॥
圧搾石はこう言う。解き放たれるとき、彼らは水の流れの中の器用な手の者のようだ。下の石で種をまく穀物の耕作者のように、彼らはソーマを混ぜ、砕きはしない。
10.94.14
सु॒ते अ॑ध्व॒रे अधि॒ वाच॑मक्र॒ता क्री॒ळयो॒ न मा॒तरं॑ तु॒दन्तः॑ ।
वि षू मु॑ञ्चा सुषु॒वुषो॑ मनी॒षां वि व॑र्तन्ता॒मद्र॑य॒श्चाय॑मानाः ॥
ソーマが搾られる供犠で、彼らは言葉を生み出す。遊ぶ少年たちが母を押すように。供犠者よ、搾る者の霊感の思いを解き放て。動く石よ、回って進め。