リグ・ヴェーダ · スークタ 5.62

5.62.1

ऋ॒तेन॑ ऋ॒तमपि॑हितं ध्रु॒वं वां॒ सूर्य॑स्य॒ यत्र॑ विमु॒चन्त्यश्वा॑न् ।
दश॑ श॒ता स॒ह त॑स्थु॒स्तदेकं॑ दे॒वानां॒ श्रेष्ठं॒ वपु॑षामपश्यम् ॥

真理によって真理は確立された。ミトラとヴァルナよ、太陽の馬が解き放たれるところに、あなたがたの堅固な秩序がある。十と百が共に立っていた。神々の姿のうちで最も優れたその一つを私は見た。

तत्सु वां॑ मित्रावरुणा महि॒त्वमी॒र्मा त॒स्थुषी॒रह॑भिर्दुदुह्रे ।
विश्वाः॑ पिन्वथः॒ स्वस॑रस्य॒ धेना॒ अनु॑ वा॒मेकः॑ प॒विरा व॑वर्त ॥

その偉大さは、まことにあなたがたのものです、ミトラとヴァルナよ。立ち止まる川々は日々に乳を搾られる。あなたがた二人は全てを増し加える。姉妹の流れの乳の流れに従い、あなたがたのために、あの一つの雷霆がこちらへ向きを変えた。

अधा॑रयतं पृथि॒वीमु॒त द्यां मित्र॑राजाना वरुणा॒ महो॑भिः ।
व॒र्धय॑त॒मोष॑धीः॒ पिन्व॑तं॒ गा अव॑ वृ॒ष्टिं सृ॑जतं जीरदानू ॥

ミトラとヴァルナの二王よ、あなたがたは大地と天空をその偉大な力で支えている。薬草を育て、牛を豊かにし、雨を下に送れ、古き施し主たちよ。

आ वा॒मश्वा॑सः सु॒युजो॑ वहन्तु य॒तर॑श्मय॒ उप॑ यन्त्व॒र्वाक् ।
घृ॒तस्य॑ नि॒र्णिगनु॑ वर्तते वा॒मुप॒ सिन्ध॑वः प्र॒दिवि॑ क्षरन्ति ॥

よく軛につながれた馬が、手綱を取って、あなたがたのもとへ連れて来られよ。ここへ来られよ。酥油の泉があなたがたの後に続き、あなたがたのそばで、川々が輝く空を流れる。

अनु॑ श्रु॒ताम॒मतिं॒ वर्ध॑दु॒र्वीं ब॒र्हिरि॑व॒ यजु॑षा॒ रक्ष॑माणा ।
नम॑स्वन्ता धृतद॒क्षाधि॒ गर्ते॒ मित्रासा॑थे वरु॒णेळा॑स्व॒न्तः ॥

聞き届けられた祈りの後、広い敬虔が増す。祭式の句によってバルヒス（吉祥草）が守られるように。敬虔なるミトラよ、ヴァルナよ、術に堅固なあなたがたは、穴の中、イラーの内に座す。

अक्र॑विहस्ता सु॒कृते॑ पर॒स्पा यं त्रासा॑थे वरु॒णेळा॑स्व॒न्तः ।
राजा॑ना क्ष॒त्रमहृ॑णीयमाना स॒हस्र॑स्थूणं बिभृथः स॒ह द्वौ ॥

傷つかぬ手を持ち、善を行う者の助け手であるあなたがた。ヴァルナよ、あなたがた二人がイラーの内で守る者。王たちよ、あなたがた二人は、千本の柱をもつ館のように、傷つけられぬ支配を共に支える。

हिर॑ण्यनिर्णि॒गयो॑ अस्य॒ स्थूणा॒ वि भ्रा॑जते दि॒व्य॑श्वाज॑नीव ।
भ॒द्रे क्षेत्रे॒ निमि॑ता॒ तिल्वि॑ले वा स॒नेम॒ मध्वो॒ अधि॑गर्त्यस्य ॥

黄金の部屋をもつそれ、その鉄の柱は天で馬を生み出す者のように輝く。吉祥の野、ティルヴィラに立てられたそれで、我らはアディガルティの甘露を得ますように。

हिर॑ण्यरूपमु॒षसो॒ व्यु॑ष्टा॒वय॑स्थूण॒मुदि॑ता॒ सूर्य॑स्य ।
आ रो॑हथो वरुण मित्र॒ गर्त॒मत॑श्चक्षाथे॒ अदि॑तिं॒ दितिं॑ च ॥

黄金の姿のものへ、暁の開けるとき、太陽の昇るとき、汝ら二神、ヴァルナとミトラよ、鉄柱の洞窟に登る。ここから汝らはアディティとディティを見渡す。

यद्बंहि॑ष्ठं॒ नाति॒विधे॑ सुदानू॒ अच्छि॑द्रं॒ शर्म॑ भुवनस्य गोपा ।
तेन॑ नो मित्रावरुणावविष्टं॒ सिषा॑सन्तो जिगी॒वांसः॑ स्याम ॥

最も偉大で貫かれ得ぬ庇護、寛大なるミトラとヴァルナよ、世界の守護者よ、その庇護によって我らを守れ。勝利を望み、我らが勝者となりますように。