梨俱吠陀 · 赞歌 2.30

2.30.1

ऋ॒तं दे॒वाय॑ कृण्व॒ते स॑वि॒त्र इन्द्रा॑याहि॒घ्ने न र॑मन्त॒ आपः॑ ।
अह॑रहर्यात्य॒क्तुर॒पां किया॒त्या प्र॑थ॒मः सर्ग॑ आसाम् ॥

为赐予者萨维塔神行使天道，为杀蛇者因陀罗，诸水欢喜。日复一日，光明前行；这些水最初的涌流将持续多久？

यो वृ॒त्राय॒ सिन॒मत्राभ॑रिष्य॒त्प्र तं जनि॑त्री वि॒दुष॑ उवाच ।
प॒थो रद॑न्ती॒रनु॒ जोष॑मस्मै दि॒वेदि॑वे॒ धुन॑यो य॒न्त्यर्थ॑म् ॥

母亲向知者说起那为弗栗多带来束缚的人：轰鸣的道路随他的步伐，日复一日，水流奔向它们的目标。

ऊ॒र्ध्वो ह्यस्था॒दध्य॒न्तरि॒क्षेऽधा॑ वृ॒त्राय॒ प्र व॒धं ज॑भार ।
मिहं॒ वसा॑न॒ उप॒ हीमदु॑द्रोत्ति॒ग्मायु॑धो अजय॒च्छत्रु॒मिन्द्रः॑ ॥

他高立于中空，随即向弗栗多掷出致命一击。身披雾气，他近身疾驰；持利器的因陀罗战胜了敌人。

बृह॑स्पते॒ तपु॒षाश्ने॑व विध्य॒ वृक॑द्वरसो॒ असु॑रस्य वी॒रान् ।
यथा॑ ज॒घन्थ॑ धृष॒ता पु॒रा चि॑दे॒वा ज॑हि॒ शत्रु॑म॒स्माक॑मिन्द्र ॥

哦，梵主，以热力如以石击打；杀死恶魔狼利者的勇士们。正如你昔日无畏地击杀，因陀罗啊，也请击杀我们的敌人。

अव॑ क्षिप दि॒वो अश्मा॑नमु॒च्चा येन॒ शत्रुं॑ मन्दसा॒नो नि॒जूर्वाः॑ ।
तो॒कस्य॑ सा॒तौ तन॑यस्य॒ भूरे॑र॒स्माँ अ॒र्धं कृ॑णुतादिन्द्र॒ गोना॑म् ॥

从天上高举并掷下石头，使敏捷的因陀罗欢喜，击倒敌人。为获得子嗣与后代，因陀罗啊，请赐予我们牛群的一份。

प्र हि क्रतुं॑ वृ॒हथो॒ यं व॑नु॒थो र॒ध्रस्य॑ स्थो॒ यज॑मानस्य चो॒दौ ।
इन्द्रा॑सोमा यु॒वम॒स्माँ अ॑विष्टम॒स्मिन्भ॒यस्थे॑ कृणुतमुलो॒कम् ॥

你们二位确实成就了你们所赢得的志愿；你们是慷慨施主的两位推动者。因陀罗与苏摩啊，请你们二位护佑我们；在这危险之地为我们开辟宽广的空间。

न मा॑ तम॒न्न श्र॑म॒न्नोत त॑न्द्र॒न्न वो॑चाम॒ मा सु॑नो॒तेति॒ सोम॑म् ।
यो मे॑ पृ॒णाद्यो दद॒द्यो नि॒बोधा॒द्यो मा॑ सु॒न्वन्त॒मुप॒ गोभि॒राय॑त् ॥

愿我们不以劳苦、疲倦或怠惰使他困乏，也不说：「压出苏摩吧。」愿那充实我、赐予我、垂听我的人，携牛群来到我这压榨苏摩者的身边。

सर॑स्वति॒ त्वम॒स्माँ अ॑विड्ढि म॒रुत्व॑ती धृष॒ती जे॑षि॒ शत्रू॑न् ।
त्यं चि॒च्छर्ध॑न्तं तविषी॒यमा॑ण॒मिन्द्रो॑ हन्ति वृष॒भं शण्डि॑कानाम् ॥

啊，萨拉斯瓦蒂，你保护我们；与风神们一同攻击，你征服敌人。因陀罗杀死那名为战斗而奋力的Śaṇḍika之公牛。

यो नः॒ सनु॑त्य उ॒त वा॑ जिघ॒त्नुर॑भि॒ख्याय॒ तं ति॑गि॒तेन॑ विध्य ।
बृह॑स्पत॒ आयु॑धैर्जेषि॒ शत्रू॑न्द्रु॒हे रीष॑न्तं॒ परि॑ धेहि राजन् ॥

凡是与我们长期为敌或前来攻击我们的人，请以利器刺穿他，使他显露。啊，布里哈斯帕蒂，以兵器征服敌人；啊，君王，将伤害我们者置于欺诈者的掌控之中。

अ॒स्माके॑भिः॒ सत्व॑भिः शूर॒ शूरै॑र्वी॒र्या॑ कृधि॒ यानि॑ ते॒ कर्त्वा॑नि ।
ज्योग॑भूव॒न्ननु॑धूपितासो ह॒त्वी तेषा॒मा भ॑रा नो॒ वसू॑नि ॥

啊，英雄，与我们的力量和勇士一同建立你的英雄功业。那些摆脱了对抗的人成了胜者；将他们击杀之后，为我们带来他们的财富。

तं वः॒ शर्धं॒ मारु॑तं सुम्न॒युर्गि॒रोप॑ ब्रुवे॒ नम॑सा॒ दैव्यं॒ जन॑म् ।
यथा॑ र॒यिं सर्व॑वीरं॒ नशा॑महै अपत्य॒साचं॒ श्रुत्यं॑ दि॒वेदि॑वे ॥

我以敬礼与颂歌，向那寻求安乐的摩录多之众，向神圣的族人致辞，愿我们与一切勇士一道，日复一日获得有子孙、有声名的财富。